銅鑼灣有好多樓上食肆，個人覺得偏多係西式/Cafe😋星期六呢間有午市定食👀即刻俾佢吸引咗 ✨ 法國🇫🇷斯朗生蠔🦪N1 $98/2隻 生蠔好飽滿鮮甜，海水味唔算好重😋 ✨ 松 壽司定食🍱 $242 Weekend Lunch都有定食😮✨👀刺身、丼飯、壽司等任君選擇，睇到眼花撩亂👀定食配有田園沙律🥗日式燉蛋同埋海帶麵豉湯🫣田園沙律以胡蔴醬配羅馬生菜、粟米、車厘茄，食材新鮮，酸酸甜甜好開胃😋 壽司八貫：師傅特選、中吞拿魚腩、日本帆立貝、特大赤海老、本鮪赤身醬油漬、油甘魚、火炙左口魚邊 、蔥本鮪魚腩 配上琥珀赤醋飯🍙🍘用酒粕發酵嘅赤醋同埋白菊醋混合而成嘅壽司飯，味道香醇帶微酸，更能烘托出刺身嘅鮮味，唔需要任何醬油👍🏻 ✨ 火炙特大帆立貝🔥 $68 炙燒帆立貝加上芝士🧀份量十足 ✨ 青龍🐉 $88 賣相精美嘅炸蝦卷，紫菜鋪面加埋蟹籽增加口感😋蝦肉炸完都仲好彈牙 ✨ 波士頓卷 $32 邪惡組合嘅擔當🔥cream 🧀 配上爽口嘅青瓜同埋醃製過嘅三文魚，配上醋飯😋唔需要點豉油已經好夠味 ✨ 清酒牛油煮蜆 $55 👀有驚喜👀比想像中重牛油味，反而酒味就冇咁出，個人幾鍾意牛油🧈加少少🤏🏻黑胡椒嗰陣香 ✨ 白桃烏龍梳打酒🍹 $45 白桃烏龍味好香，果味重但唔會死甜👍🏻 ✨ 另外食完飯仲有甜品附送🫶🏻好滿足😌黑蜜蕨餅配黃豆粉加抹茶蕨餅🫶🏻黑蜜味好香濃，黃豆粉同抹茶應該防潮，唔會溶成一嚿嚿👍🏻蕨餅完全唔會厚粉，口感煙韌💯😋正！ ✨ 總括嚟講呢間嘅食材絕對係嚴選，刺身好新鮮，店員好熱情❤️‍🔥座位都好寬敞，成個用餐體驗好好💯絕對推薦大家嚟試吓

有榻榻米座位同普通座位嘅居酒屋🪑室內裝修好有日式風情好地道，座位闊落好啱幾個朋友開枝sake傾偈💬食物同埋酒類選擇都好多✨真心一讚✨食物質素好高，尖沙咀居酒屋嚟講價錢絕對唔貴，但食物同服務質素絕對比價錢高 ✨迷之刀 五雕刺身盛合 $328 赤海老、三文魚、帆立貝、拖羅、深海池魚 見到牆邊好多poster都推薦刺身盛合👀一上菜就知點解…因為五款刺身都份量十足，性價比超級高，而且刺身新鮮充滿鮮味，厚度啱啱好，賣相亦好精美👀📸 ✨ 牛油果山葵漬 $68 賣相好特別，以牛油果形狀嘅碗裝住牛油果🤣有驚喜🫶🏻個人本身唔係鍾意食牛油果🥑但係朋友鍾意所以就試吓，第一次覺得牛油果質感容易入口，好新鮮，質感偏軟身但唔會太腍🥹配上Wasabi、豉油同紫菜，醬料同牛油果好平衡，唔會過多蓋過牛油果嘅鮮味👍🏻值得一試 ✨ 明太子醬厚燒玉子 $68 好特別嘅形狀，雞蛋好嫩滑好香鰹魚味，明太子醬爆滿味道濃郁😋食得好滿足 ✨ 蟹肉芝士卷 $88 炙燒芝士🧀配上大量蟹籽喺面，加上壽司入邊嘅蟹肉，多重嘅口感🥹芝士味好香，但唔會好膩，反而令本身較清淡嘅芝士卷更上一個層次 ✨ 蟹味噌甲羅燒 加配薄餅🍕 $84 