檢舉

味道

環境

服務

衛生

抵食

等候時間

0分鐘 (堂食)

用餐日期

2024-04-18

25

APR 24

嘆茶日

大公館 (荔枝角)

又到開心星期四放假喇喂！晏晝先同朋友嘆個靚茶再同老婆大人一齊去剪頭髮扮靚靚。

0

就喺荔枝角做嘢嘅朋友所以約咗喺好食又方便嘅大公館嘆茶。

0

都唔係第一次嚟不過呢道古色古香嘅裝修又真係幾鬼靚，仲有好多好靚嘅擺件地方靚嘢食都會加分啲。

0

0

0

朋友未到嘆杯靚茶食住個前菜烤麩等，唔好以為餐前小食好hea啊呢個烤麩好入味口感好得㗎。

0

四個人指手畫腳咁叫咗啲點心一齊食！呢個黃椒醬鱈魚餃好好味，不過如果你同我一樣唔食得辣就千祈唔好食面頭嘅黃椒醬，其實個醬先至係靈魂但係辣度實在唔惹少！我都係交俾老婆大人幫我搞掂佢。

0

跟住呢個金瑤菠菜苗龍蝦餃就溫柔好多喇！煙煙韌韌嘅餃皮入面有爽口彈牙嘅龍蝦仲有滑嘟嘟嘅菠菜苗，有鮮味又有菜嘅甜味呢個餃好食喎。

0

不過呢粒黑魚子流心鵪鶉蛋燒賣仲頂癮！燒賣入面有一粒鵪鶉蛋當然唔係以前茶樓實的的嗰啲啦！

0

咬開之後入面係隻流心嘅鵪鶉蛋，食落去除咗有肉香仲有蛋香，加埋黑魚子嘅鹹香呢粒燒賣真係好鬼和味。

0

我兄弟姊妹多細個飲茶想食灌湯餃好難喇！不過有質素嘅灌湯餃而家都唔係周圍食到，大公館呢個瑤柱冬蓉灌湯餃我係有信心嘅。

0

灌湯餃外皮唔會好厚入面除咗冬瓜蓉仲有好鬼鮮味嘅江瑤柱，加埋個清甜上湯呢個灌湯餃我鍾意喎。

0

嚟呢度梗係要食返個樣可愛到不得了嘅黑毛豬咸水角！鹹水角個皮幾香脆入面嘅餡係用黑毛豬肉，食落嗰朕肉味梗係濃香啲。

0

0

飲茶食腸粉是常識吧！我哋就叫咗口感豐富啲嘅龍皇脆米腸粉，又薄又滑嘅腸粉皮包住脆米同埋蝦肉，入口先係滑嘟嘟然後又脆卜卜咁好過癮。

0

0

不過講到今日嘅驚喜肯定係呢條麻辣鴨紅雞絲春卷！諗都冇諗過麻辣鴨紅可以做春卷餡，食落去有小小嘅辣味但又脆卜卜咁，呢個口感同埋味道又真係幾得意喎。

0

0

最後叫咗兩個甜品點心！呢個係金沙冬蓉手袋酥成個手袋仔咁好鬼cute，酥皮入面原來係鹹蛋黃冬瓜蓉，食落鹹鹹甜甜嘅味道都幾吸引㗎喎。

0

0

嚟呢度飲茶金箔懷舊芝麻卷係唔可以唔食嘅！入口又爽又滑仲有勁濃嘅芝麻味真係好鬼正。

0

又到開心星期四放假喇喂！晏晝先同朋友嘆個靚茶再同老婆大人一齊去剪頭髮扮靚靚。 就喺荔枝角做嘢嘅朋友所以約咗喺好食又方便嘅大公館嘆茶。 都唔係第一次嚟不過呢道古色古香嘅裝修又真係幾鬼靚，仲有好多好靚嘅擺件地方靚嘢食都會加分啲。 朋友未到嘆杯靚茶食住個前菜烤麩等，唔好以為餐前小食好hea啊呢個烤麩好入味口感好得㗎。 四個人指手畫腳咁叫咗啲點心一齊食！呢個黃椒醬鱈魚餃好好味，不過如果你同我一樣唔食得辣就千祈唔好食面頭嘅黃椒醬，其實個醬先至係靈魂但係辣度實在唔...

更多

264

推介

3 推介

檢舉

味道

環境

服務

衛生

抵食

等候時間

0分鐘 (堂食)

用餐日期

2024-04-11

23

APR 24

拿玻里嘅味道

Little Napoli (跑馬地)

老婆大人又心郁郁想去跑馬地食pizza ！我一定支持佢因為我都好鍾意食，我地仲約埋成班朋友仔一齊去試多啲款添。

0

餐廳喺跑馬地嘅Little Napoli，今年再下一城攞咗米芝蓮2024嘅榮譽，實至名歸真係恭喜晒老闆呀。

0

0

0

嚟呢度食嘢好正！可以睇住總廚Gavino Pilo整佢嘅拿手薄餅。

0

呢度最正嘅就係呢個巨型石窯爐，佢係用高溫快烤90秒就可以整起勁好食嘅薄餅好快速。

0

喺熱到不得了嘅天氣見到多咗呢個檸檬沙冰，唔使諗即刻整返杯嘆吓先。

0

又酸又香勁解暑嘅檸檬沙冰喺炎炎夏日嘆番杯真係爽到不得了。

0

0

總廚Gavino Pilo係典型嘅意大利靚仔樣，加埋整到咁好食嘅薄餅真係好有魅力。

0

呢個Boschiva入面有巴馬黑毛豬頸肉Coppa、火箭菜、磨菇同埋香草牛至，食落去有好香嘅風乾火腿味，加埋甘甘苦苦嘅火箭菜簡單但係好味，最重要係薄餅邊位煙韌又焦香但中間仲係好軟熟，呢個口感喺出面真係比較難食到。

