Odelice! 係一間法國餐廳 係香港有五間分店 好耐之前食過將軍澳分店 食物同服務都唔錯 所以今次係沙田行完街就再食呢間 佢地嘅晚市雙人套餐 有齊餐湯、頭盤、主菜、甜品 今日餐湯 ⭐️南瓜湯 都幾特別 微微帶點煙肉味同好輕好輕嘅辣味 配埋麵包條都幾好味 頭盤 ⭐️法國田螺配辣肉腸蕃茄醬汁 小巧精緻 肉質口實 辣肉腸蕃茄醬汁配麵包 作為 starter 都幾開胃 主菜 ⭐️紅酒燉牛面頰 配薯蓉 牛面頰嫩滑 入口即溶 紅酒加上牛肝菌嘅醬汁 味道配搭得宜 連配菜紅蘿蔔都十分入味 ⭐️法國油封鴨腿 配黑松露薯蓉、橙香砵酒醬汁 鴨腿不太大份量剛剛好 雖然係半煎炸但肉質依然粉嫩 薯蓉入口順滑 黑松露味道都好香濃 甜品 ⭐️ 焦糖餅乾口味芝士蛋糕 切開先知道原來呢個芝士蛋糕係流心嘅 碟上啡色嘅擺盤裝飾係椰子碎鍊奶 整體滑溜飽滿 惠顧二人套餐可以八折加購餐酒 🍷Red Wine 紅葡萄酒：Malet de Roguefort Bordeaux, France. 🥂Dessert Wine 甜白葡萄酒：Monbazillac Bordeaux, France 甜白葡萄酒非常可口美味 👍🏻👍🏻 🍽️ Odelice 📍沙田沙田正街18-19號新城市廣場一期6樓628號舖

