湘聚小廚

營業中

休息中

This is the go~to place for spicy Chinese for ppl living in the western district. The place is in an alley right behind Westwood and cosy and busy most of the time. A gathering hotspot for mainlanders in HK. My favorite dish is the spicy fish head, where they steam a giant fish head (just the head, which alone serves two) in two different kinds of pepper, red and green...the presentation is fierce and the flavors are intense enough to make a grown man cry. You can choose the level of spiciness

收工同同事嚟相聚小廚晚餐食辣野，好耐冇食湘菜了。本身想食水煮魚，但係睇開飯見到好多推介絕色雙魚，阿姐話係招牌菜，咁梗係要試試啦，呢味菜嘅特別之處就係將魚頭分成兩邊，一邊上面放上辣椒，而另一邊上面放上酸菜，各有特色，一碟兩味，而且魚頭仲非常大，真係估佢唔到。香脆臭豆腐是黑色的，辣味十足，吸晒啲精華，非常香口，一碟有12件。食湘菜又點少得土豆，因為成日都食土豆絲，所以今次就嗌咗個鐵板土豆片，土豆片比較厚身但係煮得好淋，非常好味。

友人住元朗，但在港島工作多年，故我們常相約在港島吃飯，但她即將不會陪我在港島覓食....皆因她離職了，今日就是 last day，我就馬上把握最後機會，跟她來一頓最後的港島晚餐，哈！店子門面以黑色為主調，門口兩旁掛上紅紅的中式大燈籠，滿有中國色彩。甫進內裏，裝潢簡約平實，採用木枱木櫈，傳統的中式餐店。設有數張五至六人的圓枱、幾張四人枱, 地方不多喎……原來還有上層。沿樓梯走上一層, 亦有幾張四人枱, 還有三張大圓枱, 地方也算闊落。坐在上層最擔心是找服務員較困難, 幸好店子挺貼心, 原來每枱均放了一個呼召機, 一按即到, 服務不錯! 另外, 每枱亦均擺放了又大又厚的餐簿, 每頁均印上大大幅菜式相片, 又吸引又清晰。細閱一番, 選擇不少, 有招牌菜系列、特色菜系列、凉菜系列、干鍋類系列、鐵板類系列、蒸菜系列、小炒菜系列、青菜系列、湯類系列、主食系列、燜煱系列和飲品系列。*******************友人第一時間看中小炒菜系列的豆豉炒蜆 ($98)。即點即炒, 熱辣辣, 散發着陣陣香辣味, 鑊氣十足。一碟份量適中, 而每隻蜆 大小亦中等, 肉嫩無沙, 以豆豉、紅辣椒、青辣椒 等爆炒

憶起曾在這裡吃過美味的湖南菜，還有充分素食款式，於是再來尋覓那種辣得過癮的感覺。點了四個菜：拍青瓜、鐵板牛肉、青椒炒蛋，以及大辣版的雜糧包（以前不是叫窩窩頭的嗎？）拍青瓜和青椒炒蛋味道還可以。鐵板牛肉的味道很寡，好像是把各種配料夾硬湊在一起，辣椒倒是很多，沒有那種香味。輪到雜糧包，那個雜糧跟上次來的味道不一樣：這次難吃得多了，味道除了寡之外，還有著一股怪異的味道（近似醃菜的味道），完全不香不辣 - 我叫大辣不是光想把辣椒放進口，而是希望食材吸收辣椒的香椒帶出那份吸引的味道。所以，是換了廚師嗎？還是廚師買馬輸了，炒菜時分心漏了落鹽？同一間店，由好食變成難食，究竟中間發生了甚麼事？枉我專程乘車來拜訪，有期望然後有失望。唉。（p.s. 上落二樓雅座的朋友請小心地面及樓梯濕滑）

  年多前在西環吃過，湘菜做得非常出色，這晚下班後決定再來回味一下。 餐牌菜式選擇挺多，價錢經濟實惠。店內亦提供wifi，為客人帶來方便。 ❤️💚絕色雙魚🐟🌶（$138） 所謂「絕色」是指兩款不同的辣椒，第一種是小米椒；呈淺綠色，味道辣且帶點酸。 第二款是我們平日吃到的紅色辣椒，味道偏辣，香口惹味！ 絕色雙魚是店內招牌菜之一，雙色辣椒放在大大的魚頭上，吸睛度極高之餘，味道同樣出色。 魚肉蒸得剛剛好，鮮味滑嫩，有效吸收辣汁香味，吃起來麻麻辣辣等口感，非常刺激。 店員推介我們加配🍜魚頭麵($38) 把絕色雙魚底下的魚湯汁混在麵中一起吃，味道超吸收，又好吃的！ 🌶🍗孜然寸骨😋（$118） 一份6大串的孜然寸骨佈滿厚厚的肉，鮮味嫩滑，每一口都是滋味。 寸骨配以獨特香料醃製過，再加入孜然粉令味道更香，難怪一上枱友人便吃不停口！ 🍲皇朝粉絲煲🍴（$88） 粉絲煲同樣是店招牌，用上砂鍋奉上之餘，粉絲用了海鮮醬炒成，味道較為濃香惹味。 粉絲炒得乾爽，沒有漿糊的口感，每一條粉絲都非常分明，香味更散發到整間店子呢！

