海鍋手工涮涮鍋 (已結業)

星期六同同事去尖沙咀食火鍋，見到任食花膠 確實令我成日坐係辦公室嘅白領心動。依間野叫，係樓上舖，環境裝修不錯，唔會地面油立立咁！燈光幾光，吸油煙通風都算合格。因為我好怕未入門口，油煙火鍋味搞到成身都係。坐低就叫左個海鮮盤夠搶鏡夠新鮮，碟手切牛好好食！好食係好食不過得個一碟都五夠飽，真是又貴又五飽。自調醬油是開餐前例行公事，海鍋持有蔥花、芫荽、生蒜、炸蒜、麻醬、沙爹醬、鮮椒辣和XO 醬等九款調味配料。都過夠嘴癮不過五係几飽。

合共我五個人晚宴，因為無細睇過收費內容，以為係任食任叫，但坐低後，大家才知道每人收費$298，只可以揀10種配料，真係感覺中伏，多種火鍋料裏面只可以楝10樣， 否則就加＄38一款， 仲要限定全枱都係同款棟10款，好彩質素係有保證，樣樣都是新鮮的，花膠雞湯火鍋冇得輸，雖然唔係啲好貴嘅花膠質素，不過勝在爽脆，份量又夠食，但半隻雞真係冇人有興趣食，值得一提，銀鈴好好味，未見過咁大件，一次過提供海鮮盤，有龍蝦，鮑魚，Like Facebook and share 會無限送冬瓜茶及菊花茶，我本人不會有下次！ 都唔會介紹別人！

今次已經係第五次黎海鍋打邊爐✌🏻，真心喜歡佢呢度嘅花膠湯底，有好多花膠，雖然價錢比起出面一般嘅任食貴少少，但環境都幾舒服乾淨，職員都算有禮貌，而且食物係重質不重量，每樣係會跟人數出比你，但食過嘅全部都好好味，睇得出每種食物都花過心機去做。我推介炸響鈴😋每條都長過隻手掌，而且好新鮮，絕對無油益味，我每次都必點😂另外手切肥牛同海鮮都係新鮮同好有牛味🤤總括而言，我有介紹朋友去食，佢地都話值得再去，我下次都一定會再幫襯！😁

六點黎到，見到關左門，望入去見到有個男員工，同佢揮一揮手想佢開門，但無乜理我地跟住上網查下，以為記錯時間，但網上寫住開5點架喎，之後呆等左一陣，仍然仲未開門，我再揮一揮手，個男員工同個女員工講野，之後女員工先開門，我問係咪仲未開鋪，跟住好似好唔肯定甘跟住我話唔係開五點嗎，跟住先話，開左啦，幾位古古怪怪之後安排左卡位給我們，位置都OK冷氣仲幾足夠！叫左個$229既花膠雞鍋，還讚好分享專頁就可以任飲汽水，菊花涼茶之類。汽水好夠凍的花膠雞鍋黎到，好多大大舊既花膠係鍋入面了，味道還可以既不過我都係比較鐘意藥材或濃味些既湯底多D呢個花膠雞湯唔算好吸到味都係靠醬料來調味吧海鮮盤望落去就唔太吸引，不過海鮮的確好新鮮，每一樣都好有鮮味之後問職員果十款野係咪即係一人一粒職員話係甘我地想加$38蚊轉任叫吧，不過叫我地點左呢十樣先，之後黎完都有叫職員幫我地轉啦，講真得果幾樣野，點夠滿足呀食得黎到了，果然蝦丸兩粒，蟹柳兩條哈哈，好好笑食左炸魚皮，嘩，仲熱辣辣架超薄超脆口好味呀響鈴超長，又係脆卜卜，呢個即食已經好好味了芝士腸正常好味果隻，墨魚滑蝦丸就一般了，麻麻肥牛就幾好味，叫左幾次不過張任食紙都唔算多款，聽到

過左幾個月又再約d同事上去食私房菜，菜單照舊揾陳總攪，結果一樣係無失準😋，食物同服務一樣keep 到。上次同陳總講過話d牛腩吾夠淋，佢話下次補番比我，今次我都無提過牛腩事件，佢都記得補番碟比我，真係好記性同吾話得👍。

