又約左好友去飲茶，今次揀左間好有格調嘅新派中菜餐廳，以大自然綠色原素為主題。 《嵐月午市廚師精選套餐 》每位HK$288（2位起） 入座後，侍應會讓我地先揀茶，我地揀左西湖龍井，另外，仲附上XO醬及焦糖合桃小食添。 套餐已包括左嵐月精緻點心薈萃 黑松露燒賣 燒賣餡內有滿滿蝦肉，非常彈牙，再以黑松露醬點綴，錦上添花。 欖菜法邊豆野菌餃 幾特別嘅餃，餃皮包住飽滿嘅野菌蔬同欖菜，口感豐富。 葡汁鱈魚酥 外層好酥脆，一咬一啖已爆葡汁，鱈魚又滑同葡汁配搭好襯。 陳皮川貝燉楊桃 燉湯以小爐火烘住保溫度，第一次以楊桃黎燉湯水，川貝、陳皮，飲落味道甘甜，非常養生。 鬼馬沙薑鱈魚腩 很有鑊氣嘅一道菜，鱈魚腩嫩滑啖啖肉，而油炸鬼又香脆，連配菜嘅蔥、香菇都好惹味。 鮮茨實濃雞湯 BB菜苗 雞湯底濃郁清甜而不膩，浸著BB菜苗勁翠嫩，新鮮茨實又有咬口。 金柱鬆子炒絲苗 飯粒炒得粒粒分明，炒得好有鑊氣，仲有大量瑤柱絲同松子，好有口感。 楊枝甘露 +$48 另外：仲叫左鮮乾貝灌湯生死戀同石獅黑麻膏 鮮乾貝灌湯生死戀 $98 用具非常別緻，先將熱湯倒入碗內，湯底鮮甜，碗內有大大隻灌湯餃，餡料十足，有大大粒干貝，仲有爽口嘅蝦肉。 石獅黑麻膏 $68 賣相相當精緻，好適合打卡，有濃濃嘅芝麻味，微甜，口感覺得似奶凍，滑嘟嘟。

亞女好喜歡食燒肉，今次去左返教會附近嘅EaT燒肉（沙田河畔花園）食dinner，以外星人👾做主題，而且一人一爐，送餐係由一架太空船送到你面前，仲會自動打開，我地就可以取食物啦～ Lee度嘅套餐都好平民價，價錢由$48至$298，視乎你選擇咩肉類同份量，仲包白飯（有3個份量選擇）、泡菜/沙律同湯。除套餐仲可以散叫，而且又有飲品同甜品添。 🚄宮崎A5和牛套餐（$268/200g） Lee個A5和牛套餐有A5肩胛肉眼心、A5上等牛肩胛同A5肩胛液板，和牛新鮮粉嫩，見到已經心心眼，油脂分布平均，我就喜歡「A5肩胛肉眼心」肉質鮮嫩多汁又有油香味，仲入口即融添。我仲加$15升級紫菜溫泉蛋飯🍚。 🚄Prime Grade 牛五花、豬五花套餐（$118/200g) 牛五花嘅油脂雖然有和牛甘平均，但牛味濃郁，而豬五花薄燒，燒時脂方位會爆油好野火🔥添。 焙茶奶凍 $22 Lee個奶凍必點，奶凍非常Q彈，入口香滑又有陣陣培茶味，仲有紅豆有爆珠口感添。 粒粒桃汁$18 白桃烏龍冷泡茶$15