前幾日去左搵朋友，佢又話附近有間辣野幾好食，上次食完辣野又有想挑戰下自己，咁就冇所謂啦!先黎緊係硬食小食先啦 所以如果唔想就識做啦....一個係應該甜甜地蠶豆 另一個蘿白我自己就冇咩點食蘿白因為唔鍾意果陣味d蠶豆差唔多食晒佢就上左菜 好事黎既 唔係整定係到!先黎豆豉炒蜆食第一粒 幾好食喎 唔油 豆豉味入晒蜆到 又唔似出面大排檔腎虧重咸!但食多幾粒就出洋相啦 原來未吐晒沙 搞到食果陣有太多豐富既口味....唔好睇呢個串串蝦咁多辣椒 比佢個樣嚇親 其實佢唔辣架!呢樣餸黎左幾分鐘 我就諗足幾分鐘到底洗唔洗剝殼既呢 希望有經驗既朋友可以指點下我而我最後係選擇左剝殼既剝完殼後隻冇咩味 咁我就食返d殼 發現原來唔係樣餸冇味 只係所有味係晒個殼上面於是我就細嚐個殼 雖然好難形容果種味 但好食到過左幾日仲記得咁岩食正我果範 有陣陣既豆豉 即刻加晒分 隨後上黎係醃料既咸味 最後有少許既辣同甜味搞到我食完又好想再試 如果連我隻蝦都有咁既味 食3碗飯不是夢!見有仲肚餓 咁就叫個鐵板粉絲 佢既粉絲比係食開既粗 唔知係咪易入味d呢 不過就好易斷呢個就真係好辣啦! 雖然係辣 雖然我頂唔順佢隻辣 但人總係重覆錯誤

有時好懷念堔圳既野食，今次試下湘聚小廚以解決味覺既懷念。由於有段時間我係堔圳工作，以這種裝修、食物質素和價錢，已屬國內高檔次的飯店。是次晚飯，我和朋友仔叫左絕色雙魚、蟲草花燉雞湯、松茸菌燉雞湯、乾鍋手撕包菜同白飯。絕色雙魚：碟非常熱，明顯地即叫即蒸，見到一個大魚頭分開兩邊，一邊魚頭舖上紅椒碎，而另一邊魚頭鋪上黃椒碎。第一啖魚肉入口，肉質鮮嫩，蒸得剛剛好，好滑，魚肉加上少少紅黃椒碎一拼入口，有少少辣，好味。蟲草花燉雞湯：燉盅非常熱，見到配料非常多，佔燉盅參不多一半。湯頭非常甜美、好清，飲到蟲草味同雞味，值得推介。飲完燉湯之後都飽咗三分一，可建議兩個人share一個燉盅嚟飲。 松茸菌燉雞湯：相對蟲草花燉雞湯，呢個湯頭味較為濃，濃在於松茸菌，貌似有藥材味，湯料亦佔燉盅參不多嘅一半，但仍係好清甜同有雞味，同樣建議兩個人share一個燉盅嚟飲。幹鍋手撕包菜： 菜夠新鮮同爽口，配上幾塊肥豬肉片加紅辣椒，味道比一般炒菜為濃，需要白飯配送。

孜然寸骨寸骨其實係豬仔脾,肉質幼嫩，而且多汁彈牙。每咬一淡，陣陣嘅辣味傳入口入面，好野味。豬仔脾用手食，好似雞脾咁咬，特別有風味。鐵板孜然牛肉由廚房上菜到我哋張枱，已經聽到JAJA聲，可見熱力十足。牛肉同辣椒因為係鐵板加熱嘅情況吓，兩者交融，辣上加辣，滋味十足。孜然椰菜豬肉豬肉因為較薄，所以特別幼嫩，D肉唔算太辣。反而椰菜吸收哂D辣汁，爽口嘅口感加上辣辣地，有D似厚實嘅泡菜。呢到好多國內人嚟呢到食，證明辣得正宗同出色。鐘意辣嘅朋友可以嚟一探究竟。

