湘聚小廚

營業中

休息中

还是很正宗的湖南菜，馆子很小，去的时候人也不多。点了剁椒鱼头，鱼头很鲜，是经过处理的那种有点发酵的味道，鱼味很浓很好吃。干锅更好吃，有臭豆腐干，香的不行。openrice给打折还不错的。

黎開呢頭做野又想食下辣野，一於訂定位encore啦餐廳是晚比較多人，叫左我上閣樓，原來餐廳細細，仲有閣樓，面積仲要唔細，唔怪得佢既擺位可以坐得咁寬闊舒服啦今次試左佢既招牌菜，又係無令我失望絕色雙魚即是兩款做法既魚腩，鍾意食魚又鍾意食辣既我一見到就心心眼喇有肉既魚腩，有骨既魚頭，醃料辣辣地好開胃，但又唔會蓋過魚味，一讚！因為本人都喜歡食魚頭，真係一次過滿足幾個願望，好彩我同朋友口味相若，兩對筷子無停過，直至完成呢碟雙魚，真係食得痛快呀

平時唔食湘菜係因為怕辣，今次行開西環西寶城，見到巷仔有間好有中國特色既小店，門外有兩個紅燈籠裝飾，再埋去睇睇餐牌，原來有唔辣既，所以就試下啦位置不大，但枱與枱之間都算闊落，因為去既時候多食客，要搭枱，但都好快轉返4人枱俾我地兩個人。因為感冒，都唔敢食熱氣野，就叫左香蒜粉絲蒸娃娃菜，份量好足夠，味道好清租! 我十分喜歡同滿意le個菜，又香! 雜糧包，這道菜本身係夾著菜吃，但侍應話冇晒菜，但我又好想食饅頭，結果就叫左，但有d後悔，因為我誤會左係炸既，原來唔係，變左乾身既包，又冇餸，下次要黎試下真正既!炸花生 (這兩碟是前菜，一上茶就上埋，花生很不錯，$8一碟)小炒拆骨肉炒蛋，有少許辣，但可接受 最後食唔晒要打包hahahha

去完四川冇幾耐，好掛住當地既野食，難得今日放工得閒，就係附近同班朋友去食呢間餐廳嘅川菜。環境裝修都唔錯，而且有唔少菜式選擇， 因為友人唔食辣 ，所以我哋就盡量叫小啲辣嘅菜式前菜：炸花生好特別既前菜，外表似蠶豆，但食落去甜甜地，又炸得幾香口咁，不過值得一讚既地方係，佢食落一d都唔油膩，所以食到停唔到口涼伴海帶海帶性質寒涼，十分適合係食辣野同熱氣野時候幫手下下火，呢個前菜有少許微辣，都幾開胃酸菜魚呢味餸值得一讚，食落魚無乜骨，就算有都係比較大條，唔容易哽親，而魚既質感都結實，再配上酸酸微微既味道，真係送飯一流鐵板魷魚鬚第一眼望落去，辣椒舖滿表面，仲以為道菜會好辣，但其實都只係裝飾黎，食落魷魚鬚無乜辣味，煙煙unun,而且加埋洋蔥炒,十分香口脆香臭豆腐 呢道菜睇落平平無奇，但原來食落去都有返咁上下辣度，臭豆腐好香口，臭味十足，而外皮比較硬身，芡汁都幾辣下孜然寸骨中意食豬脾既人一定要試下，雖然表面舖滿辣椒，但食落一d都唔辣，而且肉質都比較冧，容易咬開，唔太易痴牙，醃得亦相當入味蒜香炒油麥菜 呢到既炒油麥菜非常唔錯，雖然簡單用蒜頭爆炒，但因為鑊起十足，將蒜香既香氣爆發出黎，令道菜十分夠火候皇朝粉

