田記魚蛋牛腩專門店 (碧街)

營業中

休息中

金牌牛腩河粉 $45牛腩份量十足，肥瘦層次分明，口感軟嫩，牛味超濃厚。牛筋膜帶有油脂香氣，爽而不硬，軟腍味香，肥瘦剛剛好，一次過可以品嘗到兩種不同的口感，推薦大家品嘗！這道菜的配菜有三大塊白蘿蔔，白蘿蔔爽甜無渣，能夠減低大口食肉帶來的油膩感。搭配的幼河粉滑溜，份量十足，就算胃口比較大的人也吃不完。整體而言，性價比非常高，真的太正了！對於喜歡辣味的人，一定要加上辣椒油，讓味道更加昇華！招牌魚蛋河粉$40魚蛋結實彈牙，每一顆都大大粒，有著咬口的口感。沒有想到製作魚蛋的工序如此繁復，需要經過劏魚、去皮拆肉、打漿、按壓等步驟。田記魚蛋擁有二十七年的魚蛋製作經驗，每天都新鮮製造，不含防腐劑，百分百由新鮮黃門鱔和䱛仔魚製成。今天親自品嘗後，果然名不虛傳！魚蛋軟滑彈牙，口感脆爽，確實可以品嘗到三種不同的層次！外皮香脆，內裡Q彈爽口，而且魚味鮮濃，扎實豐富，絕對不像一般魚蛋那麼鬆軟。同樣出色的是魚片，魚香味濃，口感獨特，充滿魚肉的鮮香！炸魚皮 $26每一片魚皮都是如此的金黃酥脆，輕輕咬下，那種幸福感油然而生。有時候，世界就是那麼簡單，一個小小的滋味就能讓人心滿意足。

小編好喜歡食牛腩，平時食粉麵都會配牛腩，今日到油麻地行街時發現有一間牛腩專門店，更加售賣平時少見的崩沙腩，撞正午飯時間，我就點了一碗崩沙腩河粉和一枝豆漿。崩沙腩是牛腩的一種，是牛的橫膈膜，表面有一層橫膈膜連著腩肉，筋膜連著肉。崩沙腩炆到軟腍味香，肥瘦剛剛好。大推!配菜有三大塊白蘿蔔，白蘿蔔爽甜無渣，減低了大口食肉帶來的油膩感。幼河粉滑溜，份量滿滿，胃口算大的小編都吃不完。整體性價比高值得一提的是小店職員態度好、用心服務客人，值得一讚👍小編一定會再去光顧。#油麻地美食#油麻地#牛腩#foodie#hkfoodie#香港必食#香港美食#香港网红打卡#香港美食探店#moodzfoodie#moodzfoodz

今日lunch時間啱啱去開油麻地，就喺openrice度search下有咩食，呢排都想試多幾間牛腩，見呢間都好多好評，一於嚟試下入去前諗住嗌崩沙腩，入到去又覺得牛魔王可以試埋牛筋牛雜，反正同價，又試下牛魔王，另外嗌咗杯凍檸茶。落單阿姐都算好聲氣，可惜另一個阿姐一行埋嚟就倒咗兩啖凍檸茶落我背囊上面完全當冇事發生...俾張紙巾都好掛...之後聽到麵檔入面個廚問阿姐「牛魔王即係乜」...個心已經涼咗半截，碗河上到嚟，係好足料，可惜牛腩係鞋得嚟冇乜味，牛肺同牛筋都唔夠淋，牛膀又唔知點解切到勁厚... 整體味道相當一般...結果腩，筋同肺都冇食哂，最ok可能係牛腸算正常又不至於難食，$70連嘢飲偏貴但都夠多料gei，但一定唔值咁多好評，應該都冇下次