湘聚小廚位於港島西環 平時返學放學都好匆忙 好難得臨近學期終 同朋友一齊放學之後去試下湘菜～餐廳充滿中國傳統風格 以紅色做主題 湘菜出名辣 我見到其他人點既菜 都係紅卜卜 擺滿辣椒🌶 仲有就係 學生黎到全日都享有折扣優惠 中午黎食個平價lunch 絕對不是夢😝我地六點半去到 入面已經有幾枱食客 我地一路食 一路見到更多人入黎光顧 睇黎幾受大眾歡迎 呢到仲有唔少內地客幫襯 可能因為喺呢到 佢地可以食到正宗既中國菜～首先上左兩道前菜 一個軟綿綿 一個脆卜卜 兩樣既口感有好大分別 但佢地既共通點係 兩個都係辣既 仲要愈食愈辣 愈食愈過癮😂由於怕我地太辣頂唔順 店員一早已經預備好紙巾同埋茶水 俾顧客邊食邊調節味蕾～ 佢地既茶係幾唔錯 茶香甘甜～☕️小炒香干 佢同小炒王既味道有啲似 都係好夠鑊氣 炒得好香口 入面仲有豬肉片、好辣既小青椒、辣椒同埋豆腐干 味道好正 我地食曬全部配菜 除左嗰啲好辣既辣椒仔🌶想恰魷魚 🦑🔥呢道菜好特別 下面仲有一個小火爐 不斷為魷魚加熱～當啲魷魚燒到愈熱既時候 就有愈大陣香味傳出黎 🤤魷魚好大條 啖啖都爽口彈牙 連啲洋蔥都係好香好甜 每當啲魷魚愈食愈辣既時候 除左去飲茶

位於西環的 湘聚小廚 ，是一間湘菜餐廳。今天原本去找朋友見見面，給他一個驚喜。向其他朋友左問右問，終於找到他的地址。可惜去到吃不到他，那就算啦吧，哈哈，沒緣就沒緣。囗水雞$108半隻的囗水雞，看上去份量不少哦。撒上不少辣椒的囗水雞，黃紅顏色，具備中菜的特有色彩呢。囗水雞滑溜入味，微微的辣，微微的麻，令人一件接一件，而且沒有方間的油呢。乾鍋手撒包菜$78朋友說要吃菜，就點一份湘菜招牌蔬菜。以回鍋肉片，生菜，加上醋和醬油形成的菜式，油油酸酸，不是香港囗味，但我也吃光光哦。拍蒜粉絲蒸娃娃菜$88老干媽炒蛋$78由小至大都很喜歡雞蛋，不論蒸蛋煎蛋炒蛋。未試過老干媽炒蛋，還以為是豆腐干呢。原來是韮菜和香蔥炒蛋，雞蛋炒成塊狀，味道不錯哦。

一入去見到唔少大陸食客，生意唔錯。提提大家佢地未點菜之前就已經會上小食，個人覺得涼拌海帶唔錯，炸花生就一般。不過＄8一碟，所以如果唔想食記得同叫佢地收走 🙂 茄子炒長豆角($78) 當晚最快被清的菜，茄子炸得非常好，熟透之餘又保持到漂亮的紫色，而且食落唔會好油膩。原來係諗住食多d菜，但原來豆角好少，反而好多豬肉片。 孜然寸骨（$118) 聞起來都會有少少孜然既味道，但食落就唔算好重孜然味。面頭鋪左好多紅辣椒，賣相唔錯，味道係辣醬味多過辣椒味。而且一枝枝食起上來都好方便，然而肉汁未能完全鎖住，但係啖啖肉既感覺都係好正。 皇朝粉絲煲 ($88) 當晚唯一唔辣既菜式，好香蝦米味，而且火候掌握得幾好，唔係煮得太軟爛都幾彈牙。雖然加入左小小鹹蛋黃吊味但唔算好突出。粉絲加埋其他辣既菜都幾夾，可以唔使加白飯。值得一讚係佢原鍋上，所以食到最尾都仲係熱既。 農家小炒肉 份量都幾多，有好多肉片同用左大量青椒去炒，但係略嫌肉片太碎同太乾，無左五花肉既油脂香，比較普通。

這家餐廳主打的是湘菜, 但我又對湘菜沒有什麼認識, 但都吸引到我一試的主要原因是這個菜單上有很多菜式都是港人愛吃的菜!!鐵板孜然牛肉$118一上桌便被他的「滿堂紅」嚇到了, 辣椒的份量佔了一大半, 不過吃落又冇想像中咁辣, 孜然味咸咸的, 和辣椒的味道互相配合, 非常夾味, 而且鐵板上的好處是能夠一直熱著牛肉, 不會因時間久了變冷變UN, 而牛肉亦很鮮嫩, 沒有變老的感覺蜆蒸蛋$78在蒸蛋上再加上了蜆, 不但令整個蒸蛋充滿了蜆肉和海鮮味, 而且廚師把這個蛋都蒸得好好, 蛋的口感很嫩滑, 而且味道剛剛好, 用來餸飯真的一流雙絲拌牛肚$78這碟牛肚的雙絲雖然只是配菜 但卻很新鮮, 不得不試, 而他的牛肚炒得非常好, 很入味之餘並不會過UN, 非常爽口, 一咬落去即刻有些汁滴出來!!

