湘聚小廚

營業中

休息中

最近愛上食川菜，樓下呢一間餐廳成日都好多人排隊今次係第二次上黎食想叫嘅蟲草花湯咁岩賣晒所以唯有試吓呢一個蛋花紫菜湯感覺上佢嘅紫菜都未做到OK但如果味道濃少少會好啲好鍾意呢一個幹鍋肥腸唔行又話覺得偏鹹但我自己覺得送飯真係好夾，而且有少少辣，腸又夠晒肥朋友同我都大贊呢一個醬汁牛展，醬汁未調校得啱啱好唔會辣，好啱送飯口水雞都好正佢既辣昧唔會令你食唔到而且雞非常之滑配埋佢嘅口水汁都係一樣好開胃好正宗既感覺反而呢一個剁魚頭對我哋嚟講都真係非常之辣，第一次食嘅時候叫咗雙色魚頭黃色嗰隻比較容易入口味道唔錯，呢一隻對普通人來講都太辣啦，但肉係好食既唔腥仲有呢一個醬香鴨佢成個肉都係連骨已經整到全部軟林林晒，有少少似淹左比較耐嘅滷味，送酒唔錯但呢隻偏咸小小總括嚟講呢一度環境好啱傾計見到周圍都有好多一大班朋友來食飯氣氛和諧，味道都算唔錯如果真係鍾意勒嘅朋友方面不妨試試

舊地重遊既日子，那些年兩小無猜的念意，行經舊街角這間小店，湘聚小廚...百般感覺在心頭，便決定為這次短短的旅程，劃上這個到此一遊的句號。 啫辣的兩大高手比拚餐牌上數不清的辣椒仔，在味覺之前，小腦袋已經風起雲湧😂😂拿拿淋向店小二下單，餵勞一下工作後的辛勞軀體。 首先上台既系口水雞，雞肉白裡透著粉紅的肉質，雞味十足，軟玉温香的鮮嫩肉質，加上麻辣的醬汁洗禮得好像那些年羞澀的初戀情人，熱情纏綿得那麼的有層次，回味無窮之極。 再黎就系老乾媽炒蛋，賣相雖然有點蛋差人意，但味道上不失為一種創新， 香辣惹味的老乾媽，配上滑蛋，有點耐人尋味既層，配上魚頭麵卻十分之夾。 因為麵沒有多餘既香料，簡單而務實，就好比老媽第一次看那初戀情人的感覺，新意及守舊派的衝擊。整體麵質彈牙，有小小猪油的香味，猶勝無數的調味料的點綴。 酸辣葛根粉，感覺只屬一般，有點感失望，好比第一次無疾而終的暗戀感覺， 食之無味棄之可惜。 最後系我最期待的畫面出現了，秘制猪尾上場了。紅海上飄浮著一件件猪尾。涼透心感覺，爽口彈牙既猪皮，肉質軟滑。味道上幾好，唔會太油，辣味足。整體達到一場紅雨級的小風波😘😘唯獨一點略為不佳，就系處理方式，

同朋友一齊喺西環食湘菜，本身住附近都知道佢開咗好多年，不過自己唔算好食得辣嘅人所以一直冇嘗試，今次比朋友捉咗去話係正宗湘菜。入邊嘅裝修氣氛都幾似大陸嘅小店都幾有氣氛。交俾朋友發板佢叫晒而且有得少辣醬爆肥腸夠肥夠彈牙，慢慢煮會加辣，惹味醬汁牛展里個真係好好食，汁勁香，肉質林而不散，加埋下便嘅青瓜絲一齊食，真係好好食好香，下次encore口水雞質地好滑，小小咸加上醬油既香味，份量夠大，非常不錯。仲有呢個剁椒魚頭，魚頭好大，夠鮮，魚云亦都非常之滑，不過就比較辣。仲有呢個醬香鴨真係不得了，好啱我口味，醃到比較鹹，而且肉質會比較乾身，啲骨都已經化化地，食落去個味好香好豐富，送飯真係好好食。總結呢間絕對值得一試而又encore嘅餐廳。

