海鍋手工涮涮鍋 (已結業)

見今日尖沙咀冇之前咁危險，練完拳之後就放心行去打個邊爐。沿路唔知係咪唔小心中咗二噁英嘅毒害，個頭開始赤，正好高溫逼毒有得自配醬料，當然落吓蒜呀蔥呀咁啦，殺菌嘛打邊爐竟然有得茗茶，大胃揀咗香片，唔知下唔下火呢，不過應該消滯嘅248套餐包好多靚海鮮喎，蜆、桶蠔、鯇片，甚至鮑魚，而且啲蝦仲識郁，好新鮮咁黑毛豬食落同肥牛一樣正手切肥牛入口即溶花膠沈晒底，都係等佢滾先豬頸肉厚厚地好有肉地菜都好新鮮，烚極都係綠套餐仲可以揀10樣配料咁長嘅響鈴真係未見過食晒啲嘢，花膠都未清完，食極仲有，十足五餅二魚咁

今次打邊爐無照舊，而係揀咗新餐廳，呢間火鍋就唔係放題嚟嘅，佢有分兩個火鍋set，湯底同海鮮有啲唔同，我啲就揀咗有龍蝦個set，之後湯底就揀咗胡椒豬肚海蜆鍋。一到冬天我就對胡椒湯底非常著迷。湯底調味唔錯，唔會太咸，有胡椒麻香之外又會有啲鮮甜味，幾正。火鍋set會有一份海鮮拼盤，見到我地都哇一聲，大大隻鮑魚，厚肉嘅龍蝦，仲有肥美嘅桶蠔，認真豐富。我地仲可以揀十款配料，我地揀咗雪花肥牛，紫菜墨魚丸，農場鮮雞件，手打蝦丸，特級長蟹柳，爵士丸，蜂巢豆腐……我地都幾中意食紫菜墨魚丸同蜂巢豆腐，手打蝦丸都唔錯，一開始真係想加50任食，不過食到最後我地都好飽啦。配料都唔係馬虎，質素都唔錯架，新鮮得嚟都多選擇。最重要係呢度環境坐得舒適啊，去打邊爐就驚就係迫噶啦，呢度完全就唔會有咁嘅感覺。

The food here is just ok but super super slow! The all u can eat is two hours, and I got no food in the first hour except for one dish. Very very disappointed and unhappy! I usually don’t give bad comments but I’m actually super pissed by their service speed and just don’t come here plz!

阿媽話阿姨打俾佢約食飯，去食私房菜。但係佢地掛住傾計又無講detail，淨係知道去尖沙咀，都唔知道食乜菜式。阿姨俾咗地址就發現其實都好方便就腳，一程巴士就到啦。入去餐廳見到好多人喺度打邊爐，仲多人過食私房菜，相信火鍋水平都會唔錯，有機會都想去試下。見到其他人有一大盤海鮮，望到都好開心呀。私房菜個餐都有好多野食，前菜有4小碟，以涼菜作主打，都好開胃。宮保蝦球好惹味，呢個好好食，絕對推介。金華玉樹雞係手工菜，全隻雞拆骨，夾住金華火腿，清淡得來又味道甘香。豉汁蒸龍躉腩蒸得啱啱好，口感彈牙，我唔太喜歡食帶骨嘅食物都食咗幾舊。整體水準好好，不過下次都係想試打邊爐先再食私房菜。

我地成班朋友不嬲都鐘意打邊爐，近年越來越多手工火鍋，想食高質少少既火鍋自然多左好多選擇今次黎到海鍋手工涮涮鍋佢地既地點好方便，就正正係金馬偏道口，仲有大大個招牌，都非常易搵餐廳大部份座位係卡位，同埋本身環境就好闊落，感覺確實唔錯佢地分兩種套餐價錢~分別係$248同$308每位包一位主菜，主要係以海鮮火鍋料為主~另外再揀10款配料~每位加$50仲可以配料無限追加$248既主菜包括有游水海蝦、鮮鮑魚、沙白蜆、桶蠔、脆鯇片、手切肥牛同埋西班牙黑毛豬而$308既分別就係脆鯇片換成乳龍蝦~睇你自己既口味啦我地就揀左$248個隻~揀埋配料就等開餐啦基本上佢地大部份食物都好高質素特別係海鮮同埋手切肥牛肥牛真係入口即溶，雪花紋理好靚，富有牛味，肉質真係好鮮嫩~真係有d唔夠喉!!海鮮入面既鮑魚同埋海蝦都好新鮮，海蝦好鮮甜彈牙，鮑魚佢預先界左花，咁就可以快啲熟食哂咁靚既手切牛之後成班人都意猶未盡...好彩任食配料入面有雪花肥牛，質素都唔會好差，食得過!!我地成班人翻叫左好多轉!!