唔係個個人都食得辣！ 火鍋都唔一定辣先好食嘅！ 星期五Happy Friday，同同事去尖沙咀食火鍋，見到「任食花膠 」確實令我成日坐係office 嘅OL 心動。 依間野叫: 係樓上舖，環境裝修不錯，唔會地面油立立咁！ 燈光幾光，吸油煙通風都算合格。 因為我好怕未入門口，油煙火鍋味搞到成身都係。 我見它們有兩個價， 個人見到隔離桌啲海鮮好新鮮，我們就叫咗個貴D 嘅$289 一位嘅火鍋。 不過要留意， 唔係289每位任食點餐紙嘅野，只係任食花膠姐，你可以係點餐紙點10款野食。 如果你食完咁多款都未夠飽，可以on top 每位加$38 就可以任食點餐紙嘅火鍋料果日我三個女同事(包含我) 食曬10款火鍋料加海鮮，已經飽到叫救命， 加上花膠任食，好易有飽肚感。 所以我認為你們下次去可以食曬已包俾你嘅餐料，先再考慮加唔加$38每位任食配料嘅service ! 加上你們like 他Facebook 已經可以指定飲品任飲，唔使再加錢。 入返正題先正宗花膠雞鍋， 內裹有半隻雞 ,雞肉好嫩花膠好大塊（平均每塊都差不多大小） 難怪我咁快飽海鮮真心鮮，值得推薦給你地龍蝦肉好實長過我手掌嘅蟹柳同響嚀牛肉算是

朋友聚會一行9人，朋友揀既話有質數既任食，每人$289, 包一次性既所謂主菜，任飲，花膠湯底，加$38任點其他火煱配料，仲要加$5茶$19介，連加一成$400位！一開始黎既主菜係幾滿意既，海鮮盤夠搶鏡夠新鮮，碟手切牛好好食！但可惜真係得一碟，花膠係出面所謂既花膠邊，識食既人都知係咩料啦，啤酒凈係得象啤，之後任叫既肥牛就差得遠了，有幾隻丸都幾特別，黑松露爵士丸，餃都幾好味，大大隻，炸物都幾好，炸魚皮同響鈴都ok, 響鈴太大舊有d嚇親，但係配料張紙已經無任海鮮了，無蝦脆腩鱔片，海鮮只有頭果盤野。所以主要都係食海鮮盤同手切牛，成400蚊，環境裝修又普通，洗唔洗揀呢間食就見人見致，如果凈係$298加一既我都覺合理d, 又要加呢樣果樣，我地9個人吹左好耐水，後尾我地想要多半打啤酒，阿姐話過左2個鐘任飲完左啦，要俾錢，俾咪俾羅，我地大圍除番姐。

已經第三次食，每次都花膠湯底無得輸，所有海鮮堅新鮮，係鮮甜！落本本地龍蝦，貝殼類好甜，蝦丸好彈好有蝦味，墨汁墨丸都好彈，油炸鬼，響玲必食，鬆脆，侍應態度都不錯，一叫即應！！會再去

上次老婆生日一家三人上去打邊爐，嗰陣見到個場及食物、服務都幾好，八咗一吓個場環境，唸住同d同事上黎敍會食飯。總廚陳先生好有耐心及禮貌介紹環境，重話可以打麻雀和有私房菜可以響房食添，自攜酒免收開瓶費，即刻二話不說約埋d同事15人上去試菜。菜單係畀價錢陳總寫菜，每款菜都色香味俱全，同事都覺得，除咗個牛腩唔夠淋，事後話番俾陳總知，佢即刻同我講唔好意思，下次補返。侍應服務保持良好水準，下次會再去試其他菜式。