平時比較多配多士，因為覺得蟹膏同爽脆嘅多士好夾，今次就試吓口感唔同嘅薄餅🤣大大個蟹蓋好𥄫睛，仲有粒粒蟹籽加上濃濃嘅蟹膏味，配薄餅比想像中夾👍🏻薄餅沾滿蟹膏，入口好邪惡😋忍唔住食完一嚿接一嚿 ✨ 關東煮拼盤 $108 💯最正嘅係大根，好清甜完全冇渣，滲滿湯底鮮甜嘅味道，福袋腐皮滲滿湯汁，入口煙靭，其他配料都好多，包括秋葵、雞蛋、蒟蒻、豆卜等✨ ✨ 西葫蘆豚肉卷🫔 $52 香口嫩滑嘅豚肉捲住爽口嘅翠玉瓜，平時比較多係豚肉配蘆筍，今次嘅配搭好新穎👀醬料味香濃，好食😋 ✨ 蒜燒厚切牛舌心 $48 💯推薦👀厚切牛舌非常爽口，蒜味唔算好重，但醬料味好濃郁，相信唔鐘意蒜嘅人都會鐘意🥹🫶🏻擠少少檸檬汁好消膩🤏🏻🍋 ✨ 雞翼 $30 以鹽同醬料輕輕調味，已經剪咗骨🦴減卻咗平時食雞翼嘅不便 ✨ 梅酒梳打 $48 個杯好有特色，適合打卡🤣📸酒味適中🥃 ✨ 自家製蜂膠檸檬燒酌 $68 足料蜂膠，中和咗檸檬嘅酸味，酒味適中🍺

位於享和街嘅地鋪，裝修好有居酒屋風情👀無論係刺身、小食、熱鍋、炸物、酒類🍹都有好多選擇，店員好熱心👍🏻餐廳感覺好親民舒適 ✨ 三點盛合 $138 三文魚3切 油甘魚2切 赤身2切 刺身好新鮮👀厚切口感十足，三文魚有驚喜，好有鮮味同嫩滑，油甘魚嘅油份好高，入口充斥住魚油香氣，但好清爽唔會好膩👍🏻赤身都好甘香 ✨ 黑松露玉子燒 $98 💯非常足料嘅玉子燒👀熱辣辣上，蛋非常嫩滑，黑松露味香濃🥹真心推薦，定價進取但質素有保證！ ✨ 味噌廣島蠔鍋 $178 大大粒珍寶蠔🦪材料豐富，除咗有粉絲之外，亦有唔同蔬菜，滲滿味噌👀湯底偏濃郁，適合重口味人士 ✨ 自家手作雞肉棒 $45 燒得非常香口，配上燒汁好惹味😋質感外脆內軟，雞肉口感好嫩滑，另有少少軟骨，淡淡唔同口感 ✨ 阿波尾雞胸軟骨 $38 軟骨好有口感，非常脆軟，以鹽調味配上檸檬汁🍋👍🏻 ✨ 雞腳筋 $29 平時比較少食雞腳筋，口感類似軟骨，值得一試！ ✨ 串炸沙錐魚*2 $36 串炸鵪鶉蛋 $22 串炸三文魚親子串 $38 串炸拼盤皮薄料足，個人最鐘意三文魚親子串👀爆汁三文魚子同嫩滑嘅三文魚肉幾夾👍🏻沙錐魚炸完都好有鮮味 ✨ 白桃Chu-ha $58 偏向果味重同甜，白桃味好香 ✨ 白桃Highball $58 呈金黃色，威士忌味頗重🥃

👀尖沙咀除咗韓國街仲有好多韓國嘢食😋今次嚟咗呢間懷舊街機裝修嘅樓上餐廳🍴置身係充滿年代咁嘅環境底下食嘢，另有一番感受✨ ✨ Butter X Garlic 無骨炸雞 $158 香濃嘅牛油味加適中嘅蒜，配上炸得香脆嘅雞件😋 ✨ 大發！芝士鐵板泡菜炒五花肉 $158 💯非常推薦💯芝士味好香濃，拉絲效果好好，泡菜唔會太辣，兩者嘅味道好平衡唔會好膩😋👍🏻配上充滿脂肪嘅五花肉，入口即溶嘅口感🥹👍🏻值得一提嘅係芝士溶咗之後要快啲食，以免佢撠 ✨ 蕃茄韓式辣海鮮湯配中華麵 $198 湯底嘅味道唔算好濃，味道都唔算好辣，海鮮種類繁多，有蝦、蜆、青口、墨魚仔等，絕對以量取勝！