牛霸王

營業中

休息中

今日我同朋友去咗一間位於觀塘嘅餐廳，當我走進去，餐廳嘅裝潢簡約而有風格，感覺好舒服，啲服務員都好有禮貌。首先，我點咗手打和牛漢堡扒丼飯。漢堡扒擺得好靚，媲美挽肉之米，用心更甚，厚實嘅和牛漢堡扒散發住誘人嘅香氣，色澤金黃。我一口咬落去，每一啖都充滿肉汁，佢哋嘅秘製漢堡汁帶有少少甜味同埋惹味，完美地襯托出和牛嘅鮮味。再配上日式泡菜，啲泡菜口感清脆，真係稱得上和牛漢堡天花板，碗底仲有驚喜，未食過咁開心嘅日式丼飯。跟住，我又試咗佢哋嘅招牌牛肉壽喜燒。牛肉切得非常薄，肉片都係用心選擇，食落去醬汁滲透到每一片肉中，味道極之濃郁。搭配埋新鮮嘅蔬菜，例如白菜同埋豆腐，吸收咗壽喜燒嘅醬汁，味道更加好。