牛霸王

營業中

休息中

今日再去食久違了的牛霸王，由於我減肥中，所以點了漢堡扒沙律再加一個小食一口芝士 。餐廳由4月1號起開始玩遊戲，逢係叫牛嘅飯或沙律，碗底會有隱藏驚喜！！我嗰日係打電話講我愛你 ！！只要打電話去畀任何一個人講我愛你，我就可以有半價！！！問返餐廳職員，原來其他驚喜有免費食一餐，有恭喜你升職加薪，有免費飲品等等 (仲有其他唔記得)! 好好玩！下次再玩！我覺得如果你唔大食嘅話，食沙律再加一份小食都好夠飽， 真係減肥恩物！ 蛋好有蛋味，係個漢堡唔係好夠熱。

充滿期待食蘭王蛋漢堡飯，17:30到達我見我2個人拎住4袋野當時仲未有客人，我地食完就快走我問店員我可唔可以坐四人枱？佢話全部有人book晒。。。我就同朋友講，我食完佢應該都仲未有客焗住放2袋喺地下個籃，一人攬住一袋食全場得我哋一張枱，完全冇諗住比多個籃/凳你放嘢😂食得勁辛苦見佢有「碗底驚喜」蘭王蛋漢堡扒丼飯，同蘭王蛋芝漢堡扒丼飯，一於叫芝士試下，有得選擇多飯/小飯，多汁/小汁。不過嚟到就睇到無論你選擇乜嘢份量都係一樣😂😂😂個飯整好嘅時候，放咗喺度，掛住吹水傾偈，仲要我提佢俾我，佢先識得出餐。。。。。$118蘭王蛋芝士漢堡扒丼飯，一個人食都唔會飽😂正正常常冇咩特別，唔會令你有嘩嘅感覺，亦唔會想再嚟交智商稅😂樓上餐廳$68都食到。。。。碗底驚喜，送你飲品一杯，仲要係下次惠顧主食先送比你😂好心啦，本身已經唔值，仲想用一杯飲品吸引你食多次，不了😂走嘅時候18:00都仲未有人嚟，唔好意思話滿座😂上咗去6樓再食雞，人哋就真係滿座喇🤣

觀塘工廠區成業街開咗好多新嘢食，最近去咗試位於成業工業大廈一樓嘅牛霸王，食物質素十分出色我哋叫咗一個日式和牛漢堡扒丼飯，和牛漢堡肉汁豐富，唔會過熟過硬，配上秘製嘅漢堡汁、蘿蔔蓉同芥末酸瓜，酸酸甜甜，為丼飯添加咗另一種風味，越食越開胃，仲想嚟多一碗。店員都會喺丼飯上添加一隻生蛋，蛋漿流出嚟好澎湃😍最近仲做緊一個碗底驚喜，聽聞如果食晒之後，見到「請你食霸王餐」，就會免單。我就冇咁好彩啦😂餐廳仲做緊一個牛肉壽喜燒，壽喜燒湯底甜甜地，配上芋絲、野菇、生菜等，用料好豐富，量都好多。另外都仲叫咗兩個小食，一個紫薯甘栗餅同埋雞皮餃子。紫薯甘粟餅炸得香脆，仲食到原粒嘅栗子；雞皮餃子咬落爆汁，仲有五件咁多😆總結而言，呢間丼飯小店食物質素高，值得推薦。