我都係朋友介紹話好先黎食。我覺得料可能真係唔差既，但佢撞正有人搞party，服務真心差到不得了我叫左$238套餐+$38 2小時追加配料， 第一轉叫既海鮮盤+牛係好快就到，但跟果10樣海鮮配料我食左1個鐘都黎唔齊。然後我再加單再加單，無論我叫幾多野佢都係無黎，或者黎得1樣。三催四請先俾住碟牛叫你食住先，最慘既係佢既配料係人頭@1， 叫碟豚肉，佢真係比5塊你！大佬呀你黎等快就話ok啫，最後我7點半坐到8點9佢都黎唔到12樣野食，再食我真係背脊骨落！未試過打邊爐打到要熄爐等野食到！我同經理要講要埋單，佢都先係免返我$38同埋野飲錢。。 咁既服務都敢收我加一，真係喊出黎既然有party 廚房做唔切，咁不如唔好接我呢d細檯booking， 我都係客，都有俾錢咖！

好朋友聚會，當然要沙塵「滾滾」啦，因為星期五嘅關係，好多火鍋店都full曬，阿妹好辛苦搵到呢間仲有位，一於就試下佢因為我收工比其他朋友遲，到步時大家已經到曬，一座底就差唔多有得食 第一碟上嘅就係肥牛，肥牛真係好正，其他嘅都陸陸續續跟著上，最最最要提嘅係佢地嘅響鈴，係佢地現成馬上炸嘅，堅。另外仲有其他海鮮，如鮮蝦（d蝦仲識郁）鮑魚，帶子等等 嘻嘻哈哈，傻傻更更，烚吓烚吓，好快就過咗兩個幾鐘，烚到收到阿囡電話先急急腳沖返屋企

火鍋成為香港人與三五知己、甚至一大班友人和家人飯聚的至愛，已屬不爭事實，然而在香港火鍋食肆中，大致可區分為任食或自選兩大形式運作。農歷年前跟幾位友好友來個火鍋團年，首次體驗任食與自選混合的新模式。這種混合模式可兼容兩大火鍋形式的好處，同時也能滿足大胃王及對食物質素有要求的朋友們，如此這般，相信大家一定有興趣看看我的介紹！ 位於尖沙咀的「海鍋」，用餐環境雅緻，較一般任食火鍋店來得舒適！ 設有數間能容納不同用餐人數的貴賓房，吃火鍋也可以自成一角，像我愛瘋的人便可以瘋得更暢快了，不用擔心搔擾其他食客！ 這邊的圓檯有如飯廳的佈置，空間寛敞、佈置清雅！ 不太愛汽水的我，先選來了自家製的烏梅汁。烏梅汁酸甜味道調得平衡，更是火鍋晚餐開胃消滯的好幫手！ 自調醬油是開餐前例行公事，「海鍋」持有蔥花、芫荽、生蒜、炸蒜、麻醬、沙爹醬、鮮椒辣和XO 醬等九款調味配料。 採用非常多的辣椒，還有適量的生蒜和炸蒜，加上豉油成了我的例牌蘸醬！ 濃湯花膠鍋 好了，何為上述提及的混合式，現在揭曉！「 「海鍋」收費以每位HK$78 或 HK$ 238（兩位起）為基本，另醬料每位 HK$19。包括清湯豆腐鍋、有米粥鍋、四川

上個禮拜老婆大人同老友去海鍋手工涮涮鍋食團年火鍋，難得有得收早梗係二仔底死跟啦！海鍋有火鍋套餐＄238、＄278兩款(兩位起)可以揀，我哋揀左豐富D的＄278套餐！套餐仲有七款湯揀，有香、有辣、有清仲有惹味，不過我哋最後加$58升級食滋補濃湯花膠鍋，D花膠真係好大件幾個女人開心到呱呱叫！套餐有主菜同配料兩Part先黎5人份量的主菜海鮮拼盤，內有乳龍蝦、美國生蠔、帶子皇、胭脂蚌、大連鮮鮑魚、刀貝蜆，隻龍蝦仲郁郁摃架！龍蝦食落夠彈牙又肉甜，仲有胭脂蚌都勁甜，不過都唔夠男士恩物美國生蠔咁鬼C鮮甜，仲要牛龜咁大隻！跟住有主菜兩碟肉類一碟係手切肥牛，肉地幾嫩滑可以食多一碟嘻嘻！另一碟西班牙黑毛豬肉片最合唔食牛老婆大人啦！之後到自選10款配料，松露爵士丸這粒丸包含了豬肉、午餐肉及松露嘩好鬼特別喎！另一款黑椒牛肉丸都幾有肉香唔錯呀！鵝腸呢家嘢鍾意佢就當神，唔鍾意就眼尾都望一眼，我當然係當佢神啦！鵝腸黐住勁多肥膏好魔鬼！食落鵝腸好脆口，不過食味可以才濃DD！梗要叫D飽肚嘢好似韭菜餃同埋原隻鮮蝦雲吞，韭菜餃都夠香但我就鍾意鮮蝦雲吞多D，大蝦好彈口勁鮮味最重要唔覺漏正呀~炸魚皮都脆卜卜又香口，炸響鈴即炸即

