牛霸王

觀塘出名多隱世小店放工同朋友來到成業街的樓上小店食一個人氣高質丼飯呢間係主打自家手打的漢堡扒丼飯專門店漢堡扒是用澳洲和牛同美國安格斯牛手打製成今次期間限定 升級做日本宮崎和牛除左兩款王牌漢堡扒飯另有仲幾款價錢更平民既熟食丼飯//手打和牛漢堡扒丼飯 $128//必點招牌菜基本上見到每枱都至少叫了一客手打和牛漢堡扒 入口牛味濃 滿滿的肉汁油脂分布均勻牛肉的香氣也非常突出漢堡扒上面有一隻蘭王蛋混合埋珍珠米一起吃 蛋味香濃醬汁方面我地選擇漢堡汁味道濃厚卻不搶味 同牛肉完美融合另外配菜選擇左日式泡菜無論醬汁同配菜都配合牛味濃郁的漢堡扒相當夾混合埋已滿滿蛋香的珍珠米一起吃每一口都能感受到米飯的鮮甜同牛肉的豐富口感//雞皮餃子 $58//一客5隻 餃子外層以雞皮取代傳統麵皮煎炸至金黃酥脆入口就有陣雞皮特有的油香內餡飽滿 口感嫩滑且多汁同外層的脆皮形成強烈對比完全做到外脆內嫩的口感//咖哩吉列豬扒飯 $93//咖喱醬呈現金黃色 香氣濃郁帶有微微洋蔥的自然甜味入口甜而不辣吉列豬扒選用厚切豬肉外層裹上麵包糠炸至金黃肉汁仍能鎖住 口感完全不乾柴搭配珍珠米飯 盡吸咖喱醬汁每一口都令人滿足…查看更多

小店裝潢簡約, 冷氣充足, 唯電訊網絡接收差。All day menu 選擇不少, 首次光顧選了其限量供應的招牌手打和牛漢堡蘭王蛋飯。1) 招牌手打和牛漢堡蘭王蛋飯 $128 (配日式咖喱汁和日式泡菜)2) 雞皮餃子 (2件) $183) 蜂蜜綠茶 (凍) $5招牌手打和牛漢堡蘭王蛋飯可自選醬汁和配料, 我選了日式咖喱汁和日式泡菜。丼飯由飯作基底, 以層層疊的方式堆砌漢堡, 日式泡菜和蘭王蛋, 賣相吸睛。嚐一口咖喱汁, 咖喱香辣惹味, 質感濃稠, 雖然要求了多汁, 還是覺得不夠。飯的份量不少, 甚有黏性。和牛漢堡牛味濃郁, 既鬆軟又juicy, 可口美味。日式泡菜配上蘿蔔蓉和蘭王蛋汁同吃, 層次豐富。追加了雞皮餃子, 雞皮餃子煎炸得香口, 外表微脆有彈性, 肉質juicy。蜂蜜綠茶味道不俗, 入口透心涼。由於選了招牌手打和牛漢堡蘭王蛋飯 (霸王餐), 吃畢碗底會有驚喜, 有機會贏得免費飲品 / 小食 / 半價優惠 / $40現金券 / $1漢堡扒 / $1小食。雖然最後獲得 $40 現金券 ($8 x 5張), 但要消費每滿$88才可使用一張, 運氣實屬一般。…查看更多

