樂酒場 がくさかば

營業中

休息中

今日午餐去左尖沙咀食日本居酒屋，門口細細，一入門口走上樓梯，有如親身到左日本居酒屋，充滿日式宣傳單張，海報等佈置。Set lunch都幾多選擇，我就揀左北海道海鮮丼Set連 沙律-用醋醬，青瓜，生菜，紫椰菜等，新鮮開胃。前菜-胡麻醬豆腐，豆腐滑溜，經典美味配搭。茶碗蒸，蒸蛋好滑，食到底有蝦肉帶出嘅鮮甜味。味噌湯不會太重味，飲落舒服。主角 北海道海鮮丼，賣相唔錯，有熟蝦，三文魚，吞拿魚，海膽，油甘魚，帶子等等。食落口都幾新鮮，特別係油甘魚同三文魚，非常鮮甜。丼飯有少少暖意，飯粒飽滿有咬口，充滿飯香，加上少許鼓油更可口。飲品 密瓜燒酌 充滿造型感上面有個密瓜雪糕甜品。密瓜燒酌唔會太甜，淡香密瓜味，冰凍解渴。