牛霸王

營業中

休息中

呢度既和牛漢堡真係超好食😋一定係漢堡扒界既天花板，好食到會想再去食多幾次😍店員話招牌係手打和牛漢堡蘭王蛋飯，招牌就梗係order啦，另外叫左個手打芝士安格斯漢堡蘭王蛋飯🤤兩個漢堡都油香重&肉味香，店員話係用澳洲和牛+師傅親自手打而成，所以肉質鮮嫩，唔會鞋口。配埋粒粒飽滿既日本米🍚加佢地既秘制漢堡汁，已經好出色，再加埋個蘭王蛋撈埋一齊，超夾，又邪惡又好食😈另外可以簡埋個配料，日式泡菜/芥辣酸瓜，增加咬口

挽肉與米同肉肉大米講唔停之前都食過🙈 今次就去試埋觀塘呢間手打漢堡扒比較吓先🙌🏻✔️手打芝士安格斯漢堡扒丼飯 $128講唔停覺得呢度嘅漢堡扒都幾出色😳雖然佢冇挽玩肉與米咁多肉汁 但係呢度肉質更厚實👍🏻 而且肉味係三間入面最重嗰款‼️ 漢堡扒入面仲要有流心芝士令到漢堡扒味道豐富咗🤤 丼飯仲有配埋橙黃色嘅蘭王蛋🍳 撈飯一流🥰 三款汁入面 講唔停就試咗白味噌汁同埋秘制漢堡汁 鍾意濃味啲嘅朋友會推薦大家揀後者 微微酸酸地 偶爾會食到好似柚子嘅味道🍊白味噌汁就相對比較重cream味~~✔️吉列蠔 $18推薦大家點呢個❤️ 新鮮炸起熱辣辣🔥最特別係佢有個酸瓜醬令到成個炸物清新咗 食落都唔會太油膩😝✔️日式牛肉薯餅 $32薯餅就相對普通 薯蓉好滑但係牛肉嘅存在感比較低🥹✔️一口芝士 （3pcs）$18芝士控必點🧀 係超級超級重芝士味 外脆內軟心🤩

大家都知挽肉之米好難排到，今日我同友人係觀塘發現到間名聲幾好嘅漢堡扒，所以就即管試一試我地每人叫左一個套餐，有一個飯、飲品同小食。炸蠔同炸芝士佢地嘅炸物係新鮮炸好，上枱熱辣辣，好脆好好味炸芝士有驚喜，一咬開脆卜卜嘅外層之後，入面係濃濃嘅芝士，係你口腔爆開好幸福。重頭戲係個漢堡排飯手打芝士安格斯漢堡扒丼飯我揀左白味噌汁，同芥辣酸瓜做配菜。首先佢嘅賣相係我近期食過嘅食物最好睇嘅，每樣食材一層一層咁疊住好治癒。漢堡扒亦相當唔錯。而我最欣賞嘅就係佢嘅白味噌汁，帶有少少嘅甜味，再加上酸瓜，酸酸甜甜咁，合我口味再加上有蛋黃醬伴白飯咁樣食，非常滿足！手打和牛漢堡扒丼飯至於第二個飯，朋友就揀咗秘製漢堡汁，同埋日式泡菜做小菜。呢個味道完全唔同，醬汁比白味噌汁濃味啲至於漢堡扒，絕對試得出係和牛漢堡，好香嘅牛味，亦都有和牛獨有嘅油脂味道。整體感覺都幾高分。埋單都唔洗$300，個人就覺得幾抵食。佢仲送咗張印花卡，買十送一！會再encore!!

//17 10 24 晴天🌞15:30 觀塘 成業工業大廈@wagyu_donburi高手在民間 ☺︎「觀塘」係個隱藏美食之都，如果識得捐窿捐罅，你會發現有好多寶藏級餐廳，好似近期至𝘩𝘪𝘵嘅日式漢堡扒，其實早就已經有間神級嘅存在 ——— 「牛霸王· 𝑾𝒂𝒈𝒚𝒖 𝑫𝒐𝒏𝒃𝒖𝒓𝒊 👑」~~🔻手打和牛漢堡扒丼飯 (秘製漢堡汁｜芥辣酸瓜) HKD$128追加 + 芝麻雞翼 HKD$18/1pcs｜蜂蜜綠茶 HKD$5ꕀ篤爆蘭王蛋嗰刻好治癒 蛋漿顏色十分吸引豐厚油脂 + 肉汁嘅和牛漢堡扒 配以蘿蔔蓉及芥辣酸瓜後 完美中和肉膩感再撈埋秘製漢堡汁 酸酸微微嘅味道 食起嚟滑順 開胃 係每次到店必食之選🔻芝麻雞翼炸粉厚薄適中 外皮炸到金黃酥脆 咬落去肉質嫩滑、𝘫𝘶𝘪𝘤𝘺而且仲醃得好香 好入味 🔻手打芝士安格斯漢堡扒丼飯 (日式咖喱汁｜芥辣酸瓜) HKD$118追加 + 芝麻雞翼 HKD$18/1pcs｜白桃烏龍 (熱) HKD$15ꕀ安格斯漢堡扒 煎得啱啱好 帶點焦香 肉味濃郁裏面加咗大量流心芝士 & 洋蔥而佢哋嘅日式咖啀汁 亦經過特別調味 帶少少辛辣感 香得嚟又唔會過甜 再將飽滿嘅蘭王蛋、開胃嘅芥