香港係唔係美食沙漠，我覺得非也，香港有好多唔使你排長時間就食到好嘢嘅地方，相信觀塘已經係一個美食天堂。挽肉と米好多人都追捧嘅漢堡蛋飯嘅餐廳，但係，同類更出色，而且唔使等好幾個鐘，去幫襯大家都唔知嘅香港某大集團，响觀塘就可以食到。我哋點咗手打芝士安格斯漢堡扒丼飯同手打和牛漢堡丼飯，呢個係呢間餐廳嘅主打菜式，每日限量發售。兩種漢堡扒都有試過，兩款都帶豐富嘅牛味，特別係和牛漢堡，不單只帶牛嘅香味，更帶出和牛獨有嘅油脂香味；安格斯漢堡帶出佢老實而不華嘅牛味，唔太愛油脂香味又想帶點健康嘅，呢個係唔錯嘅選擇。雞蛋係用蘭王蛋，撈落飯，連同秘制嘅漢堡汁，簡直一絕。一直以為漢堡汁又喊又杰嘅醬汁，但事實唔係，佢係可以將個汁唔會調到太濃太杰同太喊，佢竟然做到味道剛好，唔會太喊亦帶些少甜味，佢令我好舒服食哂成個飯，加上佢個日式泡菜，加埋佢個汁送飯實在太夾，我唔係想誇大佢，事實佢係做到我想要嘅味道。另外佢個set可以追加小食，我哋揀咗一口芝士同日式牛肉薯餅，兩款小食都炸得好鬆脆，唔會太多粉，日式牛肉薯餅係一般好食版嘅可樂餅味道，佢個一口芝士更加係驚喜，外脆內軟不單止，更帶上好香濃嘅芝士味。佢追加小食係日日都唔同所以愛芝士嘅朋友，就算要加外點都唔可以錯過。嚟一個總結，觀塘區真係一個美食天堂，呢間牛霸王，如果以同類食品比較，佢真係冇得輸，甚至我敢講係No. 1。雖然總會有人嫌棄工廠區，事實上以享受優質，而且的確係隱世嘅美食，呢個係我其中一間推薦嘅美食。…查看更多

唔使走商場！觀塘工廈都有和牛漢堡扒飯，$128有驚喜，肉汁多到用飯吸埋！環境平民，味道高檔，食完包你懷疑自己行緊日本巷仔～睇下餐牌有咩食先手打和漢堡扒丼飯（每日限量日本宮崎和牛）$128呢個手打和漢堡扒丼飯，賣點就係用日本宮崎和牛，每日限量，新鮮手打，見到已經有「漢堡扒界天花板」之勢。漢堡扒鬆軟又Juicy，一刀切開，肉汁已經流滿飯面。飯面有蘿蔔茸、芥辣酸瓜、蘭王蛋黃，加秘製漢堡汁鹹香帶甜，層次豐富又開胃。揀左秘製漢堡汁，佢係一個由醬油製成，鹹香帶甜但調味較淡嘅燒汁，提升咗和牛鮮味，拌埋蘭王蛋配白飯一齊食，幸福感爆燈。白味噌未試過唔評論，但試過舀漢堡扒去隔離香辣嘅咖哩汁，太搶味，有啲浪費和牛嘅油脂。除左標準配搭蘿蔔茸，再加芥辣酸瓜，少少刺激、開胃夠脆，解膩得嚟又有趣！🍛🐮枱枱都叫夠人氣！價錢望落貴，實際平靚正夠地道，賣相吸引，配搭低調但味道出眾，怪不得咁受歡迎！👏🍛（話說食到碟底嘅驚喜，就係可以下次用嘅飲品券）咖喱燒雞扒飯 走葱 多汁 $83 呢碟日式咖哩望落「人畜無害」——金黃咖哩汁、薯仔紅蘿蔔齊全，加埋黑白芝麻，以為一入口有甜甜地嘅親切感，感覺好和善，完全無殺傷力🍛？少年你太年輕了！佢暗藏港式牛腩咖哩嘅辣度，只係冇辣油，所以好多小朋友都中伏！加上雞扒燒得外脆內嫩，雖然調味低調，反而更襯托到隱藏辣勁和咖哩香，都知道點解表面嘅「天真無邪」可以配雞扒，但唔適合配漢堡扒，唔係就太浪費啦！😂🔥一口芝士 (7pcs) $58呢碟一口芝士真係超級療癒～每粒細細粒、圓碌碌又脹卜卜，表面微微泛光，未入口已經令人心動🤤 外層炸到金黃香脆，一咬「咔」一聲，入面係熱辣滑順嘅芝士，鹹香之中帶住溫和奶香，感覺好似車打🧀 唯一缺點係拉唔到絲，但夠香、夠爆漿，咬落一瞬間已經滿足晒✨蜂蜜綠茶 一杯走冰 一杯少冰 +$5*2=10蜂蜜綠茶入口係綠茶清香加蜂蜜嘅天然甜味，甜度適中、唔會太膩，口感順滑清爽。蜂蜜可以中和茶苦，帶出淡淡果香，飲落好解渴。整體味道溫和親切，啱晒夏天飲～不過建議大家叫走冰，因為呢度無飲管提供，同埋走冰已經雪凍，飲落比較方便🍯🍵小計 $274加一 $27.4總額 $301…查看更多

