地方不大，簡約設計，可以選擇坐吧枱。 1)三文魚沙律菜配上龍珠果 新鮮三文魚卷沙律菜，比較清新，龍珠果清香，跟沙律好夾。 2)將白松露、蘭王蛋、魚子醬拌勻，溫泉蛋黃好香濃，白松露同魚子醬令口感更多層次。 3)澳洲牛柳5成熟配炸蒜片，牛柳肉質滑唔鞋口，櫻桃蘿蔔酸酸解油膩。 4)雞肉配辣菜汁 煎香咗嘅雞肉肉質唔乾，沾上自家製辣菜汁，味道唔太辣好醒胃。 5)大蝦配手打蝦頭蝦膏汁。 蝦肉彈牙之餘，沾上蝦膏汁能提升鮮味。 帶子上面嘅係魚子醬配意大利黃瓜 提升帶子嘅味道。 6)鮑魚配蒜蓉醬 蒜蓉醬夠香，鮑魚咬口彈牙。 東升斑魚肉可配柚子黑醋食。 7)菊花豆腐白麵豉湯 海帶滑豆腐麵豉湯，比一般麵豉湯清。 8)海鮮炒飯配以鳳尾蝦 炒飯炒得乾身，鳳尾蝦咬落爽口。 9)日本紫薯雪糕 日本柚子雪葩 配份子料理嘅爆珠紅豆🫘 份子味道，係十足十似紅豆。

Lento好近地鐵站嘅，轉過彎就見到，店舖佈置簡單而舒服。 紅酒燴牛尾意大利飯 自家製醬汁煮嘅意大利飯好入味，酸奶、芝士粉、火箭菜，食落更有層次感。 避風塘蟹肉意粉 雖然係話避風塘，但唔係好辣，意粉內好多蟹肉亦有蟹籽，口感脆脆的，味道唔太濃，口感豐富。 Lemonade 檸檬汁凍飲，入口涼快味道清新。 Single Origin Chocolate 朱古力凍飲冇加糖，味道帶酸酸甜甜，飲落帶有果實嘅香，感覺好自然同健康。 威士忌朱古力蛋糕 每口朱古力蛋糕帶一點點威士忌香味，唔會搶左朱古力味。

無論黑膠碟係屬於大家共同回憶的懷舊金曲或是打卡嘅嘅餐廳，聽聽音樂，就享受下呢個時刻吧！ 叫左豐富嘅巴馬火腿沙律 新鮮爽脆嘅沙律菜，加入巴馬火腿、果仁、無花果、麵包粒、蜜柑，令沙律更開胃同清新。 慢煮牛尾蕃茄貓耳朵粉 蕃茄醬汁夠多肉汁濃，灑上芝士粉，每隻貓耳朵都包裹着醬汁，牛尾肉質嫩滑夠入味。 手工芝士烤雞卷 伴碟有甜甜的蕃茄仔、青瓜同甘筍絲，配上蒜蓉牛油汁，烤雞卷皮係脆，入面嘅雞肉唔乾有肉汁，亦唔油膩，沾埋蒜蓉牛油汁，層次感豐富左。 玫瑰氣泡蝶豆花茶 紫藍色嘅凍飲，顏色靚味道清淡唔太甜。 法式伯爵茶香朱古力 先帶一點茶味香，入口微甜嘅朱古力味，加埋兩粒棉花糖。

裝飾有懷舊feel，瓦仔牆磚、掛牆電話、舊款竹製雀籠、小型老虎機、歌星海報、懷舊燈箱，而且重會一路播返d金曲。 秘制黃蜆惹味辣雞煲 (bb辣)雞半隻 雞同蜆都夠味，雞肉食落滑嘅，煲內有洋蔥、芫茜、炸支竹、竹筍、雞髀菇，夠味亦唔咸，食到咁上下，可以加清水滾其他食材。 牛肉拼盤 牛肉每個部位都新鮮，在清湯滾都夠味。 (牛舌片、手切牛肉、牛胸尖 、金錢展 、牛肉粒 、雪花肥牛) 即制回味五香肉丁餃(少辣) 細細隻餃子，唔覺唔覺就會食晒。 豐盛雜菜拼盤 新鮮蔬菜包括有:蕃茄、娃娃菜、油麥菜、生菜、蓮藕片、粟米、木耳、鮮淮山、金菇。 桂花蚌 底部有銀芽，桂花蚌好爽口。 鹹檸七兩杯 懷舊膠杯裝鹹檸七，好有feel。

店內以古代做裝飾和擺設，亦有古代服裝扮貴人。 湯底 雍穆公主•花膠雞湯鍋（半隻） 呢款花膠雞湯鍋濃郁，有雞半隻同厚花膠，店員介紹先飲左啖湯。 1）艾莎公主牛肉寶盒(7款) 頂級安格斯牛肉 、手切本地牛肉 、 新鮮牛展 、頂級雪花肥牛 、牛黃喉 、牛肉粒、牛舌花。 呢款拼盤多選擇，牛肉新鮮肉質滑，牛黃喉好爽口，牛𦟌唔韌。 2）手打鮮牛丸 手打牛丸夠滑溜，肉質彈牙，牛肉味濃。 3) 伊比利亞橡果豬 橡果豬嘅肉味比較香濃，亦唔油膩。 4) 香香宮煮響鈴拼盤 咸蛋黃響鈴拼原味響鈴，夠鬆化。 5)油麥菜 新鮮油麥菜，清甜爽脆。 6)自家製竹蔗茅根 竹蔗味道順喉帶清甜。