「觀塘工廈一向卧虎藏龍」小編今次就黎到觀塘，同大家介紹一間隱身於工廈，由前Omakase主廚主理，媲美挽肉與米既港版和牛漢堡丼飯 一 牛霸王 @wagyu_donburi🌟豚肉壽喜燒壽喜燒鍋底除左豚肉以外仲有雜茹、豆腐、芋絲、野菜，味道甜甜地，配埋蛋黃一齊食，令肉質更嫩滑🤤👍🏻👍🏻🌟日式胡麻沙律 $18作為前菜亦絕無Hea場，沙律菜爽脆，加埋小蕃茄同胡麻醬，非常清爽🤤👍🏻🌟日式蘭王蛋漢堡扒丼飯 $128小編今次就嗌左佢地既招牌系列，日式蘭王蛋漢堡扒丼飯 ，牛霸王既漢堡扒系選用澳洲和牛，充滿肉香之餘油脂亦非常豐富，加埋佢地既秘制醬汁同蘭王蛋，好高質不得了🤤👍🏻👍🏻*佢地最近仲推出「碗底驚喜」活動，每個碗底都有吾同既獎賞，而小編今次就抽到「小食一客」🌟一口芝士 $18炸得金黃，一咬開芝士呈半流心，好邪惡🤤👍🏻👍🏻📍牛霸王地址：觀塘成業工業大廈1樓26號舖#觀塘 #牛霸王 #工廈 #丼飯 #蘭王蛋 #壽喜燒 #漢堡扒 #工廈小店 #留港消費 #支持小店 #觀塘美食 #觀塘必食 #觀塘餐廳 #覓食觀塘 #食在觀塘 #一口芝士 #豚肉壽喜燒 #良心小店💛 #為食關注組 #和牛漢堡扒 #觀塘食乜好

呢個招牌牛肉壽喜燒 1-2人份量🥘壽喜燒湯甜甜的 上面仲有好多蔬菜 菇菌類 排得好靚 🥦🥒有肉有菜 再點埋兩隻蘭王蛋 一人一隻 🍳🐣牛肉壽喜燒汁加蛋黃汁 另一個主食，就當然要叫呢度嘅招牌菜🍔手打和牛漢堡扒丼飯和牛漢堡厚厚的 好juicy 🥩秘製漢堡汁係甜甜地 鋪滿喺成個碟上面🤎漢堡扒有芥辣酸瓜調味 減輕咗油膩嘅感覺可以輕鬆食晒成個和牛漢堡🤩🤩日式和風沙律🥗好大份啲沙律菜夠爽口 仲有啲蕃茄仔喺上面叫埋甘栗紫薯餅夠哂脆 🥔🍹蜂蜜綠茶 & 柚子蜜 夠潤喉 飲得舒服

觀塘真係好多好野食🍽️搵下搵下搵到呢間工廈入面嘅隱世美食😋主打手打和牛漢堡【手打和牛漢堡扒蘭王蛋丼飯】一見到蘭王蛋真係無得輸蛋香同味道加埋和牛漢堡嘅肉汁好正除此之外仲有自選配料揀左泡菜唔係好辣但就加多重味道層次而飯就濕咗少少【雞皮餃子】雞皮好邪惡但真係好香脆好味重點係炸得嚟唔會好油入面餡料仲係肉嫩多汁【招牌牛肉壽喜燒】壽喜燒最怕個汁太鹹或者太甜而呢個味道啱啱好而且好足料添配上不同醬汁仲有不同風味【日式胡麻沙律】見叫左咁多肉叫返個沙律清清油膩感【白桃烏龍】個茶壺同茶杯儀式感滿滿茶有淡淡嘅桃清香

有日系家庭餐廳嘅溫馨感，啡木裝潢配上暖色燈光，一入店舖就插住經典台灣既歌，好有feel📍漢堡肉飯 #漢堡扒界嘅天花板 飯頂住厚實嘅牛肉漢堡扒，上面仲有青綠色嘅芥辣酸瓜，泡浸喺啡紅色嘅醬汁入面！😍 牛肉漢堡肉鮮嫩多汁，一啖咬落去肉香四溢，芥辣酸瓜嘅香辣口感為成個dish增添層次，配上軟糯嘅飯粒同埋濃郁嘅秘製醬汁，啲 #秘制醬汁滲入飯入面，真係食到停唔到口呀！📍甘栗紫薯餅金黃酥脆嘅外皮一切開，紫色嘅內餡即刻流露出嚟，好有驚喜感！🤤 外皮炸得恰到好處，香脆又唔油膩，入面嘅紫薯餡香甜幼滑，仲加入咗甘栗增加口感同香氣，食落唔會覺得太甜膩，反而有種微妙嘅栗子清香。配埋旁邊嘅青綠菜葉清爽解膩，係食完肉類之後嘅完美小食。📍日式胡麻沙律生菜和紫葉生菜新鮮爽脆，搭配著小番茄，胡麻醬的香氣濃郁，既有芝麻的香醇，又帶有微微的堅果風味，為整道沙律增添了層次感，是一道健康又美味既選擇，而且大大兜。📍招牌牛肉豚肉壽喜燒好豐富嘅一鍋！新鮮嘅蔬菜包括娃娃菜、紅蘿蔔，配搭金針菇同秀珍菇，再加上優質嘅牛肉同豚肉片，色彩繽紛好吸引！🔥 材料新鮮度爆燈，肉片厚薄適中，一放入滾水就變色，熟咗之後肉質超嫩滑，入口即溶！壽喜燒嘅醬汁

