樂酒場 がくさかば

營業中

休息中

朋友聚會，諗住搵間靚靚的餐廳，冇錯，裝修真係好靚。成餐飯order 左4款食物，豆腐牛油果沙律，味道不錯。童星蝦係特別的。牛肉鍋一般水準。最後order 左5色刺身，完全唔新鮮，海膽是苦的，好後悔order 刺身。食完之後個肚有痛感。上菜次序是亂的，一黎就上火鍋，最後食刺身。不會再去食了。不想肚痛。唔寫咁多啦，我要去廁所🚽啦

喜歡日本風的你，會選榻榻米座位定普通座🎎🎏這間居酒屋裝修絕對令你置身於日本的感覺，和好朋友就一邊聽著日文歌一邊享受美食，一直聊不停，真的不亦樂乎🤗我們點了2款定食：均附上有沙律、胡麻凍豆腐、蒸蛋、味噌湯🔶️日式甜醬牛肉鍋配烏冬店員將鋪滿不同種類蔬菜的鍋放上檯，我們將大大片的牛肉放入甜甜的壽喜燒湯底拖一拖，然後點生雞蛋吃，跟住煮埋烏冬連蔬菜一併吃，鮮甜美味😍🔶️豐洲壽司刺身盛2件軍艦: 三文魚籽、蟹膏3款刺身: 油甘魚、吞拿魚、海膽6件壽司: 北寄貝、三文魚、熟蝦等全部都好新鮮肥美，好好味🤤🔶️吉列童星蝦~兒時回憶！日式吉列蝦大大隻，外層鋪滿童星點心麵，炸得酥脆金黃，內裡鮮嫩彈牙，勁邪惡嘅製作啊！點一點蛋黃醬，好味到停唔到口🤭🔷️冰菠蘿梳打🔷️蜜瓜梳打一酸一甜，水果味結合透心涼梳打，清新又解渴，唔會過甜，消暑解膩一流😋

今日同朋友嚟到尖沙咀食日本嘢，餐廳裝修充滿着和風，有一半嘅空間係用榻榻米，可以好似傳統日本人咁用餐，一半就正常餐桌餐椅。用朋友叫左：超人氣壽司盛、關東煮拼盤、成人薯仔沙律、醬油牛油果伴吞拿魚赤身同吉列童星蝦（3隻）。超人氣壽司盛，有壽司10件，分別係海膽、炙燒和牛、拖羅、赤身、墨魚、赤蝦、帶子、油甘魚等，魚生嘅厚度都非常十足，啖啖滿足，用料新鮮鮮甜，最推薦係海膽同炙燒和牛，海膽有兩大片，味道濃厚甘甜，而炙燒和牛，食落有炙燒後嘅風味，同時牛脂因受熱逼出，口感油潤兼牛味香濃，超好食！壽司飯用咗赤醋飯，赤醋酒粕發酵而成，風味更好！關東煮拼盤，上到枱嘅時候都冒緊煙，熱辣辣，有大根、玉子、蒟蒻粒、日式豆皮麻糬福袋、竹輪、豆卜、雞肉、秋葵等，所有材料都住得好入味，推薦豆皮麻糬福袋，一開始唔知豆皮包住啲咩，食到麻糬煙煙韌韌，有驚喜！成人薯仔沙律，賣相好吸引，用蟹殼裝住薯仔沙律，薯仔沙律以薯仔、蟹柳絲、青瓜、魚子、蟹子混合沙律醬製成，口感清爽，旁邊嘅沙律菜用醋調味，識落酸酸甜甜好開胃！醬油牛油果伴吞拿魚赤身，食個時用生蛋黃撈勻材料，生蛋黃同醬油牛油果口感creamy，而吞拿魚赤身口感較結實，魚味香濃。