好少寫食評，但真係不滿到勁想投訴$228 招牌牛肉壽喜燒❤️‍🩹係同出面餐廳等級嘅壽喜燒差唔多價錢（$258食到A4等級），但係牛嘅質素就街市等級廉價感重，仲要真係唔算多，配菜（金針菇，蘑菇，杏鮑菇，豆腐，菜）同醬汁味道亦都沒有驚喜。寧願食Sukiya ，仲要係唔包飯唔包嘢飲，飯要另外加$18。如果價位$100至$150會話可以接受，$200樓上真係似個水魚，大伏。最尾都係要收返+1服務費，呢樣冇得拗，不過真係唔抵。$128 芝士漢堡扒蘭王蛋丼飯❤️‍🩹配菜味道還好，可以一試，擺盤亦美觀，但係最重點嘅飯！係極度失敗！飯嘅質感係稠糊，完全不是粒粒分明，再加醬汁，就係一Pat嘢，似食緊嬰兒食品，口感糟糕。當然飯呢樣嘢未必次次一樣，可能咁啱佢今次煲爛飯，都唔明樓上啲食評諗乜。可能佢哋咁好彩食到好食嘅。…查看更多

琴日LUNCH 去左觀塘哩間牛霸王，位於成業工業大廈1樓。見佢好多好評，D同事之前午餐時段食過都讚， 話佢碗底有優惠之類..哈哈今次我下午15:00左右去食，下午茶時段做緊全單5折優惠。 又真係幾抵既… 不過就當然冇左碗底優惠啦。 (正價時段先有) 第一次黎食，餐廳小小，環境還可以， 不過係入到去就比人限制坐邊張枱就冇得選擇，餐單選擇唔算多。今次揀左個咖哩照燒雞扒飯 $78 加蜂蜜綠茶 $5 = $83 再半價 $41埋單。見到張單先個價錢係抵既…跟住就等野食來臨佢D咖哩望落較水，不過食落都香， 對我哩個唔多食得辣既人黎講， 佢個咖哩都算辣， 我比較鐘意傳統日本咖喱香而不辣…哈.. (個人口味而已)雞扒佢堅燒， 不過太乾了， 我本身以為會有D汁.. 點知真係就咁燒雞扒…今次用餐體驗普通，未感覺到大家既好評。 不過見隔離枱叫左牛飯好似幾吸引，所以下次有機會都會再黎試下..到時睇下會唔會係好評。P. S. 如果以佢原價食哩個飯就唔會再有下次.…查看更多

今日又去成業搵食 呢間牛霸王 都幾好生意次次去到多人 今日晏咗少少食唔到和牛漢堡扒但係唔緊要安格斯漢堡都係正 仲要平$10芝士安格斯撈埋蘭王蛋一齊食今次揀咗秘製漢堡汁 真係幾好食仲有兩款配菜，提供日式泡菜或者芥末酸瓜加埋真係好夾，唔單止配漢堡好食配飯都好食白味噌汁幾香濃 配上漢堡和日本米總括而言，都係值得 比起過江龍平好多就算加埋食都唔貴另外呢款豬軟骨 因為係慢煮，所以做得比較淋欣賞佢個醬汁 所以我哋都食晒啲飯就連平時好忍得口的友人 也忍唔住食晒啲飯不可以錯過的雞皮餃子， 將日式餃子和雞皮餃子完美融合 好食聽講廚師本來喺廚師發辦餐廳度做難怪對於擺盤都好有要求…查看更多

