盈館

營業中

休息中

京式片皮鴨 $168傳統咁會有一籠蒸皮、青瓜、蔥絲、醬汁。上菜時，呀姐會拎原隻燒鴨過黎，即場切片。蒸皮上菜時仲熱辣辣，岩岩蒸好。鴨燒得唔錯，個皮好脆，多肉。豆陽豆豉雞煲 $98雞件夠滑，唔會好多碎骨。味道唔錯，撈飯食一流。南瓜🎃雜菜煲 $98雜菜煲顧名思義，有唔同款式既菜。有菜心、西蘭花🥦、白菜仔、生菜，再搭配粉絲同南瓜，清淡養身之選。呢到有一點要讚係佢所有菜式，上菜時仍保留到熱辣辣既感覺，而且煲仔款個d熱度都保持到幾耐，起碼我地食左一段時間，都仲熱。

屋企人話想食 #中菜所以我就揀咗喺 #旺角 #創興廣場 嘅 #盈館�今晚客人都幾多但係職員都招呼得好周到仲推介我哋試吓佢哋嘅 #養生燉湯燉湯十分足料所以未到都好濃好甜有原隻雞 、 豬肉、螺片、金華火腿 、猴頭菇 、龍眼肉等等飲完湯仲可以食埋佢嘅湯渣雖然附有豉油但我覺得唔需要再點啦見每一台都會嗌 #片皮鴨我哋都叫返隻啦以$168嘅價錢嚟講佢份量咁多都算好抵最後就係本店名物：#冰鎮咕嚕肉嚟到嘅時候都話咗一聲好大隻碟好多冰同埋好多咕嚕肉皮薄餡靚炸得好酥脆上面仲有三色椒碎裝飾一齊加埋食都幾香口盈館 (旺角)旺角彌敦道593-601號創興廣場7樓

旺角創興廣場係淘小姐讀緊大學時候晚晚必去食宵夜嘅地方呢幢大廈入面嘅餐廳種類包羅萬有放題、火鍋、西式、日式、泰菜乜嘢都有今日重臨創興廣場有一種好熟悉嘅感覺天氣咁熱你可能會覺得食中菜唔係好消暑但係呢度嘅冰鎮咕嚕肉就一定啱你口味啦冰鎮咕嚕肉 $128勁大個碟勁多冰急速降溫就令到剛炸好嘅咕嚕肉外皮更加酥脆可口佢嘅味道酸甜適中令人想一口接一口現在坐個位都會叫京式片皮鴨就知道係好抵呀京式片皮鴨 $168燒好嘅鴨會原隻推去客人面前係客人面前片皮連皮帶肉份量超多好抵食養生燉湯 $228原味無添加有原隻雞 、螺片、金華火腿 、猴頭菇 、 豬肉、龍眼肉等等十分足料味道鮮甜仲有好多隻淘小姐最鍾意食嘅雞腳補充大量骨膠原！正呀！

上星期六夜晚慶祝朋友生日，朋友唔想打邊爐或放，於是走去旺角創興呢間酒樓食飯。三個人嗌咗6個餸食。先嚟個蕃茄肉碎浸莧菜，大部分酒樓都係蒜頭金蛋浸莧菜，配番茄我都係第一次食，味道不錯。跟住整半隻炸子雞食，雖然細隻咗啲，但食得過😋之後整個支竹火腩煲，都係味道唔差，但若然有豆腐落去，咁就會更加好食。西蘭花炒帶子蚌，個師傅炒得幾好食，推介！之後嗌咗半隻乳豬，$338，六個餸最貴嘅一個餸，個人認為一般。。。。。。最後整個盞鬼陳皮咕嚕肉，咕嚕肉冇骨，大人細路都啱食，加上有啲油炸鬼喺度，食落去仲更加脆口。整體嚟計，唔好期望個賣相好，但味道唔差幾好食。最大遺憾係食唔到片皮鴨，希望下次再嚟有得食。價錢尚算接受到，係嗰半隻乳豬貴咗啲，唔抵食

