湘聚小廚

營業中

休息中

位於西環嘅一條小巷入邊，如果唔係有人介紹去食，其實好少會搵到呢個位置。但係一去到門口就已經感覺到佢好有湘菜嘅風味，係中國式嘅設計，而裏面雖然位置唔多，但係都幾乎坐滿人。坐低試吓佢嘅燉湯先，今日就係鮮菌燉排骨。價錢唔貴，只不過係幾十蚊，但係佢嘅份量非常之大，飲落去唔多覺有味精，菌嘅味道好重，仲略有肉嘅鮮甜味。平時食酸辣土豆絲食得特別多，今日見佢有呢一個鐵板土豆，係圓片嘅土豆片，而唔係切到一絲絲，係未食嘅時候我感覺呢啲土豆片應該係爽口先啱，但係估唔到爽口之餘入邊會有軟熟嘅感覺，佢嘅火候控制得非常之得意，而且外面加上孜然粉同埋辣椒同埋各式嘅香味材料，10分出色。剁椒嘅味道其實我好鍾意，但係都通常配嘅都係魚頭，我個人來講唔係好識食魚，成日好怕比啲骨整親個口。今日呢度竟然有得配茄子，唔怕整親個口，味道都幾夾，令人十分之開胃。最後就係呢一個酸菜魚，呢度嘅酸菜魚嘅味道其實比較貼近水煮魚，反而酸菜嘅味道唔係咁出。但係佢都嘅魚肉都整得幾滑，而且入邊嘅配菜非常之多，我諗冇三四個人都食唔晒。

呢排愛上左食辣野，係朋友介紹下得知西環有間食湘菜既小店，而我又好少去港島食，就去試下啦🤤呢間店鋪雖然唔係大街，但平日晚飯時間仍然滿座，可見食物質素應該唔錯啦！又於太肚餓關係，我地都叫左幾多野下，第一樣係鐵板魷魚，賣相唔錯，魷魚鬚燒得好惹味，雖然好多辣椒，但唔太辣，好岩我呢d唔係好食得辣既人，好岩送飯，下次黎一定要encore呢味！跟住就要左個水晶粉，酸酸地應該落左醋，食落好開胃，食到最底原來有蛋，撈埋一齊食應該幾正由於好似叫左好多肉咁，就叫返個菜，唔好睇佢係普通椰菜，但炒落好香，唔會太辣又叫左我最喜愛既口水雞呢到既口水雞好新鮮，雞皮都好爽，配埋garlic同獨有既醬汁，食完一舊又一舊唔好睇呢碟有咁多辣椒，其實都唔太辣架，孜然味好重同入味，燒得好香，而且價錢唔貴呢碟水煮牛肉好足料！之前都食過其實餐廳既水煮牛肉，粉量都冇咁多，我地4人已經不停咁食，仲靜返好多牛肉，除左牛肉外，仲有芽菜同透明既粉，好彈牙同入味最後就叫左個茄子，呢個先係重頭戲！勁辣！其他菜睇落好多辣椒，唔太辣又夠香，但呢碟茄子加了尖椒同紅椒，超級辣😂無論辣味同麻味都好勁，配埋蒸茄子好入味，鐘意食辣既人唔好錯過香港好少餐廳食湘菜

通过朋友推荐来到这家店。作为喜欢吃辣的人是一个很好的去处。菜品各种够味道，虽然是湘菜，但非常对爱吃辣的东北人的口味。也带几个爱吃辣的朋友来过这家店，听他们的反馈要好于另外的湘菜馆。个人比较爱吃干锅茶树菇，铁板鱿鱼。。。几乎每次来都会点其中的一个。目前已经变为个人的第二食堂每周晚上都会去3-4次。就是下面的大圆桌子快变成方桌吧，每次去没地方坐着圆桌的时候就难受！另外老板的人也非常好，特别是对学生很照顾

多次回公司都無去試到，今日終於有機會試下同事讚口不絕的湘聚小㕑鋪的裝修都幾特別但坐位不多，入內已經發覺陣陣香味撲鼻，午市一點都多人職員都安排到我們五人一同坐安頓好就看下午市餐牌有咩食啦～本人及同事都推介香辣牛肉桶飯再加飯，看個賣相同香味已經流口水了，食到辣的朋友可試大辣，牛肉，辣椒連飯撈來食真係好好味，牛肉有汁醬汁連辣椒白飯三樣加起來咬落去感覺又新鮮而且不是太辣，依個天氣食就剛剛好暖笠笠會再來試其他款式的桶飯

