小曼谷喺香港都有唔少分店，但約親朋友食泰國菜都會揀九龍城🤣 之前睇過其他食評見到佢有$38優惠，鍾意食海鮮嘅，我哋揀咗逢星期一二訂座，有$38咖喱青口，果然實物同食評一樣樣，貨真價實好抵食👍🏻 青口肉唔算好大粒，但鮮甜結實，配上甜甜辣辣嘅黃咖喱去泰菜精華🥰 天氣熱都一定要飲椰汁雞湯！用香茅同檸檬葉，再加上雞肉煲到出晒黃油，好鮮甜，又帶微酸好開胃，一人飲番兩碗好疏肝 本身想食炸蝦餅但叫咗香葉肉碎炸蝦膠皮蛋，蝦餅份量不減，但包咗隻皮蛋喺入面一齊炸，第一次見呢個菜式，仲有炸菜香葉同炒肉碎好惹味 另外叫咗個泰式鹹魚炒椰菜苗，用鹹魚塊炒，除咗炒到入味之外，仲有魚粒咬下 最後再叫泰國菜必食主食！泰式鮮蝦炒金邊粉，羅望子醬好香但同時唔會太重手遮咗鮮蝦嘅鮮味，金邊粉炒得透好入味，但唔會太林，酸酸哋一人一碗好快食晒😆

除咗主打嘅北海道湯咖喱之外，仲有湯烏冬、串燒、刨冰等等，Weekend去到算好靜，睇嚟觀塘佢都係做平日生意 整體食物質素高，用料、賣相、食材配搭都好唔錯，原價定價比較進取，堂食有八折可以接受，外賣仲有七折添 慢煮炙燒雞叉燒湯咖哩 雞叉燒好嫩滑仲有輕輕炭燒香味，肉嫩多汁冇得彈，更令人驚喜嘅配上多款慢烤蔬菜，每款都好正，西蘭花焗到抽乾晒水份，再浸咖喱汁外脆內軟勁好食。 為方便執行北海道湯咖喱嘅正宗食法，除咗兜餸仲另外俾咗碗咖喱湯😌 送晒啲飯之後就咁飲都好正 吉列鱈魚柳蕃茄湯鳥龍麵 本身有兩塊鱈魚柳，另外加配咗多一塊🤣 炸得金黃鬆脆非常唔錯，無論浸蕃茄湯定咖喱汁都好夾 加$10就有前菜及無糖鳥龍茶，前菜係漬魚仔鹹鹹地幾開胃，烏龍茶大大杯又夠凍，可以解辣 小食方面叫咗脆皮燒魚卷同芝士年糕，兩款都應該係出面來貨，但燒得唔錯 重點推介$100燒鳥6串送Suntory啤酒，串燒有兩個set，兩個都係3肉3菜，送杯啤酒洗晒杯但過下口癮都好唔錯好抵食，就算唔食串燒單點啤酒都有買一送一， $58兩杯！ 叫咗B餐有雞肝、心、腎、冬菇、四季豆、蒜芯，調味得宜，唔會燒得太乾，尤其是雞腎爽口juicy好味！

牛大人真係好受歡迎，旺角荷李活分店已經好大好多位，但係平日夜晚都爆晒，可見香港人真係好鍾意台灣同好鍾意打邊爐，自助火鍋配料吧+肉類無限量供應完全冇得輸 本身都冇留意餐廳有個夢王祭，即日起至6月23號晚市叫極上和牛餐會送一人一粒蛋，仲有脆蛋小食同夢王布丁做甜品，直到入座揀完湯底無啦啦送上蛋蛋，溏心蛋醬油香濃鹹鹹地又幾開胃 🥚 跟餐送嘅每人兩粒M9和牛牛丸實的的好多肉汁，響鈴新鮮好脆。鬼馬松露油條同黑松露花枝捲都係新鮮即炸，輕輕淥幾秒外脆內軟。台灣腸連蒜片食勁邪惡，仲有鹽酥雞好有夜市風味！邊打邊爐邊個台灣小食真係好爽，成個台灣胃都返晒嚟🥰 牛肉叫左幾轉都好高質，最愛牛肩卷質地好嫩滑又香肉味冇得彈 甜品有雪糕或仙草凍，食肉食到好飽但甜品都有另一個胃😎 仙草凍好多配料口感同味道都好豐富👍🏻

香港美食通常座落於公共屋村附近嘅美食冬菇亭都係出名平靚正，週末下晝去到竟然見到都好多人買緊兩餸飯，我就入去坐低嘆冷氣慢慢食 呢度嘅潮州打冷好吸引，12點就開始供應，不過我得一支公都係食返個簡單午餐。是日午餐有好多選擇，主菜送例湯同飲品 叫咗個泡飯，即叫即煮熱辣辣，湯底勁薑蔥都幾足料，例湯同凍奶茶都係茶餐廳正常發揮，送熱湯過嚟嘅時候店員都會話小心啲同慢慢放低，都幾好服務 但茶餐廳來講，佢啲小菜又吸引啲喎，有鮑魚雞煲，又有烤魚，款式多到日日嚟都食唔晒呀