位於工廈嘅隱世小店主打近日熱爆嘅漢堡扒配米飯基本每位食客都係為漢堡而來不過小店亦有雞扒豬扒其他菜式可以同時滿足好牛同非牛嘅朋友🔅招牌手打和牛漢堡蘭王蛋飯128蘭王蛋、酸瓜、漢堡扒、白飯配搭分明，賣相吸引和牛漢堡肉質香嫩，亦保持到juicy口感混合蘭王蛋汁同芥辣酸瓜之後更加香口揀咗配搭秘製漢堡汁，佢係甜甜地嘅，拌飯一流🔅蘭王滑蛋吉列豬扒飯 $88呢款係當日嘅廚師推介，餐單係無㗎吉列豬扒炸得金黃，而內裡依然軟嫩，有驚喜🔅一口芝士 +$18🔅吉列蠔 +$18🔅日式和風沙律 $38追加咗兩款小食吉列蠔、一口芝士好香口，又夠晒熱氣沙律菜新鮮爽脆，分量足夠兩人用又可以平衡一下邪惡小食

一入到店舖店面燈光令人好舒服，再配合埋淺色椅子。非常柔和。點了吉列炸雞丼配溫泉旦日式胡麻沙律點了店主推介招牌手打和牛芝士蘭王蛋飯炸雞隔了一會吃還是爽爽脆脆，雞肉鮮嫩多汁，外皮脆口。而且飯量很多，炸雞件數都很多。另外手打和牛蘭王旦飯有賣相也有質量。職員超細心講解食法，同擺盤真心靚。職員都很好笑容同禮貌。如果上餐時間更快速會更好☺️

係觀塘工廈嘅牛霸王，丼飯低至💰68，必試佢地嘅招牌手打和牛漢堡扒丼飯，絕對係漢堡扒界嘅天花板！🔸手打和牛漢堡扒丼飯 💰153每日限量嘅招牌丼飯使用新鮮嘅澳洲和牛，搭配秘制漢堡汁/咖喱汁，油脂香同牛肉的肉香完美融合係粒粒飽滿嘅日本米飯上，再加上色澤橙黃的蘭王蛋，視覺效果極佳！🤤撈飯食係一流，簡直媲美「挽肉與米」嘅經典組合。🔸手打芝士安格斯漢堡扒丼飯 💰141漢堡扒丼飯同樣採用秘制漢堡汁/咖喱汁，並加入了芥辣酸瓜，芝士更增添了獨特嘅風味，每啖有Juicy又香口。😍😍🔸日式牛肉薯餅 💰20外脆內軟嘅日式牛肉薯餅，香脆可口！🔸芝麻雞翼💰18雞翼外皮酥脆，撒上香濃的芝麻，咸香撲鼻，肉質嫩滑。

牛霸王位於觀塘，顧名思義主打牛肉同丼飯，而且設舖於工業大廈內，性價比相當高。首先要推介一下嘅係每日限量供應即叫即整嘅日本蘭王蛋漢堡丼飯。和牛入口即溶超香牛味，配襯住蘭王蛋倍增嫩滑口感，好食到停唔到口！咁高質牛肉都只售 $128 ，抵食過好多普通大型日本料理連鎖店～再嚟一份照燒雞扒飯，燒嘅火候剛剛好，拿捏得恰到好處，令雞皮外脆內軟，仍然鎖住肉汁唔會太乾。加埋日本珍珠米粒粒都好有咬口，配襯住雞扒嚟食真係好食到欲罷不能😋最後加多一份炸餃子，裏面嘅餡相當彈牙，可以話係色香味俱全。每人一個飯加多個小食$300都唔使，去百物騰貴嘅時代可以話係良心小店抗通脹之選。誠意推介大家喺附近返工不妨放lunch去試吓，包你有驚喜！

