田記魚蛋牛腩專門店 (碧街)

營業中

休息中

今次嚟左一間專食牛同魚蛋嘅粉麵舖，牛筋魚蛋米👍🏻👍🏻👍🏻牛筋炆得夠淋，我特別鍾意佢仲有少少咬口，咁有膠質真係女士恩物🥳牛腩好正常入哂味，一擺入口就咬得開，證明炆嘅時間都足夠，抵讚。牛魔王米線我朋友乜嘢牛部位都鍾意食😂就叫左呢個米線，勁多餸所以佢都分左d畀我食。我好怕好重內臟味，但佢地又整得幾唔錯，特別要讚下個金錢肚，夠淋就不在話下，牛味都夠哂出，抵讚！最後想提下個生菜，雖然係普通嘅油菜，但係佢好新鮮，無話係浪水煮太耐，仲係幾脆身，係細節度見到有用心機🥰👍🏻。以主打食牛嘅粉麵舖，呢度當然唔係有咩驚為天人嘅味道，而係份量同味道都對得住個價錢，款式又多，推薦一眾「牛魔王」嚟食🐂。