今日午餐去左尖沙咀食日本居酒屋，門口細細，一入門口走上樓梯，有如親身到左日本居酒屋，充滿日式宣傳單張，海報等佈置。Set lunch都幾多選擇，我就揀左北海道海鮮丼Set連 沙律-用醋醬，青瓜，生菜，紫椰菜等，新鮮開胃。前菜-胡麻醬豆腐，豆腐滑溜，經典美味配搭。茶碗蒸，蒸蛋好滑，食到底有蝦肉帶出嘅鮮甜味。味噌湯不會太重味，飲落舒服。主角 北海道海鮮丼，賣相唔錯，有熟蝦，三文魚，吞拿魚，海膽，油甘魚，帶子等等。食落口都幾新鮮，特別係油甘魚同三文魚，非常鮮甜。丼飯有少少暖意，飯粒飽滿有咬口，充滿飯香，加上少許鼓油更可口。飲品 密瓜燒酌 充滿造型感上面有個密瓜雪糕甜品。密瓜燒酌唔會太甜，淡香密瓜味，冰凍解渴。

同朋友飯聚，想搵個可以坐得舒服啲，可以坐耐啲嘅地方，所以就搵咗呢間居酒屋。尖沙咀嘅餐廳嚟講佢嘅座位好寬闊。而舖頭亦都營造到好似日本嘅氣氛佢有得坐地台，幾舒服。我哋叫咗清酒蒸蠔，胡麻醬油甘魚刺身，甲羅燒，蒜油煮海老，海膽烏冬，苦瓜炒豚肉，同埋醬油鵪鶉蛋。因為我哋仲要揸車，所以我哋冇點酒精類飲品，但見佢酒精類飲品選擇好多。清酒蒸蠔，每粒都好大粒。油甘魚刺身係新鮮。當中我最鍾意食係蒜油煮海老，佢個汁好正。嗰份海膽煮烏冬，海膽份量都好多。足夠同啲烏冬攪勻。我覺得有”思鄉病”都可以嚟呢一間餐廳食，感受下日式居酒屋嘅氣氛

居酒屋裏裏外外充滿懷舊氣氛，感受到呢度有好用心地佈置𓂃𓈒𓂂 而家仲有ʜᵃˡˡᵒʷᵉᵉ𝗻 𝗱𝗲𝗰𝗼呢🎃🕸⋆꙳ ﹆ 特大生牡蠣（𝟭只）$𝟵𝟴特大係真特大呢ฅ(>﹃<๑)ฅ 而且味道好鮮，而且好滑順，推！﹆ 醬油牛油果伴吞拿魚赤身 $𝟵𝟴赤身口感柔軟☁️ 再🥢將牛油果同生蛋黃混合，令口感更濃郁！如果配以小鐵羹會更方便食用，啖啖滋味(๑´∀`๑)_﹆ 成人薯仔沙律 $𝟲𝟴同朋友抱着好奇心去點呢個沙律(*`▽´*)👻𝗵𝗲𝗵𝗲 佢喺蟹蓋上裝滿薯仔沙律>< 🥔軟硬適中，同🦀蟹柳絲好搭，酸酸甜甜，開胃😛﹆ 瑩光鳥賊漬 $𝟱𝟮﹆ 酒盜芝士 $𝟱𝟱𝟮款配菜佐酒一流✌︎︎ 烏賊食落口感爽脆，咸咸地🦖 而酒盜芝士每一啖都充滿濃郁奶香同微妙嘅酒香🍶( ¯꒳​¯ )ᐝ﹆ 西葫蘆豚肉卷（𝟮本）$𝟱𝟮🐽肉燒過後都依然𝗷𝘂𝗶𝗰𝘆 (〃∀〃)ゞ❤︎ 而且表面仲有微微嘅焦香，配上清爽嘅西葫蘆，𝘆𝘂𝗺!﹆ 吉列童星蝦（𝟯隻）$𝟴𝟴童年回憶！🦐用咗童星點心麵做外皮，酥脆酥脆呢٩(๑´𝟬`๑)۶ ﹆ 鯛魚魚湯泡飯 🍚（𝟮人前）$𝟭𝟵𝟴好貼心🤍 佢連爐上枱，方便加熱！呢個湯壺被塞滿滿！而且魚湯鮮甜，好幸福呢