星期五加班後去找地方吃晚餐，補充一下體力💪。由於時間已不早⏱️，想簡單地吃碗牛腩河，於是朋友就介紹了這餐廳，位置在地鐵站出口🚈，非常方便。一看餐牌，本想試試牛腩界的天花板─崩沙腩，可惜已經沽清了🤦‍♂️。於是我轉而點了牛魔王河粉。🐮🐮🐮牛魔王河粉包含了很多不同部位的牛🐂，有牛腩、牛根、牛膀、牛肺、牛腸和金錢肚，所有的材料看起來都非常新鮮肥美，真是牛氣沖天🐮！牛腩果然名不虛傳，口感爽口，非常容易咬開，完全不黏牙，稍微帶點肥美，散發出濃郁的牛味。牛膀是我第一次嘗試，口感有點像豬潤，非常特別。牛肺和牛腸一點異味都沒有，鮮嫩順滑，讓人回味無窮。至於金錢肚，一咬就開，味道恰到好處，吸取了湯汁但又不會過鹹，爽口有彈性。🐟🐟🐟因魚蛋也是這家店的招牌出品，所以也來一碗魚三寶河粉🐟。魚三寶包括魚蛋、魚皮餃和魚片頭。魚蛋咬下去有一種充滿空氣的彈牙感，應該是手打才有這種口感，真的是用心做出來的招牌美食。魚皮餃的外皮厚身，內裡魚肉成分比澄麵多，容易咬開而不會有韌的口感，非常美味！至於魚片頭，入口鮮嫩滑順，讓人感到滿滿的幸福感🥰。🥬🥬🥬另外，我們還點了腐乳通菜🥬，通菜鮮綠嫩滑，充滿濃郁的腐乳味道。兩碗河粉都非常大碗

⭐今晚接老公放工 佢又要OT啦 💕最近放工好夜啦 同老公好想食碗魚蛋粉🍜 依家晚上 🌙九點後開嘅餐廳真係唔算多🍽 🥘我哋就揀咗食碗魚蛋粉🥢 簡簡單單又方便 就啱曬啦🚉好鍾意嚟呢一間近地鐵站出口嘅 魚蛋粉/崩沙腩專門店🍜 呢度好多選擇 魚蛋粉 牛腩麵 等等 🍜今晚老公就食咗個水餃麵🥟 水餃好大粒 好彈牙 米線亦都好香滑我就食咗一碗牛蒡麵🍜牛蒡份量好多 真係超抵食 呢度主打 手打魚蛋 🐟 魚蛋超級但牙 另外加錢點咗個蠔油菜心🥬啲菜心好甜 好好食 飲品梗係飲🍵港式凍檸茶🍋茶膽 芳香 檸檬🍋份量夠曬多 大大杯好解渴 老公飲咗杯 🧋熱奶茶🥛 勁香 好提神 🪑呢度位置細細 但係都 唔使答枱 坐得好舒服🌃 近地鐵站真係宵夜嘅首選🌛

今次嚟左一間專食牛同魚蛋嘅粉麵舖，牛筋魚蛋米👍🏻👍🏻👍🏻牛筋炆得夠淋，我特別鍾意佢仲有少少咬口，咁有膠質真係女士恩物🥳牛腩好正常入哂味，一擺入口就咬得開，證明炆嘅時間都足夠，抵讚。牛魔王米線我朋友乜嘢牛部位都鍾意食😂就叫左呢個米線，勁多餸所以佢都分左d畀我食。我好怕好重內臟味，但佢地又整得幾唔錯，特別要讚下個金錢肚，夠淋就不在話下，牛味都夠哂出，抵讚！最後想提下個生菜，雖然係普通嘅油菜，但係佢好新鮮，無話係浪水煮太耐，仲係幾脆身，係細節度見到有用心機🥰👍🏻。以主打食牛嘅粉麵舖，呢度當然唔係有咩驚為天人嘅味道，而係份量同味道都對得住個價錢，款式又多，推薦一眾「牛魔王」嚟食🐂。

