今日約左朋友係尖沙咀飲嘢，同時又想食飽飽先返去，朋友就介紹去佢公司附近嘅樓上酒吧。 嚟到酒吧當然要叫酒，店員介紹有Happy Hours，亦都包括Signature Drinks，我見到有隻叫港式奶茶嘅，鍾意試新嘢嘅我當然要試一試。 先講餐廳推薦度：🅰️🅰️🅰️🅰️🅰️ 港式奶茶：$138 鍾意驚喜嘅必須一試，邊估到呢杯透明嘅酒，竟然真係有奶茶味😱，而且都仲幾真。酒味唔算濃，女士都啱飲😎。 慢煮紐西蘭羊鞍：$258 估唔到羊架有4大件，好在有朋友share，否則一個人都真係驚食唔哂。講重點啦，羊羶味合理，唔算勁，煎得啱啱好無全熟，夠淋有肉味👍🏻。 四重芝味薄餅：$138 要拉絲有拉絲、我仲食到藍芝士味，重度芝士控必食😝。餅底唔係薄身嘅，帶少少煙靭嘅口感😋。 冰火朱古力凍餅：$78 一開始有wow factor嘅甜品😍，鐵板熱住份布朗尼同埋焦糖脆，配合埋雪糕，真係無理由唔好食🤩。不過要提提大家個鐵板加焦糖真係好熱，小心辣親。但又要小心雪糕熱到熔😂。 今次畀整體分，因為真係每樣食物都令人滿意，價錢同份量都合理，幾個朋友飲住酒share食一定都夠哂滿足，一定會再嚟，5星推薦！🅰️🅰️🅰️🅰️🅰️

荃灣有好多遊樂設施畀細路玩，今日玩完係附近搵食，又去左一間最近常去嘅食店食飯，今次就試下其他嘅食物，睇下有冇水準。 玉子燒： 玉子無煮到全熟，半熟嘅玉子仲有少少流心，味道好似食緊雞蛋糕咁，幾唔錯嘅前菜。 日式煎餃子 呢樣幾有驚喜，佢煎得個底脆之餘，裡面仲有肉汁，好似食緊小籠包不過個底係煎嘅，幾推薦。 芝麻雞翼 我地今次叫左兩隻雞翼畀小朋友食，佢食得好開心，因為d雞翼香口，肉味都醃得幾好，價錢合理。 今次食完之後發現唔止佢地嘅創意料理，常見嘅菜式都好穩打穩紥，幾推薦畀大家玩完過嚟食 。（下次推介下同小朋友嘅好去處）

今日去左大埔搵食，經朋友介紹原來有間隱世嘅fine dinning 法國菜，呢個cross-over幾新鮮，一於就入去試下。 魚子醬多士：🅰️🅰️🅰️🅰️ 魚子醬有咸香，唔係死咸。多士好似好厚，但外面脆中間就軟身，連埋魚子醬就好夾。👏🏻👏🏻👏🏻 A5和牛鵝肝：🅰️🅰️🅰️🅰️ 鵝肝煎到好香，面頭仲有d焦糖化😍，露荀有好香嘅牛油味，主菜A5和牛都煎得幾香，最重要係保留返牛油無煎走哂。 紅酒浸啤梨：🅰️🅰️🅰️🅰️🅰️ 呢樣甜品啤梨好琳，可以用匙羹就食到。酒味唔算太勁，有少少葡萄味都突出到啤梨嘅甜。呢樣菜式需時處理，算係心機菜，真係唔係高級餐廳食唔到😋 最後想讚下呢度嘅服務，佢地會等我地食完一樣先上另一道菜，唔會滾水淥腳，畢竟唔係普通嘅西餐廳，呢樣基本嘅服務係大埔區都做到足，呢樣抵讚。👍🏻👍🏻👍🏻 總結嚟講，可以係大埔區食到高質嘅Fine Dinning係幾有驚喜，但提提大家始終係食法國菜，要預多少少時間，我地全程大概食左兩個鐘。