老公早左回港帶左我去西環嘆酸菜魚，佢話有個朋友介紹所以兩老婆就去左揾食，店內簡簡單單。兩人坐下伙記就送上Menu, 一般金色面目錄，特別在內容每道餸都有介紹好正喎。比客人知道菜式由來同營養成份。椒香酸菜魚 $198四川菜代表 越食越愛上 辣味撲鼻，食落魚肉嫩滑，辣味慢慢凝聚口腔內，酸酸辣辣特別開胃而且份量亦不少，不過酸菜唔夠酸，整體滿分 唔會死辣有層次 清炒萵筍絲 $78爽口青脆 炒起一點油膩感都無 健康之選雙椒蒸茄子 $68茄子嘅隨和性質配用兩種不同嘅辣椒齊蒸，辣度不同蒸熟後辣味直接落在茄子，惹味。養生小米糕 $48小米糕一聽就知係由小米做，質地綿密甜度適中。 menu話小米好高嘅維生素，好適合食完辣野中和翻 還有好特別嘅甜品選擇，只需$10 就可以有龜苓膏一瓶

又與住在西區的朋友飯敍，因為地鐵港島線延至西環，真的令整個社區改變了很多。這小店就在一條小街，因為是通往西寶城側門的必經之道，有點靜中帶旺的感覺。此店有兩層，我們約於7:30來到，被安排坐在樓下，已有九成滿。前菜是炸豆和海帶絲，已很有北方食物的特色。鐵板水晶粉很好味，開始食的時候並不覺太辣，但食到底較多汁，辣味就很勁，而要讚的是很大碟，好抵食！最精彩的是這道看似簡單但勁好味的雙椒蒸茄條，看來不辣，但簡直可以用殺人於無形來形容，雖然辣，但有種越食越過癮的感覺，相信每位鐘意食四川辣嘢的朋友都會明白這種感覺。孜然寸骨：很喜歡孜然這種香料，很惹味，大量的辣椒和蔥加上豬仔骨，排得整整齊齊的，賣相也精美，一定要用手拿著來吃才感受到那種風味！始終食得太多辣，要叫一碟青菜來平衡一下，點了蒜蓉油麥菜，雖然有點偏油，但大量的蒜蓉很好味。很欣賞這種風味小店，離開時見到門前貼上「可免辣」的牌，相信很多人都覺得湘菜四川菜只是一味得辣，所以店主要發此「聲明」，但我真的覺得要點辣才夠傳統。

姐姐喜歡食辣，我就問另一個朋友仔去邊度有好野食，佢就介紹我呢間餐廳，因為大廚係湖南人，所以食物烹調方法都非常正宗。去到門口已經感受到佢嘅魅力。店內裝横走中式風格。座位都幾寬敞。餐牌菜式以辣為主，可自選辣的程度。雙絲拌牛肚($78)有牛肚、芫荽、青瓜，將材料切絲容易入口，令醬汁更加入味。麻辣味道十分開胃。小食豉油豆($8)脆卜卜，帶小小甜味。茶水用上香片，都好出色。燉湯都好推介，蟲草花燉雞湯($49)有補健作用。湯足料，有蟲草花雞肉，唔會太咸，好啱屋企冇湯水的人。麻辣口水雞($108)份量好大份，雞食得出係鮮雞，口感嫩滑，加上大量蒜蓉辣椒，味覺好刺激，呢種麻辣和鮮香令人食上癮。本來諗住食蒿荀清清地，點知朋友鍾意食辣就叫左魚。絕色雙魚($138)魚頭portion大，而且新鮮，時間火喉控制十分好，肉質嫩嫩的，唔會太老。有兩種程度的辣，黄色辣椒比較辣些，食落多D層次，而紅色辣椒則為正常辣。魚汁豉油可以食幾碗飯。

湖南菜除了紅燒肉外還有什麼今天就來到西環尋個究竟先來前菜兩小碟有涼拌海帶及炸豆罈子豬手用半個罈子來盛載花椒八角齊來調味豬手入味肉質軟嫩紅煨鱔魚煲是今天的最愛黃鱔肉極多並伴有大量辣椒肉質鮮味而且很入味已叫少辣但辣味仍不容小看農家三味雞充滿湘味雞肉切成丁狀伴有雲耳粉葛及辣椒味道偏辣但非常惹味絕對是白飯的殺手解決兩大碗白飯是輕易的事吧清炒鍋筍絲是清新之選鍋筍絲爽身愈吃愈上癮二小時的味覺旅行原來已來回了一趙大長沙城