朋友生日同佢慶祝生日，今次提早book台同佢去食特別嘅生日蛋糕。 一坐底，職員就主動整泡菜蛋同芝士栗米另外有5小碟前菜（芽菜、泡菜、2款醃白蘿蔔等等）、生菜幾樣都可任，仲有沙律菜。 韓式肉肉蛋糕 Lee個蛋糕以肥牛片砌成，上層仲用左牛五花同豬頸肉捲成玫瑰花，岩哂食肉獸嘅我地，牛肉同豬頸肉油脂分布豐富，燒到好野火添。生日就會免費送上，晚市時段最低消費兩碟燒烤產品或一個套餐，就可以享用優惠，記得要提前一天預訂。 韓國醬油蝦配紫菜飯 醬油蟹就好經常食，今次叫左韓國醬油蝦配紫菜飯，醬油蝦都好大隻，而家鮮甜肥美，，蝦肉彈牙爽口，用正宗嘅韓國醬油生醃，醬汁不會過咸仲帶點甜味，配紫菜飯一流。 炑八厚切五花腩 五花腩厚度十足，肥瘦適中，侍應會幫忙燒五花腩，燒到外面金黃色後再剪一片片。肉質多汁又濃郁，我就喜歡生菜包著五花腩、泡菜同加點辣醬黎食。 蒜油蜜糖雞腿肉 雞腿肉嫩滑，醃得入味，燒好般沾上蒜油蜜糖汁，每雞腿肉更香甜。 韓國薄脆牛角酥 食埋甜品就岩岩好。將牛角酥壓到扁平成香脆餅乾，配上雪糕同鮮果，好味。 荔枝梳打

【大叔拉麵 x 水怪】 大叔拉麵換左新主題【大叔拉麵 x 水怪】有一系列嘅水怪主題食物。仲推出左多款水怪 Hangyodon限定商品添。所以襯復活節就帶亞女去潮聖下📸。 餐廳外有好多水怪打卡位，餐廳內仲擺設左好多水怪嘅精品、廣告牌添，我地2點幾到達，仍然大排長龍。 HANGYODON 黑松露雞白湯拉麵 $148 雞白湯底濃郁不會覺得油膩，加上黑松露嘅陣陣香味，令湯底更濃厚，叉燒軟腍，拉麵彈牙，紫菜同流心蛋仲印上水怪樣添。 Hanyodon 日式慢煮西班牙黑豚肉包 $28 感覺有d似中式刈包，黑豚肉肥瘦適中，非常軟腍，醬汁香濃，好食有驚喜。 Hanyodon 特色章魚燒 $58 很可愛嘅章魚🐙造型，頭係章魚燒，用左腸仔黎腳，加埋自家製醬汁，同平時嘅章魚燒好唔同。 HANGYODON 蘋果蝶豆花康普茶 $44 +$48有隻水怪玻璃杯🥛 顏色豔麗，味道微甜又有陣陣清香茶香味。 HANGYODON 日式焦糖布丁 $68 係等候期間，亞女話必點lee個甜點，新鮮水果配上焦糖布丁🍮，水怪圖案圖片都食得添架。 很可惜當日「紅豆酥配日本茶」售罄🥹

知道京都酒店自助餐位置開左殿大喜屋，即刻約朋友去食個lunch先。環境裝修得寬敞舒服，感覺好高貴，食物新鮮高質， 午市由12點至3點，可以任食3小時，我就先去自助區兜一轉，估唔到都勁多款式，熱盤有麻辣小龍蝦、小籠包、台式腸、老火湯等等，冷盤有海鮮、涼拌小食，生果有任食榴槤蓉，必食之選😍 除左罐裝飲品、冷泡茶、咖啡奶茶之外，仲有多款酒類飲品，凍熱清酒、梅酒、白酒、紅酒、連真露都有。 跟住就用QR code 落單，壽司必食海膽軍艦，餐廳用上高質北海道海膽，鮮甜creamy，仲有香蔥芝麻拖羅小卷，海膽拖羅黑松露帶子。 刺身方面，除左有三文魚、帶子、海赤蝦等，仲有松葉蟹腳、金槍魚腩同池魚王，樣樣都新鮮肥美飽滿。 熟食必食花雕醉鮑魚：鮑魚彈牙，鮮甜清爽、燒蠔、皇牌燒乳鴿：肉質細嫩惹味、鵝肝厚多士：鵝肝勁厚身煎得甘香味美。 甜品有好多款、仲有軟雪糕添，我仲叫左極尚椰皇燕窩燉蛋同榴槤炸彈。

