牛霸王

營業中

休息中

這絕對是觀塘人的福音!!!觀塘工廈入面有一間日系小店店裏有種溫馨的小簡約🤍招牌手打和牛漢堡扒丼牛肉味濃郁，而且滿滿牛香和肉汁!蘭王蛋黃在上面 超漂亮✨記得要配自家製芥末酸瓜酸酸清爽的口感，中和漢堡扒的油膩感日式泡菜豚肉鍋和韓式完全不一樣，味道酸酸鹹鹹的而且不會很辣，越喝越開胃🤤豚肉和配菜也很豐富橘子醬吉列烤雞扒丼飯雞扒是新鮮現炸，香脆嫩滑配上廚師自家調配的橘子醬，淡淡清香🍊沒想到可樂餅和雞皮餃子 也有驚喜有點像在日本街頭買小吃的感覺☺️

個個朋友都話要嚟呢度食返個地鐵站B2出口行過嚟大概5分鐘左右人氣和牛漢堡丼 ！如果想保證有得食 記得訂座因為漢堡扒丼係限量供應講吓個環境先：和洋風格好簡約 幾有氛圍感除咗有日式定食之外 最受歡迎主打菜式 -》漢堡丼飯手打和牛漢堡 首先揀返醬汁我比較鍾意秘製漢堡汁 甜甜地 原來仲有少少柚子味道另外仲有日式咖喱汁或者白味噌汁個漢堡扒因為手打可以揀安格斯或者和牛兩款口味各有特色 有芝士味道更加香濃而和牛 就係油脂味比較豐富配菜方面，我揀咗芥末酸瓜因為比較開胃 雖然賣相好靚，但係記得要撈埋一齊食咁樣就可以每一口都食到牛肉滋味餐廳用到的食材也是不錯的所以覺得幾值得-雞皮餃子食嘅時候要留意有機會會爆汁味道都唔錯另外朋友揀咗壽喜燒話明叫牛霸王 就試吓佢哋嘅牛肉壽喜燒適合一至兩人用配料非常豐富 有蔬菜芋絲金菇豆腐最欣賞壽喜燒汁唔會太甜想食個小火鍋最適合

早幾日天氣凍冰冰，最好食暖笠笠嘅壽喜燒鍋🍲同熱辣辣嘅米飯🍚 呢間觀塘隱世日式餐廳嘅招牌菜，正正係Zaza最想食嘅嘢，一於試試先😙🍳手打和牛漢堡蘭王蛋飯 呢款招牌菜嘅賣相一流，橙紅色嘅蘭王蛋黃🥚下有日式泡菜、蘿蔔蓉、澳洲和牛漢堡扒、日本珍珠米，同秘制漢堡汁當戳開蘭王蛋，濃稠蛋黃隨即流出，同牛味濃郁又Juicy 嘅和牛漢堡、粒粒晶凝通透嘅日本米，同黏黏嘅秘制醬汁相融合，每啖都可以品嚐飽滿，又有層次感嘅米飯😍🐄牛肉壽喜燒鍋 壽喜燒湯底清甜，牛肉片、豆腐、娃娃菜、金菇、冬菇芋絲等等嘅份量都好多😉牛肉片切得好薄又滑，豆腐就好滑嫩，當鍋入面嘅材料 吸收壽喜燒湯汁嘅精華後，口感極佳😘🐷日式慢煮豬軟骨飯慢煮豬軟骨嘅肉質同埋軟骨都十分酥軟，入口即化😗 呢道菜仲搭配咗清爽嘅沙律菜，覺得油膩感🥗🧀炸一口芝士炸得金黃酥脆嘅一口芝士，外皮既脆又薄，內裡包裹軟軟且味極濃郁嘅芝士🍦牛角包窩夫配Movenpick 佢唔係普通嘅窩夫，而係以牛角包粉團整成嘅窩夫🧇，做到外脆內軟，加牛角包嘅酥皮口感🥐，非常特別；喺熱辣辣嘅牛角包窩夫旁，有一大嚿Movenpick 紅豆雪糕，冰火交融🍵白桃烏龍熱白桃烏龍用茶壺送上🫖，儀式感滿