（細細聲講🤫呢間係絕對要私藏嘅小店🤫） 唔講唔知 原來裝修多時嘅希慎廣場地庫已經重新開幕啦！ 升級改造嘅兩層地庫搖身一變成為全新潮流生活空間 #Urbanhood 除左潮流商店 Urbanhood 仲係新派美食集中地 呢度以 Food Court 形式營運 但係個環境非常舒適 有種好似去咗日本嘅感覺 今次就揀左鍋點 @thepotspot2022 坦白講 淘小姐一開始係被店內嘅「茶々工房」#抹茶栗子蒙布朗雪糕 吸引住而停下腳步 及後發現鍋點嘅主食勁吸引 決定食左正餐再食甜品😋 鍋點老闆娘 Selina Kong 係一位熱愛煮食嘅廚師 鋪頭大部份食材都係自己親手準備 咁辛苦無非都係想每一位人客食得健康有滋味 ⭐️ 蝦蝦笑黃金撈飯 起初以為黃色嘅係炒蛋 原來係流沙鹹蛋黃醬 老闆娘將法國牛油同奶油加入鴨蛋黃反覆烘烤 口感好幼滑 有別於一般餐廳 鹹蛋黃並冇包住大蝦 反而係由食客自己攪拌 將鹹蛋黃醬包住每一粒珍珠米 真係邪惡至極點 但係又忍唔住食多幾啖 ⭐️ 麻辣爽花膠冷麵 老闆娘親自研發純素「Mala Boss 麻辣醬」 採用三個國家五種辣椒 並以高質橄欖油釀製而成 味道拍得上正宗川辣 入口甘香而辣度後勁凌厲 食得辣嘅朋友一定會覺得好正 亦都估唔到加埋慢煮金龍魚花膠筒係咁正😋 而老闆娘更親自挑選用左係香港有六十年歷史嘅香港仔有記粉麵廠嘅麵條 掛汁能力強又彈牙 ⭐️ 日本溫泉蛋鮑魚蔥油培根脆脆拌飯 呢款鎮店之寶 唔過100蚊但有五隻鮑魚 真係開始擔心老闆娘會唔會蝕本🫠 以高湯配金華火腿、瘦肉、走地雞、貝類海產、鮑魚裙邊等食材熬製 出正宗大師級秘製超濃鮑汁紅燒鮑魚 100% 無添加、無味精 飯底就係以日本昆布煮出黎嘅五目飯 加上地道煲仔飯豉油、秘製蔥油、自家製煙⾁脆脆同溫泉蛋 咁多材料 性價比勁高😋 ⭐️ 別不同蟲草花山藥蒸無激素雞髀配白飯 無激素雞髀拆骨捲埋啖啖肉 蒸完出黎仲好嫩滑 配料仲有蟲草花加杞子仲有山藥 清清地都幾唔錯 面頭仲有大量蔥花 加埋老闆娘祕製蔥油 簡直畫龍點精呀～ ⭐️ 三鮮蒸鱸魚配上海菜飯 首先鱸魚去晒骨已經一百分 居然以瑤柱、蝦乾、白飯魚提鮮 真係不得了 同埋有大量蔥花 真係好味到蔥都食埋 而呢款主菜係配菜飯 老闆娘真係花盡心思啊 食客凡惠顧任何主食 都可以半價加購各款滋潤湯水 🍲三果雪蓮子燉海海底椰 🍲沙參玉竹雪耳蘋果湯 呢兩款湯頭都有止咳、清熱、潤肺功效 呢排流感高風期 啱晒工作繁忙嘅香港人 🍲杞淮蟲草花燉花膠 滋補養顏 啱晒各位愛美嘅女士 🍲珍菌雲腿燉冬瓜湯 清熱去濕嘅湯水 夏天就啱飲啦 食晒主食，終於到甜品啦 🍦茶々工房 #抹茶栗子蒙布朗雪糕 @chacha.futatsume 呢個甜品係東京淺草名物 難得登陸香港 梗係要試試啦 呢款生搾抹茶栗子蓉甜品非常吸睛 抹茶栗子蓉選用日本靜岡縣有機抹茶同法國栗子 茶味香濃口感綿滑 雪糕筒入面仲有加上北海道紅豆蓉、天然檸檬果醬、抹茶黑糖漿、雪糕等 最後放上金箔 十分矜貴 整體黎講唔太甜 反而食得出天然嘅味道 🍽️ 鍋點 @thepotspot2022 / 茶々工房 @chacha.futatsume 📍 銅鑼灣軒尼詩道500號希慎廣場URBANHOOD B2樓

店面設計行簡約風嘅蝦魂 估唔到佢嘅出品都幾多元化 除咗鎮店之寶嘅蝦紅湯拉麵、雞白湯拉麵同虎蝦乾海味炊飯 佢嘅期間限定都十分之有魅力 淘小姐就被佢地嘅蕃茄麻辣湯吸引咗 所以就決定先試佢試咗佢期間限定 ⭐️ 牛X豬 蕃茄麻辣拉麵 湯底係用牛骨湯混合麻辣蕃茄汁 辣度唔算太刺激 而蕃茄嘅味道都幾有層次 最正嘅係佢用左澳洲頂級肉眼牛肉片 肉片有濃濃嘅油香 非常軟腍 另外仲有經過低溫慢煮4小時自家製醬油豬叉燒同流心蛋 相當豐富 而麵條係由日本小麥粉新鮮製造 口感比較軟腍 吸湯嘅能力較高 ⭐️虎蝦乾海味炊飯 用左日本北海道米煮成嘅炊飯 吸收左海鮮味道 除咗飯面嘅原條虎蝦乾 飯裏面亦有蝦乾 配有半隻流心蛋 面頭再灑上芝麻同蔥花 仲另上一碗雞白湯 味覺雙重享受 ⭐️自家製阿根廷紅蝦雞肉餃子3隻 全港首創嘅自家制原隻阿根廷紅蝦雞肉餃子 雞肉吸收左紅蝦鮮嘅甜味 味道互相輝映 而面頭嘅櫻花蝦令餃子嘅味道昇華 ⭐️慢煮雞胸 雞胸非常軟滑 而最突出嘅係佢嘅雞白湯 原來呢度嘅雞白湯每日新鮮熬煮6小時 味道濃稠 非常上盛 🍽️ 蝦魂 📍 將軍澳寶琳運亨路1號新都城中心一期2樓241, 250&251號舖

