盈館

營業中

休息中

今晚同屋企人食飯，叫咗八個餸。大部分菜式都可以，個片皮鴨又話係主打，但係個餅皮又厚，又求其搵隻碟上，最攪笑係啲青瓜同韭王係切粒唔係切絲，唔明點解可以做主打。咁都算，叫咗個梅菜扣肉，等咗半個鐘都唔到咪吹囉，點知一上菜，啲扣肉細細片，sorry確啲來講係腩片，都算啦，咬落去重凍㗎，咁咪叫老闆過嚟，點知佢只係冷淡講咁咪取消咗佢，真係俾佢吹脹，你無嗰樣嘢咪係無，唔好求其煮啲嘢俾客食。我真係以後都唔會幫襯佢。

想食片皮鴨，見到佢$168就去試吓。其實以呢一個價都冇咩好投訴。一早喺OpenRice訂咗枱。最怕係有啲餐廳冇得訂枱要去到Walk in排隊。呢間有得預先訂枱就揀呢間。食片皮鴨唔需要預訂。餐廳環境係一般傳統酒樓。感覺好似去返細個嘅時候同親戚去飲茶咁。晚市冇咩人。book咗7:00嘅枱，由我入去到我食完走，餐廳都唔滿。侍應嘅服務態度好好，親切，有禮貌。因為唔多人，唔會好嘈，亦都舒服。四個人，叫咗五個餸。有炸鮮奶，片皮鴨，椒鹽鮮魷，冰鎮咕嚕肉，同埋酸菜魚。個炸鮮奶嘅味道似係韓國香蕉牛奶嘅味道。如果唔鍾意食香蕉嘅人，就唔好叫啦。片皮鴨$168 ，所以對佢嘅要求唔係好高。個皮脆脆地。鴨香唔重。反而佢嘅胡椒味幾重下。我覺得過得去啦。再唔係，我當佢係一隻無骨嘅燒鴨咁食。冰鎮咕嚕肉幾好。鍾意佢完全冇骨。椒鹽鮮魷嘅魷魚細細粒 炸得唔係太脆。但係都香口嘅。配飯一流。個酸菜魚一啲都唔辣。適合啲食唔到辣嘅人。買單大概每人$200。

同幾個靚媽食飯，搵個大家就腳嘅旺角區食小菜慢慢傾計。酸菜魚今次嘅酸菜魚湯頭鮮甜，只係有少少少辣，酸味足夠，魚肉鮮嫩又滑冇骨，最喜歡有大量酸菜同芽菜做配菜，開胃唔油，忍唔住飲多幾碗。芝心龍皇球併黃金百花球炸得香脆金黃，每粒顏色均勻，而且大大粒啖啖肉，蝦膠肉夠彈牙。芝心龍皇球亦係蝦膠肉，加入流心芝士，彈牙之餘又好creamy，好有層次。梅菜扣肉煲Lee個菜式非一般中菜嘅做法，五花腩切成薄片，最重要唔肥，肥瘦分佈平均，肉質軟腍，梅菜甜香，融合了扣肉鹹香，真係好下飯。陽江豆豉雞煲雞件肉質嫩滑而且入味，配料有酸喬頭，豆豉，紫洋蔥，香氣撲鼻。鮮沙薑煎焗走地雞沙薑不嬲同雞都係絕配，加入鮮沙薑來烹調，令雞肉更添香味香口，雞件熟嘅程度才亦控制得好好，肉質嫩滑而且濃郁香味。欖菜肉鬆四季豆

今日又約咗幾個喜歡食嘢嘅朋友聚會，其中有朋友話想食中菜，我哋就去咗地點方便嘅旺角「盈館」。酸菜海海鱸魚片魚湯很鮮美鮮甜，微微辣，魚片薄切沒有骨的，魚肉幾滑，好多芽菜及酸菜， 夠飽肚又惹味。陽江豆豉雞煲唱得好惹味，雞件好入味，肉質算滑， 多種配菜，有蕎頭、豆豉、是洋蔥等，好豐富。芝心龍皇球併黃金百花球炸得香脆可口，蝦膠有蝦味，算彈牙，芝心龍王中間加入了芝士，一咬開就會流出，熱辣辣的。欖菜肉鬆四季豆四季豆新鮮有咬口，肉碎份算多，仲有欖菜，幾惹味，送飯一流。梅菜扣肉煲梅菜非常多，鋪上扣肉面，鹹鹹甜甜幾開胃， 扣肉切成薄片，容易咬口，醬汁入味 。

