盈館

營業中

休息中

【懷舊點心 新式做法】📍盈館旺角彌敦道593-601號創興廣場7樓🌃環境位於旺角最繁華嘅街上，鬧中取靜，雖然正值飯點，但係由於餐廳比起其他酒樓嚟講唔大，所以唔係好嘈，食客三兩成羣咁聚埋一齊傾偈，係另一種嘅chill法。見到其他枱上都有一個睇落係銅做嘅茶壺，有啲復古嘅感覺，幾有feel嘅，但係可惜我哋台就無，睇嚟數量有限，希望下次嚟嘅時候會遇到啦！🥘食物❤️冰鎮咕嚕肉一上臺嘅時候，係畀佢驚喜到嘅，我哋expect嘅冰鎮咕嚕肉可能係碟周圍有啲冰，但係呢個係咕嚕肉撈埋啲冰一齊，幾有創意。我哋初頭以為會隨住啲冰溶化而令醬汁淡咗，但係去到最後都係保持到酸酸甜甜嘅味道，甚至唔會好似平時食嘅咕嚕肉咁，外面係淋嘅，而係成舊都好似鍋包肉咁脆，肉質又緊緻，我諗都係多得冰嘅功勞。而且有個好有趣嘅位係，一開始啲肉仲係熱熱地嘅，但係食食下啲肉越嚟越冰，而個肉越嚟越脆，呢種口感上係十分特別嘅，並且個口感係成餐飯會keep住有變化，好奇妙，可惜我哋未等到成嚿肉都變冰之後先食，因為實在太好食，必食啊！評分：👍🏻👍🏻👍🏻👍🏻👍🏻❤️私房蜜椒豬肋骨會話呢碟亦係必食之一，蜜糖加黑椒呢個搭配係十分出彩嘅。因為佢黑椒係落得好重手嘅

開咗晚市之後好耐都未去過酒樓食晚餐，今日同屋企人過嚟嘆小菜🥰🥰冰鎮咕嚕肉❤️咕嚕肉完成後再用大量嘅冰冰封，香脆口感更多突出😍😍外冷內熱嘅感覺令人不禁密密食🤤🤤啫啫豚肉芥蘭煲❤️豚肉非常嫩滑， 芥蘭鮮甜，啫啫濃郁， 啖啖鹹鮮嘅香味🥰蝦仁帶子炒鮮奶❤️鮮奶火候啱啱好，好滑身，加埋蝦仁同帶子，整體提鮮度滿分！ 香芒脆蝦球❤️酒樓嘅招牌菜，芒果夠甜， 蝦球蝦肉一啲都唔吝嗇，淡淡都係陣牙嘅蝦肉，仲有生菜底，好fresh!!! 極度推薦👍🏻蜜椒豬肋骨❤️第二道超級推薦嘅菜式，蜜汁帶有黑椒香及蜜糖，非常惹味！ 豬肋骨啖啖肉，每一口都有濃烈嘅醬汁，仲有炸饅頭配搭😍外觀夠晒靚又好味 ！

透過OpenRice book位 唔需要等 Walkin見都唔使點等落完單之後 唔知係唔係即整 每樣嘢都逐碟逐碟到 鮑魚燒賣 肉質都算結實 蒸排骨 呢個又幾好食 好入味 大部份都係肉唔會好多骨陳皮牛肉腸 陳皮味幾突出 好多茶樓都其實唔係好食得出陳皮味流沙包 裏面流心唔算好多 燒 乳鴿 都算大隻 可以再入味啲整體而言唔算話太大驚喜 點心中上水平 但係略嫌等嘅時間太耐 食完一碟都起碼等5分鐘先有另一樣野 另外唔知係唔係疫情關係 人手唔係好夠 唔係好搵到人fill水咁樣