早排去西環探朋友, 夜晚落左佢屋企樓下間湘聚小廚食晚飯.入到去, 有好多都是講普通話的食客,可能這裡有很多家鄉菜, 所以吸引到一班思鄉客吧!這間湘聚小廚的菜譜好大本, 入面大部份菜式都有好多辣椒, 甚至乎上面舖滿曬辣椒的都有,咁啱見到隔離枱那兩位小姐, 食緊火鍋, 傍邊放了兩大碟.....辣椒！好彩後面都有番少少唔辣的菜式,我地叫左一條蒸鮭花魚價錢要$168, 但勝在夠滑, 應該都平過喺大酒家到食嘅!蒜蓉炒菜芯$68, 話貴唔貴, 但話平唔平!喺街市買一斤菜芯唔洗$68,但始終地舖租貴, 人工貴, 炒得好食, 食落自己肚都算唔錯!湘聚炒飯王$68, 炒飯一粒粒,唔會淋身, 食落鹹鹹地, 有咬口. 唔錯!

早前, 有家庭同聚日, 難得與家人共享晚餐,最重要老人家行動不便,食店地點就決定在家附近,--湘聚小廚.這間小廚已經開了頗一段時間,很多時候都是滿坐的.他們主要以中國民間喜慶設計,多個大紅燈籠高高掛,感覺似在過新年, 喜慶滿堂!菜譜有很多款食物供應,大多是以[ 辣 ]為主, 而且款式特別,並非一般廣東菜.幸好早前有其他家人來食過, 知道這裡出名-[ 辣 ],但可小辣, 走辣, 或亦有提供一些不辣的菜餚.每張枱會有一大壺中國茶不斷供應蒜蓉炒菜芯 -- $68菜芯炒得很有鑊氣, 軟硬適中.湘聚炒飯王--$68這個炒飯很特別, 與一般揚州炒飯有些相似,材料: 椰菜絲, 臘肉粒, 蛋絲, 蔥粒和飯.飯粒炒得很有咬口, 而除了有加調味料外,最主要是靠臘肉粒本人的鹹香味,去吊起整個炒飯的味道!( 臘肉粒雖然切得細細不覺眼,但它們所起的味道, 就是整個飯的精髓!)長沙蒸水蛋--$58不要看輕蒸水蛋,要幾多蛋, 加多少水,盛蛋的器皿有多大和深度,要細火蒸多少分鐘,都需要靠熟練廚師的技巧.而這碟水蛋便蒸得剛剛好,蛋香樸鼻, 口感嫩身, 滑溜!紅棗桂圓蒸雞--$118有細細粒的去核紅棗, 雲耳, 龍眼肉,

《醬香鴨》好辣，越食越辣，味濃。化骨。戒煙般嘅辣，明知道越食會越辣但係一停囗辣味就會湧入來辣上加辣，唯有一路食一路抹汗，出汗正《魚頭》每日新鮮來貨，煮法有好多，蒜蓉蒸辣椒蒸炒又得，魚頭大多肉，骨粗，魚雲滑，值得一試《脆香臭豆腐》售罄《小炒王》望落去好似好肥膩但係有好多都係軟骨同埋河粉，但係小炒王多油係真架，叫佢落少啲油啦唯有，類別亦有好多青椒同埋辣椒，佢比醬香鴨冇咁辣，味濃好啱撈飯《串串蝦》好多乾辣椒不過唔太辣，佢哋水煮完再炸，辣味入肉，煮到化殼，蝦肉雖不爽脆，但係煮咗咁耐依。然有彈性 而且唔使剝殼就食得 方便進食依家湘菜館，主要食辣野，就算食得辣嘅人士請自備多樽水，店舖剩係得熱茶提供，亦都有Wi-Fi提供