難得跟朋友一起聚餐，喜歡充滿人情味的盈館位置在創興，交通很方便又就腳。酸菜魚一嚐魚湯很鮮甜，後勁帶點辣椒香，魚片切薄無骨，肉質嫩滑，大量酸菜，芽菜，非常開胃。芝心龍皇球併黃金百花球炸物一直深得大家所愛，炸至圓滾滾又金黃香脆，百花球很鮮美，蝦膠很彈牙。龍皇球亦係蝦膠，很燙口，入口仲有芝士流出，很creamy，食落去勁有層次梅菜扣肉煲扣肉片跟坊間中菜廳不同，切成薄片，醬汁更能滲入腩肉肌理，腩南鬆化，油脂分佈均勻。梅菜香甜，鋪在扣肉片上，開蓋時仲聽到滋滋聲。陽江豆豉雞煲雞件醃得入味，肉質嫩滑，有雞脾肉，亦有雞骨部份，岩曬不同人的口味，而且份量夠食，配料有酸喬頭，豆豉，紫洋蔥，食落去勁香。鮮沙薑煎焗走地雞雞件煎至半熟，然後再直接入窩焗熱，醃料主要新鮮的沙薑蓉，所以雞肉食落去更香嫩。因為製作需時，享用美食要有點耐性。欖菜肉鬆四季豆四季豆翠綠而鮮嫩，食落去無渣。欖菜份量剛好，四季豆沾滿了欖菜，肉碎，送飯一流。

係旺角行完街，約左爸爸食餐飯，老人家鍾意食粵菜，所以揀咗間位置方便嘅酒樓，等佢唔洗搵得咁辛苦。酒樓唔算好大間，但坐滿人，都等咗一小陣先有枱可以入座。店員都好好人，主動介紹唔同嘅菜式比我地。今次我地叫咗四個小菜同一籠呢度好出名嘅黑金流沙包𝐎𝐫𝐝𝐞𝐫 ::⧐北京片皮鴨 | $168⧐櫻花蝦高麗炒銀絲 | $108⧐私房蜜椒豬肋骨 | $148⧐流心脆蝦球 | $168⧐黑金流沙包(3個) | $32⧐朝日啤酒 | $38北京片皮鴨我好耐無食過，同時我都想食好耐，職員會係你面前即片比你睇，刀功好好，好快片好，包好配合醬料同配料，口感一流。櫻花蝦高麗炒銀絲炒得好有鑊氣，味道唔錯蜜椒豬肋骨係一個幾有驚喜嘅菜式，蜜糖同黑椒形成咗一層脆脆包住咗豬肋骨，味道極佳，同埋好特別咁配上咗煉奶炸饅頭做伴碟，超好食流心脆蝦球賣相相當唔錯，蝦球中間包住滿滿嘅芝士，再配上酸辣醬，幾開胃黑金流沙包係呢度嘅主打點心，外皮鬆軟，如果奶黃可以再多一啲就完美喇員工都好細心，知我地叫咗啤酒，拎咗幾隻冰杯比我哋，非常貼心酒樓整體比我感覺都幾好，食物味道都唔錯，下次會再同屋企人黎食！—📝評分味道 ⁴ / ⁵環境 ⁴ / ⁵服務 ⁵

—————————————上網搵下旺角有咩嘢好食，就見到有間特色中菜小館-盈館，上網都睇到啲菜式都幾特別，所以今次專程放工同朋友去咗食晚市。𝐎𝐫𝐝𝐞𝐫:⧐北京片皮鴨|$168⧐芝心脆蝦球|$168⧐私房蜜椒豬肋骨|$148⧐黑金流沙奶黃包|$32⧐櫻花蝦高麗炒銀絲|$108⧐朝日啤酒|$38私房密椒豬肋骨係首推，係出面未食過依一味餸，甜而且又脆卜卜，有一種麥芽糖嘅感覺，仲配煉奶曼頭伴碟，可以話一味兩食，好正😋。北京片皮鴨，同出面酒樓比起黎係比較平，幾抵食。片皮鴨最緊要皮薄皮脆，當然依到都做到，加埋粉皮包埋青瓜同蔥食，味道好夾。芝心脆蝦球炸到好鬆脆，即炸上碟即食，咬落索索聲👍🏻。櫻花蝦高麗炒銀絲，食菜嘅時候可以食到蝦肉感覺都唔錯。啤酒上埋嘅時侯仲有冰酒杯，好貼心😍。—————————————📝評分味道 ⁵ / ⁵環境 ⁴/ ⁵服務⁵ / ⁵衛生 ⁴/ ⁵抵食 ⁴/ ⁵—————————————📍盈館旺角彌敦道593-601號創興廣場7樓