首先係樂酒肴前夕，包括枝豆、鵪鶉蛋、酒盗芝士，鵪鶉蛋醃得好入味，芝士好香濃，同魚內臟好夾。🥹🙈我地叫咗壽司盛合(十贯)，入口即化，鮮味十足，尤其係帶子同甜蝦好鮮甜，三文魚刺身都油脂豐富，最正係海膽同呑拿魚壽司🍱🍣接下嚟係雜錦天婦羅，炸得好脆身，有大蝦、冬菇、南瓜等，皮薄又唔會太油膩。👍🍤另外，叫左鯛魚魚湯泡飯，湯汁鮮甜，飯粒有嚼口唔就會太林，魚肉滑嫩爽口！🍲🍚明太子醬煎蛋卷都不錯，鮮嫩多汁，夾雜了明太子醬嘅香味，一定要試下啊！😋🍳我點左自家調製嘅水果特飲，飲落每啖都係新鮮水果，唔會太甜，非常爽口！🍎🍑朋友點左一杯美女青瓜特飲，含有維他命K，可以幫助血液循環，好清爽又解渴，美女必點！💖💖

⚪️迷之刀五雕刺身拼盤刺身包括三文魚、海膽、甜蝦、吞拿魚、油甘魚，款款都係厚切，份量十足！擺盤都超靚，食到出好新鮮👏💕⚪️特大生牡蠣 手掌咁大隻生蠔 ，食落好新鮮，一啲腥味都無，又好大隻又厚肉，啖啖海水味，好好食🤤⚪️吉列童星蝦用童星麵碎取代一般粉漿，包住大大條蝦肉落去炸，口感特別酥脆，係餐廳既signature dish👍⚪️職人醬油鳥蛋 個擺盤好得意，用鳥巢裝住鵪鶉蛋，鵪鶉蛋用醬油醃過好入味，細細粒又凍凍地幾開胃～😸⚪️麻醬牛油果豆腐沙律無諗過牛油果同豆腐原來係咁夾，兩樣都超級creamy，食得出係靚牛油果，推薦🥑⚪️蟹味噌甲羅燒(加配多士) 蟹殼裝滿蟹膏，份量慷慨，蟹膏味道十級濃郁，食落鹹香味美，配上清新嘅青瓜絲同脆卜卜既多士一齊食，perfect!👅⚪️和風海鮮炒飯 炒飯炒得粒粒分明，有好多章魚仔同鮮蝦，啖啖都食到海鮮，一啲都唔馬虎👍⚪️蜜瓜梳打大大杯，最到仲有球蜜瓜雪糕，當甜品食都得😋

今日黎到尖沙咀食日本野，唔好睇呢間「樂酒場」門口細細，其實內有乾坤，包保有驚喜上到樓梯入到鋪頭，真係哇一聲，勁好日本feel，唔講真係以為去左日本啲居酒屋menu上款式極多，價錢適中唔會太貴，對比起地段同環境黎講其實算抵胡麻醬沙律，沙律菜好新鮮全部都無霉到，仲要勁大盤，大大啖咁食好滿足串燒牛舌，牛味好出食落亦好爽口，仲有啲炸蒜可以配搭食，另有一番風味呢個咁特別既係火炙柚子面豉醬，係我地面前燒，一路燒一路聞到啲香味出緊黎，食落咸中帶甜，配青瓜粒食清新得黎又香濃鰻魚炒飯，炒得粒粒分別好乾身，每一粒米都吸滿晒鰻魚汁，每一啖都係滿滿鰻魚香關東煮，最特別係有件大蘿蔔同刀係到做擺設，又睇得又食得刺身拼盤，一次過滿足幾個願望，同樣勁有心機擺盤，全部都卷到好似好似花咁出場，仲要係厚切，入口勁滿足，另外值得一讚既係wasabi係即磨，勁好食！叫到成枱野食都只係$1000，真係抵到爛！