上次舊同事聚會聽到幾個係 #觀塘工廈 附近工作既朋友講 # 觀塘 有一間叫 #牛霸王 既日式食店，主打100%手打和牛漢堡，抵食又好味，仲有驚喜活動玩添😃我即是叮一聲！所以趁住老公放假family day就去咗食。環境地方都相當寬敞，有一種懷舊日系風格嘅感覺。黎到當然要食限量『招牌』-蘭王蛋漢堡扒丼飯啦^^ 食完發現🥣「碗底有驚喜」 原來呢個就係餐廳做緊既《限時》驚喜活動。只要食完碗飯碗底出現邊個句子就代表中邊項驚喜喇。我就中咗：「打個電話講我愛你」，有半價呀😍👍🏻，真係好有趣呀！除此之外仲有多項優惠驚喜「免費請你食」、「$1多一塊1漢堡扒」、「大叫漢堡扒好正！」半價等…..全部都好吸引呀^^日本和牛漢堡扒丼飯塊和牛漢堡扒分量厚度十足，肉質鮮嫩肉味濃郁，配上微辣泡菜加上酸甜秘製漢堡汁，仲有流心蘭王蛋，層次味蕾豐富超滿足的。招牌牛肉壽喜燒非常足料，而且牛肉分量多，仲有多種菇類、蔬菜、芋絲、蘿蔔，豆腐… 配菜非常豐富，湯汁香甜配料入味，牛肉點埋蛋漿真係完美之作。雞皮餃子對呢個小食真係大愛呀，差啲就俾我一個清碟，雞皮咬落煙靭外皮香脆、內餡肉嫩多汁，真係超好味小食日式牛肉薯餅滿滿嘅牛肉同薯蓉

終於有機會試呢間餐廳，因為住得遠冇機會試，今次終於約埋朋友一齊試，仲扭正有活動，超正。 手打和牛漢堡扒丼飯份量都好足夠，叫左一個同朋友一齊食，成個賣相好高質，我就簡左秘製漢堡汁配芥辣酸瓜，仲好正可以簡多汁。蛋黃簡左蘭王蛋，好香蛋味，傑身。米飯質感好好，軟硬適中 。漢堡重牛香味，帶有肉汁食得出好足料，成個飯秘製漢堡好夾。最驚喜食到碗底中左加1蚊多1份小食，超驚喜開心，食食下仲有其他食客中大獎，勁有氣氛，大家襯活動期間快d黎食啦🤣。 蜂蜜綠茶因為食左都唔少肉類，所以同朋友都叫左蜂蜜綠茶，唔會太甜，可以飲呢個清下個味蕾再食。招牌牛肉壽喜燒壽喜燒好大煲，牛肉係份量好多，係街食未試過份量咁勁，超滿足，牛肉脂肪量適中，牛咪夠。配料都好多，有蔬菜，冬菇，芋絲，豆腐等等，索左d壽喜燒汁超入味。 一口芝士一口芝士炸得金黃，食落酥脆，入面軟心，暖暖地，十分推介。雞皮餃子雞皮餃子皮薄脆口，肉質嫩，像汁都好夠，配上餐廳提供既醬汁，好好食。 環境好日式，食物賣相靚，份量又足，呢排仲要有埋碗底驚喜活動，真係大滿足十分推介。

