影片
更多
2017-05-03
317 瀏覽
湘聚小廚位於港島西環 平時返學放學都好匆忙 好難得臨近學期終 同朋友一齊放學之後去試下湘菜～餐廳充滿中國傳統風格 以紅色做主題 湘菜出名辣 我見到其他人點既菜 都係紅卜卜 擺滿辣椒🌶 仲有就係 學生黎到全日都享有折扣優惠 中午黎食個平價lunch 絕對不是夢😝我地六點半去到 入面已經有幾枱食客 我地一路食 一路見到更多人入黎光顧 睇黎幾受大眾歡迎 呢到仲有唔少內地客幫襯 可能因為喺呢到 佢地可以食到正宗既中國菜～首先上左兩道前菜 一個軟綿綿 一個脆卜卜 兩樣既口感有好大分別 但佢地既共通點係 兩個都係辣既 仲要愈食愈辣 愈食愈過癮😂由於怕我地太辣頂唔順 店員一早已經預備好紙巾同埋茶水 俾顧客邊食邊調節味蕾～ 佢地既茶係幾唔錯 茶香甘甜～☕️小炒香干 佢同小炒王既味道有啲似 都係好夠鑊氣 炒得好香口 入面仲有豬肉片、好辣既小青椒、辣椒同埋豆腐干 味道好正 我地食曬全部配菜 除左嗰啲好辣既辣椒仔🌶想恰魷魚 🦑🔥呢道菜好特別 下面仲有一個小火爐 不斷為魷魚加熱～當啲魷魚燒到愈熱既時候 就有愈大陣香味傳出黎 🤤魷魚好大條 啖啖都爽口彈牙 連啲洋蔥都係好香好甜 每當啲魷魚愈食愈辣既時候 除左去飲茶
餐廳充滿中國傳統風格 以紅色做主題 湘菜出名辣 我見到其他人點既菜 都係紅卜卜 擺滿辣椒🌶 仲有就係 學生黎到全日都享有折扣優惠 中午黎食個平價lunch 絕對不是夢😝
我地六點半去到 入面已經有幾枱食客 我地一路食 一路見到更多人入黎光顧 睇黎幾受大眾歡迎 呢到仲有唔少內地客幫襯 可能因為喺呢到 佢地可以食到正宗既中國菜～
首先上左兩道前菜 一個軟綿綿 一個脆卜卜 兩樣既口感有好大分別 但佢地既共通點係 兩個都係辣既 仲要愈食愈辣 愈食愈過癮😂
由於怕我地太辣頂唔順 店員一早已經預備好紙巾同埋茶水 俾顧客邊食邊調節味蕾～ 佢地既茶係幾唔錯 茶香甘甜～☕️
小炒香干
佢同小炒王既味道有啲似 都係好夠鑊氣 炒得好香口 入面仲有豬肉片、好辣既小青椒、辣椒同埋豆腐干 味道好正 我地食曬全部配菜 除左嗰啲好辣既辣椒仔🌶
想恰魷魚 🦑🔥
呢道菜好特別 下面仲有一個小火爐 不斷為魷魚加熱～當啲魷魚燒到愈熱既時候 就有愈大陣香味傳出黎 🤤
魷魚好大條 啖啖都爽口彈牙 連啲洋蔥都係好香好甜 每當啲魷魚愈食愈辣既時候 除左去飲茶之外 我仲會食洋蔥增加一啲甜味 呢道菜係我今晚既至愛 😍😋
蒜蓉油麥菜🌱
呢碟菜絕對係拯救左我地既味蕾 佢係今晚唯一一道唔辣既菜式😂😂 好濃郁既蒜香味 配埋清新爽口既油麥菜 兩者相得益彰 味道好夾😋 好味又健康～
第一次食湘菜就留下左美好既回憶 我地都好中意呢到既小菜 簡單得黎又好有特色 價錢又唔算貴 食物質素又高👍🏼 服務員仲會同我地傾下計 態度親切又窩心～☺️
張貼
