海鍋手工涮涮鍋 (已結業)

今次打邊爐無照舊，而係揀咗新餐廳，呢間火鍋就唔係放題嚟嘅，佢有分兩個火鍋set，湯底同海鮮有啲唔同，我啲就揀咗有龍蝦個set，之後湯底就揀咗胡椒豬肚海蜆鍋。一到冬天我就對胡椒湯底非常著迷。湯底調味唔錯，唔會太咸，有胡椒麻香之外又會有啲鮮甜味，幾正。火鍋set會有一份海鮮拼盤，見到我地都哇一聲，大大隻鮑魚，厚肉嘅龍蝦，仲有肥美嘅桶蠔，認真豐富。我地仲可以揀十款配料，我地揀咗雪花肥牛，紫菜墨魚丸，農場鮮雞件，手打蝦丸，特級長蟹柳，爵士丸，蜂巢豆腐……我地都幾中意食紫菜墨魚丸同蜂巢豆腐，手打蝦丸都唔錯，一開始真係想加50任食，不過食到最後我地都好飽啦。配料都唔係馬虎，質素都唔錯架，新鮮得嚟都多選擇。最重要係呢度環境坐得舒適啊，去打邊爐就驚就係迫噶啦，呢度完全就唔會有咁嘅感覺。