湘聚小廚

營業中

休息中

the staff was yelling and fighting each other and generally rude and ignore the customers... my table was filthy and asked them to wipe it... the staff looked at me said ok and then just ignored me and kept doing whatever he was doing before... food is good but staff is service is disgusting

<<身為香港大學學生，可能你會覺得午餐晚餐都好難搵食，食黎食去都個幾樣 今日本畢業生就以個人經驗介紹番你周圍有咩好野食/伏喇>> <<If you are one of the HKU students who thinks nothing can suit your starvation around Campus.  Please pay some leisure time to study my dining experience collection.  If you cannot read Chinese, Please simply watch the pictures, follow the overall rating , or find the local mates for translating my comments>小巷中的湖南菜更有富中國學味道既竹筒飯(偽，只是器皿)去過中國既人，都應該見過依D竹筒飯，又的確好多內地同學會係到食辣的~相當辣，要小心O普通~辣味夠，份量夠，是平時取代快餐店之選鋪面燈光暗，

去年同屋企人來吃過，受其香、麻、辣的衝擊，至今都印象猶新。這天來到西環附近，腳步被胃影響，再一次跑了來這家「湘聚小廚」重新相聚。在點完餐後，要做的是開動嘴巴，在等候期間先吃吃小吃，有花生和海帶絲，我特別喜歡這款圓圓的花生，香口又特別。稍候了一會，青椒小魚仔終於上臺囉！小魚仔眼看好像會很乾，其實不然，香口之餘肉質也很結實，非常惹味～這也是我十分喜愛的一味餸，魚刺很少，可以放心的大口大口吃，而且份量也有不少呢，表皮還有點脆卜卜，更有喜感～乾鍋田雞和香鍋口味鱔魚都先後上臺，兩個都有共同特點就是上臺後繼續用火加熱～乾鍋田雞香味十分吸引，可時與想像有點不同，蒜比較多，蒜香味夠濃郁，可是沒有了想像中那副麻香味，只是味道都不錯，惹香夠惹味，田雞肉夠結實大舊，鮮味十足。麻辣香鍋口味鱔魚簡直是我的至愛～重麻少辣最對我的口味，受著麻香的狙擊，食物反而變得有點甘甜，再加上一點點辣味，非常惹味過癮～當然，有了這美味的調味怎麼可能忽略了食材。鱔魚是一種很重膠質的魚類，含豐富的膠原蛋白，咬口嫩滑彈牙，其肉質更是上好，結實有彈性之餘鮮味濃郁，又不會腥羶，極力推薦這款川菜川菜的精髓香、麻、辣為其一大特色，很高興在香港

係香港好少聽到出名既湘菜。估唔到係hall附近竟然有一間，咁梗係同朋友一齊黎試啦😍一入到店就會有茶同小食（小食可以同佢講唔要）。我地叫佐一個小炒肉、辣味薯仔、炒水晶粉、同埋麻辣雞煲。小炒肉好地道，香得黎夠惹味，不過因為佢比較鹹，所以建議配飯。辣味薯仔上面有好香既「滋」然粉，口感少脆同內軟。炒水晶粉既口感好Q，味道調得幾好，係鐵板上面上菜好有鑊氣。麻辣雞煲就相對正路，雞肉好淋同入味。下次會再想試埋其他菜😍

係香港湘菜既餐廳都好少而大部份都係大陸人開既所以質素都有d保證但係價錢就會比內地食為貴椒香酸菜魚湖南菜系入面, 魚都係算好重要既一員, 所以今次都點左有椒香酸菜魚份量算係大, 而魚既肉質都比較鮮嫩, 由於不是辣味的水煮魚, 魚的味道和口感就更為重要, 煮既時間控制得好好, 不會有過老既情況!! 而在底下原來放了薯粉, 一道菜有兩種食法, 薯粉吸收了湯的味道和魚的鮮味, 吃起上來味道十足!! 值得一吃湘聚炒飯用本店名來命名的菜式通常都是招牌菜, 今次食既呢個炒飯色香味俱全, 而且份量多, 一碟可分成4碗的份量, 口感帶點爽脆的, 醬汁被炒得很均勻, 是水準之上的菜式!!

