樂酒場 がくさかば

營業中

休息中

同朋友飯聚，想搵個可以坐得舒服啲，可以坐耐啲嘅地方，所以就搵咗呢間居酒屋。尖沙咀嘅餐廳嚟講佢嘅座位好寬闊。而舖頭亦都營造到好似日本嘅氣氛佢有得坐地台，幾舒服。我哋叫咗清酒蒸蠔，胡麻醬油甘魚刺身，甲羅燒，蒜油煮海老，海膽烏冬，苦瓜炒豚肉，同埋醬油鵪鶉蛋。因為我哋仲要揸車，所以我哋冇點酒精類飲品，但見佢酒精類飲品選擇好多。清酒蒸蠔，每粒都好大粒。油甘魚刺身係新鮮。當中我最鍾意食係蒜油煮海老，佢個汁好正。嗰份海膽煮烏冬，海膽份量都好多。足夠同啲烏冬攪勻。我覺得有”思鄉病”都可以嚟呢一間餐廳食，感受下日式居酒屋嘅氣氛