宴．鐡板燒 (亨環‧天后)

營業中

休息中

特別日子慶祝食餐飯，特地揀呢間位於天后既日式鐵板燒食餐好嘅，果然不令人失望，食物既配搭和調味好有驚喜。前菜﹕富有柿配黃芥辣 ，第一次配黃芥辣食，好特別，估唔會咁夾。汁煮八爪魚配蘿蔔八爪魚煮左三個鐘，非常軟淋入味。令和之怪物，呢個時節既生蠔都好肥美，唔係傳統茄汁和檸檬汁，今次係橘子味醬汁，生蠔唔重金屬味，易入口，新鮮肥美，加埋清新嘅配汁，好味😋鱈魚白子 配蔥和辣椒蓉，白子略燒過，望落干身，但入口一咬即爆漿，非常鮮甜軟滑，真係勁甜 。😋秋刀魚非常新鮮，魚皮明顯有新鮮既光澤。拖羅蓉右口魚裙邊鱈魚脆片壽司，今次用鱈魚脆片取代紫菜，中和了拖羅既肥美油脂，消除油膩感，新式既配搭👍🏻正式進入鐵皮燒階段，食材真係好正帶子伴三文魚籽，帶子係可生食級別，帶子煎到半生熟，保留左鮮甜美味，上面既三文魚籽經過醃製，粒粒飽滿，配上新鮮海苔蓉湯。重點係三樣一齊食，海苔湯清，帶子鮮甜，加上三文魚籽子粒卜卜脆口感，新穎既口感和味道。👍🏻超正‼️虎蝦 ‼️虎蝦肉質爽、超爽，口感似食緊龍蝦😂，醬汁係用蝦頭蝦膏做汁，濃郁、鮮美👍🏻最後一件用檸檬，會變得比較清新左。鵝肝配藍莓醬，鵝肝厚切，超肥美，每一啖都充滿油香、棉滑，藍莓汁有解

朋友介紹我食呢間鐵板燒，見到最近做緊八五折，一於食返餐好嘅🤪第一次食鐵板燒以為會好多油煙，一上到去見到個環境舒服同乾淨，仲望住個海景添。 ❤️前菜 汁煮八爪魚師傅好細心叫我哋最後先食嗰個白蘿蔔，食到最後就知點解啦。 本身八爪魚煮得好林， 而且好入味，而且亦食得出佢嘅鮮味。 至於白蘿蔔，吸晒湯底嘅味道偏濃郁，如果一開頭食嘅話就食唔到八爪魚嘅鮮味。 刺身鰆魚紫蘇葉汁第一次食鰆魚 ， 味道鮮甜！ 師傅喺上邊燒咗燒，有少少炭燒味而且燒一燒油香飄晒出嚟，配合左上面嘅紫蘇葉汁同埋蔥花， 中和左燒魚油嘅膩，食落去反而再將鰆魚嘅鮮味帶出來。沙巴虎蝦虎蝦非常彈牙， 而且本身師傅在蝦膏煮一煮。再將佢變成醬汁淋上去， 食落去蝦膏濃郁，蝦身鮮甜。 再加少少檸檬汁中和下個油膩感。 帆立貝配鮮海苔 特色原來帆立貝下面嘅小湯底係用日本新鮮海苔整出嚟，再加埋本身帆立貝用牛油炒，湯底有少少creamy 但亦都好清新。 再加埋上面嘅三文魚子，咬落去鹹鹹地又有口感。整體睇得出道菜好花心思，味道亦配合得好好。香煎鵝肝伴藍莓醬 ❤️👍🏻食落去鵝肝仲係脆面，油脂非常豐富，一啲都唔腥。加埋自家製藍莓醬解下膩啱啱好。上面有兩粒日本黑豆