中華麵嘅口感好煙靭，份量夠兩至三個人😮 ✨ This Summer $58 消暑之選☀️🍍菠蘿冰茶🫖菠蘿味好自然，完全唔會有糖漿味，一啖接一啖，好快就飲完🫶🏻 ✨ More Than Lemonade $58 由於有蜂蜜加持，即使係檸檬特飲🍋都唔會好酸👍🏻開胃之選🤤

呢間居酒屋🏮門口感覺好神祕👀經過一條樓梯上到去用餐嘅位置，裝修好精緻舒適 除咗串燒Menu亦有Seasonal Menu，選擇好多，個人覺得呢度嘅串燒無論係價錢同質素都好高😋絕對係物超所值，配上清酒，適合三五知己小酌兩杯傾吓偈💬 ✨ 釀し人九平次 山田錦 純米大吟釀 $888/720mL 帶有清淡嘅果香，都有少少甜甜地嘅米香味，飲落比較柔和，作為初入門飲清酒嘅我覺得無論呢款清酒無論同海鮮同串燒都好夾，另外有好多款靚靚清酒杯任君選擇 ✨ 日本生蠔🦪 原價$118 OpenRice訂座優惠，每人送一隻日本🇯🇵直送生蠔🦪本身都諗住嗌👀食落好肥美鮮甜，唔會有好濃烈嘅海水味🥹👍🏻 ✨ 香煎鵝肝野菌飯 $368 建議兩三個人嗌嚟share🥳落足料完全唔會慳嘅鵝肝飯絕對值得一試，鵝肝份量勁足，脂肪好重所以口感好綿密，淡淡脂肪食落好細膩，入口即溶但唔會好膩🥹👍🏻野菌嘅種類都好多，個人覺得中和到鵝肝嘅脂肪感，配上香濃嘅鵝肝汁💯 ✨ 蒜蓉牛油燒日本元貝 $98 好厚肉🥹蒜蓉味超級香濃，但唔會過多蓋過牛油味，作為重口味知鬼覺得好滿足🫶🏻😋燒嘅時間掌握得好好👍🏻 ✨ 胡麻菠菜蟹肉沙律🥗 $88 有腐皮、蟹籽、蟹肉、菠菜，大量蟹籽蟹肉口感好豐富，胡麻醬同菠菜嘅味道好平衡 ✨ 鹽燒牛沙瓜 $48 最推薦嘅必試串燒✨牛沙瓜口感好脆，脂肪比例應該算高，咬落帶少少煙韌，送酒一流之選👍🏻 ✨ 澳洲特級龍蝦串 $118 💯非常推薦💯大大嚿龍蝦肉燒得啱啱好，肉質彈牙爽口，配上香濃嘅龍蝦汁同埋以少量鹽作調味🥹個人覺得係超值 ✨ 豬頸肉 $36 ✨ 西班牙豬腩肉 $36 相對下西班牙豬腩肉比豬頸肉更多脂肪，豬頸肉咬落較實淨，另有黑椒調味，兩者都以鹽帶出肉嘅鮮味，再點醬料後更加令味道昇華咗，性價比超高嘅居酒屋 ✨ 澳洲牛小排 $78 鮮嫩嘅牛肉，肉味濃厚，基本上唔需要任何醬料都好好食，脂肪分布平均，物有所值 ✨ 自家製免治雞肉軟骨 $55 雞肉串嘅黑椒味好香，趁佢熱辣辣嘅時候點上生蛋汁👍🏻非常掛汁 ✨ 茄子 $30 🍆燒得好香，但完全唔會乾仲keep住好Juicy😋平時去串燒嗌茄子最擔心係燒得太乾，大推👀配上燒汁好惹味👅

