海鍋手工涮涮鍋 (已結業)

阿媽話阿姨打俾佢約食飯，去食私房菜。但係佢地掛住傾計又無講detail，淨係知道去尖沙咀，都唔知道食乜菜式。阿姨俾咗地址就發現其實都好方便就腳，一程巴士就到啦。入去餐廳見到好多人喺度打邊爐，仲多人過食私房菜，相信火鍋水平都會唔錯，有機會都想去試下。見到其他人有一大盤海鮮，望到都好開心呀。私房菜個餐都有好多野食，前菜有4小碟，以涼菜作主打，都好開胃。宮保蝦球好惹味，呢個好好食，絕對推介。金華玉樹雞係手工菜，全隻雞拆骨，夾住金華火腿，清淡得來又味道甘香。豉汁蒸龍躉腩蒸得啱啱好，口感彈牙，我唔太喜歡食帶骨嘅食物都食咗幾舊。整體水準好好，不過下次都係想試打邊爐先再食私房菜。