而家茶飲店周圍都有，要有新口味新鮮感先吸引到人，今次飲間未飲過嘅，仲見有近期大熱開心果口味😋 💚研磨開心果燕麥奶茶💰$45 每日限量嘅開心果口味，用上日本原材料，有日本製幼滑開心果醬、招牌綿滑芝士奶蓋、天然粗粒開心果碎、燕麥奶、綠醇 飲落清香不甜，有開心果碎更有口感，微鹹芝士奶蓋當然是靈魂😋 💜三料芋頭奶茶（蜜芋頭、芋圓、米麻薯）💰$50 口感層次非常豐富嘅芋頭奶茶，有芋頭、芋圓、米麻薯，係我近期至愛，米麻薯柔軟、芋細小球狀夠彈牙，由於太多配料，飲落啖啖都係食嘅，奶茶比例上減少咗，所以好飽肚😆 🚩CHICHA茶痴(將軍澳店) 📍將軍澳寶琳欣景路8號新都城中心二期UNY生活創庫UG樓UG036號舖

之前都食過Musea嘅Arte by Padaria 蛋糕，今次見喺K11 有pop up store，多咗好多新品 今次好吸引我嘅有全新推出嘅mousse tart，有唔同生果、堅果作主調 🍌經典香蕉太妃批 🤎焦糖合桃慕斯撻 兩款賣相都好精緻，味道甜甜的，撻皮硬脆，入面mousse軟滑 另外見好特別嘅仲有全新法式可頌夾心球，球體狀嘅牛角波，好別緻😋仲要有獨特口味卡邦尼、蝦醬味等 🚩Arte by Padaria (尖沙咀) @artebypadaria 📍尖沙咀K11 Art Mall B2

香港有三間分店嘅🫶🏻更紗制菓🫶🏻，融合日本職人傳統手工藝，加入西式烘焙，以天然食材作為原材料，造出新派甜點🍮 舖頭有好多麵包、戚風蛋糕、卷蛋、西餅、飯糰蛋糕等 🐰兔子餅乾 $150 其實係焦糖堅果脆餅，兔仔造型夠可愛 🍰70% Rich Chocolate Chiffon $19 好軟身好濃郁朱古力，有啲朱古力粒更有口感，好好食😋 🍰Hojicha Chiffon $19 茶味香濃，蛋糕質地軟熟，食落一陣風咁輕盈 🍞葡萄乾吐司 $22 大件抵食，好多葡萄乾

君蘭餅店喺好多Mtr都有分店，而家喺銅鑼灣仲開埋新分店，新店舖新形象更morden，麵包新潮啲，有好多新口味新配搭，仲有最鐘意嘅不同口味牛角包、蛋撻葡撻等😋 🥧葡撻 $10 🐷叉燒包 $12 🍍原味菠蘿包 $14 💚開心果小牛角 $22 🥐Tiramisu小牛角 $22 傳統啲嘅叉燒包、菠蘿包就當然軟熟 最鐘意小牛角，本身夠酥脆，面頭甜甜哋，再加埋唔同topping sauce，濕潤又好食🤤 葡撻都值得一試，蛋香，撻皮酥化👍🏻 🚩君蘭麵包廠 (銅鑼灣) @orchidpadaria 📍銅鑼灣東角道26號怡安大廈地下6-8號舖

之前成日去尖沙咀食Espresso Alchemy西式早餐，而家將軍澳都開咗，方便好多

Popcorn呢間分店更清靜，燈光柔和，環境舒適🫶🏻

🍔烤雞菠蘿漢堡配檸檬醋醬及焗薯💰$126
大大個burger，食完好飽，烤雞有啲香草味道，配菠蘿可以減退油膩感

🍝厚切意大利煙肉卡邦尼意粉💰$102
望落好juicy，音人粉同煙肉都幾粗，較有口感

🍵宇治抹茶生酮蛋糕卷💰$59
質感較一般生䣯蛋糕軟熟，matcha味濃郁，cream細滑，值得一試

🍵Matcha Latte
好飲濃郁

🚩Espresso Alchemy (將軍澳)
📍將軍澳唐賢街9號PopCorn 1 1樓F54號舖

好鐘意呢間chiffon cake，簡約設計已經好靚好吸引，有好多味道，不同顏色好colourful💜🤎🧡💛 🇬🇧英國伯爵茶💰$60 茶味香，不甜不膩，蛋糕軟熟，冇罪惡感嘅蛋糕☺️ 🍫雙重朱古力💰$60 朱古力味超濃，入面有朱古力醬、朱古力粒粒，口感豐富，蛋糕濕潤，好好食😍 💜大甲香芋黑糖麻糬💰$65 近期鐘意香芋，又鐘意麻糬，加埋黑糖當然係最佳配搭，香芋味好香唔假，麻糬夠煙韌 鐘意佢不太甜😋 🌰沖繩黑糖栗子蒙布朗💰$65 第一次食黑糖栗子，一樣係甜度適中，巿軟糯栗子蓉、糖漬栗子，加埋黑糖甜味，好夾🤤 🚩La Famille (將軍澳) @lafamillecake 📍將軍澳唐德街9號將軍澳中心G樓G91A號舖