0

Monaca用咗拿坡里黃番茄秘醬搽喺餅底，上面加咗豬肉腸、阿傑羅拉煙燻水牛芝士同埋羅馬羊奶芝士，食落會有啲煙燻嘅味真係好惹味。

0

如果你同我一樣鍾意邪惡口味嘅呢個新口味Pizza Nerano就啱晒你！佢嘅配搭係黃番茄醬、醃製的意大利青瓜、意大利鮮乳酪、碎Provolone乾酪，仲有好特別嘅風乾豬面頰肉。

0

風乾豬面頰肉好鬼肥美充滿油香！配咗啲酸嘅配料食落又唔會好漏但，呢個新薄餅我超級鍾意希望佢可以繼續賣落去。

0

呢個Vesuviana入面有意大利茴香豬肉腸、西蘭花葉、煙燻Agerola水牛芝士、羅馬羊奶芝士同埋辣椒碎，有菜有肉仲有芝士味道真係好有層次。

0

呢個DIVA深得我老婆大人歡心！除咗有黃番茄醬仲有茄子、意大利燒肉、煙燻水牛芝士、羅馬羊奶芝士同埋羅勒，呢啲食材全部都係佢最鍾意嘅所以佢食咗兩件哈哈。

0

意猶未盡最後仲叫多個DIAVOLA嚟嘆！番茄醬上面係拿玻里莎樂美腸，唔係一片片而係一條條！咁樣食落去口感又好唔同但係我鍾意喎。

0

甜品再食呢個Sfogliatella Riccia乳清芝士酥皮餡餅，整得好鬼酥脆仲有好香嘅肉桂味，我就好鍾意啦不過老婆大人就嘻嘻。

0

0

老婆大人又心郁郁想去跑馬地食pizza ！我一定支持佢因為我都好鍾意食，我地仲約埋成班朋友仔一齊去試多啲款添。 餐廳喺跑馬地嘅Little Napoli，今年再下一城攞咗米芝蓮2024嘅榮譽，實至名歸真係恭喜晒老闆呀。 嚟呢度食嘢好正！可以睇住總廚Gavino Pilo整佢嘅拿手薄餅。 呢度最正嘅就係呢個巨型石窯爐，佢係用高溫快烤90秒就可以整起勁好食嘅薄餅好快速。 喺熱到不得了嘅天氣見到多咗呢個檸檬沙冰，唔使諗即刻整返杯嘆吓先。 又酸又香勁解暑嘅檸檬沙冰喺炎炎夏日嘆番杯...

更多

68

推介

2 推介

檢舉

味道

環境

服務

衛生

抵食

等候時間

0分鐘 (堂食)

用餐日期

2024-04-04

21

APR 24

蒸鮮

倚窗閣 (尖沙咀)

又到同老婆大人、朋友一齊去食大餐嘅好日子！今次我哋去食蒸氣火鍋勁多嘢食飽到一個點呀。

0

我哋今次揀咗去九龍酒店嘅倚窗閣開餐，初初仲以為食自助餐原來佢間咗少少位尊做呢個蒸氣火鍋。

0

0

食呢個蒸氣火鍋套餐可以用$38額外嘆任飲，可以揀紅白酒、啤酒、汽水仲有咖啡同埋茶，咁鬼抵梗係要加錢任飲啦。

0

蒸氣火鍋方面我哋揀咗鱻上鮮套餐！除咗海鮮之外仲有好多嘢食其中一樣就係刺身拼盤，入面有北海道帶子、三文魚、油甘魚同埋紅蝦，全部都好啱我心水尤其係油甘魚夠晒新鮮魚味香濃。

