影片
開飯介紹
焱丸水產是香港首間海鮮磯燒元祖店，有活海膽、鮑魚、活龍蝦、松葉蟹、帆立貝等十多款海鮮，可選擇磯燒或刺身。 復刻傳統魚市場場景，食客在木箱、漁旗的環繞下品嘗豐洲直送當日水產，享受活魚刺身、活貝磯燒的原始風味，彷彿置身於日本海邊。
繼續閱讀
營業時間
今日營業
12:15 - 15:00
18:00 - 00:00
星期一至日
12:15 - 15:00
18:00 - 00:00
以上資料只供參考, 請與餐廳確認詳情
有關獎賞計劃
優惠
相關文章
最近同朋友去咗呢間大熱嘅焱丸水產食dinner，主打磯燒水產，真係好有日本feel！ 裝修好精緻，坐低嗰刻以為自己去咗日本🇯🇵 晚市勁旺場，記得訂位啊！ 🦀芝士蟹肉甲羅燒 $78 濃郁嘅蟹膏混埋蛋漿同芝士，燒到啱啱好，入口超creamy！ 🍶清酒煮白蛤鍋 $108 白蛤鮮甜到爆，清酒湯底好暖胃，飲完成個人暖笠笠～ 🦐香草牛油蝦 $58 牛油香超濃，蝦肉彈牙，食完想encore！ 🍣海膽軍艦 $108 海膽新鮮到冇朋友，入口即化，鮮味大爆發！ 🦐大蝦鬼殼磯燒 $65 蝦膏多到漏，燒到香噴噴，蝦肉爽甜！ 🦑鳥賊磯燒 $95 原隻魷魚燒到啱啱好，蘸少少醬油已經好正！ 🦀松葉蟹膏帆立殼燒 $80 蟹膏濃郁到癲，配埋帆立貝一齊燒，鮮味double up！ 🍥海膽帆立殼燒 $85 海膽+帆立貝呢個組合真係無得輸，鮮甜到震！ 🐚帆立貝刺身 $80 刺身級帆立貝，爽甜冇腥味，食原味最正！ 🍧椰子雪葩 $58 食完濃味嘢食返個雪葩，清新又解膩！ 🍵極上烏龍茶 $58 茶味香濃，食完海產飲返杯，perfect match！
繼續閱讀
全場座無虛席，係而家既香港黎講算難得一見鋪頭都無算大，所以咁多人既時候感覺好熱鬧咁先叫香港夜繽紛架嘛！首先，我要讚下個蟹味噌甲羅燒 🦀蟹蓋裡面填滿蟹肉、蟹膏同飛魚籽，咸香味美，真係正 👍每一啖都濃郁鮮味，蟹香四溢 ❤️然後係個肉盛壽司盒，上面既係和牛 🐮入口軟滑，有牛油香，第一次食 ☝️ 幾特別三文魚冷麵好清爽，裡面其實完全無麵既成分 😂完全係三文魚切條而成，十分肥美 🐟鱈場蟹腳鍋可以一戰～ 蟹腳厚實鮮甜，凍凍地有個鍋係比較暖胃係湯底略顯太清淡，如果濃味啲就更好 👌帶子磯燒既帶子都大隻，店員全程協助，完全無需要自己黎燒得恰到好處 🔥醬油木魚帆立貝殼燒係調左味既，醬油甜甜地咁先襯托到海鮮既鮮味 🧂最後必須提埋個飲品我地一杯係冰菠蘿燒酌，一杯係白桃玉露茶菠蘿既甜味同燒酌既微微酒味融合得好好，最緊要係佢仲有原條菠蘿等我一路飲一路食而白桃茶就比較清淡，但都可以平衡返呢餐咁豐富既美食 😄
繼續閱讀
前排同朋友嚟到呢間位於香港嘅焱丸水產，主打日式磯燒海鮮，真是一個驚喜體驗！一入餐廳，精緻嘅日式裝修即刻令人有置身日本嘅感覺，氣氛超正！夜晚真係好旺場，建議大家一定要提前訂位，唔係好易滿座蟹味噌甲羅燒