餐廳位置好近地鐵站好方便，入口喺白加士街(原來唔同樓層有唔同入口😹)，位置好大坐得好舒適👍🏻另外偏向多大枱適合一班人聚餐💬 餐廳走港式風格，而且食物選擇好多，無論係湯底、海、肉、蔬菜定係小食都令人睇到眼花撩亂 ✨ 胡椒老壇酸菜白肉鍋 $188 湯底足料夠味，有超過10片豬肉片，配上大量酸菜😋個人覺得辣度算超微，微辣小酸😗基本上唔需要用醬料都已經好夠味 ✨ 手打丸拼 $128 💯手打丸同埋餃子都好出色🥳 有手打黑松露蝦丸、手打墨魚丸配蟹籽、麻辣雞肉丸、芝士牛肉丸、鹹蛋黃豬肉丸👀全部都非常彈牙而且各有特色🥹麻辣雞肉丸🍡好有口感辣味好出，鍾意辣嘅人會好欣賞👍🏻手打墨魚丸，唔會過多粒粒墨魚膠嘅口感，反而滑得嚟帶點彈牙🥹👍🏻推薦一試，其他丸都好有特色，黑松露蝦丸味道好香濃，個人覺得呢兩款丸有啲似食緊偏彈牙嘅滑咁😂好出色 ✨ 餃子拼盤 $128 💯真心係被火鍋耽誤嘅餃子舖🥲皮薄餡多，而且每一款餃子都各有特色💫有韭菜豬肉餃、麻辣牛肉餃、鮮蝦水餃、鮮蝦蟹籽雲吞、黑松露山藥餃仲有牛肝菌竹笙餃🥟最驚艷嘅係麻辣牛肉餃👀充滿辣汁，辣味好香🔥但偏辣，建議食唔到辣嘅人量力而為🫡粒粒牛肉好有口感🥹鮮蝦蟹籽雲吞同樣好足料，彈牙嘅蝦仁🍤加上粒粒蟹籽，多重口感好滿足😌其他餃子都各有特色，餃子拼盤可以一次過試晒，真係大滿足🥹👍🏻 ✨ 蔬菜盤 $88 有七款蔬菜🥬選擇好多，有唐生菜、油麥菜、水耕菜、冬菇、雞髀菇、蕃茄仔同埋粟米🌽擺盤好精美份量亦都好足夠👍🏻蔬菜食落幾新鮮，蕃茄仔最有驚喜😋👀非常Juicy而且好鮮甜🍅 ✨ 水蜜桃冰沙 $48 份量非常大，完全冇糖水味👍🏻兩個人飲都夠，性價比好高

蘭桂坊串燒店轉入嚟嘅呢條街其實好多好野食😋位於珍姐隔離，有兩層高，以高貴嘅藍黑做主色，裝修幾有情調✨餐牌選擇喺小店嚟講都算多，有傳統西班牙前菜、意粉、主菜、青口同甜品等👀同埋感受到煮食嘅人好用心，無論係擺盤、食材定係味道都超出價錢🥹👍🏻亦都係即叫即整熱辣辣上碟💯上菜速度亦好快 ✨ 西班牙傳統蒜油大蝦🍤 $158 感覺Gambas做法好繁複，多步驟多功夫，覺得都係喺街食好過喺屋企自己整🤣賣相非常吸引，食落味道好濃郁帶有鮮味，蕃莤蒜片配橄欖油味好香，帶有少少辣勁好惹味，另外配咗六塊香脆嘅麵包多士，擺滿蒜片加上醬汁嘅麵包多士真心💯主角蝦🦐大隻得嚟非常彈牙，果然冇令我失望😋 ✨ 法式明太子意大利粉 $168 味道好特別嘅明太子意粉👀原來係因為冇用忌廉，低卡路里嘅選擇更加健康，但口感上依然係係非常Creamy濃郁，明太子味好重但唔會膩，配上紫菜絲👍🏻一乾一濕，可以中和口感，亦配有檸檬🍋個人比較鍾意明太子加檸檬汁，酸酸地嘅口感覺好開胃😋 ✨ 💫Moodie Style 秘製香辣蒜酒煮法國藍青口🧄 $178 曾經有人教我餐牌上面有餐廳名嘅菜式就係Signature👀😋五款味嘅青口望落都好吸引，第一次嚟就一於試吓Signature✨法國藍青口偏向細隻，但係上菜嗰刻見到就覺得好澎湃😮成個Pot充滿開咗口嘅青口，肉質鮮嫩，底部嘅蒜酒味尤其濃郁，個人鍾意青口連辣汁一齊食，兩者嘅配合絕對係邪惡之選😈新鮮炸起嘅粗直薯條以鹽調味，咬落非常香脆🍟 ✨ 可能因為係星期一放工嚟食，所以餐廳比較較少人唔使等位，中環好少性價比咁高而有質素嘅西餐👍🏻絕對推薦大家嚟試吓💫