田記魚蛋牛腩專門店經開油麻地見未食野，突然想食牛腩麵，諗起一年前去過呢間牛腩專門店食野，咁啱又有帶斜板，就一於入去再回訪，見到價錢貴咗少少，但味道不變，入面依然咁旺場，我一樣食到最出名嘅崩沙腩，今次仲淋過上次，食完無痴牙，怪唔知越嚟越多客啦！如果輪椅人士想入去食「田記魚蛋牛腩專門店」而又無斜板嘅話，可以去另外一間太子塘尾道分店，果間門口一級只係好薄好薄，味道一樣咁好食嫁！1.牛三寶河粉（牛雜,牛肚,牛筋）$58+凍檸茶$8（9/10）呢個牛三寶河粉我係拎走，店員好好幫我分湯放入我自備嘅飯盒，牛三寶入面有3舊牛肚，4舊牛雜同4舊牛筋，全部都好淋，河粉因為分咗湯，所以返到屋企補返湯落去一樣咁好味！凍檸茶：檸檬有4片，檸檬同茶比例啱啱好，又唔會太甜，好飲！2.崩沙牛腩幼麵$62+熱咖啡$8（9.5/10）重頭氣崩沙腩出場，越早嚟越有得食，呢度崩沙腩好快賣哂，今次我揀咗幼麵，幼麵爽口，至於崩沙腩有8舊，每一舊都好淋好入味，仲有兩大舊無渣又好甜嘅白蘿蔔，真係無得輸，大推比大家！熱咖啡：呢個熱咖啡帶有少少酸，夠香濃，又好滑！3.通菜$18（8.5/10）呢碟通菜係腐乳通菜，份量都唔少，通菜新鮮爽口

//🇭🇰 田記魚蛋牛腩專門店 🍜//牛腩麵雖然係好普通嘅香港特色美食但其實整得好食都唔係禁易😋今次同大家介紹我私心好鍾意食嘅粉麵檔田記魚蛋牛腩專門店每次去做瑜伽前都會去食牛腩夠淋食入口即化啖啖肉都有豐富嘅肉汁唔會過份鹹另外魚蛋都好出名魚蛋超級爽口彈牙！而且魚味鮮濃口感結實彈牙完全唔似出面魚蛋禁淋🆗推薦⭕️牛腩魚蛋麵⭕️牛腩撈粗💰$52/1p⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆評分(五星為滿分)⭐️⭐️⭐️ ⭐️ ⭐️

香港的魚蛋、牛腩粉麵都很著名，偶然下班後不想煮飯都會去吃一碗，今天來到這間位於油麻地站的田記魚蛋牛腩專門店，在地鐵站a1出口一出來就見到，非常易找！老公點了崩沙牛腩米粉，這間店的崩沙牛腩每日限量，幸好來的時候不是太晚才能吃到，崩沙牛腩肉質不會老，每件都很大片肉厚厚的，崩沙牛腩最上層的脂肪是重點，入口時有肥油但不會很膩，很好吃！我點了牛三寶幼麵，有牛腩、牛筋和牛肚，牛三寶的調味不會很咸，腩汁味道香濃，牛肚爽口，牛筋就是滿滿骨膠厚的質感。油菜點了通菜，是腐乳通菜，$18有滿滿的一碟，通菜新鮮爽口翠綠！

一間主打牛腩嘅麵舖，啲牛腩就一定要好食啦！！田記果然冇令我失望～老細叫咗崩沙腩撈粗，崩沙腩有好多件～炆得好冧，但係絕對唔會覺得膩，腩汁味道好香牛味，但係完全唔覺得鹹或者膻 ～我叫咗牛三寶河粉，牛三寶包括牛肚、牛筋、牛腩～牛筋炆得軟滑香淋，牛肚爽口，全部都係金錢肚（🥰我嘅至愛），我果碗嘅牛腩同老細唔同，我嘅牛腩比較爽口，但係亦都可以做到一咬即爛…呢個就係師傅到家喇！！👍🏻😋食潮式粉麵，佢嘅辣椒醬一定要試！要食渣～唔會太辣，但係好香！！調味料中估唔到會有魚露，配合魚蛋、魚角，我諗應該好好食，下次要試下啦！再嚟一個腐乳通菜，感覺份量比其他粉麵舖比多～飲品叫咗兩支豆漿，感覺亦都唔會太甜～佢嘅粉麵感覺上比較大碗，所以食完一碗都已經好夠飽～舖頭就響地鐵站A1出口，地理位置非常方便，下次經過大家不妨去試下！