🚶🏻位置：都幾方便易揾，入到lobby搭左手邊嘅𨋢上就得。環境：因剛開晚市，仲係比較少人，所以可能淨係開咗幾圍檯，位置唔算話特別多，不過而家應該開返多啲位～食物：🟠冰鎮咕嚕肉 $128招牌菜，一上嚟就好有架勢！係一個大碟裝住上的。咕嚕肉有十幾舊，下面用冰鎮住，所以食落口係出面冰凍、脆，內裡就係熱、軟熟，超正。評分： 🌕🌕🌕🌕🌖回頭率：🌕🌕🌕🌕🌕🟠北京片皮鴨 $168一樣超有架勢！😆😆上菜已經幾碟幾碟咁嚟，但伴隨住個師傅喺隔離示範即場切片皮鴨。食落口感非常豐富，一如既往，可以自行選擇要咩材料。皮薄，食落就係滿滿嘅片皮鴨，超級中意！評分： 🌕🌕🌕🌕🌖回頭率：🌕🌕🌕🌕🌕🌕🌕🌕🟠私房蜜椒豬肋骨 $148呢個係侍應推薦嘅，食落都幾唔錯！豬肋骨出面有蜜汁包住，仲有炸饅頭喺側面圍住。豬肋骨食落甜味重過椒味，超好食🤩🤩🤩盈館嘅蜜汁並唔係薄薄一層、好似溝咗水咁嘅蜜糖汁，而係好濃郁嘅蜜糖味😍愛食甜食之人必試！評分： 🌕🌕🌕🌕🌖回頭率：🌕🌕🌕🌕🌖🟣大良炸鮮奶 $98鮮奶味唔係話特別重，但勝在炸皮夠薄！評分： 🌕🌕🌕🌕🌑回頭率：🌕🌕🌕🌕🌑🟣黑金流沙包 $32係我每次去酒樓都一定一定要嗌嘅嘢食😍本身聽到侍應講晚

🍍冰鎮菠蘿咕嚕肉呢味餸好大碟，有好多冰蓋住啲咕嚕肉，食落同普通菠蘿咕嚕肉無咩分別，不過凍啲啲。🦞上湯焗龍蝦伊麵呢個伊麵不過不失，啲龍蝦好多肉。🍄黑木耳降血壓及血脂的健康之選，食落是酸酸的，爽口的，味道好開胃。這間店人流不多，服務員態度和藹，價錢合理，可以再幫襯。

幾個朋友都鍾意食中菜，我立刻諗到盈館，位於旺角創興廣場，交通方便，大家約食飯聚會都方便。每次都必食片皮鴨，職員現場將鴨切成片塊，另配上青瓜條、蔥和甜醬，見到熱騰騰蒸籠裏面嘅皮配上脆皮鴨，真係好食，以$168.00價錢算係超值。聽店員講，一晚可以賣超過100隻片皮鴨嫁。 另外點了梅菜扣肉，份量都不少，梅菜不會太鹹，帶點甜味，扣肉都不會太油膩，送飯一流小菜，越食會越想食，朋友推介黑金流沙包，話之前黎飯下午茶有試過，好好吃😋原來晚市都可以叫來吃。黑芝麻皮配上鹹蛋黃粒，超級香味，一口咬落去立刻大爆發，真正做到流心效果，絕對值得一試。最後仲有點了傳統中式桂花糕，不太甜有桂花香味，甜品係女士嘅欣物，食幾多都唔怕

一向講起創興都只係諗起打邊爐，放題，雞煲。估唔到仲有間不錯既酒家- 盈館今日帶住兩位小公主👸🏻，都係坐係酒家舒服啲。一坐低，叫左野食先，丫妹中意食片皮鴨，家姐中意食乳鴿#片皮鴨好抵$168一隻，熱辣辣出爐嘅鬆軟包皮，再加上超級超級香脆又充滿油香嘅鴨皮鴨肉，加埋醬汁，青瓜條、京蔥條等配料，真係冇得輸。二個女女食得多過媽咪。#乳鴿火侯控制得剛剛好，外脆內嫩好Juicy! 個人覺得乳鴿味道偏淡，可能因為食左片皮鴨，個口味一時三刻未轉到返嚟。#黑金流沙包👍🏻👍🏻👍🏻推介指數爆晒燈💡💡💡一咬落去，啲流沙黃 咇晒出嚟，記得趁熱食，涷左冇甘好食😋