再次在西環覓食，今天一試湘菜─湘聚小廚，地點不易搵，行行下都行錯左路，但好多招牌好光最後都搵到。入店後發覺好多內地同胞光顧，看來他們都係思鄉菜而慕名而至。見到有椰汁同龜苓膏賣，最後都因為辣，而叫左椰汁。前菜小食很出色，粒粒那款似花生但又帶點蒜香，而且炸完外內皆脆，送酒一流，而海帶輕輕醃過，提神醒胃。小炒羊肚絲($98)呢道茶睇落最少辣椒，但食落就係最辣一道，果種辣絕對係由口至喉嚨一路攻番上去，如果唔係叫左椰子汁解辣，我地一定頂唔順。不過食食下發覺當中羊肚絲好好味，而有辣椒既辣帶動，反而更加惹味想添食。干鍋肥腸($118)一鍋大肥腸係大火下燒到啪啪聲，香味四散，絕對滿意視覺及嗅覺，而夾起大腸送入口中時，首先感到唔係辣味，而係大腸既軟綿彈牙既感覺，肉質煙韌，大大塊的腸肉入口一咬，感覺非常過癮，令人愈食愈起勁，最重要係呢道菜辣度頗低，可謂老少咸宜。鐵板土豆片($88)又係一道眼睇辣椒多過其他既菜色，但其他呢堆辣椒辣度不及其他兩道茶，土豆片煎得香口，而同輕微辣的醬汁混和，一食便感到非常豐盈的感覺，既飽肚，又好味道。外婆菜炒蛋($78)菜蒲炒蛋，少少辣的菜蒲非常香口，入口味道很濃的菜蒲味，用黎送

朋友在西環附近工作，極力地向我推薦這間湘菜館。其實我之前未試過係香港食湘菜，因為總係覺得會同大陸食嘅風味差好遠，但係呢次試左呢間湘聚小廚之後又覺得相當唔錯，原來香港都有咁正宗嘅湘菜食。我去到嘅時間差唔多7點，餐廳內已經座無虛席，睇得出佢都幾受該區人歡迎。一入到去店員就比左兩份前菜我地食住先，個人非常鍾意個涼拌海帶，有少少蒜香又非常爽口。我地叫左3道菜，首先黎到嘅係呢個三杯雞，廚師將雞粒,雲耳,馬蹄等材料抄埋一齊，再加上少少嘅辣椒調味，食落非常有鍋氣~送飯食一流。呢道水煮鱔魚亦都非常出色!與一般川菜做法嘅水煮魚唔同，湘菜較為講夠辣而非麻，因此水煮鱔魚食落都冇咩麻味。鱔魚嘅份量都幾多，食極都仲有，辣得黎非常惹味。最後我地仲叫左個酸辣土豆絲，食落酸酸地咁，幾好味。

pipi 落堂就黎附近食晚飯，呢間湖南菜館入口係小巷，不過都唔難搵。店內唔算好迫，乾淨企理。叫左三道餸，分別係孜然骨、手包肉同埋粉絲煲孜然骨：孜然味唔算好重，但肉唔會韌，而且骨肉容易分離，食落唔會麻煩，味道都唔錯，雖然上碟蓋住好多辣椒，不算太辛辣。手包肉：用木桶上，不過純粹係容器，對味道無咩分別。 其實就係椰菜，豬肉片同好多好多辣椒。味道非常香，豬肉片爽脆，係有d 辣，但愈食愈想食粉絲煲：加左蛋黃碎，食落係落左蛋黃炒，所以好香，但都幾大煲，夠三個人share,真係純粉絲，無其他送架但個底會有少少痴鍋，扁左一餅學生全日有九折添！ 整體都唔錯，下次會再試下木桶飯

湘聚小廚餐廳地方唔太易搵，但係食完覺得係值得嘅雖然我唔知呢啲頭菜嘅exact名係咩，但食到停唔到口，好好食！upload上朋友圈可以有9折，好抵啊！招牌魚滑嘟嘟，同埋只有好少骨，可以放心食！少少辣，但又唔會蓋過魚嘅鮮味，值得一試！鮮湯雙脆估唔到咁辣，飲落都幾有鮮味，入面有兩種脆脆嘅食材，食落好有口感，不過真係食得好辣先好點啊！😏😏粉絲煲無辣之選，點都想食啲粉麵，就點左呢個粉絲煲，份量都有好多，都好入味，不過都有少少乾身呢度仲有甜品點，幾得意，本身想點牛奶布甸，不過得芒果布甸食落又唔錯啵！