呢家觀塘工廈真係覓食嘅天堂，勁多花款嘅食物。呢間居酒屋話哂係創意日式料理，所以就抱住好奇心入去試下😁。 沙津：🅰️🅰️🅰️🅰️ 份量好多，豆腐好滑，配埋足量嘅胡麻醬，咸咸甜甜好開胃🥰。 青龍卷+煙花+金龍卷：🅰️🅰️🅰️🅰️🅰️ 三款卷物好精緻，配搭亦好新鮮，例如半熔嘅牛油果+鰻魚，有唔同嘅層次。特別想提下個煙花係辣味三文魚+吞拿魚，係日式手卷好少見主打辣嘅調味（不過咁都唔算話好辣😝），呢款幾新鮮，連埋薯片食會有一種刺激嘅口感。 櫻花蝦茄子燒：🅰️🅰️🅰️🅰️ 蝦花蝦睇圖都見一d都唔奢侈，令到燒出嚟嘅茄子有好香嘅蝦味，佢地亦無中式蝦米咁硬，脆脆地連埋綿綿嘅茄子一齊食，好夾👏🏻。 總括來說，觀塘嘅打工仔返工已經咁沉悶，食晏要差一差電，轉換一下新鮮感嘅話，呢間居酒屋真係幾推薦畀大家！

性價比高，很有水準的日式居酒屋 今日收工突然想食日本菜😊同老公去左天水圍天澤商場裡面呢間居酒屋。店內裝修很有日本風情，店員亦很有禮貌。 我地叫左餐前小食青瓜螺肉，醬汁味道濃郁，很開胃。小食最驚喜嘅係懷舊戲院燒土魷，估唔到係日式居酒屋都會有得食，很香很有嚼口，好吃。 壽喜燒牛肉火鍋好足料，湯底甜味剛剛好，正！ 串燒我地叫左鹽燒厚切牛舌心，串燒雞皮單串燒粟米。牛舌真係好厚切，一啲都唔敷衍，鹽的調味剛剛好，咬落又軟又彈牙。串燒雞皮又脆又香。最喜歡嘅串燒粟米，清甜帶點烤香。 仲有芝士煙肉焗生蠔，即燒熱辣辣，加上濃厚嘅芝士，好好味。 火炙三文魚腩壽司同芝士蟹籽壽司都很鮮味。 整體來講好滿意，一定會encore!

燒味飯通常都係買開外賣，但係朋友介紹呢間要坐低食，咁特別，所以就一於試一試。 燒腩仔燒鵝飯：🅰️🅰️🅰️🅰️🅰️ 燒腩仔皮脆就基本，呢間調味亦都啱啱好，整體嚟講我幾滿意😎。燒鵝同樣唔錯，就算唔係鵝髀位，但係肉味都好夠濃，真係食到鵝同鴨嘅明顯分別，呢個抵讚。👍🏻 叉燒切雞飯：🅰️🅰️🅰️🅰️🅰️ 朋友叫左呢個飯，我都有我試下佢嘅😜首先講叉燒，佢哋嘅叉燒冇燶邊，而且肥瘦均稱，夠淋夠味，好好送飯😆。另外佢嘅白切雞，就算係雞胸位，都冇話好嚡，依然都係好Juice （用Juicy形容切雞好似好特別🤣不過係真嘅！） 叫得燒味飯，最後當然都要講吓佢哋嘅豉油汁同薑蓉真係好有心，係食得出有調過味🤗唔係死咸。呢d真係小心思。 總括嚟講，呢d小店真係要推薦畀大家，街坊嘅人情味特別濃厚🥰再連埋一碗老火湯、新鮮嘅油菜，成餐飯就好滿足😊。誠意推介畀大家嚟食👏🏻！

荃灣附近有好多親子嘅遊樂場，玩完就係附近搵食，見到有間和食都啱小朋友，份量都夠多，一於去試下。 龍卷風沙律🅰️🅰️🅰️🅰️： 份量極多😱，上層可見蟹柳蟹籽份量跳都不在話下，下面仲唔係只係舖菜，而係仲有中華沙津係底，好多嘢食，我個小朋友食得好開心。不過呢個沙律有少少辣，呢樣要有少少留意（不過我小朋友鍾意辣😂） 超級龍卷風🅰️🅰️🅰️🅰️🅰️ 蜘蛛🅰️🅰️🅰️🅰️： 我地叫左兩樣創意嘅手卷，可以一齊講講🥰。食材配搭唔同當然係亮點，鰻魚、芝士配脆蝦；泡菜同軟殼蟹，睇嚟佢地都好擅長玩唔同嘅味道同口感配合。呢一點令我對佢地其他飯團有信心。👏🏻👏🏻👏🏻 雜錦天婦羅🅰️🅰️🅰️🅰️ 最後講一講天婦羅，話哂都係創新嘅餐廳，天婦羅都有特別，其中就想講下秋葵，因為估唔到裡面有蝦膠，幾有驚喜🧐，秋葵軟身加蝦膠彈牙，唔同嘅口感幾正，不過我覺得蝦膠再咸多少少會好d。 呢間居酒屋走中價價位，但係做出嚟嘅菜式有創意，份量足，會同出面一式一樣嘅日式居酒屋有分別。又唔會話為左創意而味道奇怪，呢間幾推介大家嚟試下d創新料理。