🔥好味指數：9/10.呢間位卡天后嘅樓上餐廳專門食鐵板燒🔥特登book咗一日夜晚黑嚟撐枱腳😆餐廳舖頭面積唔大吧枱容納到大概10人左右所以記得真係要訂位！.叫左宴 Dinner Special Set $1380一位（宜家餐廳仲做緊八五折優惠🤭🤭）.🔥季節前菜有2款柿+慢煮八爪魚柿非常香甜 慢煮八爪魚亦都好林好入味作為前菜係一個唔錯嘅開始～.🔥每人一隻真和令蠔超級大隻，鮮甜好creamy 😋上面亦都鋪上了有橘子啫喱 相當清新！.🔥季節刺身 （2款）吞拿魚以及梭子魚 非常新鮮，完全唔會腥.🔥燒右口魚邊身金槍魚腩手卷有別於傳統嘅手卷 沒有選用紫菜而選擇了鱈魚乾 😆口感更加豐富！.🔥帆立貝配鮮海苔帆立貝夠晒大粒 而且非常鮮甜爽口配上自家調味的海苔和三文魚子口感極佳😋😋.🔥鐵板燒沙巴虎蝦虎蝦好爽口彈牙😋廚師特別將蝦頭裏面的蝦膏製作成醬汁與蝦身一起烹煮 原汁原味🥳🥳真係超好食的一道菜🤤🤤.🔥香煎鵝肝伴藍莓醬鵝肝好好食 入口即溶 配上自家製藍莓醬 好好味🤤.🔥美國牛柳選擇了三成熟熟度剛剛好不會過熟入面包了很多蒜蔥加上小小的鹽調味 味道極佳牛柳肉味濃郁🤤🤤.🔥黑松露蟹肉炒飯有別於其他餐廳廚師特意選用原

位於天后•亨環頂樓的「宴 • 鐵板燒」環境一流，完全可以飽覽維港夜景，這裏亦是數一數二好評如潮的鐵板燒餐廳，套餐非常多選擇，重點係用料上乘，無論壽司和鐵板燒師傅經驗十足，烹調技巧老到，今日就黎食佢哋嘅午餐，真心推薦非常高質素又抵食👍🏻🌟宴 Lunch Special Menu 每位 $ 448📣而家仲有八五折優惠📣📍23-26 & 31/12除外▪️季節前菜慢煮3小時的八爪魚配白蘿蔔，軟腍又入味▪️季節刺身（2款）油金魚厚切肥美，魚油甘香大分縣𩶘魚配松露鹽，更能突出魚鮮味▪️本日精選壽司 （2款）大池魚配柚子胡椒，魚肉鮮甜無比秋刀魚配香蔥醬，魚味濃香完全沒有腥味▪️師傅自家製醃漬物中場時段師傅會奉上自家製的醃漬物，有好多唔同款式，酸酸甜甜美味又開胃▪️沙巴虎蝦大虎蝦用牛油和海鹽調味，味道充滿牛油的焦香，口感爽口又彈牙，亦可沾上檸檬汁增添風味，最後奉上龍珠果，平衡味蕾▪️香煎鵝肝伴藍莓醬鵝肝煎得外脆內軟，口感油潤，配上自家製藍莓醬、黑豆，味道香甜可以中和油膩感，永遠是鵝肝的最佳拍檔的醬汁▪️美國牛柳厚燒牛柳五成熟，口感軟腍充滿牛香，肉味濃香，配合香脆蒜片味道一流，清爽的洋蔥沙律，清新口腔▪️炒什菜，品

自從轉工好少出港島, 今晚約左朋友去天后食鐵板燒上到去環境好好, 仲有個露台仔可以睇夜景, 始終都係24樓望出去真係幾靚個晚就叫左個宴SET, 已經好豐富食到好飽有我最鐘意既白子,好CREAMY 隔離個羅白超正, 入口即溶咁生蠔又係我最愛, 令和怪物 加埋D酸汁啫哩好正刺身仲可以食到秋刀魚 同拖羅跟住呢個 拖羅蓉加火灸既鮫鰈魚放係雪魚乾上面 一啖食左佢 D油脂爆發出黎真係冇得輸之後就開始鐵板燒部份帶子加三文魚子 旁邊D菜仲好好食, 配埋佢地既汁之後仲有一碟各種漬物 最鐘意酸羅白 同青瓜蝦勁大隻 肉質彈牙個頭係MVP 勁多膏煎到好香最邪惡既鵝肝出現啦, 外脆內嫩 食埋呢舊都真係開始飽了肉就選左薄切同厚切, 師傅仲幫我地分好埋可以試晒兩款厚切既就好JUICY 多汁薄切加埋巨量既蔥都好惹味本身已經好飽食唔落個炒飯但佢黑松露真係好香, 食左一啖又停唔到最後都係清埋炒菜都唔係HEA加埋佢地個特制蒜蓉醬真係好正最後仲有碗魚湯作結尾仲有甜品係布甸 但唔記得影已經食左最後棒住個肚走 價錢真係好抵, 依家仲有85折食到咁多野真係冇得輸!!!!全程個氣氛都好好~侍應同師傅都好NICE每