值得一食嘅海鮮鍋😍通常去尖沙咀都係食米線秋意起，當然吾會放過打邊爐啦😎.呢間火鍋店一到夜晚經常FULL BOOKING今日終於可以BOOK到🤣.火鍋店座位寬敞，吾會有壓迫感，不錯！.有好多款火鍋配料可以揀架👍.醬料都有九款🙆‍♀️同朋友揀咗最值得試嘅花膠濃雞湯底💕鍋底係有半隻雞架！湯係奶白色，湯頭勁濃郁呢😋好味到，最後我地仲食埋隻雞肶添🙈雞肶吸收哂湯頭嘅精華，入味又嫩滑！.點完湯底本來都配咗一大碟配料如海鮮、豬肉、牛肉、蔬菜之後仲可以再揀多10碟配料全部為2人份量，真係超級豐富👍🏻當然，人多就會比多D架😎我地揀咗黑松露丸、豬面肉肥牛、幾碟蔬菜等等本來都驚吾夠飽但最後反而會食到好飽，幾乎食吾哂咁滯添🙈.最值得一讚係海鮮食得出好新鮮👍特別係龍蝦！肉質嫩滑又彈牙，仲有膏添，超正🥰.朋友眼利，見到有火鍋店做緊推廣LIKE餐廳某社交平台可以任飲野飲添😈真係冇理由吾LIKE下啦😜.飲品方面，我地點左菊花茶下下火之餘，仲卡路里仲吾會爆標添😂

秋意濃，實是打邊爐的好日子。任食火鍋只吃飽而不吃好實在滿足不了我，必須搵間靚料靚湯底打邊爐既地方來滿足一下五臟廟。上網搵到呢間叫海鍋既手工涮涮鍋，由東海飲食集團的前行政總廚打理，仲有個好似好正既花膠湯底！即刻訂左枱試下。入到餐廳，餐廳環境闊絡，乾淨企理，絕對有大酒樓既格調。見客應酬揀呢到都絕對不失禮。餐牌有兩個自選火鍋套餐，價錢相差$60，海鮮同湯底都有少少唔同。我地揀左$248套餐，like 某社交平台同share post仲有任飲自家製飲料同埋85折!! 湯底就叫左濃湯花膠鍋，包一個海鮮拼盤同十樣自選配料。好快野食就上左黎，有海鮮併盤，大大隻鮑魚同蠔！！仲有游水生蝦、魚片、沙白蜆等等，仲有手切肥牛同埋黑毛豬。鮑魚同埋蠔都好大隻好滿足。個蝦值得一提，好新鮮好爽口好鮮甜！估唔到咁好食，其他海鮮同埋肉都好新鮮好好食，絕對係靚料！另外可以自選十樣配料，之前上網睇已經見到人地話響鈴特別正特別大，於是專程叫左一份響鈴。另外其他配料例如手打魚滑同埋丸都好出色，真係好新鮮。通常另外叫散叫既配料都未必會好食，可能會求其拎雪櫃冰鮮貨出黎。但呢到我揀既自選既十樣配料，全部都好好食！出面單點食應該每樣都收

We came to this restaurant for our company’s dinner gathering. It was organized by the HR dept. and they chose this place. The décor was nice and the seats were comfortable, overall the environment gave a high-end impression. This restaurant usually serves hotpot which is extremely popular in HK. But we had something different that night. It was sort of like an Omakase Chinese meal created by the chef. We were excited to see what kind of dishes the chef has in line for us.The menu they served wa

朋友早幾日係加拿大返黎香港~佢話勁掛住港式火鍋喎~咁梗係帶佢去食飽啦原來餐廳係加拿芬道恆生銀行對面，好易就搵到火鍋生料有成四五十種揀....朋友見到真係勁開心，佢話係加拿大打邊爐根本無啖好食點下點下都叫左十幾碟野...即刻撳住朋友叫佢停一停手，廢事浪費食物，唔想做大嘥鬼首先餐廳會送上一盤主打既火鍋料先，入面有生蝦、鮑魚、黑毛豬肉、手切肥牛、脆鯇片、桶蠔、沙白蜆D海鮮望落都幾靚仔~~另外仲叫左長蟹柳、粟米、手打丸、水餃等等...等到個湯底一滾起，朋友已經急不及待夾幾片手切牛落去滾，佢仲一路食一路話正仲有d鮑魚、手打丸、蟹柳....蟹柳真係勁長，我都好少見黑毛豬肉都好好食，肉質鬆軟，真心覺得好正其他手打丸、水餃都好好食！真係食得勁開心