約左朋友食呢間湘菜，行行下就見到有指示教我地過去，之後一行就揾到啦古面充滿住中國風既設計，掛住中式大燈籠，幾古色古香未點餐先黎兩碟小菜，左邊個碟應該係豆，脆卜卜，又甜甜地，好中意食。另外右邊就應該係海帶個類，爽口新鮮，都唔錯餐牌方面，食物選擇種類都多，而且價錢合理孜然骨，好香孜然粉同辣椒味，食到啖啖肉，而且肉好容易咬開，感覺好似食緊串燒，好惹味水煮牛肉，牛肉好嫩滑，味道正宗，好入味，食到花椒、八角味，牛肉份量都幾多，食極都仲有，除左牛肉，仲有好多芽菜係底，芽菜好爽口，而且吸哂d湯汁，好適合送白飯乾鍋手撕包菜，叫個菜平衡返，菜好新鮮爽口，味道酸酸辣辣，好開胃，仲有肉片一齊炒會令味道更香，肉片薄薄地，肥瘦適中，好食食辣野點少得叫野飲，叫左罐椰子汁，重椰奶味，解到辣整體黎講，食物質素唔錯，價錯合理，會同朋友再黎食

My friend and I went to a Chinese restaurant called "Jiang's Hunan chef"(湘聚小廚) located in G/F, Fu Ga Building, 13 Yat Fu Lane, Western District西環日富里13號富基大廈地舖.It specializes in Hunan cuisines.There are Chinese lanterns hanging down from the ceiling.All walls are paved with grey bricks.''Quick fried beef with coriander''芫茜爆牛肉 HKD$128This minced beef is very flavourful which is great company with a bowl of plain rice.A nice subtle numbness.The chopped coriander enhances the flavour.''Spicy shrimps'

西環有間幾出名嘅湘菜館，朋友話個環境似深圳東門食水煮魚嘅餐廳。野食拍得住深圳水準。近期忙住翻工無時間翻去唯有去e到解解饞。餐廳分上下兩層，地下比較熱鬧嘈吵，樓上就靜靜地好岩2 3個人傾計。翻左成日工嘅我就揀左樓上坐低，舒舒服服試我嘅水煮魚。e到不論裝潢、菜式同菜單都好有東門嘅感覺，顧客亦以講普通話嘅人居多。雙絲扮牛肚。e個餸係冷盤，有青瓜絲同芫荽拌牛肚絲。青瓜凍凍地青青地，同牛肚絲好夾。可以中合左其他餸嘅油膩，好開胃。醬香鴨。$108以為得半隻，上枱竟然有成隻鴨。睇落同烤鴨差唔多，聞落去好香。鴨皮偏軟身，肉質都好入味。炆得連鴨骨都好稔，食落有小小茶葉蛋嘅feel，但隻鴨啲肉偏小，但鴨骨都好入味。頂鍋田雞。期待已久嘅水煮魚竟然賣曬！好失望。。唯有試朋友大力推薦嘅另一道菜-頂鍋田雞！睇落有小小似雞煲，好香嘅辣椒味。有洋蔥、豆鼓、姜同芫荽，田雞肉質鮮嫩，加埋其他配料好足味，好好食。下面有個火燒住，望住佢滾下滾下好幸福，由頭食到落尾都仲熱辣辣！食唔到水煮魚有田雞都補翻數。凍檸茶。茶底偏甜，檸檬片有啲薄無咩酸味，第二杯叫小甜都係一樣味。