0

跟住仲有蜜汁西班牙黑毛豬叉燒，之前食中菜試過叉燒好唔錯今次又有得食開心到彈起，叉燒一貫整到好腍好香最鍾意佢唔會好甜食多兩件都唔會覺得漏。

0

0

男士們好開心因為有生蠔食嘻嘻！兩隻生蠔分別係愛爾蘭同埋美國貨兩款都好新鮮，講到我鍾意嘅梗係愛爾蘭生蠔啦。

0

食完第一part係時候調個靚醬預備食蒸海鮮，淨係醬汁同埋配料都已經有10幾款，點都搵到自己啱心水配搭喇啩。

0

呢個海鮮拼盤一上枱大家都嘩嘩聲！因為入邊有波士頓龍蝦、扇貝、鮑魚、大顯同埋海蝦，全部都好鬼新鮮，快啲攞去蒸快啲攞去蒸好心急呀。

0

呢個扇貝已經加咗粉絲同埋蒜蓉蒸幾分鐘就食得！鮮甜嘅扇貝配咗濃味嘅蒜蓉醬夠晒重口味點會唔好食呀。

0

0

咋咋臨蒸爆哂膏嘅波士頓龍蝦啦！蒸熟嘅龍蝦殼紅噹噹入面嘅肉就白雪雪顏色好靚，食落去又爽口又彈牙嘅龍蝦肉好鬼鮮甜，食完成口都係鮮味同埋膏嘅甘香正呀喂。

0

0

跟住仲有蜆同埋大蝦呢兩味嘢新鮮就一定好食。

0

0

龍蝦鉗我哋就留返同鮑魚一齊蒸因為時間差唔多嘛！龍蝦鉗啖啖肉梗係好食，鮑魚唔係好大粒不過勝在夠鮮甜都唔錯。

0

鍾意食魚嘅老婆大人見到呢個沙巴龍躉肉已經流晒口水！終於等到蒸佢5分鐘就搞掂好快可以食，龍躉食落去一啲都唔腥仲好有魚香好食喎。

0

0

跟住就輪到我最鍾意嘅牛肉！安格斯牛小排擺到成朵花咁樣好好打卡，唔止樣靚食落好滑溜牛味仲勁香濃添好掂呀。

0

唔食牛嘅老婆大人就有呢個醉雞可以嘆！醉雞幾入味食落真係有陣陣酒香，而且雞肉好有彈性絕對係新鮮雞。

0

0

0

食咗咁多海鮮同肉梗係要整返啲菜平衡吓啦！呢個蔬菜籃有菜有瓜仲有菇好豐富，大家都會搵到自己鍾意食嘅蔬菜就一齊健康吓啦。

0

0

食到呢度我哋仲有個鮮甜嘅湯底唔好嘥要嚟整咗個蠔仔泡飯嘆！肥嘟嘟嘅蠔仔好鮮加上鮮甜到一個點嘅湯底，煮出嚟嘅蠔仔粥實在令我太好味喇。

0

0

喂喂喂未完㗎我哋叫呢個餐仲可以任食自助餐嘅甜品！好多雪糕、蛋糕仲有甜點任攞任食都咪話唔爽，如果想食呢個蒸氣火鍋記得早兩日預訂啊。

0

0

0

又到同老婆大人、朋友一齊去食大餐嘅好日子！今次我哋去食蒸氣火鍋勁多嘢食飽到一個點呀。 我哋今次揀咗去九龍酒店嘅倚窗閣開餐，初初仲以為食自助餐原來佢間咗少少位尊做呢個蒸氣火鍋。 食呢個蒸氣火鍋套餐可以用$38額外嘆任飲，可以揀紅白酒、啤酒、汽水仲有咖啡同埋茶，咁鬼抵梗係要加錢任飲啦。 蒸氣火鍋方面我哋揀咗鱻上鮮套餐！除咗海鮮之外仲有好多嘢食其中一樣就係刺身拼盤，入面有北海道帶子、三文魚、油甘魚同埋紅蝦，全部都好啱我心水尤其係油甘魚夠晒新鮮魚味香濃。 跟住仲有蜜...

更多

163

推介

4 推介

檢舉

味道

環境

服務

衛生

抵食

等候時間

0分鐘 (堂食)

用餐日期

2024-03-03

15

MAR 24

開心禮拜日

木子園 (中環)

呢個禮拜日雖然要返工但係老婆大人就我約咗朋友喺中環一齊食晏，仲要食半自助餐啱晒我呢個過氣黑洞。

2

我哋就係去呢間木子園早兩日食過晚飯見呢度三百幾蚊就食到個半自助早午餐，有點心有片皮鴨有上海嘢仲有川菜，我哋三個人嚟食各自都有鍾意嘅嘢食到啱晒合尺。

0

去到大門口見到呢兩張吊椅啱晒啲靚女喺度打卡，餐廳仲有好正嘅裝飾櫻花樹成個世外桃源咁款靚到唔似食中菜嘅餐廳。

0

0

不過我覺得最正嘅係呢間餐廳有一個標準嘅酒吧，有好正嘅雞尾酒仲有好多其他靚酒飲。

0

我哋今日食呢個半自助餐就可以加$188 喺兩個鐘頭入面任飲紅白酒、意大利氣泡酒、支裝啤酒、汽水同埋果汁，對於我呢啲酒鬼回本容乜易吖。

0

老婆大人唔鍾意甜所以佢就揀咗飲呢個青檸梳打，我偷飲咗一啖真係好香青檸味最緊要夠氣呢杯合格呀。

1

講明半自助餐梗係會有一啲嘢食係自助任攞嘅！呢度擺咗啲冷盤同埋炸點心，全程係不停添加唔使驚想食嘅時候要等。

0

0

細心嘅老婆大人每樣攞咗啲返嚟同我哋一齊食，香口點心有我鍾意嘅叉燒焗餐包，跟住仲有蒜香蝦春卷同埋炸小饅頭，擺喺道都保持到幾熱同埋香脆口感算唔錯。

0

湯就有兩款可以揀辣我梗係鍾意唔辣嘅蟹肉粟米羹多啲啦！不過嗰個素嘅酸辣湯味道都幾唔錯，不過對我嚟講真係辣咗少少囉。

0

呢碟冷盤嘅醉雞夠嫩滑同埋整得好入味，青瓜木耳酸酸地幾開胃，四喜烤麩都整得好夠味唔會太甜太鹹，如果鍾意清新嘅呢個鴨胸沙律有味得來又爽口，頭盤開咗個好靚嘅序幕希望嚟緊嘅點心、北京填鴨同埋主菜都咁正啦。