由於公公70大壽，阿媽就Book咗呢間私房菜。我最早到，一開始以為自己行錯地方，因為呢度似係打邊爐多啲，但職員同我講呢度有得打邊爐都有得食私房菜。我問阿媽點解今次要揀呢間私房菜而唔去酒樓食，阿媽居然講話酒樓食好悶架，呢間啲菜式特別啲啊嘛。估唔到宜家啲長輩都追求新潮啦。等咗一陣人齊就開始食嘢啦， 蝦球煎薯餅香脆可口，蒸龍躉肉質滑嫩，鮑魚扣豬手都煮的好好，豬手軟熟彈牙，鮑魚鮮甜。大家都讚不絕口嘅餸係金華玉樹雞，火腿嘅鹹香搭配白切雞嘅滑嫩口感，一齊食真係好夾。食酒樓啲餸好快上齊，呢間就係一樣一樣上，好似食緊西餐咁。咁樣可以保持到食物嘅溫度，食到最佳嘅口感，我特別欣賞呢一點。

好友聚舊，話想打邊爐。識咗佢咁耐都估到佢係想食麻辣鍋架啦，不過就唔知佢想去邊區食或者食邊間啦。佢話放咗工要出去尖沙咀買D嘢，話最好揀番尖沙咀嘅餐廳，咁就無使趕嚟趕去。我哋最尾決定試下呢間，因為上網都見到有幾多好評。入到去見環境都唔錯，裝修精緻而座位唔迫，安排咗我哋坐卡位，咁就可以食得舒舒服服啦。湯底當然係點了麻辣鍋，其他包括打邊爐一定要食嘅牛肉、響鈴、唐生菜、墨魚丸、蟹柳、粟米等... 自己混好醬之後等個鍋熱咗就可以食啦。手切肥牛鮮嫩，牛味算濃郁，配合麻辣鍋好好食，雖然個鍋紅當當好似好辣咁。麻辣味道好足，夠晒刺激。響鈴必點，大大條超長，推介，不過索晒湯好辣~價錢唔算全城最平，但係材料全部都好新鮮，質量好，絕對係食得過。

<好味打邊爐海鍋>🔥呢間喺 tst既打邊爐 環境舒服 有卡位 有房有圓枱 主打唔同 set既打邊爐 食物質素高 好啱成班朋友打邊爐飲下野👍🏻🍴288 蚊邊爐餐呢個邊爐餐做緊promote每位248 蚊 湯底三選一 點左🍴濃湯花膠鍋花膠鍋有勁多花膠 一開始帶 d煙靭 煮耐 d就好軟林 正 湯底個味應該帶有 d豬骨香味🐖仲有 d粟米令到湯底更香甜🌽 要黎打邊爐正2. 餐包埋既海鮮都好正 有新鮮既沙白蜆 大大隻既桶蠔 新鮮蠔煮極都唔會變細，鮮甜既游水生蝦🦐 彈牙既鮮鮑魚😍3, 肉既手切肥牛 肥瘦適中 🐂 好有咬口同 juicy 仲有西班牙黑毛豬肉片 佢個豬肉對於其它豬黎講少 d脂肪 肉味香濃🐖4. 此外 仲可以喺 list度點十款食物 每一樣都係新鮮 質素唔錯 我就點左🍴脆鯇片 彈牙新鮮魚味濃🍴雪花肥牛 好有咬口 🍴農場鮮雞件 🐤新鮮嫩滑🍴金菇菜 🍴粟米🌽🍴山水豆腐 夠軟林🍴特級長蟹柳 夠鮮甜🦀🍴鮮豬肚🍴鵝腸 以餐 set黎講好肥牛美😍🍴爽口鮮魷魚🦑另外 森寶啤酒 汽水 冬瓜茶 果汁涼茶都飲飲 夠哂抵👍🏻#海鮮 #打邊爐 #火鍋 #放題 #手切牛 #花膠 #肥牛 #桶蠔Sc