好不容易等到晚市堂食放寬，可以坐低慢慢食，記得朋友介紹過呢間中菜，話有時間一定要試吓！喺旺角交通超方便，上到去地方都幾舒適，間隔唔會太迫，都幾多食客開動緊！“私房蜜椒豬肋骨”有蜜糖嘅甜味加上黑椒嘅微辣，真係好特別，而且豬肋骨肉質唔硬，夠淋夠入味，仲有幾件饅頭，點煉奶食更食唔停口！“客家酸菜海鱸魚片”最喜歡食酸菜魚，通常去食店見到有都會點，呢度做得唔錯，魚片好滑，大小適中，配有芽菜芫荽豆卜，幾乎成個清哂！“香芒脆蝦球”蝦球爽，炸得剛好，配上芒果肉，用片生菜包住食，超級好味，推介必試！“鹹魚茸肉碎茄子煲”最好送飯嘅一道餸，連一個唔食茄子嘅太座都食，可想而知味道唔差，有D地方整得過鹹，呢度味道剛好，本來諗住唔食飯嘅我都為咗佢食咗碗，哈哈！因為實在好味，下次都會再去試吓其他菜式！

終於放寬啦😍可以四人一台食晚飯，梗係要約下朋友出去食餐飯啦咁耐冇見梗係搵個落腳點，大家都方便嘅地方，旺角就一定就到大家，呢間其實想試好耐㗎喇，有朋友食過都話好食 今次我哋就叫咗⭐️私房蜜椒豬肋骨豬肋骨夠晒淋🥰入晒味，最得意係佢有饅頭伴碟，饅頭都鬆軟，點埋煉奶絕配⭐️客家酸菜海鱸魚片呢個值得推介鱸魚片超級滑，仲要冇骨又唔會辣到嗆喉，鍾意食酸菜魚嘅朋友真係要試吓⭐️香芒翠蝦球可以形容外脆內軟，外邊炸到脆卜卜👍🏻裏邊蝦肉彈牙夠大隻⭐️鹹魚蓉肉碎茄子煲熱辣辣，鹹魚蓉味道燶，呢個用嚟撈飯簡直一流再飲番杯啤酒，慢慢傾慢慢坐真係好開心

🐳在彌敦道中央的創興廣場有很多不同的餐廳和菜館，今晚和親戚來盈館試一試，因為親戚喜歡吃中菜。😉🐳是日燉湯～萬壽果五指毛桃燉赤肉💰228原本沒有打算叫燉湯的，但我們聞到隔離枱的燉湯非常非常香，好像很好喝，所以最後決定叫😅 湯水真的真材實料，每人有兩大碗，暖在心頭。🐳香芒脆蝦球💰148賣相很吸引，外表脆醬很薄，有點像炸雲吞，但蝦肉又大又爽，加上芒果沙律醬汁和新鮮芒果，味道非常夾👍🐳錦江海皇豆腐煲💰98有不同的海鮮在裡面，有帶子，吊片，鮮蝦，另外豆腐又大又滑，是個老少咸宜的餸菜。🐳豚肉啫啫芥蘭煲💰128不知道是豚肉的哪部分，十分軟身，容易入口，又入味。芥蘭也十分嫩口，完全沒有筋。🐳冰鎮咕嚕肉💰128很大的一盤冰😂 第一次吃冰鎮咕嚕肉，十分特別。所有咕嚕肉都藏在冰裡面，真的是冰鎮🤓 口感也非常特別，外皮更脆，脆到能聽得到聲音，值得一試！🔍 旺角彌敦道593-601號創興廣場7樓

今晚就過嚟食下晚飯先，晚飯不可少的就係湯，呢個湯嗅到有椰子味，但就唔係椰子湯，係五指毛桃、萬壽果(木瓜)燉赤肉(瘦肉)呢款湯有咩好？五指毛桃:補氣、強肺脾、去濕，煲出來的五指毛桃會有一陣像椰子的香氣。木瓜:養肝護心又防癌。呢個湯又有益又好飲。1)香芒脆蝦球，原本炸嘢係好油膩，但佢就放上一片生菜，然後放入炸蝦球，再加上芒果汁表面還有芒果肉，令你食到菜嘅爽、蝦嘅脆、芒果嘅甜，好味。2)冰鎮咕嚕肉，真係好多冰🤣係有原因嘅，佢令到咕嚕肉嘅外面咬落係脆脆的，肉質又好爽口，酸酸甜甜嘅，好開胃嘅餸。3)錦江海皇豆腐煲，熱辣辣送上枱，見到海鮮有魷魚、帶子、蝦、加埋東菇同豆腐(都有啲辣)呢個豆腐煲好正。4)豚肉啫啫芥蘭煲，呢個煲爆香蝦醬加入豚肉，變咗好野味，芥蘭又唔老，所以全部都食晒。