0

呢個半自助餐相信最吸引肯定係任食嘅北京填鴨，新鮮熱辣出爐嗰浸香氣真係好令人流口水。

0

0

師傅一刀一刀將鴨皮片出嚟呢下係聽到個皮嘅脆聲！跟手夾啲青瓜同埋京蔥攞埋個嬤嬤皮拎返入去一齊食。

0

0

個片皮鴨好香鴨油嘅味道仲要一啲都唔臊勁好食，我哋足捫拎咗咁嘅份量三碟嚟食哈哈。

0

呢道嘅點心有10幾款每次嗌就兩件起跳我哋都差唔多叫晒嚟試！點心嘅質素都幾平均吓算係食得過，咁多款入面我就最鍾意陳皮牛肉球、魚肚四寶雞扎同埋馬拉糕。

0

0

0

0

0

0

0

0

0

食咗頭盤、北京填鴨同埋點心都已經飽咗九成，但呢個話明係半自助餐即係有主菜啦！我哋每人可以揀一款主菜估唔到個份量大得咁誇張，我就醒呀食到咁飽梗係嗌個菜啦，呢個係茶樹菇上湯小豆苗清甜爽口用嚟解滯啱晒。

0

鹹蛋蝦球爽口彈牙加埋甘香嘅鹹蛋黃好邪惡，不過又真係好好味呢個真係要嗌嚟試吓。

0

點都要嗌返個辣菜俾我老婆大人食嘅！呢個公爆雞丁原來都幾鬼辣嗰喎！不過辣得嚟又好香口仲有啲雞粒好滑唔會鞋口唔錯唔錯。

0

甜品有生磨蛋白杏仁茶同埋楊枝甘露可以揀，兩個之間如果要我揀我就會鍾意楊枝甘露多啲，因為食到咁飽酸酸甜甜嘅味道易入口得多。

0

呢個禮拜日雖然要返工但係老婆大人就我約咗朋友喺中環一齊食晏，仲要食半自助餐啱晒我呢個過氣黑洞。 我哋就係去呢間木子園早兩日食過晚飯見呢度三百幾蚊就食到個半自助早午餐，有點心有片皮鴨有上海嘢仲有川菜，我哋三個人嚟食各自都有鍾意嘅嘢食到啱晒合尺。 去到大門口見到呢兩張吊椅啱晒啲靚女喺度打卡，餐廳仲有好正嘅裝飾櫻花樹成個世外桃源咁款靚到唔似食中菜嘅餐廳。 不過我覺得最正嘅係呢間餐廳有一個標準嘅酒吧，有好正嘅雞尾酒仲有好多其他靚酒飲。 我哋今日食呢個半自助餐就可以...

更多

990

推介

3 推介

檢舉

味道

環境

服務

衛生

抵食

等候時間

0分鐘 (堂食)

用餐日期

2024-03-05

17

MAR 24

春天正是補身天

帝京軒 (旺角)

近嚟濕立立真係冇乜胃口！不過諗起之前喺帝京軒食嘅春日菜式，啲餸好清爽仲好滋補添即刻覺得有返啲餓意，我哋食呢個叫做春曉宴總共有七個菜咁多，第一個叫做滋潤、三弄入面有三款唔同嘅前菜擺碟好靚仔。

0

第一樣係超可以代表春天嘅豌豆伴春筍！以為佢好清點知原來用腐乳嚟煮，所以呢個味道係清中帶濃幾得意喎。

0

中間嗰件係海參龍爪菌，炸香咗之後嘅龍爪菌食落有啲脆脆口感菇味都好香我就幾鍾意，件海參整得好煙靭咬落去口感好好，同埋煮得好濃郁入味好好食呀。

0

最後呢個係蔥蒜蘿蔔餅！蘿蔔絲加蝦米同埋蔥蒜喺入面炸成一個小餅，炸到脆卜卜口感好香脆食落去清甜又惹味。

0

跟住嚟呢道菜係鮮淮山銀鈎炒澳洲鮑片！睇落去好似碟小炒王咁不過入面加咗鮮甜嘅澳洲鮑魚，加埋清甜嘅蒜心、淮山同埋鹹香蝦乾香口到不得了。

0

0

鍾意食蝦嘅朋友千祈唔好錯過呢隻白松露汁香焗虎蝦皇！大大隻嘅越南虎蝦新鮮爽口又彈牙，師傅用咗白松露嚟煮個汁香到一個點呀。

0

0

跟住呢一道菜係橄欖油胡椒無骨馬友魚！師傅將馬友魚起成魚柳跟住攞去炸到香噴噴，外面乾身唔油膩入面嘅魚肉好紮實，點埋秘製嘅黃豆醬一齊食仲正斗。

0

0

食到呢度我哋散叫嘅砂鍋蝦頭油乾煸花膠嚟到我哋面前即刻煮，師傅全副武裝將材料逐樣逐樣炒香，然後加入鮮甜蟹肉同埋養顏花膠，呢個時候啲女士們梗係睇到嘩嘩聲啦！

0

0

0

0

呢個花膠加咗蝦頭油同埋蝦籽嚟煮，同平時炆嘅花膠完全唔同食法！花膠食落去好煙韌蟹肉又鮮甜，唔好話女士們連我哋呢啲麻甩佬都覺得充滿骨膠原好正斗。

0

食完花膠就要跳返去春曉宴嘅第五道菜！呢個時候上個貴州竹笙繡球菌菠菜苗超正，竹笙口感爽脆繡球菌菇味香濃，加埋啲滑捋捋嘅上湯菠菜味道好清新，解膩之後又可以繼續擦大餐。