本地傳統麵店真係買少見少，耐不耐就好想食。最多呢類型麵店就係油尖旺區，呢日來到油麻地就搵到田記食午餐。牛腩麵店當然要點牛三寶！$58有6種麵底選擇，我點了河粉。河粉超大碗，湯底濃厚，先飲了幾啖確定真材實料熬製。牛三寶有牛腩，牛肚，牛筋。牛腩厚切，口感唔會硬，帶有適當的油脂，鮮味濃郁。牛肚肉質軟又帶點彈脆、鮮嫩、口感綿密。牛筋炆得十分軟糯。另外追加了芥蘭 $18 同荳漿$8總結：大碗，真材實料，牛三寶好食，而且抵食。

油麻地廟街一帶🥢，無論日頭夜晚都好多嘢食😝。無論係附近街坊、出去行街、或者專登去嗰頭遊覽一下😍，都值得嚟呢間舖頭，試下佢嘅大大份嘅港式粉麵🍜。呢度係正地鐵站出口🚇，而且份量真心夠多✌🏻，抵食。.🐮牛筋河粉加紫菜($52)牛筋嘅口感腍身得嚟，但一啲彈牙嘅膠質感覺🫦，而且份量都唔少。加埋紫菜都好夾🌊，紫菜本身嘅鮮香味同埋口感，真係好夾粉麵嘅湯底🍜，同埋河粉。.🐄牛魔王河粉($62)鍾意食牛雜嘅朋友，就可以嗌呢一款😋，因為裏面一次過食勻晒唔同嘅牛雜部位，同樣都係份量超滿足💥。裏面有齊晒牛腸、牛肚、牛膀、牛肺、牛腩、牛筋😍，每款嘅牛味、油脂感都好足🤩。.🌱腐乳通菜($18)份量同樣都好多，而且賣相唔錯🌟。腐乳醬亦都夠濃郁👅，腐乳香味真係好夾通菜嘅口感。

喺油麻地站A1一出就到達嘅港式麵食店，下午茶時間去到依然人流不絕，落完單見到師傅即刻煮，上菜速度快!!!簡簡單單的食一餐，價錢實惠，見到有唔少街坊外賣~最出名係魚蛋同牛腩~魚蛋係用真魚肉，自家製成~舖頭充滿牛肉香!!叫了一碗招牌牛腩河。▫️招牌牛腩河 $45牛腩望落偏瘦唔肥膩，牛腩份量比想像中多~食落⼀啲都唔柴，湯底清清甜甜不油膩，河粉份量多，好夠食。▫️凍奶茶 $8加$8有一杯飲品，完全就是港式奶茶的味道~好飲解膩！

🐂金牌牛腩河粉拼牛肚牛腩汁湯底，啖啖都有牛腩味，牛腩切片上，唔算淋身但幾入味，牛肚淋得黎又有咬口，一格一格超靚牛肚位，有驚喜！河粉麵底超多！好滑身，抵食😆.🐂牛筋雙牛丸同樣係牛腩汁湯底，牛筋份量唔少，煮得好入味，骨膠原滿滿～ 牛丸好juicy~ 會想encore~ 值得一試牛丸😛.🥬腐乳生菜追加$18，腐乳超濃味，生菜唔會煮到淋曬～ 個腐乳醬用黎送飯一定一流🤫.🥬蠔油芥蘭追加$18，芥蘭爽口，唔會苦，算新鮮!

話說喺油麻地一間樓上鋪飲緊酒，由於好早食飯九點幾已經有朋友話肚餓，佢話想叫外賣。可惜我們不是喺深圳，冇美團叫外賣好像始終都有一點唔方便，距離始終隔咗一條深圳行，搜尋網上外賣平台嘅平台冇乜嘢啱食，於是呢度嘅員工就推介左樓下嘅雲吞牛腩麵。佢好型咁講咗一句樓下有人，我諗咗好耐到底佢係有朋友喺度食緊定係佢有員工喺樓下操part-time，定係有人係度食可以唔駛錢。我淨係知道樓下咁近就不如落去試一試。叫了一個牛雜麵，絕對係香港最典型嘅牛雜檔感覺。麵正常發揮，金錢肚好靚，腩同筋都幾好，湯頭濃，加個油菜點湯，一流。我終於明白點解叫樓下有人了。