好耐冇同老公拍拖仔，襯亞女返學出左沙田食Lunch。

係沙田新城市廣場見到間以墨綠色同橙色為主調嘅西餐廳，天花仲掛左多盆綠色植物🪴，充滿復古味道。

中午時段，餐廳有Lunch Menu，我地就叫左1set Lunch同單點左幾款食物。


Lunch Set
Maple Bacon Cheeseburger & Chips $138
安格斯牛肉，楓葉漿煙肉&芝士漢堡配薯條
安格斯牛肉牛味濃郁又夠juicy，漢堡包軟熟，楓葉漿煙肉香脆，食落又不會覺得油膩。let lunch有餐湯同加左$10 Ice cappuccino。

White Wine Mussels $79
滿滿嘅藍青口放住碗上，仲伴有2件烤得金黃色嘅多士，藍青口肥味，掛滿淡淡酒味又香濃忌廉汁，多士香味濃又非常脆口，沾上忌廉汁好好味。

Buttermilk Chicken Salad $118
材料好豐富，仲好大份，有牛油果、煙肉、溫泉蛋、羅馬生菜、番茄仔同雞肉。烤過嘅雞肉醃得入味，仲好滑嫩。

Chilli Concarne Chip $58
睇落好似好細份，但千祈唔好睇少佢，醬汁同芝士都幾多，辣牛肉辣得惹味，鹹香味十足。

Tiramisu Pancake $122
餐廳招牌梳乎厘班戟，我地叫左Tiramisu，pancake好有蛋香味，又有空氣感，香濃嘅Tiramisu，附上嘅咖啡糖漿同pancake又好夾，仲有生果點綴。

好耐冇食麻辣火鍋啦！即刻約朋友仔去食lunch，我就叫左個鴛鴦麻辣鍋，不過我唔係好辣得所以叫左普通辣，另一個就叫左皮蛋香菜湯底中和番，湯底勁蛋皮蛋😍。 一坐低店員就送上招牌雪耳糖水，微微甜，仲有小菜醃醃蘿蔔皮。為左想食多d款式，我地多數都叫半份，每碟會有溫馨提示，提示每款淥幾耐時間，幾好啊😆 嫩牛肉（$48半份）牛肉有處理過，感覺滑嫩。 稻田毛肚（$78半份）黑毛肚冇漂白，提示放鍋淥10秒，非常爽口。 功夫蒿筍片（$28半份）蒿筍片切得很薄，仲砌成一朵花，味道清爽。 鮮鵝腸 （$68半份）鵝腸洗得乾淨，只需30秒好爽口。 武隆苕粉 （$28半份）煙煙韌韌，打邊爐岩哂。 鮮竹笙（$38半份）竹笙吸哂湯汁爽得黎又juicy。 炸芋頭（$28半份）芋頭夠粉好食。 現炸豆皮（$38半份） 美國Prime牛小排（$138半份）肉質嫩滑，牛味濃郁。 長城小白豬午餐肉（ $28半份） 淮山條（$28半份）白紫兩色，感覺綿密。 牛骨髓（$48半份） 皇帝菜（$48一份） 紅糖爆槳粑（$38半份）外脆內軟仲係流心紅糖醬添。 紅糖冰粉 $28 中午打邊爐好正家，免湯底費、免醬料同茶費。