嚟到尖沙咀呢邊食日本嘢，喺尖沙咀N1出口，打斜角就見到落酒場呢間日本料理。職人醬油鳥蛋賣相好可愛，裝係一個雀巢入邊，鵪鶉蛋配上自家製作嘅醬汁，好入味，作為前菜真係好開胃。麻醬牛油果豆腐沙律滑嫩豆腐入口即溶，牛油果再配上新鮮嘅沙律菜，拌上芝麻醬，好滋味！迷之刀 五雕刺身盛合成盤都係刺身，擺盤好靚，有三文魚、油甘魚、吞拿魚、甜蝦、三文魚子，海膽，全部刺身都捲到好似花花咁樣，好靚，唔捨得食😂 好似將花瓣一塊一塊搣落嚟食咁。各種刺身都好鮮甜，食得好滿足！人氣壽司盛合嘩！好吸引呀！各款唔同嘅刺身各一件，有赤蝦、三文魚腩、吞拿魚…..中間一大堆吞拿魚蓉嘅壽司，配上黃金海膽同三文魚子，超級好食😋！雞皮餃子第一次食雞皮餃子，係雞皮代替傳統嘅餃子皮，雞皮煎得好香脆，原來雞皮包嘅餃子都好唔錯。可以點柚子醬或者擠檸檬汁落去一齊食。吉列童星蝦 三隻 兒時回憶即叫即炸嘅吉列蝦，因為蝦表面包裹上童星點心麵再炸，所以好脆，蝦肉鮮嫩，好正！蜜瓜梳打酸酸甜甜嘅蜜瓜梳打，味道好入口，上面有一個蜜瓜味嘅雪糕，可以用糯米糍被包住食，好得意，好特別！巨峰梳打酸酸甜甜，超香濃嘅巨峰提子味，食飽之後再飲，好解膩！

呢間日式居酒屋坐落喺尖沙咀，裏面係昭和風復古裝修，加上啲霓虹燈裝飾，滿滿嘅和式風格！有榻榻米座位有卡位🎎，一班朋友嚟可以坐榻榻米包間，坐得舒服仲有屏風分隔，私隱🍣度都幾高！菜式選擇有好多，有刺身、壽司、串燒🍢同多款小食，仲有飛機魚刺身薄切，唔款式多而且抵食，同朋友嚟叫多幾款share啱曬！------------------------------🍱◖迷之刀 五雕刺身盛合◗ $280呢個刺身盛合超抵食，必點🌟！有五款刺身，擺盤好有心思，擺到成幅畫咁，有啲海膽、三文魚籽、玉子燒伴碟， 12片三文魚、4片油甘魚、9片鯛魚、3隻赤蝦，好精緻！每一款刺身都係厚切，口感好豐富，特別鍾意佢啲海膽放喺刺身上面，除咗海膽嘅甘香同事又食到刺身嘅鮮味，呢個價錢呢個份量，超抵食！🍙◖香蔥吞拿魚蓉三文魚籽卷◗ $120包住三文魚籽嘅卷物，咬開爆汁幾特別，上面鋪滿好厚嘅吞拿魚蓉，有啲魚油香，再夾雜着啲京蔥香蔥，令香味更加豐富～🥗◖麻醬牛油果豆腐沙律◗ $58有半粒嘅牛油果肉，夠晒甘甜，配上豆腐同沙律菜，混合芝麻醬，好香嘅芝麻香味，係唔錯嘅前菜選擇～🐖◖西葫蘆豚肉卷◗ $52豚肉卷一串有兩大件，脹卜卜咁！豚肉片包

同朋友想傾計坐得舒服佢帶左我地樂酒場 😁呢到有坐席區同榻榻米區，想再有Feel d揀左榻榻米坐🤣非常有特式的裝修，風格懷舊x現代⭐現代成人薯仔沙律 $68蟹子三文魚子增添左薯仔沙律嘅鮮甜味，薯仔口感軟綿⭐季節漁港直送牡蠣 $68 (買一送一)由日本漁港直送過嚟嘅新鮮生蠔，超新鮮、甜！牡蠣肉彈牙厚實～⭐熒光烏賊漬 $52🦑入口柔滑，咀嚼爽脆，用了清酒醃製，味道香濃⭐吉列童星蝦 $88🦐特式小吃！炸蝦沾上童星點心麵，就好似食緊童星點心麵咁！吉列炸蝦依然新鮮爽甜，入面鮮嫩多汁！好食🤤⭐關東煮拼盤 $108關東煮湯幾濃，份量都幾多多，見到蘿蔔的size 有少少嚇親🥕食材豐富多樣年糕、秋葵、豆卜等等，十分入味！⭐蟹味噌甲羅燒 $68 (加配多士+$8) 🦀甲羅燒烤過之後更加香，蟹膏滿滿的，入口綿滑，點左多士一齊食，層次感100分！好多蟹膏呀！滿出黎咁！配埋青瓜絲連多士條食 正！😋⭐鰻魚炒飯$158炒到粒粒分明日本珍珠米，鰻魚切粒肉質厚實西葫蘆豚肉卷🍢$52夾左爽脆翠肉瓜豚肉嫩，超厚實！飲品都好特別～薑味Highball $58冰菠蘿梳打 $68尖沙咀白蘭軒道1號麗東大廈地下及閣樓H號舖及J號舖#