除了出差國內的日子，已經忘記有多少年沒有在香港食過川菜或湘菜了。冇辦法，太太唔鍾意食辣、甚至乎唔係好食得辣，加上只有三歲多的鬈毛小公主，就更加不鍾意食辣；難得今日約了朋友飯局，冇理由唔藉此機會找間川湘菜館大快朶頤。朋友們家住西環，不想食麻辣火鍋，正宗的川湘菜館選擇不多，只有三兩間，揀了「湘聚小廚」。顧名思義，此乃湖南菜小館。近年，川菜湘菜在香港越來越熱，多多少少都與回歸後多了國內人士在香港長期工作或定居有些關係；川湘菜系在國內極受歡迎，香港總要有川湘菜館以迎合市場需要。講起湖南菜，香港的開山鼻祖可以說是美心集團的「洞庭樓」（現已結業），早於20多年前已經在中環開業，如無意外，也是當年香港唯一一家湘菜館，走高級路線、裝修雅緻；但其實並不徹合湘菜的鄉土特色。至於近年開業的湘菜館，裝修簡樸、甚至帶點農家鄉土風味，整體感覺更像國內的地道湖南菜館，也更配合湖南菜的風味。推門入內，地方細小，整間小館一眼睇晒。如果不是明知身在香港，只留意這家小館的裝修風格，真的以為身在國內。四周牆壁用上了細塊的仿青磚、天花又掛了一棧棧仿燈籠的紅吊燈，裝修風格非常簡樸；再加上用色深沉、燈光暗淡，根本與國內的小餐館沒有

上星期家庭聚會見到表妹，佢話佢學校附近有間辣野好多同學都去食，就叫我去試下，於是今日收工就去試。打開Menu，圖文並茂，啱晒我呢啲唔鍾意睇字點餐既人。 野生水魚！香港真係好難有餐廳有得食，估唔到細細間鋪有咁特別既菜食，不過要預訂。招牌！不過我唔鍾意食魚頭所以冇叫。因為收工特別肚餓，都點咗好多野食前菜，黃色果碟侍應姨姨話係係炸既荷蘭豆wor，幾好味，反正出面未食過，另一碟係涼拌海帶。松茸菌燉雞湯，超濃郁，勁香，十分足料，又好味又補，yummy~涼拌豬尾，通常豬尾都拎左去煲湯，涼拌估唔到又幾驚喜，一啲都唔覺肥膩，好有啲口感。前菜口水雞，叫左半隻，唔會太辣，好味！鐵板土豆片，好夠鑊氣，唔會乾。乾窩花椰菜，唔會炒到淋晒，仲好爽口，食飯點都要點返個菜食下。跟住就試下佢地既招牌菜-串串蝦，見到咁多辣椒以為好辣，點知又唔係好辣，而且除左辣味，仲有一種好特別既甜味，食到停唔到口。另一招牌-孜然寸骨，一聞到孜然粉既味就諗起大陸既地道串燒，呢個骨都相當惹味，肉又唔乾，啖啖肉，正！7點未夠坐低，食到一半已經坐滿晒，樓上仲有一層，可能因為不論裝修，落單既姨姨定係食物味道都相當地道！餐廳門口，港鐵站行過黎都好近

天氣悶熱好想食下辣開胃下經朋友介紹試一間專食湖南菜既小廚搭去大學站行一段路好快就到了雖然位置都幾隱閉，但裡面都坐滿哂人氣氛好好～坐底左後有兩款小食，一款係辣海帶一款係炸豆個人比較鐘意食海帶，辣辣地好開胃成碟清哂～叫左幾道菜，等左兩三個字就得食～第一道：雙絲扮牛肚首先叫個涼菜食下～牛肚好爽口無異味，配上青瓜絲好清爽! 微微辣幾開胃第二道：剁椒魚頭裝住魚頭既碟大到不得了! 每隻魚頭仲大過我手掌! 配上椒絲同醬汁超級超級惹味，魚頭都好新鮮又啖啖肉，喜歡食魚頭既我好滿意!第三道：拍蒜粉絲蒸娃娃菜因為叫左個重頭戲於是叫個清清地～醬汁幾香蒜味，粉絲同娃娃菜吸哂啲汁，好配飯既一道菜～最後一道：蜆蒸蛋係餐牌見到已經心心眼～黎到果然唔失望，蜆都大隻，蒸蛋吸哂蜆既鮮味，如果蜆可以多一點就更正啦又辣又好味既關係叫左兩支青島，依餐飯好滿足。估唔到湖南菜都幾有驚喜，依間小廚仲有碟碟都好大碟，價錢又相宜。仲有好多款菜式都好吸引，下次要叫多啲人再食多啲，要坐張大枱先得啦～