同同事約咗喺旺角盈館食飯，酒樓環境同傳統酒樓冇分別，地方唔算太大，不過好彩都算新淨。冰鎮咕嚕肉：第一次食感覺好新鮮，將煮熟咗嘅咕嚕肉放在冰塊內。每嚿肉都冇骨之外。咕嚕肉外脆內軟，外凍內熱，冰爽彈牙，正。酸菜海鱸魚片：配料有芽菜及豆卜，魚肉分量好多同好滑，湯底胡椒味較重，酸辣適中，飲用後全身很溫暖。香芒脆蝦球：芒果汁香甜，似使用真芒果做醬汁，蝦球炸得香脆，值得一試。片皮鴨：鴨皮不夠香脆，而且阿姐切得太厚，所連著厚厚的鴨肉，至於薄餅皮上桌嗰時已經係得微暖同埋真係好厚皮， 配料青瓜同蔥就好似整完後放左好耐， 乾晒。 所以各位真係唔好嗌片皮鴨食。

由於聽晚禁晚市堂食，所以今晚來一次聚會先鳳爪，很入味冰鎮咕嚕肉，第一次見，表面酸汁，有咬口，全部都沒有骨，冰冰的，咬落去好乾爽，同平時食開的味道真係唔同d，值得一試香芒脆蝦球，脆炸蝦球＋香芒汁，咬落去都是很爽脆的，有芒果汁香味，蝦都很彈牙，不會沒有蝦味小炒王，同平時差不多，幾咸，送飯唔錯片皮鴨，切皮那個人刀法一般，又大又細，而且粉皮、蔥、青瓜都唔夠用，好彩味道都ok酸菜魚，同平時食開的味道有分別，因為用了胡椒辣來取代辣椒，所以唔食得辣既人都可以試，魚片夠嫩滑

今次同朋友去左創興廣場盈館飲茶🍵環境乾淨光猛 晚市主要做小菜一坐底 就見到特色嘅黃銅水壺 用黎保溫 認真一流 黃金鮮鮑魚雞煲 ($168) 4隻鮑魚就係面 一眼就望到 吾駛周圍搵😚😚仲有超級多芫茜係面 鍾意食嘅朋友有福喇 配上濃郁惹味嘅醬汁同雞件 好好味👍👍大良脆鮮奶 ($98)總共有8件 炸皮酥脆 內裡係蜜瓜口味嘅鮮奶 口感外脆內軟 味道適中 唔會太甜 食落無負擔感😇😇另外仲有第2種食法 撲上伴碟既砂糖後 帶點好得意嘅沙沙口感 🤭🤭黑金流沙包 ($32)近年好興流沙包 黑金流沙包又吸睛又有人氣 一咬開 流沙就流晒出黎 聞落好香 食落有粒粒鹹蛋黃 啖啖滋味 食到舔舔脷😋雖然係舊式茶樓 職員阿姨親切友善 好好傾 依然保留住人情味🥰🥰

晚市Walk in 係門口既排排櫈等左一陣就入得👍👍座位寬敞 坐得好舒服😌黃金鮮鮑魚雞煲 ($168 + 1)一上菜就好sharp醒咁見到幾隻鮑魚🤤🤤食落非常鮮美👍冇特別叫飯食 但食落唔會覺得太重味道 易入口🤗🤗雞件都好入味 個醬汁好好食 食到停唔到手🥰大良脆鮮奶 ($98 + 1)份量十足 炸皮酥脆 入面嘅鮮奶混有密瓜嘅味道 有小驚喜🥳黑金流沙包 3隻 ($32 + 1)外表望落金光閃閃 打卡必備 咬開包皮 奶黃汁慢慢流出黎 又唔會太甜 食落又有粒粒鹹蛋黃 非常有口感👍☁️茶錢$13/位 呢度係用銅製水壺裝水既 非常特別😳😳同朋友傾下計 飲下茶 個幾鐘 啲水都仲係熱熱地既 唔洗捱凍水👏👏

we had peking duck and seafood set (fish, vegetables with salted and thousand year old egg, lobster noodles). peking duck was alright, enough for 12 or so pancakes. not sure what the rest of duck was used for. fish was steamed well and tasty with reasonable size. spinich blanched in stock with egg was good and flavoursome. lobster was smallish though sweet ... no cracking utensils or wet towels provided ... it seemed like we had to ask for everything so it service seemed a bit understaffed.