呢日同幾個朋友夜媽媽想飲茶 於是就喺旺角呢到搵下😆竟然咁都俾我地搵到呢間酒樓😏呢到位置都幾方便 就喺創興廣場上面入到去嘅地方都幾大我地嗌左幾個菜式share一齊食•香芒脆蝦球🍤•-呢款蝦球上面加咗清新嘅芒果 食落脆口得嚟仲可以減低個油膩感 簡直係雙重享受！連埋個菜食仲清新！•冰鎮咕嚕肉🧊•-呢款咕嚕肉用冰鎮住 可以令到外皮保持脆口 同時間咬落又熱辣辣 有冰火交融嘅感覺！•片皮鴨🐦•-呢度嘅片皮鴨童叟無欺 師傅唔孤寒地將大部份嘅皮同肉都比晒我哋😆對於大食嘅我哋見到相當開心😂而配料都準備得相當充足 外皮又唔會太厚👍🏻•黑毛豬炒花生芽🐽•-呢款睇嚟係呢度酒樓嘅特色菜 係餐牌唔係成日見到 對於第一次食嘅我哋來講相當新奇 花生牙嘅口感好爽口 而黑毛豬雞肉質都幾鮮嫩！•慢煮比目魚🐟•-經理介紹呢個菜俾我哋嘅時候都有啲驚喜 竟然有個咁西式嘅做法！點知一試就深深愛上😍 平時比目魚因為比較多油好難煎得靚 但師傅用咗慢煮嘅方法 再煎香少少個表皮 令到肉質保持鮮嫩 同時又有少少脆口嘅感覺！👍🏻.下次夜晚想食酒樓菜都可以嚟呢度😆

今日約咗班中學同學聚舊，我哋就去咗酒樓，嗌幾個小炒，再一齊傾吓偈。北京片皮鴨 $168好耐冇食片皮鴨啦，見到酒樓做緊優惠，$168一隻鴨都幾抵食。姐姐會喺我哋面前即場切鴨，非常精彩，一路切一足各見到鴨肉好juicy。每片鴨皮都好脆，而且帶少少肉。鴨肉油香滿滿，包埋塊皮、青瓜、大蔥，落口感豐富。私房密椒豬肋骨 $148豬肋骨一上台就好香，有六大舊，除咗有豬肋骨仲有炸饅頭！豬肋骨肉質鬆化，面頭佈滿蜜糖，好滋味。炸饅頭炸得好香脆，點埋煉奶，簡直一流，好食過中學小賣部！黃金鮮鮑魚雞煲 $168雞煲用咗個陶瓷煲裝住，所以一揭開雞煲仲熱辣辣。雞煲啲醬汁非常惹味，仲加入咗大量洋蔥、紅椒同青椒，色香味俱全。鮑魚大大隻，非常新鮮，煮得啱啱好，彈牙唔韌。另外雞件份量多，肉質嫩滑。

盈館係創興廣場7樓主打食中菜 價錢唔貴餐牌好多組合優惠 任君選擇🔸北京片皮鴨呢個幾抵食喎 隻鴨都幾大隻酒樓姐姐刀工都唔錯 切到好多片出嚟片皮鴨外皮好脆 包埋甜醬 青瓜 京蔥食 入口爽脆🔸豆豉雞煲雞煲份量都幾多 好多件雞件肉質嫩滑 又夠惹味洋蔥同青椒都炒到好香口 唔錯個煲仲超保暖 食到尾聲都仲熱㗎🔸南瓜雜菜煲食完兩碟燶味小菜 叫返個雜菜煲食入面有多款蔬菜 仲有粉絲加左南瓜令到湯頭帶點甜度 最後埋單都係每人百幾蚊食到好飽呢 CP值高！

難得今日有啲時間，所以就去咗同屋企人飲茶😀因為係晚市，所以就冇食到點心嗰啲，叫咗一個片皮鴨同埋飽魚雞煲。鮑魚雞煲食落好有驚喜，因為真係有四隻幾大隻嘅鮑魚，好似都幾新鮮，而家煲嘅份量同埋味道都唔錯，我哋每人都叫咗一碗飯😊另外就係片皮鴨啦，佢會即場有一個員工拎住隻牙出嚟即場切，同埋隻眼仲有嗰啲博片都係熱辣辣嘅，食落啱啱好😚佢茶界係$13 ，我哋今次就飲咗香片，飲落味道都唔錯下次可以試吓其他茶同埋佢嘅流沙包，不過今次因為都有啲飽所以就冇再試下😙