近來漢堡扒都有一股熱潮，觀塘工廠區美食不少，這牛霸王在區內都挺有名氣。漢堡扒與巿面燒漢堡扒食法不同，一份漢堡扒可以吃到不同味道，讓人滿足。牛霸王餐廳地方不算大，裝潢簡單，座位並列3排，座位數量都算不少。自助掃QR code下單，都甚方便，漢堡就有2款選擇，其次便是小食、主食和鍋物，飲品都以簡單汽水、茶飲為主。甘粟紫薯餅 HKD15，清甜粟子味，又有紫薯香味。雞皮餃子 HKD58，餃子5隻，雞皮炸得邊脆，餃子肉味不錯。招牌牛肉喜壽燒 HKD228，配蛋王、柚子醋和麻胡醬，送上枱先加入湯汁，牛肉份量都不少，牛肉不錯，基本上不用點醬汁，單是湯汁已經好味。還有不少菜，配菜包括大葱、金菇、豆腐、芋絲，份量十足。招牌手打和牛漢堡蘭王蛋飯、日式泡菜配秘製漢堡汁  HKD128，配熱白桃烏龍 HKD15。漢堡用上澳洲和牛，米飯用上日本米，口感粒粒，橙紅色蘭王蛋放在日式泡菜和漢堡之上，賣相吸引，蛋汁流入漢堡中，增加滑溜口感，味香甘甜。手打成漢堡扒肉厚，肉汁不少，和挽肉與米漢堡不相伯眾。再配上秘製漢堡醬汁，醬汁帶點酸幾開胃，配飯吃一流，吃得很滿足。蜂蜜綠茶 HK15，清甜蜂蜜綠茶。

公司聚會就去左呢間牛霸王食，聽講漢堡扒好出名。同事大多叫手打芝士安格斯漢堡蘭王蛋飯，一上枱就已經見到塊扒係好厚身，仲配埋啲泡菜，同事表示蛋配漢堡扒好夾，漢堡扒係好juicy，有牛既油脂香，配泡菜又係另一種味道。我就叫左蘭王滑蛋吉列雞豬扒飯，份量好足，啲蛋唔係乾乾爭既蛋，同樣吉列豬扒保留濕潤感，唔會有豬臭味，呢方面做得幾好。另外同事就叫濃茄野菌燉牛肋肉飯，佢就覺得一般般，牛肋肉好牛腩feel，同埋啲汁太稠。總結漢堡扒係值得黎試。

之前已經mark左呢間位於觀塘既和牛漢堡飯專門店【牛霸王】好耐，但就算平日都好多人等位、所以一直都無機會去。最近新出左火鍋系列，所以趁天氣涼就去試下。手打和牛漢堡扒丼飯：漢堡扒手打製作，肉質紮實又多汁，配埋秘製漢堡汁，味道濃郁得嚟唔會太鹹。流心蛋黃撈飯，再加埋日式泡菜同白蘿蔔蓉，微辣、口感豐富又解膩，真係令人食到停唔到口。招牌牛肉壽喜燒：牛肉片薄切，煮得啱啱好，湯底甜中帶鹹，配埋蔬菜同豆腐，味道好平衡。一口芝士：外脆內軟，芝士味香濃。鷄皮餃子：外皮脆口，內餡多汁，食落好香口。白桃烏龍：清新解膩，白桃嘅香甜同烏龍茶嘅茶香好夾。

觀塘工業大廈出名多好嘢食，今次我試咗好多人推介嘅牛霸王。呢間餐廳裝修得好有日本風味，牆上面仲貼咗麻布，成個感覺好清新。🐄 招牌牛肉壽喜燒 $228呢個係一至二人份嘅壽喜燒，可以揀豚肉、牛肉或者雙併。我揀咗牛肉，入面有好多牛肉片，仲有豆腐同各種菇類。啲牛肉好腍，加埋壽喜燒嗰個醬汁，真係好食到停唔到口。🍔 手打和牛漢堡扒丼飯 $128呢個係每枱必點嘅菜式。個漢堡扒係手打和牛，上面有一隻蘭王雞蛋，仲有秘製漢堡醬汁同埋惹味嘅日式泡菜。啲和牛好腍，雞蛋黃流落嚟嗰陣，成個飯即刻升級。🧀 一口芝士 (7pcs) $58芝士係熱辣辣炸起，外脆內軟，每一啖都係濃濃嘅芝士味。真係好正，七粒一啲都唔夠喉。🥟 雞皮餃子 (5pcs) $58呢個餃子好特別，用雞皮代替傳統嘅餃子皮，咬落去入面嘅肉餡超爆汁。每一啖都係滿足感，真係好正。🍯 蜂蜜綠茶（凍） +$5好解渴，甜甜哋嘅蜂蜜同清新嘅綠茶真係好夾。飲完之後成個人都舒服晒。🥤 可口可樂 +$15經典嘅可口可樂，冰凍嗰陣飲真係透心涼。💰 總計: $541, 2位用餐(已包含10%服務費)