在觀塘尋覓高質日本菜？這間隱藏於工廈的日本菜專門店絕對值得一試！其中「和牛漢堡扒丼飯」更是招牌必點，一上桌便香氣四溢，令人食指大動。嚴選澳洲或日本產的和牛絞肉，師傅以黃金比例手打製成漢堡扒，外層煎至微焦酥香，內裡卻保持粉嫩多汁。一口咬下，濃郁肉汁瞬間爆發，和牛的甘香與油脂香完美交融，口感細膩綿軟，毫無筋絡感。搭配店家特調的日式燒肉醬汁，甜鹹交織的風味層次豐富，卻不會掩蓋和牛本身的鮮美。米飯選用日本珍珠米，煮得恰到好處，粒粒分明且飽滿吸汁。將溫泉蛋劃破後，蛋液裹滿米飯與漢堡扒，更添滑順濃郁。套餐還附上味噌湯與沙律，清爽解膩，讓人滿足感爆棚！這間店雖低調，卻以實惠價格提供高品質料理，絕對是觀塘區的隱藏美食寶藏。記得提早預約，避免撲空哦！…查看更多

冇諗過今日放工行行下會見到呢間咁特別既招牌，同朋友就想試下佢既免治牛。睇個樣同出面好貴既都幾似呀，所以就要試下。佢最特色菜係手打和牛漢堡扒丼飯，仲要寫明係日本宮崎和牛，好唔錯咁喎。仲有得簡芥辣酸瓜，白蘿蔔蓉，再配個飯係底，而最上面仲有隻蘭王蛋。 賣相真係一絕。 將蛋黃流醬落去，再撈埋個牛肉汁同飯，真係不得了。 而且有夏7瓜配搭都好開胃。食到最底仲會有驚喜贈禮，真係好開心呀。而我就叫左蘭王滑蛋吉列豬扒飯。 豬扒唔肥，炸得超靚。 同蘭王蛋完全容合，好食到不得了。 仲有我鍾意既洋蔥配菜。 夠大碗又足料，唔怪之有咁多人黎食夜晚。 真係不能睇少。佢有跟既飲品都好唔錯。 我地叫左杯熱柚子蜜，同蜂蜜綠茶，都幾大杯，又好飲。今日真係平民價錢食到高級和牛漢堡。…查看更多

係佢係Google Map, 食飯網評價唔錯，所以我lunch試一試。為公平起見，我當然order佢最有名氣嘅“招牌手打和牛漢墜蘭王蛋飯”。一上臺就發現佢賣相唔錯，肯定相機先食。但一入口就發現有以下兩大問題：1) 汁唔夠熱，只可以用“暖”來形容2) 飯係珍珠米，做到珍珠米嘅軟糯口感，但飯味欠奉，而且唔夠熱。 (自問對飯有要求，經常試唔同品種嘅東北/日本/台灣/柬埔寨/泰國米，而且要用IH & 壓力電飯煲煮，提升飯嘅質素)漢堡扒方面，肉汁鎖係裡頭，厚實而鬆軟，但我expect嘅肉味和油脂香欠奉。整體感覺，佢賣呢個價錢，我當然有一定嘅expectation，但佢跟東京嘅“挽肉屋神德”、香港嘅“挽肉と米”有一段距離。…查看更多

📍觀塘今次嚟到觀塘嘅 牛霸王 🐮🔥喺成業街工廈入面，地方唔大但人氣好旺成個環境有啲日式居酒屋 feel～🍚招牌手打和牛漢堡蘭王蛋飯 $128碗飯一上枱已經吸睛到爆😳手打和牛漢堡厚身又juicy，肉汁超豐富🤤上面鋪咗滑滑嘅蘭王蛋同少少大根蓉，加埋日式泡菜好解膩💛我揀咗白味噌汁底，味道微甜又帶少少鹹香，幾特別～白飯煮得好靚，每粒都掛到汁🥹🍳可以自選配料都幾有玩味！除咗日式泡菜，仲有芥辣酸瓜、仲可以加錢升級鵝肝😋如果下次再去一定想挑戰鵝肝version🔥💥最驚喜係食到碗底嗰下竟然有小驚喜抽獎～我竟然抽中咗免費小食一份🤣呢個細節真係加分，感覺好似食飯都中獎～🏠環境方面地方細細但氣氛熱鬧✨開放式廚房香氣滿滿👨🏻‍🍳店員好有活力，講嘢好親切～整體係一間「細細間但有驚喜」嘅小店💛⭐食物 8.5/10⭐環境 7.5/10⭐整體滿足度 8.5/10…查看更多