呢個真係必點！蟹蓋入面塞滿蟹肉、蟹膏同飛魚籽，咸香濃郁，入口滿滿蟹嘅鮮甜，每一啖都係享受！蟹香四溢，絕對係海鮮控嘅心頭好！Omakase精選烤5種
呢個組合簡直係牡蠣迷嘅福音！五款不同風味嘅牡蠣燒，每一款都令人驚艷：•牛油芝士牡蠣燒：芝士同牛油嘅濃香同牡蠣嘅鮮味完美融合，入口即化！•牛油牛油果牡蠣燒：牛油果嘅滑順同牡蠣嘅鮮甜，配搭出奇地夾！•海膽牡蠣燒：海膽嘅甜同牡蠣嘅鮮，簡直係味蕾嘅極致享受！•明太子牡蠣燒：明太子嘅微辣同芝士嘅香濃，惹味到停唔下來！•三文魚籽牡蠣燒：三文魚籽粒粒爆汁，鮮味爆棚，超滿足！三文魚冷麵
呢個真是一個大驚喜！完全無麵，全部係三文魚切條而成，肥美清爽，入口好似食緊大海嘅精華，夏天食特別開胃！肉盛壽司盒
和牛入口軟滑，帶有濃濃牛油香，第一次試呢款壽司真是一個新奇體驗，質感同味道都好有驚喜！整體黎講，焱丸水產嘅海鮮新鮮、味道出色，服務員態度都好親切，環境又舒服，真係一間值得再嚟嘅餐廳！推介俾鍾意日式同海鮮嘅朋友。
#香港美食 #日式磯燒 #海鮮 #焱丸水產
繼續閱讀
「磯燒」解作日本漁師們的岩岸料理，餐廳空運直送魚貝類用地道手法烹煮。除咗磯燒之外，仲有刺身壽司熱食，環境佈置有居酒屋嘅感覺😆唔好以為餐廳好似好隱蔽咁，我只係平日嘅夜晚，估唔到晚市爆曬人 ，我真係大鄉里🥹·松葉蟹膏帆立殼燒 $80·三文魚籽帆立殼燒 $80三文魚籽味會比較清甜，松葉蟹膏就比較鹹香濃味。帆立貝亦附有菇菌青椒配料。燒烤過程由職員負責幫手燒👍🏻·蟹味噌甲羅燒 $78·黑松露蟹肉甲羅燒 $78甲羅燒指將蟹膏填充到蟹蓋，加熱烤製，再搭配食材如蔥花、生雞蛋等增添風味。黑松露味都幾明顯，但蟹肉蟹膏好重鹹香味。味噌會比黑松露更濃味，整體都幾鮮甜好豐富嘅味道·炸雞軟骨 $52超級推介好好食，可以當小食叫👍🏻炸得香脆可口，份量又多，擠上檸檬汁多份清新感·壽司盛合 $268壽司新鮮，例如帶子海膽都甜，份量十足·蠔鍋飯 $98有四大隻熟蠔啖啖肉，搽上甜甜地嘅燒汁📍焱丸水產尖沙咀棉登徑23號華楓大廈地下5&6號舖
繼續閱讀
位於尖沙咀嘅🌟焱丸水產🌟，主打日式磯燒海鮮🔥！刺身壽司質素同樣出色，值得推薦！🐟大関5点盛り $298包含三文魚、油甘魚、赤身、帶子、海膽五款刺身！當中嘅海膽極為新鮮，鮮甜味令人愉悅，真係食指大動！🍣肉盛り寿司 $168和牛刺身壽司，和牛多到滿瀉！和牛刺身口感柔軟，帶油脂嘅旨甜味，質素頗高！🍜サーモン麺 $138三文魚刺身切成幼條，當係冷Soba咁食，每一口都充滿鮮味！🦀初代！蟹と蟹みそ殼焼き $78焱丸嘅熱門菜式之一 - 蟹味噌甲羅燒，差唔多每枱都會order！蟹肉蟹膏蟹子嘅鮮味，加埋鵪鶉蛋，滋味濃郁！🌶️一味豆腐唐揚げ $45外脆內嫩嘅炸豆腐層層疊，帶少少嘅辣，都幾惹味！
繼續閱讀