位於長沙灣既蘇山雞飯，主打食招牌海南雞飯🐓同馬來西亞菜，當日下午茶時段去食坐滿人，睇嚟幾受街坊歡迎👐🏻 🍴下午茶餐-鮮油咖央多士($30) 咖央多士新鮮烘起🔥多士外脆內軟🍞夾住厚厚嘅牛油🧈同咖央醬，多士夠熱令到牛油表面溶溶地，口感幾滑，甜甜地有油香，夠哂邪惡😈 🍴下午茶餐-招牌海南雞飯($62) 套餐配有油飯同埋雞雜冬瓜湯，可以揀多飯同少飯💁🏻‍♀️雞飯夠乾身，帶少許油香，海南雞肥美，肉質算幾滑👌🏻 🍴夜市沙嗲串($78/四串) 串燒有雞肉同牛肉，肉質唔會好乾，充滿香料同醃料既味道👄配埋特製沙嗲醬，味道更濃郁~ 🍴開心果椰子奶昔($32) 奶昔嘅賣相幾靚，椰子味道🥥比開心果較為濃郁，甜度適中，夏天飲幾清涼😆 🍴凍生椰拿鐵(跟餐加$3) 拿鐵配上椰奶🥥味道幾夾，奶味香濃，帶椰子香清甜味~

位於旺角創興廣場6樓全層既 泰式任飲任食火鍋餐廳，一共有三款套餐，價錢由$238-298不等，小童👧🏻長者👵🏻早鳥或者宵夜時段，均有優惠👐🏻 Set B 80品放題 澳洲產極選肩胛牛小排套餐(黃金時段：$268/位，另收加一服務費) 火鍋湯底有多種選擇，有泰式🇹🇭日式🇯🇵馬來西亞🇲🇾藥膳同養生湯底等等。我就揀左馬來娘惹叻沙鍋同青檸椰奶雞湯鍋。叻沙鍋味道鹹香，辣辣地，幾惹味👅椰奶雞湯重椰香味，帶微酸，幾開胃😋 火鍋配料同小食可以透過QR code落單。Set B主打澳洲產極選肩胛牛小排、澳洲產草飼羊肩肉、美國產下肩胛肉眼、極上牛舌、特級牛胸爽同沙嗲串燒等。個人最鍾意牛胸爽💁🏻‍♀️爽口得黎，帶有牛香同油脂香👅 餐廳亦設有自助區， 可以自由揀選自己鍾意嘅小食、火鍋配料、甜品🍨同飲品等🥤，款式包羅萬有。海南雞飯同炸物都唔錯，香口惹味👌🏻 另外仲設有特色攤檔，有專人製作泰式秘製撈麵，酸辣開胃🤤 自助區更設有流水蝦區域，可以自己新鮮即夾活蝦🦐即夾即淥，幾有特色，蝦肉爽口彈牙👍🏻 甜品方面，有泰式椰汁西米糕、斑蘭千層糕、泡芙同雪糕等🍦亦可以自製珍多冰。個人鍾意斑蘭千層糕，斑蘭味好香，唔會好甜，而且口感煙韌👄 飲品方面，主打3種泰式飲品，包括：泰式奶茶、泰式奶綠同香茅水，另外仲有多款罐裝同紙包飲品👐🏻

同媽媽好掛住日式麻辣拉麵，於是再訪銅鑼灣鬼金棒，質素同樣保持到😆 🍴餃子($45) 一份有6隻，即叫即煎，夠哂熱辣辣🔥餃子外皮香脆，餡料幾豐富👍🏻 🍴味玉麻辣味噌拉麵 味噌湯共有五個級別嘅麻同辣度，我地揀左小麻小辣，湯底味道香而濃郁👅味玉呈糖心狀態，蛋味香濃，而且入味。拉麵粗身煙韌彈牙👄叉燒厚厚一塊，肥瘦分明，肉質夠腍夠入味👌🏻 🍴炒豆芽菜麻辣味噌拉麵追加味玉($15) 湯底同樣叫咗小麻小辣，炒豆芽菜份量好多，爽口清甜🤤令整碗麵食落更清爽，冇咁漏 👐🏻 食辣嘢邊少得飲汽水🥤除咗一般嘅汽水都仲有其他嘅特色果味梳打、啤酒🍻同汽酒等等。