0

0

呢碗係生拆嘅薏仁小米泥鯭粥，不嬲都鍾意食粥嘅我覺得呢碗用薏米同小米嚟煲嘅泥鯭粥都好唔錯，加埋入面有好多鮮甜嘅拆肉泥鯭呢碗粥真心吸引。

0

0

呢個餐嘅甜品有兩款咁多！一個係燕窩蘭香草莓糕另外一個係桑寄生首烏蓮子蛋茶，講個樣梗係個草莓糕吸引啲啦。

0

呢個草莓糕上面擺咗養顏嘅燕窩，中間透明嗰層係用蘭香籽造成嘅啫喱層，下層就係用草莓做嘅糕底層次感好豐富，最緊要係味道好真同埋唔會好甜。

0

呢碗桑寄生首烏蓮子蛋茶個味道其實都好香，入面仲加咗首為啱晒我呢啲麻甩佬食，不過我就唔係好鍾意食熟雞蛋，但係成碗糖水我係覺得好味嘅，

0

呢個餐喺3-6月食得到，喺酒店訂位仲有8折優惠抵食好多㗎。

近嚟濕立立真係冇乜胃口！不過諗起之前喺帝京軒食嘅春日菜式，啲餸好清爽仲好滋補添即刻覺得有返啲餓意，我哋食呢個叫做春曉宴總共有七個菜咁多，第一個叫做滋潤、三弄入面有三款唔同嘅前菜擺碟好靚仔。 第一樣係超可以代表春天嘅豌豆伴春筍！以為佢好清點知原來用腐乳嚟煮，所以呢個味道係清中帶濃幾得意喎。 中間嗰件係海參龍爪菌，炸香咗之後嘅龍爪菌食落有啲脆脆口感菇味都好香我就幾鍾意，件海參整得好煙靭咬落去口感好好，同埋煮得好濃郁入味好好食呀。 最後呢個係蔥蒜蘿蔔餅！蘿蔔絲加蝦米同埋蔥蒜喺...

更多

464

推介

3 推介

檢舉

味道

環境

服務

衛生

抵食

等候時間

0分鐘 (堂食)

用餐日期

2024-02-26

6

MAR 24

拉麵大解放

立体派拉麵 (中環)

老婆大人好鍾意食拉麵我當然奉陪到底！呢日去咗中環立體派食晚餐因為有期間限定拉麵新上場。

0

我都係第一次嚟呢度食拉麵！老婆大人上次食過話好正所以知道有新拉麵即刻捉我食。

0

呢日熱到傻整支黑啤嘆吓先！呢支Coedo Shikkoku黑啤口感好輕味道幾醇唔錯喎。

0

0

睇睇餐牌見到有三款新嘅拉麵，老婆大人全部都想試咁就叫晒佢最多我食多啲囉。

0

呢日仲見到嚟自日本嘅冠軍給拉麵大師林隆臣，可以食到佢親手煮嘅拉麵我哋咁鬼好彩嘅。

0

三款拉麵我哋都叫晒嚟試第一碗嚟到嘅係火炙豚肉担担沾麵，見到三大塊火炙豚肉好鬼吸引加埋個紅卜卜嘅沾汁感覺好惹味。

0

呢個炙燒豚肉係薄切嘅！肥瘦各半食落口唔會覺得好油膩但就好甘香，同平時食厚切嘅叉燒感覺好唔同。

0

呢個紅噹噹嘅沾麵汁除咗有白雞湯仲加咗芝麻醬同埋辣椒油，食落去有香又有辣啱晒我老婆大人嘅口味，最後記得加個豆乳湯落去飲埋個湯呀。

0

雖然我怕辣但係食咗一啖都可以接受，我特別鍾意佢個粗麵因為好有彈性咬口十足。

0

跟住呢碗雞醬油拉麵個樣靚仔到不得了！呢度一碗入面有三款唔同嘅雞叉燒，乜嘢口感都食得到啱晒貪心嘅我。

0

呢個湯底好特別除咗係雞醬油之外佢仲加咗啲貝殼鮮味喺入面，同平時食開嘅雞醬油拉麵味道分別好大！可以一次過食到肉同埋海鮮嘅甜味真係好唔錯。

0

呢碗麵入面有一隻赤心蛋紅噹噹嘅顏色好搶眼，而且食落好入味係正蛋一隻。

0

三款雞叉燒都好正不過我就覺得呢件阿波尾雞胸口感最得意，食落去好嫩滑但又勁有咬口第一次食雞胸有咁嘅感覺唔錯唔錯。

0

最後呢碗明太子豆乳雞白湯拉麵係貪心嘅老婆大人想食，因為佢見到入面有明太子OK身為老公大人嘅我包底就包底啦。

0

奶白色嘅湯底睇落勁濃郁一啖飲落去有黏嘴嘅感覺，如果鍾意重口味嘅朋友一定要試呢碗拉麵。

0

飲完啖湯就將呢個明太子撈入拉麵，加埋入面嘅松露油同岩海藻味道仲會鹹香，不過呢碗拉麵都幾飽肚㗎哈哈。

0

兩個人隊三碗拉麵真係飽到上心口！返到屋企附近要行返15分鐘消化下先得，呢三款拉麵賣到4月30號㗎咋而且每日限量20碗，想食嘅真係要早啲去排隊喇。

0

老婆大人好鍾意食拉麵我當然奉陪到底！呢日去咗中環立體派食晚餐因為有期間限定拉麵新上場。 我都係第一次嚟呢度食拉麵！老婆大人上次食過話好正所以知道有新拉麵即刻捉我食。 呢日熱到傻整支黑啤嘆吓先！呢支Coedo Shikkoku黑啤口感好輕味道幾醇唔錯喎。 睇睇餐牌見到有三款新嘅拉麵，老婆大人全部都想試咁就叫晒佢最多我食多啲囉。 呢日仲見到嚟自日本嘅冠軍給拉麵大師林隆臣，可以食到佢親手煮嘅拉麵我哋咁鬼好彩嘅。 三款拉麵我哋都叫晒嚟試第一碗嚟到嘅係火炙豚肉担担沾麵...