喺觀塘工廈發現咗間主打丼飯嘅食店，佢哋嘅漢堡扒丼飯好高質，但係限量供應，想試嘅朋友就要趁早喇😌ღ 手打和牛漢堡扒丼飯 $128（每日限量）可自選醬汁同配菜揀咗濃郁嘅秘製漢堡汁同芥辣酸瓜和牛漢堡扒入口鮮嫩，帶有濃郁嘅肉汁，加上蘭王蛋同酸瓜，濃郁惹味-芝麻雞翼+$18雞肉肉質鮮嫩多汁好香口ღ 照燒雞扒沙律 $78雞扒燒得皮脆肉嫩好juicy配上清爽嘅沙律菜好清新ღ 日式牛肉薯餅 $32炸得香脆美味🤤炸皮一啲都唔厚蜂蜜綠茶+$5｜可口可樂+$5

今晚去左觀塘成業工業大廈一樓嘅日式漢堡扒，丼飯專門店食晚飯。餐廳唔係好大，裝修簡潔，座位下有置物籃，好貼心。我叫左 招牌手打和牛漢堡蘭王蛋飯，配芥辣酸瓜，汁配秘製漢堡汁。一上枱已經覺得好有心機，一層層砌好，清楚望到所有配料。原味試一試橙紅嘅蘭王蛋黃，蛋味濃郁，帶鮮甜味，口感厚身滑溜。蘿蔔蓉冇太多調味，冇渣，食落清甜，軟綿綿。芥辣酸瓜，冇想像中咁搶味，芥辣，酸味，都係輕輕，整體同成個飯嘅汁同漢堡扒都好夾，唔會喧賓奪主。漢堡扒，煎到微啡，望落唔會散收收，有夠哂厚度。咬落好香牛肉味，雖然係漢堡扒，但仲食到牛肉嘅口感，肉汁都保持得唔錯。好高質！秘製漢堡汁，調味係鹹甜，餸飯好開胃。另外加配吉列炸蠔。炸蠔雖然唔係好大隻，但炸得香脆之餘，蠔唔會過熟仲係好juicy,鮮甜。另一重點，係配嘅醬都係餐廳自已調配，欣賞呢間餐廳調味點到即止，唔會過重。個醬用左雞蛋，酸瓜，洋蔥粒加上蛋黃醬，好清新，我成個醬清哂，好味！！飲品加配蜂蜜綠茶。綠茶有幾濃嘅回甘，第一啖係蜂蜜甜味，之後慢慢就出到回甘香味。餐廳喺工廈未必咁容易發現，但呢間高質有誠意嘅餐廳，值得一訪！

今日係距離觀塘地鐵站好近嘅工廈搵到間好野食😍呢間主打係食手打漢堡飯！餐廳好整潔乾淨，位置闊落，一坐低店員好詳細介紹左menu,簡單講左兩款漢堡嘅特色，醬汁嘅不同。🔶手打和牛漢堡扒丼飯（配白味噌汁，日式泡菜）賣相非常吸引，日本珍珠米、手打和牛漢堡扒、日式泡菜、蘿蔔蓉、蘭王蛋黃一層一層咁堆疊成塔一樣，一上枱視覺上已經好震撼😍用和牛手工打製而成嘅漢堡扒，肉質鮮嫩，充滿油香，亦帶有自然嘅甘甜，漢堡扒外焦內嫩，咬下去的瞬間能感受到肉汁嘅鮮美🤤另外，鮮艷橙色嘅蘭王蛋黃，濃郁美味，為漢堡飯增添了絲滑嘅口感。自選揀左日式泡菜配合白味噌汁，日式泡菜微微酸酸甜甜，正好解一些和牛嘅油膩感，白味噌汁帶微微咸香，帶來酸甜鹹的層次感！🔶手打芝士安格斯漢堡扒丼飯（配秘製漢堡汁，芥辣酸瓜）手打芝士安格斯漢堡扒，較有牛味，肉質鮮嫩多汁，內藏融化的芝士。特製的漢堡醬汁用左洋蔥同柚子而製，帶有獨嘅酸甜風味，與白飯和酸脆爽口嘅芥辣酸瓜形成絕佳搭配，平衡左漢堡嘅濃郁。🔶一口芝士跟餐加配只係18蚊！抵食！表面炸得香脆，外裡芝士熱辣辣，超濃郁👍🏻🔶 芝麻雞翼外皮薄炸得脆，芝麻味香，外裡肉嫩，保留到肉汁🔶 甘栗紫薯餅幾重紫薯味，仲