臨近生日開始有朋友約食飯今日朋友介紹一間位於尖沙咀k11旁的居酒屋去到門口已經被他們的裝修設計吸引著無論是牆身，枱椅擺設都是和風設計播著日本柔和背景音樂我們還被安排坐禢禢米唔係飛去日本都有滿滿的昭和風感覺//迷之刀五雕刺身拼盤 $280//好耐無食刺身了香港地現在要食新鮮刺身真係來得不易用上了新鮮的三文魚、海膽、帶子、吞拿魚、油甘魚等刺身，每一款都是厚切肥美，仲要每一款上面都有三文魚籽，直頭過足口癮最鐘意係海膽入口creamy沒有海水味口感豐富另外油甘魚鮮甜肥美也很不錯//職人醬油鳥蛋 $38//盛載鳥蛋的器皿用鳥巢設計已經相當吸引鳥蛋用醬油漬過非常入味一口一粒是絕佳的佐酒小吃食一口蛋喝一口酒很快就清空//麻醬牛油果豆腐沙律 $58//材料豐富的沙律半個牛油果加上豆腐同新鮮沙律菜再以麻醬混合整個沙律感覺好清新食主食之前清清味蕾特別開胃//汁燒銀鱈魚 $168//汁燒醬汁香甜濃郁，魚肉鮮嫩//壽司はみだし $158//壽司魚生撈蛋黃蛋白我係第一次食呢個師傅話自家製而且每次用料都有機會不同今次就用上三文魚、帶子、三文魚籽、吞拿魚蓉同壽司卷物然後混合了經打發的蛋白食客自己吉穿蛋黃將所有材料混

樂酒場 Gaku Hall🌟迷之刀 五雕刺身盛盒🌟雲丹冷稻庭烏冬🌟三文魚籽海膽手卷🌟京都味噌青瓜🌟安安塩椰菜🌟巨峰梳打唔知點解成個星期都好想食刺身, weekend 咁啱經過樂酒湯就去食左個超大刺身拼盤, 入面有三文魚、油甘魚、赤身、甜蝦、鯛魚同海膽, 每款都好新鮮, 2個人食啱啱好。雲丹烏冬雖然只有2片海膽係面, 但係成個烏冬用左海膽醬去烹調, 所以鮮甜味好足, surprisingly 地好食。京都味噌青瓜都唔錯, 即場係我地面前燒個味噌, 熱辣辣咁配青瓜, 好啱一邊傾計一邊食。

同朋友行完街想食下日本野就去咗呢間樂酒場原來係居酒屋🏮唔係酒場咁簡單😂環境裝修好日本地道風 氣氛好好👍仲有兩間坐地底房間～真係有日本feel架～食咗餐豐富嘅晚餐啊！迷の都.五雕刺身盛合有五款刺身 三文魚 吞拿魚 油甘魚 甜蝦 樣樣都擺得好有心思！成人薯仔沙律🥗好大個蟹蓋裝住薯仔沙律好得意🥰 沙律好fresh!職人醬油鳥蛋🪺好可愛嘅鳥蛋🪺擺盤真係好有心思 岩晒特鐘意打卡嘅港女 好多粒蛋 好味又開胃～蟹味噌甲羅燒🦀不得不讚 好多蟹膏呀！滿出黎咁！配埋青瓜絲連多士條食 正！西葫蘆豚肉卷🍢推介要食串燒！豚肉嫩仲夾左爽脆翠肉瓜！燒手羽香濃芝麻同孜然味 係飲酒絕配燒物雞皮餃子🥟呢個勁香脆雞皮餃子一啲都唔油膩 好特別啊！牛油炒田園椰菜🥬炒茶好食～大碟炒得好爽口！🍍冰菠蘿梳打&白桃梳打🍑推介必叫冰菠蘿梳打！好大杯 連埋成塊係真菠蘿雪到冰嘅上！好震撼！好飲香甜新鮮菠蘿！咁多野食1千有找！絕對性價比高！