🐂🥢🍳世一和牛漢堡扒✨qr code落單，星期一、二晚openrice訂座88折✅雞皮餃子 -$58一份有五隻，個皮炸到好脆，而入面嘅肉好Juicy，係邪惡嘅味道。✅自家製橘子厚切吉列雞扒配溫泉蛋飯 -$78雞扒都幾大塊，而且個炸粉整得好好，好鬆脆，雞扒超級嫩同Juicy, 好出色。飯係用珍珠米，可以揀少飯，溫泉蛋會分開上，另外跟咗個沙律醬同埋個汁都唔錯。🆗芫荽手打和牛漢堡扒丼飯 (日本宮崎和牛) - $128上枱好睇，層次分明，蘭王蛋充滿蛋香，和牛漢堡扒真係好正，鬆軟得來好有牛味，Juicy得黎唔會硬梆梆，中間仲有層芥辣酸瓜。但係整體就同個芫荽醬唔係幾夾，個芫荽醬嘅芫荽味雖然都出，但係唔知點解會有少少夾雜咗青椒嘅味道，有啲奇怪🤔，冇我想像中甘好食。雖然身為芫荽控，但係下次都係會食返原味。…查看更多

成個用餐體驗，唯一嘅好評，就係有私伙廁所比客人用。前幾日收工，同朋友系觀塘搵野食，見到牛霸王個評分都唔錯，所以去試下，但係我地食完之後，都唔覺得值得食第二次。首先，我地嗌咗佢地嘅signature - 漢堡扒飯。個漢堡扒食得出係手打個種，但完全冇牛味，又冇肉汁，口感好乾噌噌。其次，啲侍應又趕收工咁，係咁問我地上得蛋糕未，真心第一次系餐廳食蛋糕，會比個侍應催2次😅。事實證明，OpenRice啲評分真係唔可信，或者口味見仁見智。…查看更多

工廈入面有咁有特色嘅日本丼飯🤭即刻放咗工同朋友去食！座位唔算多，所以好快就坐滿晒！！！手打和牛漢堡扒丼飯 $163我揀咗佢嘅秘製漢堡汁，好正！！少係外面食到，有少少酸酸地令漢堡扒冇咁肥膩，食落舒服👍🏻我哋加咗錢再要日本雞肝扒，食落唔算好大分別😂但感覺上特別啲同埋健康啲有營養🥰雞肝平時少食，煎到外脆內軟，好creamy!!!漢堡扒好厚身，食落去油脂爆哂出嚟😗好高質！！自家製吉列豬扒溫泉蛋飯 $78好耐冇食過呢個便當！吉列豬扒好大塊🤭有一個碗咁大！！！！唔算好油👍🏻佢配有沙律醬，柚子醬，可以任你點！！正😆✨今日有少少唔舒服，就無試佢啲飲品！！下次一定會試下先🥰…查看更多

🐮牛霸王 Wagyu Donburi 朋友仔推薦咗我一間位於觀塘成業工業大廈嘅「牛霸王 Wagyu Donburi 」，主打手打和牛漢堡扒飯，非常人氣而且評價甚高，今日就去觀塘順便上去試吓😋▪️手打芝士安格斯漢堡扒丼飯(每日限量) $ 118賣相已經令人垂涎欲滴，用上層層疊的方法擺盤，最底層由醬汁開始、日本米使用的白飯、和牛漢堡扒內藏流心芝士，芥辣酸瓜蓉、蘿蔔蓉、日本蘭王蛋黃、紅椒絲，漢堡扒肉質軟腍Juicy，中間芝士流入白飯，配上帶美味香甜嘅漢堡醬非常好食，酸瓜蓉和蘿蔔蓉可以中和膩感，再加上流心蛋黃，味道一絕▪️日式胡麻沙律 + $ 18 / 即磨熱咖啡+ $ 15而且點任何一個丼飯，仲可以加錢配搭小食和飲品，這個沙律蔬菜和蕃茄都非常新鮮，配上日式胡麻醬醬汁，估唔到咖啡咁有水準👍
…查看更多