湘聚小廚

營業中

休息中

第一次叫外賣，叫左木桶飯，堂食會有個筒，好正，外賣就用膠盒，望落爭啲。叫左兩個，一個農家小炒肉木桶飯，一個叫紅燒牛腩木桶飯。有得揀湯或飲品，叫左湯，但去到拎時話無湯，比左熱檸水。農家小炒係青辣椒炒肉，好辣好辣，辣椒超多，肉較少，但好惹味。好味到覺得啲飯唔係好夠，因為辣，成日會食白飯黎中和啲辣度。堂食可以任添白飯，外賣就係。紅燒牛腩好好味，比起堂食無甘辣，但都係辣，牛腩好淋好軟，覺得飯都係唔係好夠。熱檸水唔錯，唔會好澀。

一陣子沒有吃辣，馬上周身不聚財，今晚就一於去朋友介紹的這家位於西環的湘聚小廚過過癮。餐廳面積不大，但位置空間感足夠，平日亦會滿座，記得要先訂位。主菜有不同的川式、湘式菜品，有麻辣、水煮、乾鍋等，同時亦有不同的涼菜及主食可選擇。前菜十分經典的川湘菜系的前菜，海帶清爽微辣、炸豌豆香口開胃。香鍋饞嘴田雞侍者一奉上香鍋，一股麻辣香氣撲鼻而來，一嚐田雞件，舌尖立馬發麻，夠香夠辣，醬汁特別惹味，滲透骨肉，味道令人上癮，田雞件份量多，肉質嫩滑飽滿，注意湯底會越煮越辣。蟲草花蒸雞十分養生的一道菜，蟲草花滋肺補腎，雞肉醃製入味，卻不過鹹，時間火候掌握精準，肉質嫩滑無比，爽脆的蟲草花吸滿雞汁的精華，細嚼後餘香仍留於口中。大盆花菜簡單粗暴的一大盆椰菜花，加入鹹肉令香氣味道皆有提升，油而不膩，賣相亮麗，色香味質盡皆佳妙，十分的下飯。

完全食唔到辣的他居然提議來這店，應該是不知道又做錯什麼事了。一來到是一般小店的格局，餐牌上的東西帶都是辣的甚至乎可以說是全部都是辣既然如此我便不客氣了。酸菜魚，麻辣雞腎和鐵板炒粉絲便是今日的菜色了，無一不是辣炒粉絲是用鐵鍋承載着熱騰騰的粉絲，上邊放着青蔥，入口粉絲不會糊囗而且帶點咬口辣度是輕微的，從他面上的表情便略知一二。之後便是雞腎，雞腎炒得香和青椒配菜等一齊吃是十分惹味而且質地很爽，可惜今晚不喝酒，如果唔係這個必定是配啤酒的最佳菜式。這個菜式他只能夠吃雞腎，不能和配料一齊吃了。最後是酸菜魚，這個應該是我們吃過最好吃的酸菜魚，因為每一塊魚都會感受到入邊花椒八角等香料的味道來而且他不是麻的效果，而是一種很香的味道在你口中徘徊。雖然較為油膩，但每一口都是香濃的味道，值得吃的就算是辣，他都搶着食，證明這裏的不只是簡單的辣。今餐所選的辣度全都是微辣，極度建議集合嗜辣的朋友一齊來。

因為係西環返工，OT後都中意係附件搵餐廳食好西中意食辣既我都想搵哂唔同既湘菜館出黎，今日就搵到西寶城對面呢間湘菜可能已經唔早，第一輪已經食完入去坐低點完菜就有小食食住先可能太肚餓既關係，呢碟野好好味好似花生咁，甜甜地自己食左大半碟之後上左個平鍋肥腸好香呀一上枱，仲係熱住食肥腸唔韌，咬落口感岩岩好 又入哂味正喎再辣多小小會更好再叫最中意食既香鍋田雞大大件田雞肉好多雞脾仔又入哂味，勁好拌飯食仲有好多配菜全部都係中意食既萵筍、青瓜，都係入味既配菜佢既辣又香又唔會好麻最後叫個菜，一定係手撕包菜好大盤呀以為實食唔哂啦太低估自己能力，炒得好香好夠鑊氣足足食左兩碗飯，三碟送清哂係唔錯既份量都真係唔小，多啲人來叫多幾個送會更開心下次OT就搵到飯點

今日放工行行吓嚟到西環見肚餓就去咗附近度搵嘢食，下見到一間門口裝修比較特別嘅就去睇一睇究竟呢間餐廳食啲乜嘢，原來係食川菜嘅今晚就試吓你啦坐低冇耐店員已經為我地介紹佢哋餐廳主打嘅菜式，最後我哋叫咗四個菜手撕包菜椰菜加豬肉炒得好香椰菜口感好爽脆唔會炒到好林，豬肉亦都好香口不會過肥，農家小炒肉，菜嚟到嘅時候見到全部都係辣椒仲以為好辣但係食落嘅時候啲辣椒原來係甜嘅，配合埋豬藍玉可以減低個油膩感之餘兩個菜嘅口感同味道亦都好夾，麻辣雞煲雞件好滑件件到好大舊宜麻辣未就唔會只係得死辣麻辣味好香，最後主角衡山脆肚，豬肚好爽脆，配合其他配料一齊炒令到呢個菜好特別好香口感食落亦都好豐富最後一題呢度嘅錢財小食亦都好食有麻辣海帶同埋一個自家製嘅花生嘅花生，總括嚟講餐廳抵食之餘味道亦很好