更多

120

推介

3 推介

檢舉

味道

環境

服務

衛生

抵食

等候時間

0分鐘 (堂食)

用餐日期

2024-02-01

20

FEB 24

聞鹿鵜舞

鵜舞 (荔枝角)

又到同朋友飲酒食飯嘅好日子！呢次去食鵜舞食鹿兒島期間限定料理，同朋友試吓新菜式一齊飲返兩杯爽吓。

2

門面好有味道真係好似去咗日本咁！餐廳裡裡外外氣氛都好正仲要價錢唔貴，所以我同老婆大人成日都會約朋友嚟食飯。

0

0

0

呢一餐由健康嘅茶美豚肉金柑沙律出發！肉味香濃嘅茶美豚肉食落幾軟滑唔會鞋口，加埋啲好香嘅金柑呢個沙律勁爽口開胃。

0

然後嚟一份我最鍾意嘅油甘魚刺身！厚切嘅油甘魚好紅潤好有光澤，食落去魚油好香而且味道真係好鬼鮮甜正喎。

0

有刺身唔爭在食埋壽司叫咗呢個爽口嘅鯛王壽司！肉質細緻軟嫩嘅鯛王味道淡雅得嚟好鮮嫩，鍾意溫柔嘅刺身朋友要試呢個。

0

食完刺身壽司開始食啲熱嘢整個泥烏賊天婦羅嘆吓先！墨魚食落去好煙韌彈牙仲幾鮮味添，用嚟做天婦羅口感味道都幾出色。

0

跟住見有呢個甜薯天婦羅梗係要嗌俾老婆大人食啦！又粉又淋嘅香甜番薯要嚟做天婦羅好啱Key喎。

0

呢一個茶美豚鍋味道都好唔錯！入面除咗有肉味香濃嘅茶美豚之外仲有滑捋捋嘅豆腐，跟住仲有大白菜同埋冬菇浸喺個清甜嘅湯底入面，食落真係好舒服好好味感覺仲好健康添。

0

呢個係鹿兒島茶美豚五花腩脆米紫菜卷，紫菜我食唔到不過可以食豚肉五花腩，加咗個特製醬汁味道又另有一番境界幾特別㗎。

0

牛魔王嘅我梗係要叫埋呢個鹿兒島半生熟和牛肋眼嘆吓啦！熟度啱啱好嘅牛肋眼食落去好腍滑牛味都好唔錯，鍾意食和牛嘅朋友可以叫佢嚟試吓。

0

0

最後嘅甜品我哋叫咗呢個亮晶晶嘅水信玄餅！食落去好爽滑嘅水信玄餅配咗香甜嘅黑糖同埋黃豆粉真係好夾，不過食嘅時候小心唔好俾啲黃豆粉濁親呀哈哈。

0

又到同朋友飲酒食飯嘅好日子！呢次去食鵜舞食鹿兒島期間限定料理，同朋友試吓新菜式一齊飲返兩杯爽吓。 門面好有味道真係好似去咗日本咁！餐廳裡裡外外氣氛都好正仲要價錢唔貴，所以我同老婆大人成日都會約朋友嚟食飯。 呢一餐由健康嘅茶美豚肉金柑沙律出發！肉味香濃嘅茶美豚肉食落幾軟滑唔會鞋口，加埋啲好香嘅金柑呢個沙律勁爽口開胃。 然後嚟一份我最鍾意嘅油甘魚刺身！厚切嘅油甘魚好紅潤好有光澤，食落去魚油好香而且味道真係好鬼鮮甜正喎。 有刺身唔爭在食埋壽司叫咗呢個爽口嘅...

更多

59

推介

3 推介

檢舉

味道

環境

服務

衛生

抵食

等候時間

0分鐘 (堂食)

用餐日期

2024-01-25

慶祝紀念

情人節

14

FEB 24

情人節快樂

壽喜燒伊勢熊 (尖沙咀)

今日係情人節我要返工冇辦法同老婆大人慶祝！所以一早就買咗禮物收埋喺屋企送個驚喜俾佢，至於食飯我梗係醒目提早同佢食咗先啦。

0

就係過年前去咗呢間壽喜燒伊勢熊食壽喜燒慶祝，係呀呢期我哋真係好鍾意食壽喜燒哈哈哈。

0

餐廳入面用咗好多竹做裝飾加埋日式嘅裝修係幾有日本feel嘅。

0

呢度位唔多總共得廿零個想食記得要訂位，識食梗係坐吧枱睇住師傅一邊整一路食最過癮啦。

0

如果鍾意密密斟嘅朋友咪揀卡位坐囉，包保冇人騷擾到你哋sweet sweet 。

0

坐底之後師傅為我哋介紹今日要食嘅肉！我呢個牛魔王梗係食A4壽喜燒套餐啦，今日仲要食到兩款唔同嘅牛肉包括係京都姬牛同埋香川橄欖牛，啲油花靚到呢真係見到都已經流口水。