身邊總有一個朋友喜歡吃水煮魚酸辣魚等等日常吃貨人生客家酸菜海鱸魚片 $128配菜有芽菜酸菜豆卜黑木耳等～這個是沒有辣味的黑椒牛仔骨煲 $138熱辣辣 都幾濃味～配上洋蔥紅椒同青椒白飯 $13白飯配最便宜的選擇 比起炒飯千層薑汁糕 $28即叫即蒸 等候需時～少少淡味的薑汁晚茶 $13/位加一服務費盈館 旺角彌敦道593-601號創興廣場7樓#打卡#cafe#生活#小記錄#隨心一拍#相機先食#美食 #隱世cafe #hkcoffeeshop #hkbar #西式餐廳 #foodiehk #hkig #hkgirl #食好西 #西餐 #餐廳 #香港美食 #香港好去處 #甜品控 #拍拖👫#打卡#黃店#香港#景點#打卡熱點#jessicafoodhunt#jessicafoodie

今日是寧靜的聚餐原來不知不覺已經2年多了看著大家都有好大的進步而在下卻停留在最初..本日因有2人身體不適由12人的聚會減至10人但位置不變我們還在一間有4枱的大房間裡只是這裡的VIP房跟自己想像中有小許不一樣畢竟這裡只是茶樓在下不能要求太多而且這次主力是大家的聚會和靜音交流茶樓一如以往的街坊式招呼沒人理會在下只能在茶樓裡到處亂走問問路而因為一年多沒見的大家都不太認得出大家發生了誤以為進錯房間的尷尬閒聊之際在半小時後我們終於齊人也在這等待的時間中我們先點了些食物以下甫魚干蒸燒賣豉汁蒸鳳爪黑金流沙包💛香芋雞春卷薑汁炒雜菜八味豆腐粒XO醬蘿蔔糕💛玉蘭臘味粒炒飯家鄉水晶炒米粉椰汁黃金糕欖仁馬拉糕春風得意腸💛紫米麻沙糍💛杞子桂花糕蠔皇金錢土蒜香蒸排骨蠔皇鮮竹卷在下最近對流心包有著特別的喜好或許是因為那流心的感覺熱熱的 也許是因為包皂神秘黑金色把在下吸引著可能是因為口感和味道反正就是集合了天時地利人和之下在下最近喜歡吃茶樓的流心包然後就是粒粒蘿蔔糕本來也滿喜歡的這裡的做成一口一口的大小很方便吃 可以一啖過地狼吞看起來也不會失禮(≧ω≦)春風得意腸這東西開始讓在下注意到記得上一次飲茶也有點上？因為它

係商業大廈既餐廳原以為會偏暗，但係上到去見到間酒樓既裝潢好亮麗，有氣派，樓面相當乾淨企理，俾人感覺相當豪華，坐得十分舒服。服務人員態度十分良好，好有禮貌同貼心，見到我朋友件衫貼到地上會作出提醒，以免弄污。上菜速度快，還會即時清走枱上口完的碗碟。臨走時會提醒我們攞齊隨身物品。今日叫咗冰鎮咕嚕肉同酸菜海鱸魚片。冰鎮咕嚕肉十分新穎，在煮嘅咕嚕肉上面放上冰塊作冰鎮，你會食到外冷內熱嘅溫度，放得越耐溫度嘅相差就越大，十分特別 而且要撥開冰塊先夾到咕嚕肉，有寶物沉歸底嘅感覺，玩意味十足。由於冰鎮嘅關係，甜酸汁停滯喺肉塊上面，甜酸味佈滿成嚿肉，而且咕嚕肉煮得外脆內軟，味道唔錯。酸菜魚微酸帶辣，放咗好多芽菜、芫茜同魚片，仲有啲豆卜。魚片夠滑，乾淨冇魚鱗。個人好鍾意食芫茜嗰種香味。豆卜索曬啲酸菜湯，好入味。但係如果唔食得辣嘅朋友可能要走辣。