尖沙咀做完Facial，想食嵐橋呢間日本嘢。 牛油果蟹肉沙律 新鮮蔬菜配搭牛油果、蟹肉、蟹籽、粟米粒、蕃茄仔，材料豐富又好味。 鯛魚二重魚生丼 魚生丼飯內有海膽，帆立貝，三文魚籽、蝦、 真鯛肉質彈牙，金目鯛炙烤比較香。 黑松露三文魚籽帆立貝卷 醬油飯卷內有牛油果同葱，帆立貝上面放上黑松露，味道唔會太濃，三文魚籽鮮甜。 野菜天婦羅盛合 炸漿唔厚，有香菇、秋葵、大蝦肉質彈牙、南瓜、矮瓜、蕃薯、炸魚嫩滑。 鮑魚雞翼 雞肉內有鮑魚，入口香濃，醬汁唔咸。 田樂燒豆腐 炸豆腐塗上醬油，入口香香甜甜。

在石門做完運動就嚟買嘢食，店內好多可愛嘅廢茶家族，亦可以買番隻廢茶回家。 雞蛋布丁杯 配黑糖珍珠、桂花珍珠 。 入口布丁滑滑，再食到彈牙嘅珍珠，桂花珍珠好清香喎⋯⋯ (可以配搭一款或兩款珍珠) 炸桂花花枝丸 本身炸花枝丸已經好食，彈牙之餘，表面包裹一點點桂花糖漿， 多啲層次。 台式手抓餅 芋泥肉鬆餡，手抓餅烘得好香，入面食到豬肉鬆同綿綿嘅芋泥蓉。 水蜜桃烏龍茶加黑糖珍珠 我鐘意烏龍茶唔太濃，飲落有水蜜桃香味，又有咬口嘅黑糖珍珠，成杯飲落唔會過甜。

店內裝修就似入咗日本水產市場，好多人影相留念，鐘意打卡就啱啦。。。 南瀛七點盛 拖羅、帆立貝、三文魚腩、帶子、油甘魚、牡丹蝦、左口魚。 切薄片左口魚鮮甜，厚切嘅三文魚腩好有咬口，拖羅肥美，牡丹蝦大隻又彈牙，每款都新鮮。 蟹味噌甲羅燒 蟹膏、蟹肉、蟹籽、鵪鶉蛋，一路燒一路拌勻，入口好香，蟹膏味濃。 清酒煮蜆 熱熱嘅清酒煮蜆，蜆肉大粒，薑絲連清酒一齊飲好溫暖。 野菜天婦羅 炸成薄脆呢天婦羅:青椒仔、矮瓜、香菇、秋葵、紫薯、南瓜、粟米仔，好食唔油膩。 南瀛卷 海膽甜(唔係苦)，蝦肉爽甜，拖羅蓉滑溜，卷物加埋三文魚籽配搭好。

奧海城鮨樂，望落感覺寬敞啲，座位比較多。 12貫炙燒壽司御膳 白身魚屬時令海鮮，所以每次做嘅壽司都會會不一樣，御膳內還有海膽壽司、三文魚籽壽司，海鰻壽司。 每款味道鮮甜。 極上海膽刺身丼 刺身丼內有海膽、蝦、三文魚籽、帶子、呑拿魚蓉，放滿在飯上，沾一點醬油增添滋味。 蟹肉海鮮蒸蛋 茶碗蒸好多鮮味嘅蟹肉，蒸蛋口感滑溜。 青海苔味增湯 多多海苔嘅味增湯。 沙律 新鮮沙律菜配上胡麻醬。 汁燒原隻活北寄貝 北寄貝口感彈牙，用汁燒嘅做法，食落鮮味更出。 野菜天婦羅 薄薄粉漿包裹着:秋葵、南瓜、矮瓜、紫蘇葉、香菇、洋蔥，夠鬆脆。

酒店內的中餐廳，裝飾雅致。 豬膶燒賣 廚師整豬膶燒賣好功夫，豬膶咬口滑唔會（鞋同乾)，豬肉燒賣彈牙有肉汁。 雪山叉燒餐包 咬一啖鬆軟嘅餐包，包裹住叉燒餡料，叉燒原汁原味好香甜。 遠年陳皮湯浸牛肉球 未食牛肉球之前，會有蓋蓋上，下面有火熱住，能保持温度，牛肉就唔會凍晒。滑滑嘅牛肉球，食到陳皮同香茜嘅香，牛肉肉質彈牙。 高湯伴黃金粉果 香口嘅粉果皮，入面係蝦蓉，咬落脆口之餘，一d都唔油膩。 安格斯牛肉煎餅 鬆皮上澆滿黑白芝麻，香口鬆化之餘，入面係洋蔥牛肉，好味又肉嫩多汁。 手磨紅米腸粉 紅米腸內包住油炸鬼，油炸鬼入面係白蘿蔔絲，入口先食到軟糯嘅紅米腸再感受到香脆嘅油炸鬼，之後就食到清甜蘿蔔絲，配搭唔錯。 廚王單腳炒飯 炒飯粒粒乾爽，將江珧柱絲拌勻 葱粒、櫻花蝦、蛋，整個飯香氣出晒嚟，亦冇油淰淰。