海鍋手工涮涮鍋 (已結業)

朋友聚會一行9人，朋友揀既話有質數既任食，每人$289, 包一次性既所謂主菜，任飲，花膠湯底，加$38任點其他火煱配料，仲要加$5茶$19介，連加一成$400位！一開始黎既主菜係幾滿意既，海鮮盤夠搶鏡夠新鮮，碟手切牛好好食！但可惜真係得一碟，花膠係出面所謂既花膠邊，識食既人都知係咩料啦，啤酒凈係得象啤，之後任叫既肥牛就差得遠了，有幾隻丸都幾特別，黑松露爵士丸，餃都幾好味，大大隻，炸物都幾好，炸魚皮同響鈴都ok, 響鈴太大舊有d嚇親，但係配料張紙已經無任海鮮了，無蝦脆腩鱔片，海鮮只有頭果盤野。所以主要都係食海鮮盤同手切牛，成400蚊，環境裝修又普通，洗唔洗揀呢間食就見人見致，如果凈係$298加一既我都覺合理d, 又要加呢樣果樣，我地9個人吹左好耐水，後尾我地想要多半打啤酒，阿姐話過左2個鐘任飲完左啦，要俾錢，俾咪俾羅，我地大圍除番姐。