雞年最後聚餐當然跟最親密的好友共享，天氣乍暖還寒的最好還是吃四季都宜的火鍋吧！今次選到海鍋手工涮涮鍋是因為上一趟跟劉總來試過，確是用料新鮮好質素而且價錢超值非常，今次再來吃還是滿意非常呢！！ 場內有不少卡位供應坐得挺為舒適，而且更貼心附設Wi-Fi及USB充電制，追趕得上潮流步伐！ 海鍋的火鍋供應的是套餐，有＄238、＄278兩款(兩位起)，貪吃的我們當然揀有7款可選的湯底、8款主菜、及10款配料的＄278套餐啦！ 吃火鍋指定動作先混醬是常識吧，9款醬料香、辣齊備，個人愛蒜蓉、青蔥及辣椒再加少許XO醬已夠美味！ 方才透露過火鍋套餐有七款湯底選擇，包括有清湯豆腐鍋、有米粥鍋、四川麻辣鍋、番茄湯鍋、檳城喇沙湯鍋、沙爹湯鍋及酸辣湯鍋，但見原價$168的滋補濃湯花膠鍋現在只須額外加$58便可享用到，既是團年火鍋一於吃豪氣點吧！大家看那碟花膠真是值回票價的，另外濃湯內有有不少大蔥及粟米盡是清甜又滋潤喔！ 隨著湯底來是主菜的來臨，這兒是5人份量的海鮮拼盤，內有乳龍蝦、美國生蠔、帶子皇、胭脂蚌、大連鮮鮑魚、刀貝蜆全部新鮮到不行，大家話是否很抵吃呢？ 乳龍蝦下鍋時還在蠕動真是罪過！罪過！ 懺悔過後

初三大吉！今日是赤口，據中國傳統所指，初三人人易嘈交，所以絕對不適合拜年探訪，以免傷和氣；除了祝大家一團和氣、和氣生財，也分享一處人少少也適合去「滾」的地方，就是尖沙咀 海鍋手工涮涮鍋 Ocean Hot-Pot。 雖然地址標明加拿芬道，但餐廳入口位於金馬倫道，離港鐵很近十分方便。店內環境及抽風不錯，設有多個廂房，又有每位$238／278（兩位起）的海鮮＋肥牛＋十款自選配料套餐，即使兩口子到訪也可以至少品嚐17款火鍋美食，成功吸引我們一班滾友到訪～ 原本只是四丁友開餐，後來突然車爸爸也能到訪，當然份外高興～食物方面也會根據人頭調節，確保每人至少可以吃到一份所點美食。 $238／$278的火鍋收費並未包括醬油每位$19及加一，不過其實醬油區中有美味足料的XO醬，豪氣多筆兩匙，已經可以回本了！ 火鍋套餐已包七款湯底可選，如清湯豆腐鍋、有米粥鍋、四川麻辣鍋、番茄湯鍋、檳城喇沙湯鍋、沙爹湯鍋、酸辣湯鍋；不過我們見店內原價$168的濃湯花膠鍋在做特價，才$58很值得補充一下骨膠原，湯中又有不少清甜粟米更加對胃～ 相差$40，$278的套餐會多了乳龍蝦、美國生蠔以及西班牙黑毛豬肉片；我極度垂