位置方便，服務好，坐得舒服，見我哋拎住好多嘢都俾咗個大卡位我哋 江南三小拼 首先食個前菜拼盤，有水肴肉、小排骨、烤夫，都係好signature嘅上海小食，小排骨酸酸甜甜好開胃，肉好淋好容易甩骨幾正 婆婆粗炒 上海麵條比較粗身，色水好夠，但估唔到食落味道天然唔會太鹹，連同肉絲同菜絲一齊炒好惹味，份量都好多好夠飽，抵食！ 黃金四季豆 鹹蛋黃分量好多次，痴滿每一條四季豆，鹹香送飯，四季豆鮮嫩冇根 干貝賽螃蟹 蛋白好滑，干貝帶點鹹香撈埋食，個芡汁唔會太杰太重味，調味不錯 上海大雲吞 $62有六粒，雲吞皮好滑，菜肉餡飽滿，個湯都清清地可以飲，仲送埋兩條菜同蛋絲，另外menu仲有小雲吞會有更多雲吞皮食

只有三個餐係牛肉等級嘅分別，但火鍋配料同小食都係全店共用，揀咗中間極黑和牛片，以呢個放題質素同多元化款式來講，平日黃金時間$298因為都算唔貴👍🏻 QR code落單出餐好快，從未漏單。伙計好醒目，收碟同上菜都好快手 火鍋湯底推薦花膠雞湯，清清地但帶點雞油好香，淥牛肉一流。配料方面冰菜、花生苗、蓮藕片、魚皮等等全部都好新鮮，想送酒仲可以食麻辣小龍蝦🦞 飲品方面除咗常見冷泡茶同汽水啤酒，仲有梅酒燒酒白酒，仲有豆漿、甘蔗汁同IF椰青水，唔會好甜好清新，平時買開都10幾蚊枝，放題就可以開心飲 甜品方面最愛Haagen大雪糕同榴槤大福，全家都食榴槤一人一個勁開心🥳 仲有好少見嘅巴斯克芝士蛋糕同芒果、芋泥卷蛋，仲有大大粒脆皮泡芙☺️

九龍城Pavia餐廳唔算大，有意大利小餐館嘅感覺，最近做緊人頭消費滿$500可以免費飲紅白酒兩小時 一人叫一個4 course dinner set再揀要加錢嘅item已經夠數可以免費暢飲 我哋叫咗一個牛扒、一個意粉，兩樣都偏重口味，主攻紅酒，wine menu尚有好多唔同款嘅酒，雖然免費任飲嘅款式係指定，但質素都唔差，happy Friday 兩個鐘飲多幾杯都夠晒回本 順帶一提，個清炒蒜片辣椒意粉好惹味好出色，個欖油好香

去親戚屋企食飯平時都係長輩煮，趁假期出街行吓湊下熱鬧，見到青衣城開咗間新嘢，之前喺airside都食過一次，就帶埋大家一齊去食，兩間分店餐牌好似都幾唔同 二世祖撈丁勁架勢，長輩最鐘意夠體面，$102有鮑魚帶子冬菇，仲送一棵西蘭花，帶子有煎過，鮑魚同冬菇滷咗都好入味，靚料食材好似去飲咁豪，但又配出前一丁好新奇，迎合返冰室style😁 另外叫咗豬扒炒烏冬、乾炒牛河等等，餸嘅份量好多好夠飽，最緊要老人家食得開心😳

就算喺呢邊返工，唔係睇人上網介紹都未必識嚟，睇佢哋social media有做到會服務，如果下次公司開party食呢啲就正🤤

是日晚餐有六款主食，包埋餐湯、飲品、甜品，佢哋嘅擺盤好精緻，啲碟又靚，完全超出我對工廈餐廳嘅想像

餐湯係雜菜湯，配個小小芝麻餐包，飲品揀咗凍檸茶，茶底清澈唔澀都唔錯，甜品一份有三件小蛋糕，朱古力brownie幾香濃唔錯

是日晚餐揀咗全天然嘅燒美國Prime級牛扒 $248，加$50可轉做dry aged，肉質粉嫩好高質，呢個價錢真係算好抵食！

另外單點一個燒法國帶子配自家製墨魚汁扁意粉 $158，帶子都係靚嘢大大粒幾鮮甜，墨魚汁麵彈牙好香墨汁味，再有少少芝士粉增加風味

鯇魚腩片同出面任食火鍋嘅質素真係差好遠 又厚身又夠甜 魚肉仲好滑又爽口 魚片本身啲骨都已經大大條 但佢切到避開晒啲骨 可以啖啖肉 勁鍾意海鮮嘅我哋仲叫咗白鱔片 魚肉軟滑到一個點 蝦滑大大球 仲有啲蟹子喺面 細細粒不落去彈牙爽彈 蝦肉都好鮮甜 打邊爐當然唔少得響鈴！ 佢都幾大份 有六大條 新鮮即炸好脆 打完邊爐仲會卜卜聲勁新鮮 一啖咬落去外脆內軟好正 仲有羊肉卷 鮮甜肉滑唔會好蘇 少少肥 下次可以試埋佢其他肉 見到隔籬枱 有個牛肉拼盤好似都幾吸引 打卡啱晒啦