早幾個月經常去佐敦覆診，見呢間門口玻璃櫃放咗好多芝士蛋糕、蛋撻，勁吸引咁😍有日終於走咗去食tea坐一坐😋

熱撻有牛乳焦糖蛋撻、鮮奶撻、乳酪芝士撻、雞批等

凍食嘅有檸檬撻、新推出嘅黑芝麻撻、京都忌廉紅豆撻、特濃朱古力撻、玫瑰伯爵撻、蜜柑忌廉撻等

最signature又最想食嘅一定係佢門口大大個新鮮焗起漲卜卜嘅芝士蛋糕😍😍好多個味😍😍

🧀特濃芝士蛋糕💰$120
蛋糕勁鬆軟軟綿，面有芝士，入面又有芝士，仲要係半溶😍食落口超正，一啲都唔膩🉐下次要試埋其他味😚

🥧北海道3.6牛乳焦糖蛋撻💰$16
勁勁勁好食，一啲都唔誇，酥皮層好酥脆😋可能係用日本材料關係，蛋漿特別香又滑，下次一次要買埋返屋企🉐

🥛3.6牛乳鮮奶撻💰$22
今次呢個新鮮熱辣出爐，鮮奶勁滑，唔算好固體，所以好滑溜嘅口感

💛鮮忌廉吉士泡芙💰$30
勁大個，入面有吉士有忌廉，口感超滑，泡芙唔乾，食晒好飽不過係我覺得最好食嘅一間puff😋

🚩北海道牛乳蛋糕 (莊士倫敦廣場) (佐敦)
📍佐敦彌敦道219號莊士倫敦廣場地下G03號舖

自從銅鑼灣開咗Eggslut就想去好耐，係卸貨之前去咗食😆 呢度嘅signature burger係簡單又平平無奇嘅食材：🥚雞蛋、🧀芝士 但點解會成為招牌呢？必叫必試‼️ 🍔Fairfax Sandwich招牌炒滑蛋三文治 $78 先由超級軟熟又有牛油香嘅自家製奶油麵包包住新鮮熱辣炒滑蛋、半溶車打芝士、法蔥，仲有甜甜哋嘅焦糖洋葱、是拉差蛋黄醬😋 整體口感味道超juicy超yummy，真心讚，必食🉐 🍔Cheeseburger芝士漢堡 $92/ single 第二款試嘅係有安格斯漢堡扒嘅burger，加埋半熟煎蛋、焦糖洋蔥、半溶車打芝士，本身已經夠好食，醃青瓜同平時食開唔同，會甜少少，加埋芥末醬，全部由軟熟自家製奶油麵包包住，一樣好好食，口感豐富，早幾日食完，而家已經掛住啦😍 🍊Fresh Orange Juice鮮榨橙汁 $37 真係鮮榨無添加 so yum 😋 🚩Eggslut (銅鑼灣) @eggsluthongkong 📍銅鑼灣記利佐治街11-19號及百德新街27-47號Fashion Walk地下2號舖及1樓F-1號舖

卸貨之前去屋企附近食飯，呢間中菜間中都有食，兩個人食三個餸剛剛好👍🏻 🥦西蘭花帶子珊瑚蚌💰$188 三樣食材都鐘意食，西蘭花爽脆、帶子鮮甜、珊瑚蚌爽口，整體夠味又好食 🌸櫻花蝦椰菜炒粉絲💰$108 炒得有鑊氣夠乾身，有櫻花蝦所以好香，加埋椰菜有啲爽脆口感😋 🥢農家小炒黑豚肉💰$128 有豬肉片、三色椒等，個味幾夾，送飯幾好 🚩將軍會館 (將軍澳) @admirals.hk 📍將軍澳貿業路8號新都城中心3期1樓137號

由細到大都鐘意🫖飲茶，可以食到唔同點心，不過大個咗就食唔到咁多啦，所以最好一班人食，熱鬧又食得多啲嘢😋 🥢晶瑩野生鮮海蝦餃 皮薄餡靚，都幾大粒漲卜卜咁，新鮮熱辣蒸完出嚟啲皮都唔易爛，蝦肉爽口彈牙🉐 🥢時菜牛肉球 比平時食開有少少唔同，冇咁多粉所以牛肉較軟滑，汁都濃好多 🥢珍珠糯米雞 好耐無食，入面有冬菇粒、鹹蛋黃、瑤柱，糯米煙韌 🥢冬菇燜鴨掌 燜得入味，醬汁好食 🤍生磨蛋白杏仁茶 超鐘意嘅中式糖水，如果酒樓有，一定會叫😍蛋白同杏仁茶一樣咁滑溜，熱食一流 🚩富豪酒家 (尖沙咀) @fuhorestaurant 📍尖沙咀彌敦道132號美麗華廣場1期食四方4樓402號舖