湘聚小廚

營業中

休息中

有時好懷念堔圳既野食，今次試下湘聚小廚以解決味覺既懷念。由於有段時間我係堔圳工作，以這種裝修、食物質素和價錢，已屬國內高檔次的飯店。是次晚飯，我和朋友仔叫左絕色雙魚、蟲草花燉雞湯、松茸菌燉雞湯、乾鍋手撕包菜同白飯。絕色雙魚：碟非常熱，明顯地即叫即蒸，見到一個大魚頭分開兩邊，一邊魚頭舖上紅椒碎，而另一邊魚頭鋪上黃椒碎。第一啖魚肉入口，肉質鮮嫩，蒸得剛剛好，好滑，魚肉加上少少紅黃椒碎一拼入口，有少少辣，好味。蟲草花燉雞湯：燉盅非常熱，見到配料非常多，佔燉盅參不多一半。湯頭非常甜美、好清，飲到蟲草味同雞味，值得推介。飲完燉湯之後都飽咗三分一，可建議兩個人share一個燉盅嚟飲。 松茸菌燉雞湯：相對蟲草花燉雞湯，呢個湯頭味較為濃，濃在於松茸菌，貌似有藥材味，湯料亦佔燉盅參不多嘅一半，但仍係好清甜同有雞味，同樣建議兩個人share一個燉盅嚟飲。幹鍋手撕包菜： 菜夠新鮮同爽口，配上幾塊肥豬肉片加紅辣椒，味道比一般炒菜為濃，需要白飯配送。