0

老婆大人唔食牛佢就揀咗北海道四元豚壽喜燒套餐！啲豚肉睇落去都好柔潤好肥美喎。

0

呢個咁靚仔嘅師傅就係嚟自日本福岡嘅資深日籍主廚久家弘一先生，佢今日就係會用靚和牛配搭佢嘅獨門醬汁，又睇吓會帶俾我哋乜嘢驚喜先。

0

套餐除咗有靚肉之外仲有野菜，入面都有好多款式啱晒鍾意食菜嘅老婆大人。

0

話明慶祝梗係要整返枝靚酒啦！揀咗呢支初孫魔斬生配純米本辛口，呢個比較辛口同埋味道濃香好啱用嚟配肉飲。

0

每份套餐都會有前菜、茶碗蒸、野菜、味噌湯、漬物、米飯同埋甜品，所以絕對唔使擔心唔夠飽。

0

另外仲會跟咗四款唔同嘅醬料有松露醬、柚子醬、Wasabi同埋辣椒圈，如果你鍾意食多啲唔同嘅口味可以用嚟配肉食。

0

至於前菜都唔hea日式昆布煮就留俾老婆大人！我就最鍾意整得勁入味嘅和牛煮牛蒡，另外嗰碟青瓜雞皮估唔到口感咁過癮。

0

茶碗蒸整得好嫩滑仲有隻大蝦喺入面，原來啲蛋入面仲加咗明太子個味道即刻豐富咗。

0

0

味噌湯唔係我杯茶送埋俾老婆大人飲嘻嘻！

0

食壽喜燒一碗靚嘅米飯絕對唔少得！呢個飯有咬口得嚟好黏咀仲好有米香添。

0

呢個時候主廚開始為我哋煮靚肉！佢先用啲新鮮牛脂起鑊然後落佢嘅獨門醬汁，就可以開始煮北海道嘅四元豚肉。

0

0

然後佢仲會將啲野菜落埋鑊索埋啲肉汁應該會勁好食。

0

老婆大人超好請咗件豚肉我嘆！用又香又甜嘅壽喜燒汁煮成嘅豚肉好有趙口，加埋啲日本蛋嚟食滑嘟嘟幾唔錯。

0

0

0

不過始終我都係牛魔王當然係最期待食主廚煮嘅和牛壽喜燒啦。

0

睇住師傅煮嘅期間就食咗呢個勁好味嘅菜之花！佢係菜心加西蘭花嘅混血兒口感好爽仲好有菜味勁正呀！

0

先嘆咗呢件香川橄欖牛！呢隻食橄欖大嘅牛仔雪花分布平均，咬落去口感好軟嫩又多汁基本上唔使點咬已經喺個口度溶化勁好食。

0

0

呢件係日本牛女京都姬牛！呢條女又係香軟嫩滑嘅朋友牛味仲好香濃食得好舒服。

1

0

食完咁正嘅牛之後仲有個甜品等緊我哋！呢黑芝麻奶凍勁香黑芝麻味而且唔會好甜，就算唔係太鍾意食甜品嘅我都覺得好味，甜甜蜜蜜真係好啱情人節食呀。

0

今日係情人節我要返工冇辦法同老婆大人慶祝！所以一早就買咗禮物收埋喺屋企送個驚喜俾佢，至於食飯我梗係醒目提早同佢食咗先啦。 就係過年前去咗呢間壽喜燒伊勢熊食壽喜燒慶祝，係呀呢期我哋真係好鍾意食壽喜燒哈哈哈。 餐廳入面用咗好多竹做裝飾加埋日式嘅裝修係幾有日本feel嘅。 呢度位唔多總共得廿零個想食記得要訂位，識食梗係坐吧枱睇住師傅一邊整一路食最過癮啦。 如果鍾意密密斟嘅朋友咪揀卡位坐囉，包保冇人騷擾到你哋sweet sweet 。 坐底之後師傅為我哋介紹今日要食嘅肉！我呢個...

更多

159

推介

3 推介

檢舉

味道

環境

服務

衛生

抵食

等候時間

0分鐘 (堂食)

用餐日期

2024-01-22

25

JAN 24

正斗點心

龍逸軒 (尖沙咀)

好耐冇去一盅兩件梗係問吓老婆大人想去邊度食點心，佢就話想去九龍酒店試吓冇問題即刻約埋老友訂位同佢去嘆茶。

0

0

呢日安排喺廳房食坐得好舒服人多就有呢個好處。

0

一坐低梗係開壺靚茶飲食住合桃等齊人，想讚吓呢個XO醬就咁食都幾好味㗎喎。

0

老婆大人同我講呢度嘅蛇羹好出名咁就梗係要嗌碗太史燴蛇羹嚟嘆吓啦！用筷子夾得到嘅絲絲蛇肉一啲腥味都冇，加埋陳皮同爽脆木耳口感更加豐富，配埋啲檸檬葉、白菊花同埋薄脆一齊食仲正斗，今日咁鬼凍真係諗起都想再食。