今日同男朋友出尖沙咀行街，然後佢帶我黎「海鍋手工涮涮鍋」。早前網上睇到餐廳既宣傳片好吸引，好想試。估唔到男友咁有記性記住，仲醒目地訂左位，抵讚！ 餐廳位於加拿芬道金輝大廈2樓，地段方便。 餐廳環境闊絡，乾淨企理，招呼親切，坐得舒適。-套餐有兩個價錢，$248/$308。我們想食龍蝦🦞，所以點了$308套餐。而且還有85折，like&share 餐廳Facebook 仲有任飲優惠（啤酒🍻汽水、自家製冬瓜茶等），真心抵！-湯底有四款選擇：濃湯花膠雞鍋、沙嗲鍋、胡椒豬肚海蜆鍋、四川麻辣鴨血鍋。一向超鍾意花膠既我，當然選擇花膠雞鍋！原隻蒸雞，附上超級大量厚花膠，食極都仲有😂。滾起後嘗一口，鮮甜不過！入口醇而不膩，花膠厚度剛好，柔中帶韌每口盡是膠質，吃得過癮。雞肉質嫩滑，猶如燉湯般，感覺滋補養顏。 -主菜「乳龍蝦🦞、鮮鮑魚、桶蠔、生蝦、沙白蜆、手切肥牛、西班牙黑毛豬」 冰盤上的海鮮十分新鮮生猛最愛龍蝦🦞！超級有份量及重秤！肉質雪白彈牙, 無比鮮嫩。-肥牛及黑毛豬雪花紋理分佈平均，口感柔韌鬆化，肉味濃。-鮮鮑魚及桶蠔也值得一讚！同樣是珍寶size 及相當鮮甜。-配料有50多款，可選十款：香菇貢丸、

第一次來到這間私房菜, 一嚟就是頭盤有雞翼 ， 墨魚， 自製的醃蘿蔔 。最使我印象深刻的就是墨魚 ，因為墨魚切到正方形， 而當中帶有麻辣 ，刺激味蕾之餘也增加了我胃口 。蘿蔔方面師傅做到酸酸甜甜， 好特別。 之後到了主菜 ，金華火腿雞 ，鹹鹹的金華火腿中包著白切雞， 白切雞是去骨， 只剩下肉， 而從雞肉之中也看出師傅的刀工非常了得， 第二道主菜是龍躉， 這條龍躉不是我們平時喜宴食到的哪種 ，而是野生大條的龍躉， 肉質非常結實。 小菜中我最印象深刻的就是凍烏冬 ，凍烏冬的醬油味道非常淡帶一點甜味， 而最特別的 ，他有一隻半生熟的鵪鶉蛋要自己加入在醬油之中， 味道新鮮。 最後因爲這天是外父的生日， 我們也特別叫了壽包 ，壽包方面十分巨型 ，是蓮蓉包， 中間有一隻蛋黃，咬開壽包 時濃濃的蛋黃醬就流出了， 這個壽包也是普通地方食不到的。 值得一讚的就是餐廳的服務 ，服務員不停來回穿梭我們這一台 ， 收碟 ， 清理廚餘， 上菜， 而上菜方面 ，是一碟一碟慢慢上， 等我們食完一碟 到一碟， 而不是像普通的茶樓一次過上齊， 所以食物同服務我都非常之滿意

家庭聚會去左食海鍋手工涮涮鍋，佢地有得打邊爐同私房菜，而我地就係試佢地嘅私房菜，真係好好食佢地好快send左個菜單比我地，因為有家人食素，所以佢地都好好咁安排左好多素食比我地，款式都幾特別。我好中意佢地自己醃製既蘿蔔，唔酸，勁爽口，非常開胃。個西芹都好清爽，本人對西芹麻麻都有encore個雞翼雖然叫酒燒雞翼，不過無酒味，佢加左小小蜜糖，甜甜地，一下子就比啲小朋友清晒! 個豆腐唔好睇佢無咩特別，個豆腐真係滑到無朋友，一口咬落去就好似啫喱咁係口度溶左。我無諗過可以用juicy來形容舊豆腐。個龍躉蒸到岩岩好，用豉汁蒸簡直無得輸啲魚皮充滿骨膠原，每一啖咬落去都彈下彈下。2隻蟹好大隻，蟹肉勁juicy，有好香既花雕酒既味道。老闆非常用心，隻雞係拆晒啲骨係老闆對我地既愛呀每件雞仲夾住片金華火腿，雞同金華火腿香味非常夾我地加左個荷葉飯，非常入味，非常香，已經食到飽飽地都忍唔住食左一細碗。而最尾佢地黎左個涼伴麵簡直係cool down返個胃，涼涼地，清清地，口感十足。最後甜品有紅蓮燉桃膠同壽桃包。個桃膠我中意佢唔太甜，非常好。放低啲壽包個時嚇左一跳，佢好似我隻手咁大個!裡面仲有原隻蛋黃下次有機會一定會