田記魚蛋牛腩專門店 (碧街)

營業中

休息中

好耐冇食魚蛋河牛腩麵之類，去旺角行街路過就揀佐呢間! 入到去坐低見到MENU想叫崩沙腩，但竟然賣哂，咁唯有叫招牌牛腩河!🍝金牌牛腩河粉 🍖牛腩份量勁多，好冧，肥瘦適中，好易咬開，牛味夠出，而河粉滑有爽口，性價比好高!牛腩魚蛋河粉 呢度魚蛋都好出名，聽聞係手打魚蛋，同時又想食牛腩~魚蛋非常彈牙，都算大粒，有口感， 加佐錢配杯凍檸茶，好爽!🥄炸魚皮 🐠脆卜卜好香口，金黃色，份量都好多，我拎佐部分番屋企食!腐乳配通菜 🥬通菜新鮮，又係份量好多，配上腐乳，濃郁香口!呢D傳統既粉麵鋪頭睇落好似周街都有，但真係好有香港特色，佢地既牛腩河非常出色，下次一定要叫到崩沙腩!🤩