店入面的裝潢很傳統的中國風可能是新店的優惠吧發個朋友圈便已經有九折十分優惠椒香酸菜魚Menu入面魚類既選擇都唔少而水煮魚正正係岩我口味既, 但係今日唔係太想食辣, 所以叫左酸菜魚解一解鄉愁!! 呢個酸菜魚價錢不便宜, 但係一上到台就哇左一聲, 點解? 因為勁大兜!!! 成個洗面盆咁大, 而且入面既魚片數量係超級多, 食極都仲有咁!! 咁樣變相又抵食返, 味道唔錯, 最重要係d魚啖啖肉既!! 正茄子豆角我地叫左個菜吃, 呢個茄子豆角想不到咁好味, 茄子係被油炸香過, 食落同普通自家制既口感好不一樣, 自家煮的不會放咁多油來爆香豆角的, 所以必試推薦一定是這個

喺西環長大雖然搬走左幾年，但呢幾年隨住港鐵既配套亦係西環發展得好好既時期，所以我地久不久都會去搵食順便探吓朋友懷緬吓。朋友就介紹西寶城附近有條小巷有間湘菜唔錯，老公聽到就哂發青光要去試。喺店內有8成食客係國內人，心想一定好正宗。每檯都有一碟碟紅卜卜辣椒，都驚好多野唔啱食。原來辣度有唔辣、小、中、大辣點既。一場黎到，加上老公中意食辣，大家互就點了小辣。先遞上2碟前菜。香辣串串蝦(小辣)一串串既蝦雖然比辣椒遮蓋住，咬開蝦殼係好鮮味，好香既感覺，蝦殼仲鬆鬆脆可以食埋㗎~子姜子雞(小辣)最近食得太多，都有胃脹胃氣，中醫叫我唔好食麻辣野，因為辣椒對我體質唔好。而薑比較益脾胃，可以多吃。所以呢個子姜子雞啱哂寒底既我。試左粒青椒，非常辣吞不下。但係薑爆香咗加埋雞油煮出黎就好惹味，雞肉都好滑。紅燒黃花魚(小辣)以為係普通煎魚咁，原來係有埋小爐仔點埋火上檯，紅燒汁有薑蒜，小辣帶甜。煎封左既黃花魚，魚皮特別香，魚肉鮮嫩沒半點腥味，又唔多骨，好快食哂吖雜糧包一份8個，熱辣辣好香軟，有黑糖、麥香。反轉有個小窩放甜梅菜，幾有風味!

今日朋友邀請到西環食湘菜。香港大學站出咗好快就搵到。店舖望落不是很大，但原來有2層的。晚飯時間都幾full。應該冇介紹錯。一坐低就有2小碟小食. 黃豆+海帶鐵板孜然牛肉片$118好足料，好大碟，香噴噴，牛肉好多，又淋。配上好多指天椒及洋蔥。洋蔥好甜，好香串串蝦$118有10隻中型蝦，廚師已將蝦頭切走。蝦面舖滿指天椒。蝦非常入味，蝦肉爽雙絲拌牛肚$78青瓜絲+牛肚。牛肚淋，青瓜絲爽。微辣叫咗一碗魚頭麵$39。原來以為係用魚做嘅麵，點知一問之下，只是一碗普通蛋麵。就只因為呢個麵多數放係魚頭鍋一齊食，所以叫“魚頭麵”。雖然只係一碗普通蛋麵。但麵質都唔錯。都超大碗。

位於香港大學站的湘聚小廚，六點多去到一樓已經快坐滿客人，我們被安排坐上二樓。餐牌的選擇很多，全都有圖文並茂，並很清楚列明材料，確實花多眼亂。坐低後先黎兩小碟前菜，海帶絲和豌豆，每碟$8。點了兩罐加多寶涼茶可以下下火。麻辣口水雞 $108覺得呢度既口水雞相當唔錯，雞肉肉質嫩滑，所配既麻辣汁食落唔會太辣，但個種辣係相當惹味，又唔會辣得好辛苦，會令人食唔停口。鐵板水晶粉 $78用薯粉所製的水晶粉，加入左點惹味肉碎、山椒等；賣相晶瑩剔透的水晶粉，可以一條條夾起（夾起唔會成‘餅’野），水晶粉入口滑溜溜，帶點煙韌口感，而且甚為飽肚，作為主食都可以。孜然寸骨 $119一碟有8枝寸骨，用上豬後腿上的寸骨，肉質咬落鬆化，孜然味頗重，可惜食落稍為有點乾身，久缺了肉汁。千葉豆腐 $88千葉豆腐食落軟嫩富彈牙口感，用醬汁煮過後更加惹味，下飯一流。

甚少食湖南菜，跟友人前往大學站附近的一間湘菜館試一下。裝潢好有傳統中式文化原素，眼見大部份客人多以外省人為主，可見心得一眾同鄉的垂青。皇朝粉絲煲粉絲炒得乾爽，由於加了鹹蛋黃份外惹味，食落還有蝦米味道，看似平凡但一點都不簡單。好味！手撕包菜豬肉片薄薄的，不會感覺肥膩。椰菜爽口清甜，特別加了醋汁來炒，感覺上打開了胃口，果然全碟食清。椒香酸菜魚份量好多，抵食。魚塊滑溜略為多骨。味道方面建議辣和酸度加多些少就更加完美。