主打自家手打漢堡扒🍔每塊漢堡都用人手親自搓製而成🙌顧客可以自選手打和牛或芝士安格斯漢堡😙必點招牌日本蘭王蛋漢堡丼飯🏅漢堡扒煎烤至香氣四溢🤩牛肉味道濃郁🥩入口鬆化，吃落夠juicy💦與蘭王蛋汁完美配合，味道濃郁🍳配上白味噌汁，將味道提升🔝紫薯餅結合了甜美的紫薯和香濃的甘栗🌰以日本紫薯蓉加入甘栗粒製成餡料👨‍🍳金黃酥脆，香濃甘甜，內𥚃鬆軟綿密😋牛肉餅香噴噴、脆卜卜🐮香口外層，薯味濃郁🥔還有陣陣牛肉香味😍

觀塘嘅隱世食店，用精挑細選嘅澳洲和牛，手打出嘅漢堡扒係佢哋嘅招牌之作！係一間值得專程去試嘅高質小店！手打和牛漢堡蘭王蛋丼飯水準之作，手打漢堡扒厚實鬆軟，外層微焦，牛肉油脂香氣四溢，咬落去肉汁爆滿，牛味濃郁。配上粒粒飽滿嘅日本米，再將橙黃橙紅嘅蘭王蛋一戳開，蛋黃流出同米飯融合，視覺效果滿分！配埋秘製漢堡汁同芥辣酸瓜，酸甜微辣嘅層次感即刻提升，令人一啖接一啖停唔到口！招牌牛肉壽喜燒天氣凍冰冰，嚟一鍋溫暖嘅壽喜燒係最佳選擇！湯底鹹甜平衡，牛肉片煮到半熟，沾埋生雞蛋入口即化，嫩滑得嚟又油香四溢，配料仲有金菇、豆腐同娃娃菜，吸晒湯汁精華，每一啖都好滿足！一口芝士 & 日式胡麻沙律炸得金黃酥脆嘅一口芝士，一咬即爆濃郁芝士漿，邪惡指數滿分！而日式胡麻沙律則清新爽口，搭配濃郁又香滑嘅胡麻醬，食完仲有種解膩嘅感覺！

觀塘都有漢堡扒專門店，唔去中環，近地都食到，仲要係好好食‼️為於工業大廈但人流依然暢旺，好犀利👍🏻🐮手打和牛漢堡扒丼飯🍚大熱人氣款，賣相吸引，揀咗咖哩汁，先講和牛漢堡，牛味香濃，手打好有質感，撈埋咖喱汁食好夾，米飯係日本米，整體好食，當然唔少得主角之一嘅頂級蘭王蛋，色澤橙黃，撈勻食好正🉐配菜有芥辣酸瓜，令味道更豐富有層次，讚🉐🍲泡菜豚肉鍋新品有鍋物，有牛肉、有豚肉，今次揀咗豚肉，豚肉肉質細緻，泡菜惹味🥢日式牛肉薯餅外脆內軟，好好食🧀炸一口芝士炸得好好，芝士軟滑，芝味十足

眾所周知觀塘嘅工廈多小店，今次比我搵到一間超高質嘅日式餐廳😋大根沙律 $78見到menu寫住係世一沙律就決定試下，果然冇令人失望😍蘿蔔望落晶瑩剔透，刨片之後配上秘制醬汁同木魚絲，食落爽脆清甜，有浸洋蔥味但又冇生洋蔥嘅辣味，必試！手打和牛漢堡蘭王蛋飯 $128餐廳嘅招牌菜，每檯必食！有3款醬汁同2款配料可以揀，我地就揀咗秘制漢堡汁同日式泡菜。丼飯賣相超級吸引！和牛漢堡好高質，牛味濃郁，配上秘制醬汁同蘭王蛋簡直冇得輸🥹上菜時老闆有話記住攪勻成個飯嚟食，每啖都食到漢堡同醬汁😋牛肉壽喜燒鍋 $228壽喜燒湯底清甜，唔會太鹹，配料份量都幾多，包括有豆腐、娃娃菜、金菇、冬菇芋絲等等，要特別讚下個豆腐，口感超級滑嫩😍炸一口芝士 $58賣相好吸引，炸得金黃酥脆，份量都好多，有成七舊👍🏻咬落外脆內軟，芝士味極濃郁😍

隔了一年多再訪觀塘牛霸王記得上次來仍是試業階段店主說會日後推出更多款式 真的說到做到了簡潔的環境格局沒有大變化 人流明顯增多不少 平日晚上七點滿席！除了因為人氣漢堡扒外 也可能是有新品壽喜燒的加持 𓋪 手打和牛漢堡扒丼飯漢堡丼飯仍是皇牌鎮店之寶蘭王雞蛋 秘製漢堡醬汁  惹味日式泡菜配上厚身的軟稔 ᴊᴜɪᴄʏ 和牛漢堡建議攪拌後享用 每口都是綿密濃郁口感每種味道都很平衡 每桌都必點一份𓋪 牛肉壽喜燒一至二人份的壽喜燒 可選豚/牛/雙併鍋裡有滿滿的牛肉片 豆腐跟菇類煮開後掛上甜甜的壽喜燒湯汁好暖胃不夠吃的話可以追加肉類𓋪 雞皮餃子𓋪 甘栗紫薯餅很推薦金黃酥脆的雞皮餃子以雞皮取代傳統餃子皮 內裡爆出濃郁肉汁綿綿的紫薯餅也是百吃不厭𓋪 柚子茶 飲品除了汽水 還有數款茶品柚子茶解油膩也很不錯