👉🏻炸花生💲8👉🏻炮椒蘿蔔💲8一坐低侍應就會自動上前菜俾你😛一碟辣一碟唔辣 食落幾過癮 又幾開胃😛本身唔肚餓都即刻有胃口🤣〰️〰️〰️〰️〰️〰️〰️〰️〰️〰️👉🏻干鍋田雞💲128超大鍋🤩超多田雞🤩田雞肉都好嫩口又好入味😋好多配菜好足料👍🏻👉🏻千葉豆腐💲88豆腐干好彈牙識落好得意😎同樣都係好入味😋👉🏻鐵板孜然牛肉💲118超多牛肉🤩仲要每塊肉都好大塊🤩用鐵板燒聽到D聲已經覺得好吸引😋〰️〰️〰️〰️〰️〰️〰️〰️〰️〰️個人認為呢間食辣野真係唔錯 大大碟好足料又入味👍🏻仲有網上外賣平台!學生買都有折架🥰湘聚小廚 (西環)📍西環日富里13號富基大廈地舖

今日同男朋友去西環果到食飯，去左湘聚小廚食辣野，喱到裝修都好中國特色，同都幾多人食喎！我地點左幾個小菜！干鍋肥腸：喱個真係必食，好好好食！佢都幾辣，好刺激。而又好夠味，啲大腸索哂啲汁，好入味，而且好大份。同埋佢係有火燒住，唔會食食下凍左！正！麻辣口水雞：喱個口水雞都好好食，個味唔同平時食到嘅，都好正宗，而且個雞唔肥，而且好嫩滑，即使雞胸都唔鞋，推介。孜然寸骨：喱個我見openrice 好多人推介所以先點，但我個人覺得普通，佢嘅味道都好好食，但啲肉偏淋，我個人比較鍾意食啲彈牙嘅！鐵板水晶粉：喱個水晶粉都好好食，佢個口感幾軟身，而且好入味，而且係用鐵板上，熱辣辣，粉下面有煎蛋，好味！人均消費大概$250，都扺食，因為我覺得我地叫左三至四人份量！

在西環飲完嘢，跟朋友沿海旁散步行到泳池，時已傍晚，一於食埋飯先走。看見湘聚小廚好似幾有特色，朋友建議不如試吓湖南菜，又好啫，未食過，覺得很新鮮，有點擔心會不會太辣吃不下，聽說湖南菜比四川菜更辣店內裝潢有點中國風，感覺唔錯，幾舒服。店員先送來開胃小食，炸豌豆好香，豆味濃郁。好食，一邊看菜單一邊吃，到落單時已差不多吃光了。兩個人叫咗水煮魚、大盆花菜、豉椒炒蜆，份量都幾多，無叫白飯，也差點吃不完。巴蜀水煮魚紅彤彤的湯汁甚為嚇人，食落辣度又可以接受喎，魚肉滑溜鮮嫩，魚味十足，麻香辣勁，朋友大呼過癮，頻頻說好吃，又即時分享到朋友圈，在旅行的朋友已經話回來要一起吃。啖啖魚肉，量多幾乎吃不完豉椒炒蜆堆滿一大碟蜆肉鮮甜味美沾滿醬汁，香辣惹味，兩人一隻接一隻，嘴巴也沒空講話大盆花菜花菜係福建椰菜花，加上紅椒、青椒、豬肉，顏色靚靚，鮮香撲鼻，花蕾部份吸滿汁液，惹味又爽脆最後為免浪費食物，努力才能把菜吃光老闆娘見我倆食得開懷，還送了VIP咭給我們，下次來吃有九折優惠

在外地過久便會思鄉，家鄉的美食亦然，於香港很容易找到不同地方的食品，哪裡才是正宗，不吃過也不知，這間湖南人主理的小炒，來到已有國內食客在用膳，難度這裡找到他們的家鄉味？枱面兩碟小吃，其中的海帶在我吃到滿口辛辣時解辣。手撕包菜$88菜炒肉離不開豬肉或臘肉，這一盤是椰菜炒肉，豬肉炒得香口，微辣，椰菜微酸，腍爽，淨吃也不會過鹹，炒得好味。 家鄉小炒肉$88用蒜頭加青紅椒爆炒腩肉，青椒甚多，有些辣有些不辣，腩肉略小片，小辣，吃盡所有腩肉，剩下青椒沒吃完，因實在太飽！手煮牛肉 $168盤很大或是很大盤呢？！湯汁濃厚，表面已看到牛肉，藏在盤中份量也不少，牛肉腍，下面的是大豆牙與青瓜，還有薯粉，所有都吸收了濃汁，不時吃到花椒，麻麻的口感....早知不叫白飯啦！