尖沙咀嘅 Bingo & Cook @bingoncook_tst 位處於鬧市中嘅一條內街 搵嘅時候可能會花d時間 但搵到嘅時候就會感覺別有洞天 淘小姐包你地會鍾意呢個地方🫶🏻 餐廳氣氛好好 除咗室內座位 客人亦可以選擇室外嘅橙色帳篷位置 好有韓劇 feel 佢地閒日都幾 full 當晚有好幾檯慶祝生日 極之熱鬧 而staff有笑容 令人感覺好welcoming 食物方面都幾好 大大碟好抵食！ ⭐️燉煮豬腳 薄切豬肉帶有軟滑豬皮 餐廳仲好有誠意咁提供一個爐一路熱住豬腳 此外仲附送一個大菜籃 可以包住豬肉嚟食 除左感受下韓式風味 食落都冇咁好快滯 整體份量超多 三四個人都夠 ⭐️牛骨湯 雖然冇跟埋個牛骨但係個湯好香甜 清得嚟好有牛味 而且入面有牛𦟌、洋葱同埋米粉 另外仲有碗白飯 熱住食好開胃 ⭐️蜂蜜黃油炸雞 (半份) 睇個樣已經食指大動 大大啖雞肉滑得嚟仲好香牛油味 外皮乾脆一啲都唔油膩 雖然我哋只係叫半份 但係份量都好足 ⭐️冷麵 (不辣) 今日其實都幾熱 食水冷麵就啱晒🫶🏻🫶🏻 清涼得嚟又唔heavy ~ d麵好多，配料都唔少 店員細心附上鉸剪 大大碗食到好飽 🥂提子米酒 🥂藍莓米酒 酒精濃度比較低好易入口 啱晒想小酌一番嘅朋友 藍莓米酒仲可以食到幾粒大大粒嘅藍莓 呢度坐得舒服又食得開心 唔覺唔覺就同朋友傾咗幾個鐘 ~ 下次嚟如果冇咁熱 會試下坐出面帳篷 🍽️ Bingo & Cook 📍 尖沙咀麼地道37-41號港匯廣場地下17-20 & 31-34號舖

Flat Iron Steak 新開姊妹店 Flat Iron Burger
繼續堅持價廉物美嘅理念
漢堡扒均用極佳級黑毛安格斯牛嘅牛霖肉、牛腩肉、肩舺肉混合而製
口感豐富多汁更滋味

餐廳係open kitchen
顧客可以真切地感受到呢度個 Vibre
聞到香噴噴嘅美食
會越黎越肚餓

⭐️ SHINJUKU SURF ‘N’ TURF 新宿海陸雙拼堡
有安格斯漢堡扒、天婦羅龍蝦、味噌燒烤醬、七味香蒜醬、椰菜絲
啖啖肉嘅安格斯漢堡扒
食得好爽快
醬汁好花心思
與漢堡扒與龍蝦天婦羅都幾match

⭐️ SANTA MONICA MAMA 聖塔莫妮卡媽媽堡
藍花蟹肉餅、牛油果忌廉、墨西哥辣椒、牛扒番茄
可能墨西哥辣椒醬汁味道太強勁
藍花蟹肉餅同牛油果忌廉味道就不太突出
牛扒番茄帶點中和同解辣作用