黎到創興唔一定要食雞煲同火鍋既創興7樓有間酒樓岩晒同屋企人一齊食晚飯可以點小菜又得，點隻片皮鴨食又得總有一款岩大家片皮鴨黎到又點可以唔叫佢既名物見到台台都有點一隻咁濟姐姐會起你台邊即片隻鴨見到隻鴨好大隻呀一D都唔會將貨就價片出黎都好大碟會配埋京蔥同青瓜用餅片包住食，青瓜清爽京蔥帶有少少辛辣鴨皮烤得香脆油脂感足所有一啖過，口感真係好豐富陽江豆豉雞煲雞煲岩岩整好上台熱辣辣好香豆豉味，滿滿既醬汁包裹雞肉雞肉皮爽肉滑，好入味呢個煲拎黎送飯真係一流👍🏻南瓜什菜煲一餐飯點可以少得蔬菜什菜有菜心、南瓜、茶樹菇、白菜同冬菇好豐富呢個煲仲落左蝦米做湯底好鮮味，仲有粉絲吸收晒湯底味😋

平時我同朋友都喺創興中心做gym，創興中心入面有好多餐廳，其中中菜代表有盈館。今日我同幾位朋友做完gym決定落去盈館食個晚飯。盈館係一間傳統酒樓，裝潢同我想像中差唔多。大圓枱、地氈同魚缸係傳統酒樓必備元素🤩- 北京片皮鴨配料有蔥白絲、青瓜、甜醬。師傅切出嚟嘅片皮鴨既肉幾厚，而且切得唔係太工整。雖然刀工麻麻，不過份量好多，而且只係$168，所以其實好抵食👍🏻- 冰鎮咕嚕肉咕嚕肉被一堆冰塊包住，食落外皮冰凍同少少脆口，入面肉質鬆軟，不過略嫌太過濕潤，無咗外冷內熱嘅口感🤔- 香芒脆蝦球職員建議連埋生菜一齊食，但我地以為只係裝飾所以無食到🤣。蝦球酥脆，配上少少芒果肉同沙律醬，味道甜而不膩。- 甜麵醬黑豚肉炒花生芽我認為最有驚喜既一道菜式，估唔到花生芽如此甘脆爽嫩，口感同一般芽菜截然不同。黑豚肉炒得香口，配上甜麵醬更香濃惹味。- 黑白爽身慢煎龍躉扒因為慢煎關係，龍躉扒係壓軸出場🥳。龍躉扒幾鮮甜，而且煎得幾香口，旁邊有爽口既黑木耳。以上菜式平均$150，份量好大，味道以甜麵醬黑豚肉炒花生芽同香芒脆蝦球最出色👍🏻

喺旺角健身之後，約屋企人食中菜創興大把好嘢食嚟到創興7樓一入到嚟俾佢個大魚缸吸引咗超多新鮮海鮮🦞原來係超級傳統嘅中式茶樓旺角夜晚好少有原來花生要$15一碟㗎北京片皮鴨 $168姐姐即場新鮮片俾我哋睇非常之有娛樂性配料有葱段、切到好細嘅青瓜絲都幾考刀工皮算薄反而想讚一讚過片皮鴨肉質唔錯夠彈牙片同埋肉嘅分布平均一啖咬落去好有口感黃金鮮鮑魚雞煲 $168上面最緊要有最吸引嘅四粒靚鮑魚夠晒矜貴雞件夠多，又嫩趁熱食最正醬汁調配得啱啱好茄子炆鴨件 $78成班朋友最鍾意就係呢味茄子做得非常之好吸收晒鴨油蚊出嚟嘅油脂😍夠哂香餐廳佔地唔算係非常之大，但坐得舒服😌都幾推介旺角呢個位置