餐廳唔同季節都有唔同食材，今次「海蠣節」推出7款海蠣菜餚，$228任選兩道菜，都抵食，亦都可以單點，我就叫左兩款。 福建海蠣煎 主要以蛋同海蠣為主，蛋餅煎得薄薄又香濃，包圍住滿滿嘅海蠣，海蠣嫩滑飽滿，加入香蔥，更加香口。 農家海蠣湯 海蠣肥嘟嘟好飽滿，加入大量蔥花、勤菜粒、芫荽碎，令湯頭鮮甜又有口感。 百秒黃花魚 $78/一條（位） 只用100秒快速煮熟黃花魚，魚肉勁嫩滑，味道鮮甜，連魚湯汁都十分鮮，不過有細骨食嘅時候要小心d。 家常豬蹄凍 $68 Lee個前菜好醒胃，有冰凍口感，醬汁微辣。 黃金荷葉包 $76/2片 酥脆荷葉包口感似炸饅頭，夾住多汁惹味嘅醬香肉條，好味。 鮮貝燴絲瓜 $98 燴絲瓜清新多汁，加入鮮貝同雞湯燴製，味道鮮甜。 薄荷枇杷凍 $48 枇杷凍清爽潤喉。

好喜歡約好友去居酒屋傾下計，食下野，比自己有個me time。位於銅鑼灣樓上鋪炸串專門店想試好耐。一坐底感覺自己去左日本甘，四圍都好多日本人，好有Feel😍餐牌除左炸串，仲有其他食物，有刺身、揚物等等。 博多牛肉腸鍋二人份$320 係香港真係未試過牛腸鍋，同埋香港日本餐廳都較少見到，鹽湯底配上檸檬，除左牛腸、明太子仲有大量嘅芽菜、韭菜同高麗菜，萄菜新鮮，所以湯底酸酸甜甜，牛腸肥美爽口。 明太子芝士玉子燒 $98 明太子芝士玉子燒蛋香濃仲好滑，明太子既量都唔少，有鹹香味，最正既係拉到絲添😍。 和牛卡爾帕喬 $148 Lee個係沙律冷盤，和牛肉味濃郁鮮嫩，有洋蔥絲、番茄、青瓜片，味道清新開胃。 炸串：日本雞蛋豬肉卷 $38 |大蝦 $98 日本豬肉片包住溏心蛋，Lee間炸串嘅炸粉真係薄，蛋味香濃，入口酥脆。大蝦非常大隻，而且爽口彈牙。 壽司：UNI sushi 揚物：炸豆腐$48 |炸八爪魚 $48

Lee幾日甘凍，最岩就係打邊爐，lee間位於尖沙咀新分店，仍然好有中式宮廷風，門口又有金光閃閃嘅龍椅比大家打卡。 雍穆公主 - 花膠雞湯煲（半隻） 同個好友打邊爐，緊係叫個暖立立嘅花膠雞湯煲，夠哂滋潤養顏，金黃色濃郁雞湯，入面仲有大大件花膠，另有半隻雞添，我地未開始打邊爐，已經先飲2碗湯暖暖胃先。 花花公主牛魔王拼盤 鍾意食牛肉嘅我地，又想試唔同部位，所以叫左lee個細拼盤，有頂級安格斯牛肉、手切本地牛肉、新鮮牛展、頂級雪花牛、牛黃喉、牛舌花同牛肉粒。 安格斯牛脂肪比例均勻，油脂豐富，肉質香嫩。牛黃喉係牛心室嘅大動脈血管，灼1分鐘就熟，非常爽口。 伊比利亞橡果豬 伊比利亞橡果豬當然煲多吃橡果，而橡果含豐富嘅油分同蛋白質，令豬肉帶有果香味，肉與香濃嫩滑。 香香公煮響鈴拼盤 Lee個一定必叫，即叫即炸，有原味響鈴同鹹蛋黃響鈴，響鈴用了鹹蛋炒，香口酥脆。 手打蟹子鮮蝦丸 手打夠丸爽口彈牙，有粒粒蝦肉加蟹子添 香香公煮餃子拼盤 有四款：黑松露蟹肉餃、蟹黃餃、真龍蝦豚肉餃、韭菜豬肉餃。 自家製薏米水 用個中式壺上，好有特色。