貴為中國八大菜系之一，湘菜在香港並不算太普及，可能在大家印象中的湘菜大都是用上大量辣椒的菜式，怕會辣得要命，又沒有川菜麻辣般刺激回甘，但其實湘菜當中都有很多很美味特色的地道菜，就像是剁椒魚頭、湘西外婆菜和 土匪鴨都是當中較有名的菜式，做法簡單細膩，滿有鄉土情懷。最近來到西環舊區的小巷裡的一間湘菜小館，門外店內吊著中式大紅燈籠，以古雅中國風作主調，採用了原木枱櫈，枱與枱之間空間偏窄，裝修簡約平實，店員大都是帶外省口音的阿哥大姐，態度直率親切，很有內地小店風味。就當天所見，在座很多都是內地客人，相信跟這店的風味夠正宗不無關係。打開又大又厚的餐牌，每頁均印上大大幅的菜式彩照，圖文並茂，清晰吸引。細閱一番，除了特別推介的招牌特色菜外、還有凉菜、燉湯、干鍋、鐵板、蒸菜和燜鍋，當中選擇可不少。蜆蒸蛋，蜆隻很新鮮乾淨，吃落完全無沙，約十多隻鮮蜆加入到蛋汁內同蒸，蜆汁精華滲入到蒸蛋當中，加上水蛋蒸得十分嫩滑，入口鮮甜滑溜，滿有海鮮香，配上自家調製的醬油，味道剛好，連平常冇飯癮的筆者也都忍不住，立即叫碗白飯撈和著來吃。水煮牛肉，見到滿佈辣椒乾的賣相已令我們兩個好辣之徒興奮起來，那股炸辣椒的紅油香，實在聞

香港大學附近越來越多不同中國內地省份菜式，最主要嘅原因應該係因為多咗好多嘅內地不同省份泥嘅學生，其實都啱嘅，人離鄉別井，周不時都會想念家鄉美食。就好似我去完七日韓國旅行，返嚟就要食雲吞麵，離鄉幾個月甚至幾年，一定會好掛住家鄉菜式。其中一個突然之間多咗好多嘅就係川菜同埋湖南菜。而呢一間梗係大家都首屈一指嘅美食餐廳。呢兩個小食真係好好食，超級辣的爽脆菜脯，真係比碗潮州粥比我可以立即清晒，另外呢個係又咸有甜嘅黃豆。好食過薯片！屋企人唔係好食辣，先點左呢個小炒肉，小炒肉用上五花腩位，很鹹香，只有小小嘅辣味，惹味非常，簡單嘅煮法卻好有鑊氣。送飯真係一流。呢個網絡就覺得辣，其實就唔係好辣嘅一字豬骨。係超級好味。帶點籽然味道，肉質鮮嫩，香到不得了。每啖都係肉，仲有點點的辣味，搶口得很。每一件都食得好滿足。正！每次去食川菜都一定會點呢個清炒萵筍絲，清新順便清洗一下味蕾。爽脆又可口，而且油份不多，健康有益。還有一個家鄉炒米粉，相信這個一定會係來自湖南嘅學生們嘅至愛，很有家庭風，像媽媽炒的一樣，有口感而簡單。食物選擇好多有辣有唔辣，呢一度嘅店員十分之有禮貌，好有家庭溫暖感。我哋未試過離鄉別井，又點會知道佢

今日約咗啲同學仔去西區食飯，今晚唔想食日式嘅嘢食，食到厭晒。所以想搵第二啲嘢食，行啦下近惠康附近有間中式嘢所以就入咗去食啦。店鋪門口：見到一對嘅紅紅燈籠係上邊掛住，都幾有中式味道。餐牌：本menu係好大本。成個A3size。我一個餸都有圖片介紹。結果我哋叫左想恰魷魚、蜆蒸蛋同皇朝粉絲煲。食物：想恰魷魚🦑：佢用咗紅洋蔥、魷魚仲落咗自然返去炒。由於我哋叫咗小辣；所以個餸唔係好辣啦。反而食咗一陣洋蔥嘅甜味。由於有好多魷魚鬚，食落去都好彈牙佢用咗一個小型嘅鐵pan同爐架盛起食物；可以保持食物嘅熱度。佢過爐下與平時唔同，平時我地見到果啲要去火槍開路。呢個一開始就有呢個嘢，直至燒完為止。皇朝粉絲煲,份量好大份。差唔多四個人份量；個粉絲好淋。冇煮到乾晒水嘅感覺，食落去有陣XO醬嘅味道好香。粉絲冇碎嘅感覺。食落去有少少鹹香味。你會食完一次會想追住繼續食。完全食唔停口。真係好好味。蜆蒸蛋：我好後悔冇叫飯啊。如果搵飯送就一流呀⋯⋯佢食落去蛋好滑，冇起撲撲。蜆肉無沙。唔太甜，緣於無倒得太多甜豉油。所以蒸蛋無俾豉油影響而搞到太甜。餐具和裝修佢嘅杯同埋碗都擺得好好，我覺得最緊要係杯。客人未到，杯面唔好向上。唔使