又係時候去觀塘工廈搵食，一出𨋢就見到易拉架寫住100%手打和牛漢堡扒，而家仲有買十送一優惠手打和牛漢堡扒丼飯 $128佢哋嘅特製醬汁有幾款幾特別，但第一次食揀咗漢堡汁鹹鹹甜甜撈埋蛋汁好送飯，重點係日式泡菜！ 鋪左喺和牛上面酸酸地帶出肉味，第一次見到咁配搭但真係好夾最近仲推出碗底驚喜，唔知係咪有獎抽，但我個碗底就寫住打個電話講我愛你，我哋照做咗都幾sweet🥳 真係生活小確幸招牌牛肉壽喜燒 $228餐牌寫明一至二人份量，所以俾咗兩隻蛋黃同兩set醬汁，而牛肉份量的確好足，加上野菌、雜菜同豆腐，暖粒粒好飽足招牌主食以外，小食都好驚喜，日式牛肉薯餅 $32脆卜卜而中間薯蓉好軟滑，有粒粒牛肉碎。雞皮餃子 $58大大隻好飽滿，雞皮油香十足，包住鮮甜肉餡飲品方面，特別推介炭燒咖啡，有淡淡炭燒香味，食完個日式晚餐嘆番杯咖啡就啱晒

朋友約我到觀塘工廈隱世日式店牛魔王進餐。餐廳環境闊落乾淨，食物水準高。值得一提，今期餐廳做緊碗底活動優惠，如果叫丼飯，碗底會有各種中奬機會，場面好有氣氛，睇得出餐廳都好有心思日式胡麻沙律日式胡麻沙律，以新鮮沙律菜及車厘蕃茄，清爽醒胃日式牛肉燒餅日式牛肉燒餅炸得非常酥脆，整得好出色手打和牛漢堡扒丼飯推薦呢款人氣手打和牛漢堡蘭王蛋丼飯，賣相非常吸引，漢堡微微燒焦，非常香口，和牛味濃，今次揀左日式咖喱汁，味道濃郁，配上粒粒飽滿的日本米，口感一流，最驚喜是日本蘭王蛋，出名生蛋撈飯，味道甘甜滑溜，大滿足招牌牛肉壽喜燒（1-2人用）招牌牛肉壽喜燒湯底清甜，牛肉沾上日本蛋醬，肉質口感幼嫩，配上日本菇、滑豆腐、芋絲、野菜等等，好有日本風格炭燒咖啡香醇的炭燒咖啡，個人很喜歡

欣賞過江龍更欣賞本地用心小店 🍽️😋手打和牛漢堡扒丼飯 $128🍔 今次我揀咗秘製漢堡汁配日式泡菜，漢堡扒表面煎到少少脆，入面粉嫩多汁，配上秘製醬汁味道一流！日式泡菜同漢堡真係好match！畫龍點睛嘅係上面有蘭王蛋黃，撈埋飯食，簡直係絕配呀！🥚✨😋招牌牛肉壽喜燒 $228（1-2人份量)🐮店員即場喺你面前淋湯，絕對唔會係煲到啲牛肉老晒先再攞出嚟！除咗牛肉，仲有好多娃娃菜同唔同嘅菇類，兩個人食啱啱好！湯底甜度適中，隨餐有兩款唔同嘅醬料：柚子醬同芝麻醬，仲有個蛋黃。我偏好菜就點芝麻醬，肉就點雞蛋，咁樣食落肉質會更加滑！🥚😋一口芝士 $58🧀 一啖咬落去有少少流心嘅感覺，上面仲有調味粉，食完唔會覺得油膩，真係值得推薦！👌✨📢餐廳最近仲推出「碗底有驚喜」活動，大家食完手打和牛漢堡扒丼飯，記得要食到落底！因為喺碗底會話俾你知今次抽中啲乜嘢，我哋就係「$1多一塊漢堡扒」，成件事抵到爛！記得快啲去啦！🎉🍽️牛霸王 (觀塘)📍觀塘成業街19-21號成業工業大廈1樓26號舖