成日食任食邊爐🍲發覺逐樣嗌嘅質素差太遠🫡實在好味太多，最近發掘多咗非連鎖嘅店👀支持下本地經濟✨餐廳同一般邊爐舖有啲分別，鋪面唔算好大，可能比較適合人少少舒舒服服嗌下小菜打邊爐👍🏻另外老闆娘(?)都好留意客人嘅需要，定時會主動加湯同埋調較火嘅大細👀湯底嘅選擇亦都好多 ✨ 招牌重慶雞煲 半隻 $168 有三個辣度可以揀，我就揀咗最低嘅小辣🌶️🥵雞炒得好香，用咗洋蔥、紅椒、綠椒同蒜等，個人覺得用嘅材料味道算多，另外腍咗嘅洋蔥滲滿雞煲味🧅好滿足🥹兩個人share半隻雞份量岩岩好😚同埋！唔記得咗嗌雞脾菇🥲雞煲加雞脾菇絕對係一絕💯重口味之鬼覺得重慶雞煲加大量芫茜🌿係超級加分！ ✨ 招牌手打墨魚滑 $98 💫墨魚滑好鮮好夠味，而且好彈牙！魚膠有啲咬口😋份量同價錢成正比👍🏻 ✨ 自家製韭菜餃 $68 會話打邊爐嚟講係良心份量，八隻皮薄餡多嘅餃🥟韭菜量多，加上少少肉(個人覺得餃子多菜少肉比較好食😋）好滿足，韭菜好新鮮，唔會好老好難咬👍🏻重口味之鬼👀 ✨ 娃娃菜 $38 🥬新鮮大份，滲滿湯汁超級邪惡😛 ✨ 餐廳除咗邊爐之外都有小菜選擇，另外有唔少海鮮揀，雖然位置唔算多，但會話係麻雀雖小五臟俱全😜打邊爐想幾個人坐得舒舒傾下計，呢到係個唔錯嘅選擇👍🏻

餐廳都幾大，有室外室內位置，有兩層😮可能係因為環境比較chill同埋位於SOHO區，餐廳比較多係外國客，聽到佢哋話上層更可以包房唱k🤣整體裝修好有日式風格，同時滲入咗啲比較型格新穎嘅設計，個人覺得坐落好舒服，而且好有格調 ✨ 和風蒜香海鮮鍋🍲 $388 有兩人份量嘅扇貝同鮑魚，粉絲同娃娃菜😋海鮮方面，鮑魚好彈牙而且好大隻，切片上好方便我哋食，而扇貝因為比較厚身，所以都切咗邊💯味道方面，聞落非常香，蒜蓉味！但蒜蓉覺得仲可以更加重味😛 ✨ Tasting Menu $398/set 本身以為要全枱嗌，但原來可以當set咁叫👍🏻✨推薦大家試吓👀💯食後感:份量極大，有齊前菜、六款串燒、主食同埋甜品🍧性價比好高💫 ✨胡麻菠菜蟹肉沙律🥗 👀推薦✨胡麻醬好香✅感覺係原個小食嘅份量，有蟹籽蟹肉菠菜同埋腐皮👍🏻有腐皮咬下又有細細粒嘅蟹籽，口感好豐富！另外菠菜都好新鮮，配份量啱啱好嘅胡麻醬🥹兩者好平衝👅 ✨雞翼 上菜先知原來係雞全翼🤣鹽燒雞翼，個人覺得唔錯 ✨雞腿肉🍗 四個字: 外脆內軟 ✨自家制免治雞肉軟骨 免治豬軟骨本身有少少燒汁調味，配上蛋汁更濕潤更好食💫 ✨荔枝豬肉卷🫔 六種串燒入邊個人覺得呢款最特別👀薄薄一層豬肉包住Juicy嘅荔枝👍🏻 ✨茄子🍆 新鮮嘅口感，平時嘅烤茄子一般會調味好重落好多蒜蓉，今次想試吓日式燒茄子，絕對冇失望！