湘聚小廚是一間川菜飯店，樓高兩層，以古雅中式裝潢作主調。食品雖以川菜辣食為主，但也有不辣小炒，顅及不同食客的需要。松仁玉米即是粟米炒松仁，主要為小朋友而設，屬伴飯良伴。 長沙水蒸蛋質感略實不夠滑，醬油用料亦過鹹。 皇朝粉絲煲的粉絲炒焗得乾爽，香辣惹味。想恰魷魚以明火持續烹煮，特別搶香。魷魚軟彈，洋蔥濃甜，讚！香辣肘子王以原隻肘子炆煮入饌，鬆軟感合理。相比魷魚及粉絲，菜式的辣度不算高。 孜然寸骨散發出淡淡的孜然香氣，屬風味小品。 滋補甜潤的紅棗桂圓是紅棗桂圓蒸雞的亮點。雞肉雖切得比較碎，但仍覺有不少的肉量，細嫩感合格。美中不足的是調味稍重手，略鹹。 茄子炒豆角是一道十分平實的作品，腩肉的出現令菜式感覺更油潤搶口。 蒜蓉炒油麥菜用上爽綠的油麥菜，讚！筆者不嗜辣，平日少吃川菜，間中一餐特別有新鮮感。為了顧及大多數食客口味，餐廳提供了不少不辣及小辣的選擇，大家不必因怕辣而卻步，但需預期菜式普遍較油膩與濃味。

西環出名多特色小店，知道西環呢間湘菜既辣做得幾出色，連香港大學既大陸交流生都會黎食，就知道味道都應該算正宗。口水雞既雞肉好鮮嫩,好滑，湘菜既口水雞比起川菜冇咁辣，但醬油味道更濃。呢個青椒炒蛋第一次食，即叫即炒，蛋香配上青椒既辣，好有層次。鼎鍋貴魚用上游水貴魚，肉質係趨向滑溜，又唔多骨，岩晒懶人食，相中睇落好多辣椒，但其實唔算辣，d辣椒只係增添左佢既味道層次，條魚好大條，餐廳仲用上燃料在鍋底加熱，唔怕條魚會凍左。

西環有間中意食辣會去食既中菜廳，就去試下啦！見到門口掛上紅色既中式大燈籠，好有中國特色。裝潢以木為主，用木枱木櫈，係幾傳統的中式飯廳。小食兩款，原來每款收8蚊，左係醃辣海帶，右係炸花生，好似話唔食可以叫佢收起有九折蜆蒸蛋　$78蛋蒸得好油滑，蜆好新鮮，無沙，一碟入面有好多隻，有成二十隻左右，所以蛋都有好濃嘅蜆味，好鮮甜！最中意呢個餸 , 唯一一款唔油嘅餸！茄子炒長豆角 $78當晚無菜食，所以叫左呢個。有啲油，但好夠鑊氣，原本以為可以清清地，但原來都落左唔少辣椒落去炒，都辣辣地。孑然寸骨 $118有六條，上面鋪滿紅辣椒，以為會辣到噴火，但唔連埋辣椒食，只係帶少少辣油係面，微辣。肉好嫩，唔un，幾惹味！小炒拆骨肉炒蛋 $118望落以為綠色嘅係普通蔬菜加左入去炒，原來係大量嘅辣椒，令到啲肉同蛋入哂辣味。肉同蛋都好嫩，送飯一流！呀姐服務幾好，會提要不要叫白飯，食到隻碟好多骨，會主動幫手換碟！中意食辣嘅人，一定會食得好過癮，不過我個frd就食到變左媽潤腸，好好笑，下次黎西環有機會再試。

約埋嗜辣嘅朋友相聚喺湘聚小廚，餐廳鄰近香港大學站，來這裡開餐可以令唔少就讀hku嘅內地生一解思鄉之苦。先要讚下佢地兩款餐前小吃，麻辣海帶同炸豆，朋友話麻辣海帶辣得有勁，我就鐘意炸豆甜中帶咸，食唔停口😋大力推介松茸燉雞湯，足料、湯味濃郁，入口就知真係原盅燉出嚟架，以燉嘅方式先會感受到個湯迫出雞油嘅香味！兩個人share一盅嘅湯料份量就啱啱好。如果有人好似我咁鐘意食辣，但又唔係食得好辣嘅話，呢度有唔同辣度俾你揀就啱哂喇！我好削咁樣點咗絕色雙魚同鼎鍋子雞小小辣。絕色雙魚睇得出比正常份量少好多辣椒😄，魚頭啖啖肉，又嫩又滑，紅黃椒雙拼帶出具層次的咸辣味道。鼎鍋子雞以明火上碟，味道有點像麻辣雞煲，雞肉滲透了各種配料的香味，雞肉夠鮮嫩。蒜蓉炒油麥菜中和一下其他菜式的濃烈味道。油麥菜炒得翠綠，沒有過咸👍🏻