朋友家住西環，周不時介紹西環好西，今次帶到附近街坊湘菜小菜餐廳古色古香中式裝修，門口貼上傳媒報章訪問，即時對食物有期望蟲草花燉雞湯朋友家中經常沒有湯水，見到燉湯雙眼發光。燉湯足料，頗多蟲草花，還加入瘦肉，喝不到味精，湯入口清甜而不油孜然寸骨寸骨經過腌、蒸、炸、燴，入口啖啖肉，肉質鬆軟，帶有微微孜然同香辣絕色雙魚魚頭一邊用酸菜，一邊用剁椒，一邊用金椒，魚頭又滑又辣得惹味清炒萵筍絲 萵筍絲炒得不會太油，有住家飯感覺鐵板水晶粉水晶粉入口QQ，微微帶辣而且炒得不算油膩

放假陪朋友黎食湘菜，未食過好新奇～原來唔少菜式都係辣架～初時都擔心食唔食到咁辣～但原來怕辣可以揀少辣，太好了！！！雙絲拌牛肚$78雙絲即係青瓜絲同芫荽，加辣椒等調味拌勻，牛肚非常爽口，青瓜夠脆，三樣野拌埋一齊食好夾呢，好開胃嘅冷盤～蟲草花燉雞湯$49平時做野太忙成日唔夠湯水，所以一見到有燉湯即叫。好足料！淨係蟲草花已經落左咁多～仲有雞、排骨，夠火喉又夠味道～香辣串串蝦$119串串蝦上枱時嚇親，一堆辣椒！食落又唔太辣喎！原來因為我地叫左小辣，所以無落指天椒呢～蝦頭已經預先剪走左，蝦殻唔會好硬，連殻食都得呢～麻辣雞煲 $108雞煲比想像中多，雞件亦都幾多肉，雞肉無雪味，唔錯！而且好入味，即刻叫返個白飯送飯食～喺地鐵站出黎，跟住呢個燈箱轉入去就係了～

西環日富里，一條唔起眼嘅後巷，竟然暗藏美味！呢間食湘菜嘅湘聚小廚，唔熟路嘅話真係會行錯路搵唔到佢，搵到佢你就有口福了舖位唔大，適合朋友小聚或一家人出嚟食飯。客人除咗本地人，仲有操普通話人士（可能係尋家鄉味道嘅湖南人喔），亦有操英語人士（可能係HKU學生？），睇嚟呢度頗受各界人士歡迎啊先來個湯暖一暖胃，係蟲草花燉雞湯，夠火喉，好多蟲草花呀～手撕包菜。椰菜同腩肉以辣椒炒香，好夠鑊氣，好有驚喜上面個菜用嚟餸炒飯真係好唔錯～壓軸登場嘅係招牌菜絕色雙魚，正宗湖南味道嘅剁椒魚頭！睇相唔覺，其實好大份！兩種唔同辣味嘅大魚頭肉質嫩滑，無魚不歡嘅我食得好滋味仲有好多菜式想試，但兩個人食唔到太多，下次嚟過～

呢間湘菜館既午餐，平靚正，味道又正宗，我最愛係農家小炒肉木桶飯同金筍炒肉木桶飯，豬油同飯加辣既結合，真係天衣無縫，愈食愈開胃，好快就清晒成桶飯，另外仲可以跟一杯凍飲或例湯，作為午餐真係滿足

好日唔黎西環，朋友搬左過去係咁話好多好野食，今次帶我地去食湘菜。好地到嘅一間湘菜店，店員都係講普通話，不過當然都識廣東話啦。 成個menu都係紅色辣椒，不過好似可以揀辣/唔辣，所以大部份人都岩食。呢個鐵板魷魚鬚好好食，好香好膩味，魷魚份量都好多，成大碟都係滿滿魷魚鬚👍🏻呢個味道唔算太辣，香口有鑊氣。手撕包菜同其他地方食嘅唔一樣，多少少汁，爽口，唔辣，不過送飯一流。朋友重點推介孜然寸骨，唔好比佢紅色辣椒嚇到，其實唔算辣，孜然味重，肉亦唔鞋唔硬，好鬆軟。口水雞亦係另一推介，佢雞肉好滑，個「口水」汁好好食，香味好濃，辣度適中，停唔到口。雙椒蒸茄條我所有朋友都食唔到，話太辣，不過我食好鍾意，茄條林滑，冇澀口，香辣好味，不過未必個個都抵得住個辣度。最後再黎多個水煮牛，勁大個煲，份量勁多，好多好多牛肉，牛肉亦都唔會過熟，入面亦都有火煱粉，好香好好味😋整體感覺好好，正宗唔貴份量大，多d人一齊食最好，可以多叫幾味。