0

0

0

0

0

跟住我哋嗌嘅商務午市套餐(龍)前菜送到嚟！好有咬口嘅蜜汁叉燒、重口味嘅尖椒皮蛋、鹹鹹香香嘅肴肉同埋香辣脆金磚，幾樣前菜質素都好唔錯有個好開始。

0

0

0

0

跟住係三粒點心晶瑩鮮蝦餃餡料好鬼多又鮮味，蟹籽蒸燒賣食落啖啖肉好有咬口，最後係我至like嘅咸水角整到成個雪梨咁樣又好睇又好食。

0

個餐入面有個是日廚師湯品我哋呢日嘅係清補涼，飲落去好香甜清潤一吓都唔錯。

0

跟住仲有呢個蟲草花蒸斑球，我就最鍾意食蟲草花所以呢個魚啱晒我口味，雖然係魚嘅菜式不過做得好夠味啱晒鍾意重口味嘅人食。

0

食咗咁多肉同海鮮整返個櫻花蝦炒玉蘭，芥蘭炒得好脆口而且冇苦澀味，加咗櫻花蝦炒即刻變得好鬼惹味。

0

唔使驚我唔飽肚因為仲有個金菇銀芽原隻鮑魚炆，原隻鮑魚咬口十足麵質都好爽口好味喎。

0

0

呢個餐最特別嘅地方係有兩個甜品，仲要係一個中式一個西式啱晒鍾意食甜品嘅客，平時我對甜品興趣唔係好大！不過呢個套餐嘅中式甜品係生磨黑芝麻糊就開正我嗰瓣，芝麻糊煮得好濃稠芝麻味都幾香，有朋友食唔落所以我食咗三碗飽到一個點啊。

0

個西式甜品就交俾老婆大人搞掂佢！因為係佢鍾意嘅芒果拿破崙仲要係酒店嘅名物，所以佢食得好開心。

0

我哋仲另外嗌咗三款點心食有翠塘蛋白金魚餃、金腿蘿蔔絲手袋酥同埋粉紅松露素菜餃。

0

呢粒粉紅松露素菜餃個色好嬌艷，食落好香黑松露同埋菇嘅味啱晒鍾意清新口味嘅人食。

0

呢個翠塘蛋白金魚餃睇個樣就知正啦！嗰條金魚其實係海鮮餃嚟嘅超級大隻仲好鮮味，底下仲有個香蔥汁整嘅蒸蛋白夠晒香滑，襯埋一齊我覺得呢個簡直係個小菜咁正。

0

最後仲有一隻鬼咁精緻嘅金腿蘿蔔絲手袋酥，手袋入邊裝滿嘅係蘿蔔絲，成舊擺落口食又鬆脆又清甜正呀。

0

好耐冇去一盅兩件梗係問吓老婆大人想去邊度食點心，佢就話想去九龍酒店試吓冇問題即刻約埋老友訂位同佢去嘆茶。呢日安排喺廳房食坐得好舒服人多就有呢個好處。 一坐低梗係開壺靚茶飲食住合桃等齊人，想讚吓呢個XO醬就咁食都幾好味㗎喎。 老婆大人同我講呢度嘅蛇羹好出名咁就梗係要嗌碗太史燴蛇羹嚟嘆吓啦！用筷子夾得到嘅絲絲蛇肉一啲腥味都冇，加埋陳皮同爽脆木耳口感更加豐富，配埋啲檸檬葉、白菊花同埋薄脆一齊食仲正斗，今日咁鬼凍真係諗起都想再食。 跟住我哋嗌嘅商...

更多

180

推介

3 推介

檢舉

味道

環境

服務

衛生

抵食

等候時間

0分鐘 (堂食)

用餐日期

2024-01-04

13

JAN 24

士多啤梨甜作戰

中間道酒吧 (尖沙咀)

又係陪老婆大人嘆下午茶嘅日子！不過呢次九龍酒店嘅下午茶主題係我鍾意嘅士多啤梨，加埋係中西合璧所以都食得好享受。 好似第一次食下午茶有中式點心食！呢個粉紅松露素菜餃個色就夠晒搶眼，食落去都好鬼正因為入面全部都係啲菇菇，加埋黑松露嗰陣味就更加香口好食嘞。 咸點仲有燉鮑魚伴金箔、沙律醬蝦多士、流沙紫薯煎堆仔、法式蟹肉鵝肝包同埋法式慢煮龍蝦酥盒，大大件同埋味道都幾啱我心水認真唔錯喎。 呢度個英式鬆餅真係大到一個點仲有提子乾添！同埋佢用嘅唔係平時白色嘅奶油...

更多

60

推介

3 推介

車爸爸

嘆茶日 大公館 (荔枝角)

拿玻里嘅味道 Little Napoli (跑馬地)

蒸鮮 倚窗閣 (尖沙咀)

開心禮拜日 木子園 (中環)

春天正是補身天 帝京軒 (旺角)

拉麵大解放 立体派拉麵 (中環)

聞鹿鵜舞 鵜舞 (荔枝角)

情人節快樂 壽喜燒 伊勢熊 (尖沙咀)

正斗點心 龍逸軒 (尖沙咀)

士多啤梨甜作戰 中間道酒吧 (尖沙咀)

嘆茶日

大公館 (荔枝角)

拿玻里嘅味道

Little Napoli (跑馬地)

蒸鮮

倚窗閣 (尖沙咀)

開心禮拜日

木子園 (中環)

春天正是補身天

帝京軒 (旺角)

拉麵大解放

立体派拉麵 (中環)

聞鹿鵜舞

鵜舞 (荔枝角)

情人節快樂

壽喜燒伊勢熊 (尖沙咀)

正斗點心

龍逸軒 (尖沙咀)

士多啤梨甜作戰

中間道酒吧 (尖沙咀)