Lady night (觀塘牛霸王)約了很久的Lady night , 終於可以匯合了. 揀好餐廳後, 便在網上預約了 四位 18:30 晚餐,  因爲只有經openrice 訂座才可有 85% 折扣.座落於觀塘工廈的牛霸王, 位置容易找到.  光猛的大堂, 有管理員, 不用擔心工廈治安問題. 店內座位大約容納30-40人, 座位雖然有點狹窄, 但勝在椅子下方有一小籃,可供放置隨身物品. 環境簡單舒適今天是星期二, 7:00PM過後人也多了,  聲音自然多. 之前問好了是沒有限時的, 故放心訂座, 喋喋不休......點了招牌牛肉壽喜燒(1-2人用) $228 就是一個壽喜燒. 湯味鮮甜, 日本豆腐好吃.雞皮餃子 (5隻) $58 還以爲是中空雞翼, 再填滿肉料. 原來名副其實, 是用雞皮包裹肉饀. 好吃,  但是罪惡感很高. 放涼後就不好吃了, 太油膩了. (每日限量) 手打和牛漢堡丼飯 $133先是打卡已不錯,  層層疊的, 蛋+蘿蔔蓉+泡菜+漢堡+米飯 層次分明.  四個女仕, 還是怕不夠吃, 再來一個咖喱燒雞扒飯. 份量不大, 男仕可能就不夠飽了.整體味道可以, 非預期中的好好

號稱漢堡扒界天花板的「手打和牛漢堡蘭王蛋丼飯」，確實能媲美「挽肉與米」！澳洲和牛經手工反覆摔打，「手打」讓肉餅彈牙多汁，油脂香與和牛濃郁肉香爆發，搭配顆顆飽滿的日本米，裹著鹹甜秘製醬汁🫧每口都超滿足！頂上的蘭王蛋橙紅色澤誘人，戳破後蛋液拌飯，甘甜蛋香與肉汁融合，不愧是生蛋撈飯界頂流😆💡重頭戲還有「隱藏彩蛋」——記得吃到最後撥開米飯，碗底藏著店家準備的神秘小驚喜，為用餐增添趣味！配菜同樣亮眼：芥辣酸瓜微嗆解膩，一口芝士外脆內軟會牽絲，炸日本菜肉餃子薄皮香鮮。飲品推炭燒咖啡（冰）多奶，炭香混奶香不膩口；招牌牛肉壽喜燒醬汁濃郁，牛肉軟嫩。最後來杯柚子蜜，酸甜收尾超清爽！從肉餅到飯粒都講究，手工與食材的完美結合，加上碗底驚喜活動，難怪成為必吃名單！這碗丼飯不僅征服味蕾，還藏著小確幸，絕對值得專程試一次！😋

今次同朋友去咗間隱世日式小店，試咗幾款招牌菜，真係款款有驚喜！最正一定係佢哋嘅手打和牛漢堡扒丼飯，每日限量手打製作，用澳洲和牛整成，漢堡扒上面放左蘭王蛋同泡菜配料， 非常吸睛。漢堡扒超級juicy，秘製醬汁甜甜哋好開胃，撈埋日本珍珠米同橙黃色嘅蘭王蛋一齊食，蛋香同肉香完美融合，真係可以媲美東京人氣店「挽肉與米」！ 😋😋仲試咗佢哋嘅豚肉壽喜燒（1-2人份），一鍋上枱即時打邊爐， 湯底甜度剛好，唔會太鹹。豚肉片肥瘦適中，吸晒壽喜燒汁嘅精華，仲有大量娃娃菜，豆腐，金菇等配料，煮到入味又好食。冬天食真係暖笠笠，好滿足！ 小食方面，雞皮餃子絕對係必點！用雞皮包住豬肉餡再炸，外皮脆到不得了，入面仲keep到肉汁，邪惡得嚟又好味。甘栗紫薯餅就可以當甜品😝，外脆內軟，紫薯蓉香甜綿密，中間仲有粒粒甘栗，口感豐富。 飲品叫咗柚子蜜，清清甜甜，正好可以中和返啲油膩感。 總括來講，呢間店嘅食物質素真係超出預期，由主食到小食都做得好好，而且價錢合理。特別推薦佢哋嘅和牛漢堡丼，絕對係必試之選！