西環近年越開越多特色小店，今次就選擇食湖南菜。 間舖位於條小巷內，一打開門，入面的裝修富中國特色，座位也舒適。打開餐牌，有不同系列選擇，有辣有唔辣。作為魚頭愛好者，一黎就比佢個絶色雙魚吸引住。 黎到後果然冇令我失望，魚肉又鮮又滑，特別係個魚雲，簡直係個精粹所在，必食之選。第二道係蜆蒸蛋，呢個餸係唔辣的，蜆肉很鮮甜又新鮮，蜆內又沒有沙。 蜆汁精華加上滑滑蒸個蛋又好滑，令人喜出望外。最後點了一個雞煲，啲雞分量十足，鑊氣夠好惹味，味道較重，用來送酒食一流。

今日白色情人節 平時喺上環返工 諗住去遠少少食野就去咗西環 揸車經過條日富里暗行 以為入唔到原來車都入得 呢度都幾偏僻有幾間菜館 將架車就咁泊喺餐廳門口都唔驚抄牌哈哈 佢今日就試吓湖南野 入到去都幾多人 我哋叫咗炒粉絲 孜然骨 同埋口水雞 因為辣得滯嘅關係我哋一人叫咗一罐椰子汁個炒粉絲好多 兩個人絕對食唔晒本身諗住叫水晶粉但個員工介紹話粉絲會乾身啲香口啲水晶粉會濕啲辣粉 所以最後揀左粉絲孜然骨上面好多辣椒 成隻豬髀肉 啲肉好嫰最好食係個口水雞 好入味凍冰冰其實仲有好多餸菜都好想叫但因為我地得兩個人食唔晒 下次再試其他餸如果鍾意食辣嘅人可以黎試吓

又到星期一食辣野時間，今日按朋友介紹就一齊去日富里食。鋪頭唔大，一入到去都係內地人，鋪得就叫我地上閣樓，地面連閣樓應該都有十張八張枱，閣樓就有圓枱。齊人坐低就叫餸口水雞干鍋田雞川味腰花豬手（唔辣）點解標題話有兩個標準呢，因為三個菜個個食都話唔夠辣事沿係曾經有一位食過四季豆，最後黎左碟得8條豆隔離插滿一條條指天椒覺得好夠辣又好好食於是我地再叫兩味，今次叫服務員加大辣。就真係夠辣了，好野味所以，好懷疑服務員係睇人出辣度，驚你唔食得辣總體街坊生意都幾好食，人均消費$160到（無叫酒）另外，微訊發相去朋友圈會有九折

我是酸菜魚迷，吃過太二之後冇諗住搵過第二間好食過太二，但係都冇諗過食到咁難食嘅酸菜魚。碟魚一上枱，即刻飲湯，一飲我個腦都比吾切反應！飲水嗎？完全無酸味，我再試一啖酸菜，完全係唔酸嘅酸菜.....我食緊乜？我忍唔住走去問職員，我話點解酸菜魚唔酸又無味，佢比我大概嘅解釋係，湘菜嘅酸菜魚係比較淡。。。。。我即刻眼都反埋。另外叫咗兩碟小菜，係蒜香排骨和茄子炒豆角，只有呢兩碟餸係好食。酸菜魚唔好再提......

香鍋口味鱔魚夠哂辣，而且好大碟，冰鎮藕花第一次食，佢好似年藕bb咁得意，酸辣口感好開胃㗎，加埋啲泡椒，食唔停。呢間湘菜價格算平，呢餐埋單HKD$488 ，碟碟都有番咁上下份量

「湘聚」依個食字已經濫到一個點，湘聚小廚、人家、乜都有，濫到我都用下做標題先標明做川菜、湖南菜星期日晚上唔使book位直入，要搭張大圓枱，依度門口同環境都幾靚，中式裝潢，幾有氣氛既先上兩小碟，有炸豆同醃海帶，一個脆脆的香口，一個酸酸的開胃，食下食下會上癮主要都係中年女性做侍應，媽媽feel，好好態度好快手既，拎菜牌俾你，叫餸時亦會俾小小意見你參考餐牌以圖為主，相當吸引，樣樣都係見到個樣就想食，睇得出放左好多心機亦都有好多菜式，唔止常見既川菜，亦有好多湖南菜小炒先叫左個鐵板牛肉，個樣係辣子炒咁樣再加鐵板既鑊氣，食落好有風味好香口惹味到即刻想送飯，如果你食炒辣椒既話，依個推介，香而有味，唔會淨辣，無苦味開初以為得幾舊牛，點知多到有廿幾舊，食極食唔曬，而且唔係發水牛(茶餐廳沙牛麵個啲呢)，值得推介首次幫襯當然要試下個水煮魚，份量十足，味道相當唔錯，幾有自己既風味，如果唔怕油既可以試下個汁，或者加飯試，相當正配料因爲個汁好味亦好正主角魚片，用左半腩半片既鯇魚，味道無問題，但肉質頗老，有少少煮過頭，另外啲骨多到一個點，片定腩都係，相當難搞所以無奈都係食淨左食住辣野再啤啤佢，正啤酒價錢正常，總體黎