湘菜係香港開得愈來愈多 今次就去左西環食湘聚小廚同朋友聚一聚啦孜然串骨串骨醃得洽到好處 肉味濃郁 連辣椒一齊食仲更加香辣惹味 份量亦都好多 每條骨啖啖肉冰鎮藕花 食落口酸酸地又好爽脆 辣既後勁十分之重 每條藕花都滲透辣汁 系一道十分開胃既涼菜長沙臭豆腐炆肥腸香港好少食到既黑色長沙臭豆腐 聞落雖然無香港啲啡色臭豆腐咁臭 食落反而更香味濃郁因為啲臭豆腐索哂肥腸既汁同湯底而肥腸嫩滑入味 大大舊但又吾會韌 口感豐富 同臭豆腐配合一齊顯得相輔相成鼎鍋子雞雞肉細嫩幼滑 估吾到一路keep住煲都吾易老同鞋 鍋入面仲有好多薯仔 又系索哂啲辣椒汁同雞汁 所以食哂啲雞之後都仲有驚喜老干媽炒蛋老干媽系大陸出名既辣椒醬 用黎炒蛋都系第一次試 老干媽一如既往地味道濃郁鹹香 加埋滑溜既炒蛋 送飯真系一絕魚頭面面既質地彈牙 但略嫌湯底清淡 配魚頭或者其他辣味既菜一齊食味道更佳水煮牛肉望落好多辣椒應該會好辣 食落反而麻味比較重 仲一啲都吾吝嗇 裡頭勁多牛肉同芽菜 份量多到四個人都食吾哂菜心菜夠新鮮 每一件都青綠色架 配埋蒜蓉同埋大廚炒得好有鑊氣 系辣味盛宴中一點小清新

西環 堅尼地城一帶因為港鐵通車而成為新聚腳地咁當然要過一過黎 搵下有咩好食又特色既味道啦好耐無食過辣野 忽然又想食下即時搵飯腳揀下有咩湘川滬菜可以醫下肚有條街叫日富里 真係好細 如果唔睇清楚應該會行過左都唔知望到門口滿堂紅咁既樣就知唔少野 湘川味道極濃入面佈局都係同正宗湘川滬食館咁 極濃中國設計特色 未食先辣喇!!!紅色燈籠高高掛 借問先生何處來?!相聚於湘聚 雖然我辣既程度好低 但就是想食一口不竟天氣又潮濕又變返涼 辣可以怯濕都係對身體有幫助既!!松茸清燉雞湯 $48未進入辣之領之前 飲返碗老火湯補一補先|松茸 菇中皇牌 因為佢生長速度慢 人手培植困難 具有獨特的濃郁香味所以好多人都話佢係松露之後 最珍既菌類之一 成碗湯都有成十粒松茸係到 香味極強 而且加埋雞去燉制 極度鮮甜濃郁 飲完個人都即時熱晒!!!酸辣雲耳(小辣) $48根據待應所講 佢地既辣係無因為係香港開舖而減少一直維持返湘川本土既辣度 所以我地開頭叫正常辣 佢都好好心咁諫言我地最後要左 "小辣"  又好好采 係小辣 因為真係夠辣 岩岩好 如果再辣多少少我諗真係會噴火!!! 雲耳好爽口而且用上既係鮮耳而唔係乾雲耳加工 爽度

去西環上堂，人生路不熟，熟附近的朋友帶我去左一間食湘菜的小店。門面比較窄，睇黎係老街坊的食店。但入到去原來樓上有雅座，都幾乾淨舒服。朋友介紹食水煮魚，睇圖就好吸引了。而我見到店主推介豬肘，亦提議一試。兩款主菜，點多一個湯、一個菜，剛好。蟲草花燉雞頗足料，火候都夠，入口好潤，無乜味精。一盅兩個人share都夠飲。水煮魚實物唔比圖片遜色，好大盤。用火爐保溫，夠誠意。魚肉都好多，厚切保留到魚味，可惜骨比較多，食時要小心。湯底唔算太辣，帶少少麻，好刺激。比較欣賞佢除左基本香料外，蒜香好突出，睇黎係花左一番功夫。香辣肘子王因為即制，所以都要等成40分鐘。好彩我地有其他野食食住先，最後時間剛剛好就上檯喇！實物比我想像中大好多，係原隻豬肘，店員仲即席幫我地切添。豬肘好多肉，肉質好嫩滑，燜得好入味。而且豬肘的膠原部分好多，好滑好香。最後黎一碟油麥菜，清一清腸胃同味蕾。整體而言，食物是大件夾抵食的，堆單四百多，始終是街坊小店吧！