位於觀塘區既人氣餐廳「牛魔王✨」絕對名不虛傳，以日式丼飯為主，每日限量供應既手打和牛漢堡飯，絕對食過翻尋味，另外仲有日式咖哩飯及不同小食，令人回味無窮。必食之選「招牌手打和牛漢堡蘭王蛋飯」，漢堡肉質鮮嫩，口感滑溜，配上香滑的蘭王蛋王，真係一口咬落去，味道滿分，蛋黃流出，將漢堡同米飯混合，簡直無敵。「和風牛肉飯」牛肉既份量非常多，牛肉切得薄薄，醃製得剛好，搭配特製的醬汁，米飯吸收咗所有肉汁，食落去有層次感。「橘子厚切吉列雞扒配溫泉蛋飯」係另一種驚喜！雞扒炸得金黃香脆，配上清新的橘子醬，味道非常好味又特別。而且配有溫泉蛋，真係好搭！小食「甘粟紫薯餅」非常好味，甘粟紫薯餅外脆內軟，口感豐富，甜甜的味道，係完美的選擇。總括來講，「牛魔王」呢間餐廳真係值得一試，食物質素高，服務又好。

今日朋友帶禾去位於觀塘成業工業中心一樓嘅「牛霸王」lunch …雖然是小店，但係坐得都幾舒服🥰🥰呢度最出名就係蘭王雞蛋和漢堡扒，所以當然一定要點佢哋啦🤣🤣手打和牛漢堡扒丼飯（每日限量） ….秘製漢堡汁，比較濃味啲，但係原來個芥辣酸瓜配飯再mix 蘭王蛋一齊食，真係好好味🤤🤤和牛漢堡扒比較多肉汁，牛味濃郁而手打芝士安格斯漢堡扒，就比較有口感牛味都香濃，兩者都不錯！個日式咖喱汁帶少少辣不是甜的那一種唔錯！

今日收工比我拉到算係平民區漢堡扒界嘅天花板，媲美挽肉與米🤩🥩手打和牛漢堡蘭王蛋丼飯 $151手打澳洲和牛，重油脂香！牛嘅肉香配上日本米加橙黃橙紅既蘭王蛋，完美配搭另外揀咗日式咖哩汁配日式泡菜，比坊間嘅日式咖喱汁辣少少，所以同埋飽滿嘅日本米，相對更加惹味，勁好送飯！🥩手打安格斯漢堡扒丼飯 $143安格斯牛比起澳洲和牛相對油脂就冇咁重，但更加重牛肉味另外呢邊都係揀日式咖喱汁，但係就配廚師推介嘅芥辣酸瓜！芥辣酸瓜有驚喜，完全唔會辣到攻鼻，但係保留到芥辣嘅香味，中和返非常重口味嘅香格斯，即刻冇咁膩🍗芝麻雞翼$18原來加配芝麻雞翼得一隻🥲 雖然有少少貴，但佢都幾好食皮薄炸得脆，但係依然有肉汁🥔日式牛肉薯餅$20都係加購價，而且得一嚿佢個炸皮做得幾薄同埋鬆化，比想像中佢嘅牛薯餅蓉做得幾軟滑整體嚟講百中嘅價錢食到呢個質素，我覺得性價比不錯

好耐都冇試過喺工廠大廈度食飯，今日難得朋友揸車嚟到觀塘，就話不如試吓呢啲樓上餐廳，朋友問我想食乜嘢，我話近排想食牛漢堡，佢就即刻提議觀塘呢間牛霸王。呢度嘅裝修其實都係行少清新路線，主要用木材料，所以俾人一種好舒服嘅感覺。朋友真係冇講錯，呢度真係漢堡扒界嘅天花板！招牌手打和牛漢堡蘭王蛋飯同手打芝士安格斯漢堡蘭王蛋飯，一個要咗秘製漢堡汁，另外一個就要咗白麵豉汁，配菜一個要咗日式泡菜，另外一個就係芥辣酸瓜，後來都有追加兩個小食，就係甘粟紫薯同芝麻雞翼。因為全部都係手打，所以口感好正，亦都選用咗澳洲和牛，所以油脂香味特別重，橙黃橙紅嘅蘭王蛋，配埋日本米飯，粒粒分明，真係絕頂嘅配搭，當然啦醬汁都係秘製嘅，所以特別好食。呢度更加有得儲印仔卡，食咗10次之後就可以免費送一個丼飯或者直接減$68 ，真係好抵！