湘聚小廚

營業中

休息中

一入去見到唔少大陸食客，生意唔錯。提提大家佢地未點菜之前就已經會上小食，個人覺得涼拌海帶唔錯，炸花生就一般。不過＄8一碟，所以如果唔想食記得同叫佢地收走 🙂 茄子炒長豆角($78) 當晚最快被清的菜，茄子炸得非常好，熟透之餘又保持到漂亮的紫色，而且食落唔會好油膩。原來係諗住食多d菜，但原來豆角好少，反而好多豬肉片。 孜然寸骨（$118) 聞起來都會有少少孜然既味道，但食落就唔算好重孜然味。面頭鋪左好多紅辣椒，賣相唔錯，味道係辣醬味多過辣椒味。而且一枝枝食起上來都好方便，然而肉汁未能完全鎖住，但係啖啖肉既感覺都係好正。 皇朝粉絲煲 ($88) 當晚唯一唔辣既菜式，好香蝦米味，而且火候掌握得幾好，唔係煮得太軟爛都幾彈牙。雖然加入左小小鹹蛋黃吊味但唔算好突出。粉絲加埋其他辣既菜都幾夾，可以唔使加白飯。值得一讚係佢原鍋上，所以食到最尾都仲係熱既。 農家小炒肉 份量都幾多，有好多肉片同用左大量青椒去炒，但係略嫌肉片太碎同太乾，無左五花肉既油脂香，比較普通。