由於上次去 Flat Iron Steak 嘅時候
Manager 特意為我地調配嘅 cocktail 超好飲
所以今次都嗌返杯淺嚐一下

🥂 Earl‘s Old Fashioned
以伯爵茶浸製香橙威士忌、雲尼拿海鹽焦糖同苦酒整成
伯爵茶加香橙威士忌嘅味道的確唔錯
入口有淡淡的幽香

另外就以套餐價嗌咗美國芝加哥嘅手工生啤
🍺 Powder Monkey Craft IPA Draught
入口清爽香甜
同時解除咗burger同薯條嘅油膩

🍽️ Flat Iron Burger
📍 中環蘇豪伊利近街27號及29號地舖

🇪🇸 MIRAGE 西班牙庭院下午茶 ☕️ 一瞬間猶如刺身西班牙 享受歐陸風情下午茶 今次香港萬麗海景酒店 @renhongkong 嘅Mirage Bar & Restaurant @miragehongkong 推出別具風味西班牙式下午茶 木托盤上有⭐️精選西班牙醃肉 、 ⭐️芝士拼盤 、⭐️蕃茄多士 配以美酒邊飲邊食超正 另外佢地仲特別用鐵鍋中盛載住多款西班牙小吃如： ⭐️蕃茄凍湯 ⭐️黑松露芝士火腿比堅尼三文治 ⭐️炸馬介休球 ⭐️欖油蒜香蝦 呢三款咸點絕對係西班牙tapas嘅代表作 除咗鹹點，仲有多款西班牙甜品 ⭐️聖地牙哥杏仁蛋糕 ⭐️巴斯克焦香芝士蛋糕 ⭐️香橙米布甸 ⭐️提子鬆餅 ⭐️西班牙炸油條配朱古力醬 ⭐️鳥結糖 淘小姐最鍾意係聖地牙哥杏仁蛋糕同香橙米布甸 兩款甜品我以前都未試過 杏仁蛋糕嘅杏仁味勁濃 香橙米布甸口感木特別 兩者都令人一試愛上 下午茶包括一杯咖啡或茶 亦都可以加錢換購mocktail或cocktail 🥂CLARA 呢款 Mock-tail 用左 Young Master 無酒精啤酒、檸檬、青檸同梳打水 口感清爽舒爽 🥂YZAGUIRRE CLAYPOT NEGRONI 以西班牙 Yzaguirre Vermouth 1884苦艾酒、普雷森白蘭姆酒、金巴利酒、橄欖油調製 茶色嘅cocktail入口微甘隨後微甜 好有特色 另外 MIRAGE 仲邀請香港得獎客席調酒師 同一種愛酒之人舉杯相聚共酌一夕 淘小姐今日就有幸品嚐到調酒師 Bryson Rivera @bry5on_ 精心調製四款用左來自西班牙巴塞隆拿氈酒 GinRaw 嘅雞尾酒 四款Cocktail都已所用嘅時令生果命名 🥂Calamansi 🥂Mangosteen 🥂Pineapple-Lavender 🥂Kiwi 當中 Pineapple-Lavender 味道最令淘小姐印象深刻 cocktail上面嘅cream充滿住薰衣草嘅香氣 而菠蘿嘅味道都好突出 兩者非常融和 味道同效果都十分出色 🍽️ Mirage Bar & Restaurant 📍 灣仔港灣道1號香港萬麗海景酒店1樓