呢間野主要辣野多, 唔辣既菜無咩幾個...先講D唔辣既先~ 等有人帶左D唔食得辣既朋友都知選咩俾佢食唔辣既有水蛋, 無加辣, 蛋面好滑唔會過老算係幾好食~ 煮得時間唔錯!呢個係豬肉, 上面有小小辣既配菜,但唔算辣, 豬肉本身都無咩辣味, 豬肉比較肥身,有小小似食緊台灣牛肉麵個種牛咁!另外旁邊有小小炒蛋!炒牛肉~牛肉好軟身彈牙~配埋辣椒+鐵版炒其實好香! 但相對呢道菜都係比較辣如果食唔到辣既人士就唔好選啦~整體環境舒服,有2層!

香辣菜式最能吸引我味蕾，這天到了這間以湘菜聞名的店舖，享受香辣盛宴。店員先為我們送上炸花生，花生味道香甜，炸得鬆脆。我們先點一道酸辣雲耳，雲耳是小小一片，爽口入味。酸度調配得不錯，令我十分開胃。配上辣味更加美味。在外面的菜館較少看見雜糧包，所以我們也點了一份。配料為冬菜等醃製類食物，口感爽脆，調味的咸淡度適中，亦是有辣味，配上包子一起吃能中和一下。包子帶有麵包的香氣，口感軟熟。包身中間是空心，供客人按自己的喜好放入適量的配料。這道青椒炒小魚仔貌似平凡，但味道出色。青椒採用了牛角椒而非一般的燈籠椒，為菜式增添香辣的味道。小魚仔炸得香脆，帶有微硬的口感，同時能品嚐到魚仔的香味。這道干鍋田雞是這晚我最愛的菜式，田雞一向是我最愛的食材。這道菜以麻味為主，有別其他菜式以辣味作主導。麻味又夠濃香，以干鍋不斷加熱更能帶出調味的味道。田雞肉質鮮味，質感為軟，整體味道不錯。田雞的尺寸不小，量亦為多，足夠我們享用。因為前面幾道菜都是滿滿的辣味，所以我們特別點了一道走辣的清炒土豆絲為我們清清腸胃。土豆絲的質感像薯條一樣，口感清爽有咬口，有香香的薯仔味道，配上鹽再清炒，更顯出土豆絲的原有味道。這家店的午市套餐

放工同一班同事食飯，行行下就去左西環呢面，呢間舖頭都係小卷入面，雖然都唔叫難搵，但如果唔行開呢頭都見唔到呢間餐廳！所以講，香港既卷仔其實係最多餐廳既。講返間餐廳先，入面裝修十分都幾別緻，旁邊有紅酒架，睇得出佢既裝修都花左Ｄ心思。最重要就係，其實佢都幾近地鐵站架，方便放工黎食飯！食物方面，首先講左前菜既炸花生先，因為佢用既油好少，所以食下食下都不知不覺食左好多，而且入面仲甜甜地添而呢個海帶條，睇見佢有Ｄ辣椒係入面，但其實辣椒只係用黎做吊味，唔會太辣，食落都唔錯。呢碟鐵板魷魚鬚，你可以見到有好多乾辣椒係入面，可能怕辣既食家就會驚左佢，但其實呢Ｄ辣椒都唔會話十分辣，大家都可以試下。佢既魷魚彈牙辣椒既吊味反而帶出左食物少少既鮮味，雖然有d辣，但當然無有怕喇。跟著到主菜，不得不讚，孜然寸骨。點菜既時候都心思思唔知食咩，直到見到格離枱上菜時見到呢碟，即刻又跟佢叫左個。上面放左大量的辣椒，食落麻多過辣，而且咬出Ｄ肉既時候，肉係無痴住Ｄ骨頭，口感鬆軟。一個字脆香臭豆腐並非一般旺角所見的臭豆腐，內裡亦都唔會太「空氣」。原本以為呢個係比較唔辣既菜式，點知因為佢會索湯，所以一口咬落既時候，反而佢係最辣既！皇

Our attention was immediately drawn to the spicy fish dish on the menu, with its colourful chopped chilli on top. This signature steamed fish head with chopped chilli is one of the spiciest food I've ever tried. Quite amazing that sweetness of fish (and great moist meat) get highlighted, without dominated  dominated by chilli. And for sure don't miss out the creamy eye balls. Sautee spare ribs with cumin $108, a very exotic dish. It's much less spicy than it looks,when the ribs are embedded in a