呢間創意嘅日式餐廳，之前都有食過佢地嘅分店，今次去開The One睇戲而搵食，見到呢間就二話不說走入去。 柚想蝦你：🅰️🅰️🅰️🅰️ 柚子開頭以為會有d苦澀，點知係酸酸甜甜，以開胃菜來講真係好清新🤩。甜蝦好慷慨畀左好多隻，沙津份量多，推介！ 富士山：🅰️🅰️🅰️🅰️🅰️ 創意手卷嚟講，面頭嘅蟹柳已經先聲奪人😱，但下面嘅手卷都無落差，半熔嘅牛油果配上多魚油嘅鰻魚，入口就又濃又creamy，做得好好，呢個大推👍🏻！ 埼玉網燒牛舌：🅰️🅰️🅰️🅰️🅰️ 牛舌最怕薄薄地，但呢舊算係厚身，入口就出油香，配埋佢個汁酸酸地，好夾。 鹽燒鯖魚：🅰️🅰️🅰️🅰️ 條魚比想像中大條好多，魚油充足，佢燒得幾好，我朋友吞埋d骨添😅，食材高質對得住個價錢。 總括嚟講，今次我地叫左d紮實嘅菜式，呢間日式居酒屋做得幾好，已經成為我地嘅信心之選。

收工去左半山嘅蘇豪區食飯，個度除左酒吧仲有唔少餐廳，今日搵左間專食薄餅嘅，就入去試下。 一入舖頭就見到佢地專做pizza嘅爐，唔係普通嘅焗爐，果然薄餅有追求👏🏻 Uncle Kong 8inch 👍🏻👍🏻👍🏻 佢係個爐一出就上枱，一上枱就已經聞到好香。芝士熱辣辣仲有拉絲😍，而磨菇焗完香味好出，特別想讚下個餅底，見佢薄薄地以為好脆，點個原來脆之餘仲有少煙韌，好有層次，抵讚😎👍🏻。 Lingune with fresh Crab Mushroom, Prawns, Crab Meat & White Truffle Oil 👍🏻👍🏻👍🏻 佢地嘅蟹肉似係一梳梳，似係人手拆肉，食得出鮮味，唔係一般嘅急凍貨，呢度真係要畀心機分佢👏🏻大蝦彈牙，味道都夠鮮味，我朋友覺得個意粉比較淡，不過我就覺得咁先可以食到海鮮嘅鮮味😜 今次呢個份量，兩個人嚟食都夠飽，薄餅叫到12inch嘅話可能會太多，畢竟都算係濃味嘅。係一眾嘅酒吧林立之中，有間靜靜地食pizza意粉嘅都幾chill，佢地仲有happy hours，叫飲品半價，都幾抵玩。推介畀大家幾個朋友嚟飲酒食飯吹水🍻

座位寬敞舒適 乾淨 雅致 光猛 一入去就有姨姨好親切同我打招呼 問我想飲中湯定西湯 是日中餐餐湯：南瓜湯 兩碗熱辣辣嘅南瓜湯好快就上枱 好味 係老火湯嘅味道 飲完係無口渴嘅感覺 飲完湯兩個小菜就到啦 今日叫左枝竹牛腩煲+南乳粗齋 兩個餸都大大份 夠晒2個人食 每個餸都有一碗白飯 （1）枝竹牛腩煲 熱辣辣 好香 啲汁好濃 牛腩炆得啱啱好 唔會太腍都唔會太硬 枝竹超級入味 索晒牛腩煲嘅精華 送飯一流！！ （2） 南乳粗齋 滿滿嘅南乳香味 足料 有枝竹 菜心 椰菜花 娃娃菜 魚腐 粉絲 每一樣都好入味但唔太腍