田記魚蛋牛腩專門店 (碧街)

呢日行經依間專食牛腩同魚蛋粉麵既田記，用上優質食材製成，喜歡魚蛋牛腩既我，就要去品嚐一下啦 ~店內主打手打魚蛋同牛腩，在香港有自設廠房生產及製造，真材實料，無添加防腐劑，食得安全又放心。餐牌上都有幾多選擇，牛魔王、金牌牛腩、牛三寶、招牌魚蛋、秘製牛雜等等，亦有牛既其他部位可以揀，款式特別。金牌牛腩麵          $46牛腩口感真是與別不同，果然不錯。牛腩軟腍唔韌亦有少少咬口，煙韌彈牙，肉質肥瘦適中，食起嚟好嫩滑多汁，麵條入口滑嘟嘟，吸咗濃郁既湯汁，好味道。淨魚三寶            $44淨魚三寶有魚蛋、魚片頭同埋魚皮餃，手打魚蛋肉質嫩滑，食落彈牙爽口，魚片頭炸至金黃香口，魚肉味濃，魚皮餃餡料多，帶出鹹香味，配搭上湯好清甜，依碗有齊3樣都好滋味。鮮蝦雲吞幼麵           $39雲吞都好大粒，蝦肉爽口，與豬肉混合，肉質口感彈牙又豐滿，肉既味道即時散發出來，湯底明顯係用大地魚煲，清甜好飲，幼麵煮得唔會過淋，食落好爽口。凍檸檬茶       (+$8)經典港式飲品，濃郁既紅茶配新鮮檸檬，少少甜，口感清爽解膩。可樂      (+$8)天時暑熱，叫罐可樂，冰冰涼涼，即時解渴。…查看更多

最近知道田記牛腩粉喺太子開咗分店，所以心郁郁又想食牛腩粉，近近地嚟咗油麻地碧街呢間分店，餐廳喺正油麻地站出口超級方便。餐牌除咗有麵食之外仲有飯叫，叫咗金牌牛腩河、牛魔王河粉同其他小食。牛腩粉大概有五至六件左右，每件都切得厚薄適中，肉連筋膜，口感煙韌軟糯，表面更有一層膠質，肥瘦分層非常明顯 ；而牛魔王河粉啲餸亦超大件，可以一次食到咁多個部位，CP 值唔錯。另外加埋飲品、油菜同淨蘿蔔埋單先係 $150 蚊，價錢都合理。…查看更多

⭐放工好夜 好想食碗魚蛋粉🍜 依家晚上 🌙九點後開嘅餐廳真係唔算多🍽 我哋就揀咗食碗魚蛋粉🥢 簡簡單單又方便 好鍾意嚟呢一間近地鐵站出口嘅 崩沙腩專門店🍜呢度好多選擇 魚蛋粉 牛腩麵 等等 崩沙腩粗麵 崩沙腩好靚 脂肪平均 啖啖肉 牛腩汁配粗麵好夾牛三寶米線 牛筋好腍 牛肚啖啖肉 牛腩汁好香 米線亦都好香滑 呢度主打 手打魚蛋 魚三寶米粉 有魚蛋 魚皮餃 魚腐 全部手打 好新鮮魚蛋超級但牙 另外加錢點咗個蠔油菜心🥬啲菜心好甜 好好食 飲品梗係飲🍵港式凍檸茶🍋茶膽芳香 檸檬🍋份🧋熱奶茶🥛 勁香 好提神 🪑呢度位置細細 但係坐得好舒服🌃 近地鐵站真好方便 🌛…查看更多

原本諗住有飯局點知走咗落MK睇錶，行到老廟街頭見到兩間食粉麵一間係叫源發，對面一間叫田記，上 Openrice 睇田記有二百幾個正評，而且招牌寫住牛腩專家必食之選咁就入去試下，裏面食客九成係遊客入到去好似去咗聯合國咁，牛腩河多葱其實賣相都算唔錯，牛腩都有六、七舊舊都有肥瘦兩層肉，不過食落先知真功夫，可能我唔識欣賞有四五舊係肥膏好肥但瘦嘅部份就好乾好柴好似食緊肉絲咁仲要黐牙，得兩舊係似返啲樣，河粉好鞋唔夠滑，湯底無甚特別，比預期中失望仲話係必食之選都唔知嗰二百幾個 like 喺邊度嚟？真係忍唔住食完要即刻出返個 post comment 一下，$46咁嘅質數其實係偏貴，求奇搵一間正常食牛腩河嘅我諗應該都好過佢......🤨🙄😑…查看更多

Fish ball & fillet with flat rice noodles 招牌魚蛋河粉 🐟 $39餐廳嘅招牌魚蛋河粉好受歡迎，用咗百分百真材實料魚肉，魚肉味濃厚，無論係白色魚蛋粒，定係炸過嘅魚片頭🔥，食落去口感超級彈牙，而且係每日新鮮製造🐠，確實幾高質素，絕對推介👍🏻Shrimp wonton 淨鮮蝦雲吞 🦐🥟 $39 呢一碗淨鮮蝦雲吞每一粒雲吞都脹卜卜😋，蝦肉非常爽口，而自家製嘅雲吞特別有誠意，成碗雲吞嘅性價比好高，值得order ! Seaweed soup 🥣 紫菜湯 $15熱辣辣嘅紫菜湯真係唔錯，紫菜嘅味道唔會太鹹，但好入味，用嚟配搭各款粉面都好match🤤 ，而且紫菜營養價值好高，滋潤、健康又正呀…查看更多