影片
更多
2018-10-11
1118 瀏覽
「湘聚」依個食字已經濫到一個點，湘聚小廚、人家、乜都有，濫到我都用下做標題先標明做川菜、湖南菜星期日晚上唔使book位直入，要搭張大圓枱，依度門口同環境都幾靚，中式裝潢，幾有氣氛既先上兩小碟，有炸豆同醃海帶，一個脆脆的香口，一個酸酸的開胃，食下食下會上癮主要都係中年女性做侍應，媽媽feel，好好態度好快手既，拎菜牌俾你，叫餸時亦會俾小小意見你參考餐牌以圖為主，相當吸引，樣樣都係見到個樣就想食，睇得出放左好多心機亦都有好多菜式，唔止常見既川菜，亦有好多湖南菜小炒先叫左個鐵板牛肉，個樣係辣子炒咁樣再加鐵板既鑊氣，食落好有風味好香口惹味到即刻想送飯，如果你食炒辣椒既話，依個推介，香而有味，唔會淨辣，無苦味開初以為得幾舊牛，點知多到有廿幾舊，食極食唔曬，而且唔係發水牛(茶餐廳沙牛麵個啲呢)，值得推介首次幫襯當然要試下個水煮魚，份量十足，味道相當唔錯，幾有自己既風味，如果唔怕油既可以試下個汁，或者加飯試，相當正配料因爲個汁好味亦好正主角魚片，用左半腩半片既鯇魚，味道無問題，但肉質頗老，有少少煮過頭，另外啲骨多到一個點，片定腩都係，相當難搞所以無奈都係食淨左食住辣野再啤啤佢，正啤酒價錢正常，總體黎
星期日晚上唔使book位直入，要搭張大圓枱，依度門口同環境都幾靚，中式裝潢，幾有氣氛既
先上兩小碟，有炸豆同醃海帶，一個脆脆的香口，一個酸酸的開胃，食下食下會上癮
主要都係中年女性做侍應，媽媽feel，好好態度好快手既，拎菜牌俾你，叫餸時亦會俾小小意見你參考
餐牌以圖為主，相當吸引，樣樣都係見到個樣就想食，睇得出放左好多心機亦都有好多菜式，唔止常見既川菜，亦有好多湖南菜小炒
先叫左個鐵板牛肉，個樣係辣子炒咁樣再加鐵板既鑊氣，食落好有風味好香口惹味到即刻想送飯，如果你食炒辣椒既話，依個推介，香而有味，唔會淨辣，無苦味開初以為得幾舊牛，點知多到有廿幾舊，食極食唔曬，而且唔係發水牛(茶餐廳沙牛麵個啲呢)，值得推介
首次幫襯當然要試下個水煮魚，份量十足，味道相當唔錯，幾有自己既風味，如果唔怕油既可以試下個汁，或者加飯試，相當正配料因爲個汁好味亦好正
主角魚片，用左半腩半片既鯇魚，味道無問題，但肉質頗老，有少少煮過頭，另外啲骨多到一個點，片定腩都係，相當難搞所以無奈都係食淨左
食住辣野再啤啤佢，正啤酒價錢正常，總體黎講都係一餐唔錯既川湘菜晚餐
最後就係點解標題叫家庭樂？
話說食到10點幾時，店入面無咩客，侍應定唔知老闆啲親戚就入左黎坐，有大有細，坐下傾下睇下youtube咁，慢慢愈來愈大聲，之後最驚人既係，佢俾個細路仔(目測10歲)係餐廳入面狂跑！真係好難搞，又嘈，又危險，又煩，差啲要出聲，好彩佢都之後走左話曬都舖頭，仲有客係度，咁樣樣。。。。
#大家放心去食我唔信次次都有家庭樂
#環境影響望下碟餸都湘啲
張貼