每逢來到旺角，幫襯的總會是放題、cafe，今次朋友忽發奇想要食中菜，就臨時找到這間樓上酒樓。原以為樓上舖應該沒什麼人氣，沒想到未入內已見場內坐滿8成客，相當意外，更加期待一會兒的中式盛宴🍚——————————🔸冰鎮咕嚕肉 $128之前在其他餐廳食過，相當有驚喜，見到這裏有當然要試！一上桌已覺驚喜，超大的碟裝有大量冰塊，咕嚕肉被半掩埋，再以三色甜椒作點綴，視覺效果💯咕嚕肉外冰內熱，就算被冰蓋過，外皮亦不會因而變軟，仍然保持脆口鬆化，無骨更是加分！🔹客家酸菜海爐魚片 $128沒想到酒樓居然有酸菜魚，湯底酸中帶辣，柔和不嗆；魚片薄而嫩滑，不過建議多煮幾分鐘，有幾片可能不夠熟，魚皮略韌～🔸芝士流心脆蝦球 $168侍應推薦，聽講是大廚最近的得意之作👨‍🍳脆脆做成小碗裝，裝有水果沙律，加上一粒飽滿的脆蝦球，一咬爆汁，外層是彈牙的蝦滑，中心是流心的芝士汁，類似芝士龍蝦伊麵的湯汁，不會過濃，蓋過蝦肉的鮮美🦐🔹川味麻辣雞煲 $138以為此雞煲是彼雞煲，但原來不是😂這個感覺更似微辣的豆豉雞煲，雞肉嫩滑香口，相當惹味，但如果做得更麻更辣，加點芫荽就更好了～🔸大良脆炸鮮奶 $98驚喜之作！炸皮香脆，內裏香甜，

📍盈館旺角彌敦道593-601號創興廣場7樓新推出優惠片皮鴨$168，見好抵食就去試吓。其實以呢一個價都冇咩好投訴。酒樓門口有個大魚缸，地方唔算好大，有一種懷舊酒樓嘅感覺，大圓枱都坐得幾舒服。京式片皮鴨1隻 $168有個師傅推架車仔出嚟，然後喺我哋對面隔兩張枱面前片嘅😂。配料有皮，黃瓜🥒條、葱白絲、甜醬。呢個價錢絕對唔會對會佢有好高要求。皮肉相間，中間個皮有少少脆脆地，鴨的油香唔重，都過得去啦。加埋所有配料一齊食，可以中和鴨油嘅油膩感。鴨肉炒茄子🍆 $70加$70就有個鴨架炒菜，都好抵食，有涼瓜和茄子選擇，我哋揀咗茄子。鴨肉的分量比想像中多，每一件肉都好大件。但我最鍾意食係茄子，炆得好淋，吸收晒啲鴨汁既精華，好好味😋。黃金鮑魚雞煲$160有四隻鮮鮑魚，一人一隻夠分。鮑魚炆得好入味，口感Q彈，雞煲醬汁好惹味，雞肉嫩滑，目測應該有半隻雞的分量。

行開旺角, 經過創興廣場差唔多每一層都食過.今日一於試一試7樓呢間盈館粵菜.門口酒樓入面枱同枱夠距離, 坐得都好舒適.今晚叫左2份野食, 北京片皮鴨+上湯龍蝦伊麵.員工會推隻鴨出黎枱前面, 即場片肉, 配餅皮, 甜醬, 青瓜條, 京蔥.上湯龍蝦伊麵就加左$40轉加芝士, 但味道一般, 龍蝦肉又唔係好多.員工推隻北京片皮鴨出黎, 會問你駛唔駛影下相先.北京片皮鴨龍蝦伊麵一般總結黎講呢間酒家環境舒適, 員工服務都可以, 係旺角市中心,普通飯局可以一試.

全晚8個人叫左大約10個餸，招牌既冰鎮咕嚕肉上枱時係熱嘅，等凍左再試亦吾覺得特別好食！另外叫咗酸菜魚，但同茶餐廳質素差唔多，魚肉少 ，味道亦好普通，甚至偏向比較差！仲有招牌嘅扁皮鴨都比一般出面食嘅差。另外我地仲叫咗黑金流沙包，2款糕點，黑糖薑汁糕同埋桂花糕，流沙包唔好食，兩款糕點算係全晚最正常嘅！叫左個孖寶b餐，有龍蝦伊麵同一個雜茶煲，啲面都林晒，整體味道都好一般，偏鹹，全晚基本上冇一道菜系覺得好食，但以呢個價錢黎講會有更好既選擇。所以吾推薦！！！