手打和牛漢堡扒丼飯就係為左呢個傳聞可以媲美「挽肉與米」既丼飯慕名而來的❤️手打澳洲和牛漢堡扒超級軟熟，入口即溶😝 秘制漢堡汁超級香！配上蘭王蛋同日本香米真係好正😯招牌牛肉壽喜燒份量都幾多，兩個人食都綽綽有餘，壽喜燒湯底香甜，唔會太咸👍除左牛肉，仲去咗好多配菜，特別推介個豆腐，超級滑同豆味好香濃🥰甘栗紫薯餅紫薯味重，外皮香脆，一啲都唔膩👍雞皮餃子雞皮炸到好薄脆，冇肥膩感！餃子肉餡夠多汁，好juicy☺️白桃烏龍估唔到烏龍茶都咁有儀式感🤣白桃味好香

之前成日聽同事對觀塘嘅牛霸王讚不絕口, 今晚終於有機會到我去食🙃餐廳被譽為「漢堡扒界天花板」, 位於隱世工廠大廈, 距離港鐵站都係幾分鐘步程. 一入到去, 簡約日式風格令人感到放鬆. 店員詳細介紹各款菜式, 醬汁同配料, 並提供搭配建議👍🐮招牌手打和牛漢堡蘭王蛋丼飯我點咗招牌手打和牛漢堡蘭王蛋飯, 搭配日式泡菜秘製漢堡汁. 呢個套餐賣相吸引, 特別係中間橙黃色嘅蘭王蛋🐣就好似藝術品一樣🦄 漢堡扒用和牛嚟整, 厚實juicy, 口感極佳. 當我戳開蘭王蛋, 濃稠蛋黃流出, 與粒粒飽滿嘅日本米相融合, 令人垂涎欲滴, 撈飯首選🤞和牛油脂香氣加上蛋汁嘅濃郁, 令人一口接住一口停唔到落嚟🙃另外, 秘製漢堡汁嘅酸甜同柚子香則提升咗成道菜嘅層次感🐮招牌和牛壽喜燒冬天凍冰冰, 係食火鍋嘅好時機, 輕盈無負擔嘅和牛壽喜燒好啱呢家食. 我覺得呢個鍋嘅壽喜燒湯底唔算甜, 更加適合我胃口🤞🐣照燒雞扒飯呢度嘅照燒鷄扒飯都好正宗. 鷄扒厚實醬汁入味, 適合唔食牛肉嘅朋友, 味道同樣出色 🥐🍦牛角包窩夫配Movenpick （大推）窩夫非常外脆內軟, 上菜嗰陣係熱辣辣即整嘅, 用窩夫點Movenpick雪糕好夾！

作為個好鍾意食牛嘅人竟然比我搵到呢間性價比超高嘅日式餐廳😋價錢合理 份量都好大 鍾意日式牛嘅你地可以bookmark 定先啦😆🤍______________________________雞皮餃子（5pcs） ($58)太出色了 外皮酥脆 豬肉鮮甜多汁 好有特色嘅餃子😆🥰大根沙律 ($78)薄薄嘅大根片搭配特製醬汁 清新爽口招牌牛肉豚肉壽喜燒 ($298)有選擇困難又想食牛又想食豬嘅我地就揀左呢個～ 適合1-2人共享 配料多份量大（豆腐芋絲金菇娃娃菜等）手打和牛漢堡扒丼飯 ($133)漢堡扒鬆軟多汁 搭配秘製漢堡汁和日式泡菜 口感層次分明 牛比例更比飯多 淡淡滿足😆🤍☺︎︎ 𝙮𝙪𝙢𝙢𝙞𝙣𝙚𝙨𝙨好食指數 : 9/10______________________________𝘀𝗲𝗿𝘃𝗶𝗰𝗲 𝗰𝗵𝗮𝗿𝗴𝗲: ✔️𝘀𝗲𝗿𝘃𝗶𝗰𝗲: 9/10𝗲𝗻𝘃𝗶𝗿𝗼𝗻𝗺𝗲𝗻𝘁: 9/10𝘃𝗮𝗹𝘂𝗲 𝗳𝗼𝗿 𝗺𝗼𝗻𝗲𝘆: 9/10🖇 牛霸王 (觀塘)觀塘成業街19-21號成業工業大廈1樓26號舖