田記魚蛋牛腩專門店 (碧街)

營業中

休息中

一間主打牛腩嘅麵舖，啲牛腩就一定要好食啦！！田記果然冇令我失望～老細叫咗崩沙腩撈粗，崩沙腩有好多件～炆得好冧，但係絕對唔會覺得膩，腩汁味道好香牛味，但係完全唔覺得鹹或者膻 ～我叫咗牛三寶河粉，牛三寶包括牛肚、牛筋、牛腩～牛筋炆得軟滑香淋，牛肚爽口，全部都係金錢肚（🥰我嘅至愛），我果碗嘅牛腩同老細唔同，我嘅牛腩比較爽口，但係亦都可以做到一咬即爛…呢個就係師傅到家喇！！👍🏻😋食潮式粉麵，佢嘅辣椒醬一定要試！要食渣～唔會太辣，但係好香！！調味料中估唔到會有魚露，配合魚蛋、魚角，我諗應該好好食，下次要試下啦！再嚟一個腐乳通菜，感覺份量比其他粉麵舖比多～飲品叫咗兩支豆漿，感覺亦都唔會太甜～佢嘅粉麵感覺上比較大碗，所以食完一碗都已經好夠飽～舖頭就響地鐵站A1出口，地理位置非常方便，下次經過大家不妨去試下！