其實我好鍾意食辣，今日我朋友帶咗我去香港大學站附近，原來有一間隱世小店都可以食一啲湘菜為主嘅食物。一入到去店內，好多都係用木板同埋木枱嘅設計，令人感到古色古香好似去咗內地傳統嘅一啲餐廳。梗係要試吓呢度嘅辣野啦，先點左個酸菜魚，清炒萵筍絲同埋一個雙椒蒸茄條。佢啲嘢食未黎之前，侍應俾咗個前菜我哋食，有泡椒蘿蔔同炸花生。呢啲都係飲甜嘅小食唔會收錢架。炸花生斷脆但感覺不熱氣，而且好香口。而泡椒蘿蔔就好酸，可以開一開胃。清炒萵筍絲到咗，成個碟都好熱，一條條萵筍望落去晶凝通透，好吸引。食落去有爽口嘅感覺，唔會太硬，佢冇落好多調味料去煮感覺真的很清新。能夠清洗口內的其他味道，實屬不錯。個酸菜魚好快亦都到咗，見到佢好似一個湯碗咁大！裏面嘅魚塊就比較多骨，要小心少少食，不過成個湯撈埋白飯就Perfect！成個湯飯咁，好暖胃，慢慢慢慢食就好快食晒啦。最後嚟嘅蒸茄子係我最喜愛嘅！呢度嘅煮法同其他店舖好唔同，茄子變到好細條，上面有綠色同埋紅色嘅辣椒一齊用黎蒸，感覺上更加入味，而且富有濃郁的蒜頭和豉油的味道。最後叫咗個龜苓膏，細細盎，下一下火，為今晚畫上完美句號。

西環有好多好多隱世美食店。當中這家可以說是非常隱世，超不好找。不過吃過就會覺得辛苦找來是超值得的。對於喜歡辣辣辣的人來說，這家的辣易入口得來又真心辣，吃到食材的味道，同時感受到辣味的攻擊。店裡好像沒有套餐。所以以散叫小菜再加飯吃。前菜有不得了的小食，味道不錯，不過我沒有吃太多這些，想要留胃食其他小菜這次超貪心的點了好幾個小菜~麻辣水煮魚，上桌超有氣勢~~!!大大的一盤，座在火爐上~!!好吸引，而且味道很好，魚很嫩~~!!不算太辣~酸辣雞腎是我這晚最愛的一道~~!!酸酸辣辣，好開胃~~很好配飯~乾鍋肥腸完全是下酒小菜，可惜妹妹不喝酒...只能繼續配飯了XD肥腸不會太肥，怕肥的可以安心點。最後還有個蒜蓉菜心~調和辣味~整體每一盤都超大，不要太貪心。我就是吃不完的例子了>"<....(慚愧)

港島區一向多嘢食，今次去到西環試吓湘川菜嘅「湘聚小廚」，門口可以泊車，非常方便。雖然店舖細小，但係都可以容納到20人左右，入到去已經爆滿，座無虛席，我哋好好彩入到去就有枱，即刻坐低睇下有乜嘢好食。首先我來兩小碟餐前開胃小食，「炸花生」同埋「泡椒蘿蔔」，蘿蔔小小辣辣地，而且花生香脆可口，開胃之選。一人先叫咗一盅「蟲草花燉雞湯」，入面好足料，有好多蟲草花，而且燉湯味道好濃郁，除咗蟲草之外，底下仲有幾件雞，食落去啲肉都好滑，而且好入味，養顏之選。「麻辣雞煲」都非常滋味，見到賣相已經好吸引，香噴噴嘅雞煲離遠已經聞到，雞煲入面有好多唔同嘅配料，包括有「洋蔥」、「辣椒仔」同埋「麻辣粒」等等，啲雞好滑，雖然細細件，但係都好入味，最適合食得辣嘅人士。另外叫左鍋「干鍋手撕包菜」，包菜食落去好爽口，而且大大塊，有少少辣同埋醋嘅味道，而且肉塊半肥瘦，非常入味。「長沙蒸蛋」賣相好靚，面頭滑滑嘅蒸蛋，配以豉油同埋蔥粒，食落去蛋好滑，有入口即溶嘅感覺，加一碗白飯真係一流。最後，兩個人只係食咗四百幾蚊，仲要係西環區，真係物超所值，值得推介。