見朋友仔咁中意食麻辣野，我又極少食呢啲川菜，都想試下岩唔岩自己口味，去開西環又搵到呢間食麻辣野既，就試下先😎😎餐廳出面貼左好多招牌菜😆全部紅卜卜咁，朋友仔勁興奮話全部都好吸引🙈一坐好，店員比左啲小食我地，有脆卜卜既炸豆，好香口😃同埋開胃既酸辣海帶🙃點菜先！首先係呢個鐵板水晶粉，份量好多，兩個女仔都食唔哂🙈水晶粉完全索哂啲酸辣汁，酸辣汁好夠味，岩哂啲重口味既朋友仔食😎水晶粉淋左少少，同埋有啲油，不過川菜都係咁既特色～我地兩個都好中意食魚，因為水煮魚同酸菜魚都賣哂，所以店員推介我地食呢個鼎鍋鮭魚😃呢個魚係個大鐵鍋到一路有火煮住，條女都幾大條😆個底係啲醋一路煮住條魚等條魚索味多啲😋魚肉好鮮味，個口感係滑得黎帶點彈牙，仲要幾入味👍🏻一路辣住都要食！！啲香料仲提升左個味道既層次，帶點酸味同麻辣😋最後有我地最期待最吸引既想恰魷魚😝呢個都係用火一路熱住個鐵碟👍🏻好中意食啲洋蔥！好甜同帶點辣幾刺激🙈魷魚都幾重味，咬落完全唔韌，幾有咬口👍🏻間唔中食下呢啲菜色都幾過癮😎😎

一年前旅行時認識了一位讀營養學的日本學生，碰巧她於香港作一年交換生。姐知道她嘗辣，於是相約到大學附近的一間湘菜館吃飯。先來一客以明火烹調的麻辣水煮魚，魚滑而且有鮮味，魚骨雖多但都大條及膠質 豐富，這可能就是很多湖南姑娘皮膚又白又滑的原因。乾鍋手撕包菜是一道湖南傳統的地方菜 爽脆微酸清甜，開胃鮮美。包菜營養相當豐富 而且具有美白袪斑及預防感冒和胃潰瘍功效。干煸四季豆屬於川菜，口味乾香辣爽， 四季豆營養價值豐富含豐富蛋白質和多種氨基酸。常吃可健脾胃，增進食欲。湘聚炒飯王名副其實，每一粒飯都炒得乾身而不油膩，粒粒分明。兩個女子都將整碟飯消化了。湘聚小廚位於西寶城後面的一條小巷內， 店內亦有不少國內學生晚饍，相信他們都藉著湘菜而一解思鄉之情。

朋友介紹西環有間勁隱蔽嘅湘菜館，一心想食辣嘅我係書展放工後即刻衝去試！餐廳地址勁隱蔽，係巷仔轉入去再轉入去，唔係有指示牌嘅都幾難搵到。餐廳分兩層，地下岩一大班朋友吹水慶祝之類嘅熱鬧聚會，樓上就靜靜地岩一家大細或者三五知己傾下計食下飯。老闆帶上地去樓上座低，環境都幾舒服。e到嘅菜式好有大陸感覺，店員講普通話勁流利，都有好多講普通話嘅客人幫襯，係wechat po相仲有九折。麻辣雞煲份量唔多，雞件先炒香左小小燶燶地再煮雞煲。雞肉好入味，加左好多唔同嘅香料去煮，好好食水煮牛肉。啲辣椒鋪曬係面好誇張，下面有好多牛肉同大豆芽。睇落好似好辣咁，但食落又唔辣，反而係鹹多小小。食到好香嘅辣椒籽味，牛肉幾嫩，唔太老，芽菜都好入味。想恰魷魚，係鐵板炒魷魚嘅方式。除左有洋蔥、辣椒之外仲食到有豆鼓味，魷魚好爽口，下面擺左火盆燒得好熱，魷魚keep住熱身，唔會凍左太油。e到有大陸經常都見到嘅椰子汁，細細罐係大陸嘅感覺。店員好熱情又有禮貌，上菜速度都好快。