位於鰂魚涌工廈嘅隱世西餐廳，餐廳環境簡潔明亮，乾淨衛生，座位亦寬敞舒適，食物質素同服務都唔錯👍🏻 🍴蜜糖燒雞翼($82) 雞翼一共有6隻，肉質幾嫩滑，充滿香甜既蜜糖味🍯幾入味。 🍴夏威夷風情($156) Pizza 岩岩焗起，夠哂熱辣辣🔥餅皮香脆，帶少許燶邊，以番茄醬作底，有芝士🧀火腿同酸酸甜甜嘅菠蘿🍍整個配搭唔錯。 晚市套餐 套餐包括是日餐湯、主菜、甜品同飲品🍹 是日餐湯係黑松露忌廉湯，有淡淡嘅黑松露味，口感幾順滑，另外更配有餐包，幾鬆軟👄 🍴主菜-海膽香煎帶子海鮮汁意大利粉伴香蔥蛋醬($21) 意粉份量幾多，煎帶子火喉控制得幾好👍🏻表面焦香，𥚃面軟腍，意粉煙韌適中有咬口，海鮮汁味道鹹香👅質感creamy ，足夠掛滿意粉表面，幾惹味🤤 Dinner Set 既是日甜品係Brownie同tiramisu，擺盤精美。Brownie幾濃朱古力味🍫tiramisu有酒香味，兩者甜度適中👌🏻

位於尖沙咀既一間西式Cafe，餐廳環境主要為木系格調，而且有一幅大樹壁畫🌳可以俾人打卡📸整體環境寬闊舒適~ 主菜可以+$40升級為套餐，有湯、蒜蓉包、甜品同飲品🍹 是日餐湯係椰菜花湯，椰菜花加上忌廉打成既忌廉湯，味道帶蔬菜甜味👅幾清爽。蒜蓉包香脆，幾香蒜蓉牛油味👍🏻 🍴明太子蛋黃醬薯條($76) 薯條粗身🍟表面脆卜卜，幾香薯味，明太子蛋黃醬味道鹹香👅配薯條一流👍🏻 🍴蒜蓉香草雞翼($69/4隻) 雞翼外皮香脆，肉質幾滑，好香蒜蓉香草味👄 🍴黑松露野菌意大利飯($168) 意大利飯軟硬適中👌🏻野菌爽口，忌廉味比黑松露味較突出💁🏻‍♀️ 🍴鵝肝牛肝菌扁意大利粉($198) 鵝肝煎到表面焦脆，有油香，牛肝菌份量幾足👐🏻菇菌味道突出，醬汁creamy ，扁意粉煙韌掛汁~ 是日甜品分別係藍莓芝士蛋糕 同海鹽雪糕，個人比較鍾意海鹽雪糕，鹹鹹甜甜😋幾特別，而且雪糕質感軟滑👄

位於D2 Place既日式燒肉餐廳，環境裝潢充滿日式嘅感覺🇯🇵座位亦都寬闊，空間感十足，坐得好舒服💁🏻‍♀️ 午市定食價錢由$98-$298不等，燒肉定食更包含沙律🥗湯、漬物同飯🍚 🍴和牛極致定食($248) 一共有三個唔同部位既和牛，包括:羽下、龜之甲同友三角。龜之甲切薄片，帶少許油脂，肉質軟腍，肉味較為濃郁👄 羽下油脂比龜之甲重，肉質有嚼勁👐🏻友三角係較為稀有的部位，三款肉裏面油脂最重，霜降紋好靚😍有入口即溶既感覺👅 🍴和牛西冷大判燒&赤身定食($298) 和牛西冷薄切大大塊，油脂分布均勻，燒完沾蛋汁一齊食🥚口感好滑，有肉汁💦充滿油脂香，配白飯食非常滿足😋😋😋

位於黃埔既韓式餐廳，地理位置非常方便，黃埔站A出口一出對面右手邊就係💁🏻‍♀️一坐低店員先送上前菜，有泡菜、菠菜、薯仔同醃蘿蔔🥕我哋經社交平台訂座，可以以優惠價$68加購一隻醬油蟹🦀好抵食。醬油蟹都幾大隻，而且多膏，撈埋生蛋黃同紫菜飯一齊食更滋味😋韓式牛展水冷麵($118)
牛腱厚切有咬口👄味道幾香。水冷麵配料豐富，有青瓜、蘿蔔同雪梨，加上Wasabi同醋，酸甜開胃，食落幾清新👅BBQ Set C ($499)
BBQ套餐C包括有:調味牛肋骨、牛五花、烤五花腩同豬頸肉等。牛肋骨調味甜甜地，肉質夠腍。牛五花薄燒，多肉汁💦有油脂香。五花腩厚薄適中、肥瘦均勻。豬頸肉爽口，個人最中意👐🏻