臨近冬至一班姊妹聚餐，當然揀中菜啦！呢間餐廳喺旺角，7pm上到去幾乎全場滿座，剩返最後一張枱，當然唔使諗就坐低左。好彩佢哋除咗冬至餐之外，仲可以單點菜式👏🏻👏🏻整體來講食物質素唔錯，每個價錢一般係$150左右，環境都算乾淨唔迫。今次推介佢哋冰鎮咕嚕肉，口感好特別，因為用冰底上，所以食落咕嚕肉有兩個口感，一邊熱一邊凍，啱晒心急人士。另一樣推介係魚香茄子煲佢哋係用煲直接上的熱辣辣，唔會太濃味，大人小朋友都食到。

同屋企人嚟食晚餐，老一輩人都鍾意食中餐，所以選擇左盈館。成場都已經爆滿左，可能因為冬至嘅關係，相對來講餐牌都係一啲冬至嘅套餐同埋小菜，點心已經唔再提供。由於今晚唔係全家總動員出席，所以套餐都唔係太合適，兩個人就點咗兩個小菜，兩個都令我有驚喜！冰鎮咕嚕肉~呢個菜式絕對係呢度嘅特色菜，出面食嘅咕嚕肉都係熱食嘅！反而呢度用咗冰鎮嘅創新方法，竟然出奇地咁好食！酸甜口味，口感冰冰涼涼，非常特別！黑椒牛仔骨煲~牛仔骨份量算係好多，都幾有口感，而且黑椒味濃郁，當中洋蔥絲亦都有沾上黑椒汁，非常惹味。其實好想品嘗吓佢嘅點心，唯有下一次啦😊

應該係一間比較港式嘅茶樓，之前食過午市覺得佢哋啲點心比較精緻，今次同朋友去咗聚一聚又有夜晚呢一間就最適合因為佢可以坐得好耐。佢呢度出名係酸菜魚，梗係要叫返個啦。佢啲魚好滑，而且份量好多。佢個底仲有好多嘅粉條，加埋唔會話太酸嘅湯同埋有少少辣，夾埋食就啱啱好另外就叫咗個雞煲。呢個雞煲有少少偏鹹，不過呢佢個味道就特別之鄉，唔會話太麻辣而又有可以食到雞嘅味道最後仲叫咗個蜜汁豬立骰。呢個豬肋骨佢哋有用到蜜汁喺上面燒一燒，所以會甜甜地，佢仲配搭咗幾個小饅頭，一齊食好好味

同佢朋友仔出去食飯大家想方便傾偈亦都想食酸菜魚今次就決定去盈館試一試最鍾意食酸菜魚嘅我哋 必叫嘅一定係呢度嘅酸菜魚魚好滑 分量多至於個湯唔會話太酸 有小小嘅辣 啱啱好入面亦都有唔同嘅配料 包括芽菜酸菜同豆卜如果可以加埋我最愛嘅薯粉就好啦不過我哋都叫咗個白飯 用嚟撈酸菜魚嘅汁一流另外叫咗個蜜汁豬肋骨 平時食豬好怕會好難咬不過呢一個豬助骨食落反而好soft 加上蜜汁係燒一燒過令到肉更加好味好鍾意隔離嘅幾隻小饅頭 配埋肉一齊食好好味三個女仔 叫三個餸岩岩好呢個雞煲似平時食開嘅啫啫雞煲咁唔係着重食麻辣嘅味道 而係用濃既汁帶出雞既香味份量好大份 亦都有好多雞喺入邊再加埋有唔同嘅三色椒亦都係好好食之選要食酸菜魚同雞煲唔一定要去任食嘅三個人靜靜地食中茶都係其中一個好選擇