三月係淘小姐生日月 特意揀左香港維港凱悅尚萃酒店 @hyattcentrichongkong 嘅 buffet 同屋企人預早慶祝生日 🎂🎂🎂 位於二樓嘅 The Farmhouse 咖啡廳 就係食自助餐嘅地方 而最近佢地仲轉左新主題 提供多款特色日菜 🥢春祭り日本主題自助餐🎌 🦞冰鎮海鮮及即切刺身 🍣即叫即製火炙壽司 🦪令和怪物 🍜日式串燒及拉麵 🍡甜品：抹茶提拉米蘇、日本糰子、鯛魚燒 冰鎮海鮮有長腳蟹蟹腳、翡翠螺、蜆、青口、凍蝦 質素都幾唔錯 唯獨refill得唔太快 所以見到就一定要快手 即切刺身有三文魚、吞拿魚、油甘魚同北寄貝 都幾新鮮啖啖肉 唔似其他酒店buffet會限量提取 呢方面都幾唔錯 職員係入座時派發卡片 可以自行到熟食區換領是日精選美食 而今日就係蒸焗生蠔「令和怪物」 來自日本岩手縣嘅令和の怪物 隻隻都有手掌咁大 蠔肉肉質飽滿肥美、嫩滑鮮甜 餘韻令人回味 如果唔夠喉仲可以另加$58多買一隻 除咗可以自取是日精選美食 仲可以換領 Sapporo 啤酒或瀧澤清酒一杯 Sapporo 啤酒就飲得多 自助餐有清酒飲真係第一次 瀧澤清酒由信州銘釀係長野縣上田市釀造 以黑耀石地層湧出、世界第一超軟水黑耀水釀製 味道帶有梨子、蘋果、白花香氣 口感圓潤清爽細膩 都幾容易入口 而甜品方面 士多啤梨蛋糕都幾出色 最開心嘅係有可愛嘅鯛魚燒 仲有多款雪糕可以任食 除左 The Farmhouse 咖啡廳嘅buffet 隔離嘅 Farmhouse Deli 餅店有兩款招牌酥餅都值得一試 🥠 星加坡風味龍蝦咖喱酥 🦞 🥠 馬沙文牛肉咖哩酥！🥩 兩款酥餅嘅餡料非常飽滿 調味香濃好有特色 外賣返屋企用氣炸鍋炸炸超級好味 現場食應該仲正 🍽️ The Farmhouse 咖啡廳 📍 北角北角邨里1號香港維港凱悅尚萃酒店西座2樓

淘小姐心血來潮好想食蟹 聽朋友講樂天經典嘅星洲胡椒蟹好正 就即興去試試 二人套餐除咗螃蟹 仲包含前菜、熱炒、炒飯炒麵、甜品、飲品 都幾豐富 ⭐️黃金魚皮 呢度前菜絕對係淘小姐嘅至愛 滿滿嘅鹹蛋黃包住新鮮勁脆魚皮 忍唔住食都食多幾執 ⭐️沙拉排骨 比想像中嘅份量多好多 而且啖啖肉冇骨 食一兩塊都飽飽地 ⭐️星洲黑胡椒螃蟹 重頭戲星洲黑胡椒螃蟹 黑胡椒味道極之香濃 隻蟹都好新鮮 蟹鉗啖啖肉 ⭐️蝦味魚子蝦球炒飯 炒飯粒粒分明幾有咬口 蝦球嘅份量都好多 ⭐️清心丸綠豆爽 口感比較糊口 馬蹄同埋綠豆爽嘅份量偏多 所以口感比較傑身 ⭐️檸檬薏米水 ⭐️無糖豆漿 淘小姐就比較鍾意檸檬薏米水 感覺好似好足料 而冇無糖豆漿就比較健康 臨走經理仲同我講嚟緊會樂天經典康城店開業1周年優惠： 晚上6pm後入座 凡消費滿$350即可加$1換購新加坡海南雞一隻 淘小姐下次又再嚟先 🍽️樂天經典 📍將軍澳康城路1號 The LOHAS 4樓415A號舖