用上新鮮嘅蔬果，唔需要好多調味都可以帶出鮮甜👅 ✨翠玉瓜 燒得比較燶，賣相一般，但味道非常好🥹外邊爽口得來中間好腍 ✨蝦味噌雜菜稻庭烏冬 烏冬配料有娃娃菜同埋冬菇，溫馨提示係記住快啲食完啲烏冬！一開始食好彈牙，但擺耐咗有少少腍🫡 ✨綠茶蕨餅紅豆白玉🍵🫘 白玉好軟糯，唔會好似粉團咁🥹👍🏻蕨餅帶少少Q彈，同樣好軟糯🥹加上濃郁嘅紅豆肉同埋粒粒紅豆，值得一提嘅係紅豆蓉唔會有嗰種死甜嘅漏感！好滿足到抹茶控嘅甜品肚🍵😋 ✨ 海膽松葉蟹蓋甲羅燒 $138 兩者之間做比較個人覺得蟹膏味非常重，食落去淡淡蟹膏同蟹肉，相對下海膽味唔算好重✌🏻原個蟹蓋上好滿足👀 ✨ 山水 特別純米 300mL $388 平時比較少飲sake🍶但嚟到居酒屋點都要試吓，於是就揀咗比較細枝嘅300mL配串燒同埋海鮮😚作為新手覺得飲落好醇，米香都幾濃郁👍🏻一個比較特別嘅sidetrack係大家可以揀自己鍾意嘅清酒杯🍶

尖東一帶一向都有唔少餐廳，海邊西餐為主，之前嚟食過幾間烤肉/Cafe，今次放假就決定去酒樓嗌餸食飯😋有驚喜！呢間裝修好雅致，價錢絕對唔貴，但服務質素非常好，而且食物選擇都好多👀個人覺得幾適合同屋企人食 ✨ 醃蘿蔔片 前菜酸酸地加幾粒辣椒🌶️酸酸辣辣幾開胃🤤 ✨ 尚苑小炒皇 $128 💯最有驚喜之選💯小炒王超級足料，腰果炒得好香脆而且唔會硬，另外有唔少蝦仁🍤同埋其他海鮮配料，帶子粒份量都超級多✨蔬菜亦好新鮮唔會太老太韌😋真心大排檔價錢但超級足料，下次嚟絕對會再嗌 ✨ 紅油抄手八隻 $58 望落好多辣油好重口味，食落又唔會覺得好漏👀🤔好惹味，但辣油份量都偏多🥲值得一讚嘅係皮薄肉厚👍🏻 ✨ 粟米魚肚羹 $58/位 魚肚羹嘅材料非常豐富，切到細細粒啖啖都有料，真心好足料😛有魚肚咬下加上蛋花做點綴，飲落幾有口感同層次 ✨ 燻香樟茶鴨半隻 $98 份量頗大，不過都唔少骨👀👀又係做緊晚市優惠，半價✨ 平時比較多係食燒鴨，用汁去調味，今次見有優惠就試吓新嘢🤌🏻覺得都有驚喜 ✨ 新鮮菠蘿拔絲咕嚕肉 $88 晚市做緊優惠👍🏻個人覺得幾抵，長條狀嘅咕嚕肉好腍，外皮唔算炸得好脆但汁嘅份量啱啱好🤪唔會浸到個皮淋晒👀味道方面唔會太酸，個人覺得幾有鑊氣👍🏻另外新鮮菠蘿切粒連殻擺上，賣相好吸引，味道都好鮮甜，而且唔會有糖水味😋洋蔥唔算炒得好腍，但唔會有鮮洋蔥嘅辣！配料方面值得一提嘅係有香芹👀個人覺得好香口，而且爽脆，但未必個個鍾意🤣 ✨ 整體嚟講覺得店員好友善，而且會主動留意你嘅需要幫你斟茶等等🫶🏻另外坐得都好闊落好舒服，有足夠空間可以傾偈🗣️上菜速度啱啱好一樣接一樣唔會等太耐，適合放工慢慢食一餐飯🍚