燒烤套餐除咗肉類之外，仲有雪耳、茄子🍆泡菜、香腸同芝士🧀️燒雪耳都係第一次見，口感脆脆地幾得意😎

位於東涌喜來登酒店主打食黎巴嫩菜嘅餐廳，東涌地鐵站有免費接駁巴士接送，去到有一種遠離城市嘅感覺。餐廳燈光柔和，裝修充滿異國風情，俾人一種好chill嘅感覺。 🍴Mix Cold Mezze 拼盤有鷹嘴豆蓉、煙燻茄子蓉、炭烤紅椒核桃蓉、新鮮薄荷乳酪蓉 ，另外更配有兩大塊Pita Bread。 鷹嘴豆蓉幼滑，帶微酸既檸檬味同芝麻香、茄子蓉煙熏味十足、核桃蓉味道較為濃郁，食到粒粒嘅合桃口感、乳酪蓉酸甜開胃，配Pita Bread一流 。 🍴Shrimp Fatteh 以香煎大蝦、松子、乳酪同烤芝麻扁麵包製成，蝦肉大隻爽彈，煎得幾香，扁麵包香脆，配上乳酪醬，味道好夾，層次幾豐富，個人好鍾意呢個開胃菜。 🍴Maison Du Mezze Ultimate Mix Grill Mix Grill大大盤，有烤雞肉串、羊肉串、雞肉卷、羊肉卷同羊肉餅，肉串同肉卷烤到表面焦脆，火候掌握得幾好，肉質唔乾，幾香炭燒味同香料味道，沾上附有既香草乳酪醬，酸酸地，食落冇咁漏。羊肉餅表面微脆，裏面包住咗軟腍既免治羊肉，幾有特色。 🍴Passionfruit Yakult 百香果果醬配上益力多調製而成嘅mocktail，賣相幾靚，酸甜清新，仲食到一粒粒嘅百香果籽。 🍴Tea Collins 由新鮮百里香、伯爵茶、Gin、蜜糖同柑橘調製而成嘅cocktail，茶味清香，輕微酸甜，幾易入口

位於太古嘅黑熊主題Cafe，環境充滿木系元素，俾人一種好舒適嘅感覺💁🏻‍♀️ 食物款式方面，有沙律、意粉、定食、多款甜品🍰同飲品等等。 🍴照燒牛肉定食($88) 牛肉肥瘦適中，有牛香，照燒汁甜甜鹹鹹夠入味，洋蔥爽脆🧅好送飯🍚定食另外配有麵豉湯同埋配菜，配菜係醃製小銀魚同合桃，幾有風味👅 🍴黑松露醬本菇螺絲粉($88) 螺絲粉口感煙韌掛汁，黑松露忌廉醬味道濃郁👄配上鹹香嘅芝士🧀️味道唔錯。 🍴黑熊芭菲($88) 黑熊芭菲喺呢度嘅signature甜品，賣相吸引，咖啡軟雪糕香濃軟滑👅配料亦有焦糖餅、咖啡凍、蛋糕同粟米片，口感豐富👍🏻 🍴香蕉香桃乳酪芭菲($88) 乳酪雪糕酸酸甜甜，配上香桃、香蕉🍌藍莓🫐堅果同粟米片，有層次感，味道幾清爽~ 🍴斑蘭拿鐵($45) 斑蘭味幾濃郁，甜度適中👌🏻 🍴朱古力鮮奶咖啡($48) 咖啡味比朱古力味較為突出，咖啡幾香濃☕️

楚撚記平時就食得多，第一次試吓佢嘅姊妹店-餃撚店👯‍♀️主打多款口味嘅特色手工餃🥟整體質素唔錯☺️ 🍴十全肉骨茶小籠包($36) 見湯汁係肉骨茶幾特別，於是叫黎試吓😆小籠包皮薄煙靭，肉骨茶味道濃郁👅肉餡鮮甜，充滿星馬感覺😋 🍴小心爆汁牛肉煎餅($38/2件) 煎餅外皮金黃香脆，一咬開超多汁💦牛味濃，啖啖肉好滿足😆 🍴椰香荔芋臘腸香菇餃($29/4隻) 椰漿混合芋頭整成芋泥，芋泥口感棉密👄加入鹹香嘅臘腸同爽口嘅冬菇，味道幾夾👍🏻係一度有創意又好味既煎餃👐🏻充滿香港特色🥰 🍴黑椒洋蔥牛肉餃($29/4隻) 牛肉味道濃郁👅好香黑椒味，帶有洋蔥既甜味🧅個人最鍾意呢款❤️ 🍴鎮店韭菜豬肉餃($48/8隻) 湯餃餡料飽滿，韭菜香甜多汁💦豬肉餡新鮮。湯餃配上大地魚湯，清清地幾順喉👄係一個唔錯嘅選擇👍🏻 🍴杞子龍眼菊花蜜($20) 幾足料，菊花味濃😚清甜解渴~