將軍澳海傍一向都係淘小姐好鍾意去食野嘅地方 可以一邊望到海景一邊食到好味嘅野 好似去左外國旅行咁 身心頓然舒暢🫶🏻 今次淘小姐就去左一間新開嘅黎巴嫩餐廳 Maison Beirut 門口以至室內都有多盞馬賽克燈 餐廳內以藍色同木枱為主調 充滿地中海嘅風情 呢度嘅食物由五星酒店大廚團隊炮製 經過職員嘅介紹 我地都想試多幾款特別嘅菜色🫶🏻 所以就點左兩款雜錦拼盤 ⭐️冷開胃菜雜錦拼盤 拼盤有四款特色蘸醬 包括松露鷹嘴豆蓉、蒜香乳酪、烤紅椒核桃蓉、烤茄子蓉 配以Pita bread享用 🔅 松露鷹嘴豆蓉 黎巴嫩菜最出名嘅「Hummus」係由鷹嘴豆泥製作而成 口感豐富順滑 大廚仲係Hummus上面加左松露醬 雖然味道偏鹹 但佢嘅香氣絕對能夠引起食慾 🔅紅椒核桃醬「Mouhamara」 口感好似肉醬 煙燻味道都幾重 味道酸甜帶辣好得意 🔅蒜香乳酪 口感輕柔順滑 只係簡單加上地中海最優質嘅黎巴嫩橄欖油 就嚐試到最有地道風味嘅乳酪 🔅烤茄子蓉 真係食唔出係茄子 好有驚喜呀～ ⭐️熱開胃菜雜錦拼盤 🔅迷你羊肉條 🔅炸鷹嘴豆餅 🔅羊肉炸球 🔅芝士春卷 🔅菠菜松子仁酥角 迷你羊肉條同羊肉炸球有多款香料 所以味道都特別 而炸鷹嘴豆餅外面佈滿芝麻 切開係綠色 帶點微辣同焦香 好刺激 而芝士春卷同菠菜松子仁酥角應該就更接近香港人口味 ⭐️香滑雞乳酪拌飯🫶🏻 淘小姐第一次食乳酪拌飯 起初以為會怪怪地 點知係超好味架！ 大廚將雞肉同乳酪醬淋係飯上面 再撒上香口嘅松子仁 超超超好味！ 呢個一定要試！ ⭐️招牌慢煮羊腿 慢煮羊腿配上薯蓉及烤蔬菜 羊肉非常軟腍 冇乜羊羶味 唔錯唔錯 ⭐️牛肉串燒 阿拉伯式燒烤淘小姐就想試下牛肉串燒 似係牛扒切粒去燒 味道唔錯 而牛肉之間嘅配菜非常香甜 ⭐️阿拉伯薄荷茶 見到隔離枱個茶壺超級靚所以我地都嗌左 用咁多薄荷葉沖嘅茶真係第一次飲 ⭐️Mai Tai 試埋呢度嘅cocktail 由Rum酒製成嘅Mai Tai 略帶酸甜都幾開胃 🍽️ Maison Beirut 📍 將軍澳唐賢街29號藍塘傲格林威治村地下10號舖

沙田最出名就係乳鴿同雞粥 淘小姐作為沙田友 今年趁住團年飯就請全家人去沙田區最有名氣嘅龍華酒家 一嚐佢嘅經典菜式 ⭐️龍華脆皮燒乳鴿 龍華酒家最皇牌嘅菜式 人人黎到都一定會嗌 燒出黎皮脆肉嫩 肉汁豐盈 而且每隻都好有份量 好味到每人半隻都唔夠喉 ⭐️馳名沙田滑雞粥 試埋沙田另一名物沙田雞粥 雞粥粥底鮮甜 雞嘅份量都唔少 面頭仲有油炸鬼同蔥花 雖說2-3人份量 每人都差不多食到兩碗 ⭐️蒜片安格斯一口牛 安格斯一口牛肉質軟腍 好有鑊氣 旁邊仲有好有趣嘅炸物 原本以為係炸豆腐 但帶有清甜嘅味道 一問之下原來係炸茄子黎 真有驚喜 ⭐️新鮮菠蘿咕嚕肉 李小龍太太最喜愛嘅菜式 同一般咕嚕肉唔同 李小龍太太特意要求用上剛剛熟嘅新鮮菠蘿 雖然冇一齊炒 但係咕嚕肉都帶有好濃郁嘅酸甜味 送飯一流 ⭐️龍華煎釀手造豆腐 呢道傳統菜式由創辦人太太鍾太親手教當年嘅大厨而流傳落嚟 豆腐經過半煎炸之後內裏仍然保持嫩滑 芡汁味道亦恰到好處 ⭐️龍華大廚小炒皇 以韭黃、魷魚、雞肉等材料炒成 再加上鬆脆可口嘅腰果 風味十足 🍽️ 龍華酒店 📍 沙田下禾輋22號地舖