朋友生日，已打算食鐵板燒慶祝，在OR搵銅鑼灣區評價高食店，發現在天后有間評價好，環境一流既鐵板燒，所以訂位，果然無來錯，原食兩人餐，但發現餐牌內有些食物想食，所以改為食較貴套餐，食材一流，廚師選料，煮法到家，沙巴海蝦好味，刺身有驚喜，時令-雪魚內白子，第一次食，好好味，可能廚師醬汁調校恰，各廚師負責不同食材，煮功👍，魚湯好味、香濃，鵝肝煮得恰到好處，不油膩，下次會再來食龍蝦刺身😋😋最後甜品設計為生日慶祝，擺設有心思，服務態度一流，廚師互動交談👍👍

見呢間鐵板燒網上嘅評價唔錯，早前就同朋友嚟食晚飯，果然無令人失望，係近期係香港食過最好味嘅一餐鐵板燒！店員首先展示今晚鐵板燒嘅食材前菜方面有和歌山富有杮配芥末麵豉醬，以及慢煮八爪魚，柿嘅味道清新配咸味嘅醬又意外地好味，八爪魚慢煮了三小時，夠晒入味又夠冧之後有北海道真蠔配橘子啫喱，絕無誇大，隻蠔真係有手掌咁大，十分鮮味，配清甜嘅橘子啫喱好夾刺身有拖羅及真鯛，拖羅唔算肥但鮮味，特別嘅係真鯛配左松露油及雪鹽，食到濃濃嘅松露油香接住係燒左口魚邊身金䱽魚腩手卷，魚腩肥美鮮甜，加上燒左口魚邊油香，仲要師傅特登用魚乾墊底，一啖食到唔同嘅味道及口感，層次豐富食完刺身終於到鐵板燒出場，先有沙巴虎蝦配雞冠草沙律，虎蝦上有滿滿嘅蝦膏醬汁，味道十分香濃鮮甜，蝦肉又夠彈牙，做得非常出色！之後有帆立貝海帶湯配自家醃製三文魚子，帆立貝煮得啱啱好唔會太老，海帶湯完全就係帆立貝嘅精華，最特別係三文魚子係餐廳自家醃製，唔同一般三文魚子爽脆嘅口感，呢度反而係冧帶點軟糯，亦食到醃製醬油嘅味道另一驚喜係法國鵝肝配藍莓醬及黑豆，好多時出面嘅鵝肝煎出嚟油淋淋，呢度煎得香口但唔油，再加上藍莓醬食完唔會有種成口油嘅感覺最後仲有煎牛柳粒

食物質素及廚師手藝中規中矩，食物味道沒有驚喜，但亦不會令人失望。睇得出廚師有用心制作菜式，擺盤亦相當用心、精緻，每道菜都令人賞心悅目。服務亦十分貼心，環境舒適雅致，午市套餐價錢合理，值得一試！

朋友極力推介這間鐵板燒，慶祝同事生日就去了天后電氣54號亨環天后24樓～宴•鐵板燒，港鐵天后站A2出口，步行約2至3分鐘，交通非常方便。店內環境非常舒適，裝修雅致，24層樓高面對會展，盡覽無敵海景，座位面對著廚師的鐵板燒吧枱，一邊望著海景，一邊望著廚師的廚藝功架，真是雙重享受。二人套餐原價$1188，網上預定午市推介，限定期間優惠價$738（二位用）需由網上預定。餐前漬物餐廳附送，包括6款：薄切涼瓜、厚切涼瓜、栗子、酸羗、白卜、秋葵，各款味道各有不同，都相當美味醒胃，酸甜爽脆地叫醒味蕾。季節前菜～醬油八爪魚，味道極佳，肉質軟糯，煮得極淋滑，入口感到微暖，配菜精緻又新鮮，估不到餐前菜都有驚喜。南非鮑魚大大隻鮑魚，放在吧枱前，見到鮑魚肉身不停郁動，新鮮到不得了，廚師巧手熟練放在鐵板上剝殼煎炒，廚師端上枱時細心介紹食鮑魚次序，肉質入口鮮甜爽彈牙，沾上明太子醬汁，更提升鮑魚的鮮甜味。鐵板燒銀雪魚盡顯廚師的功架，輕鬆𠝹出銀雪魚的魚皮，燒至極脆，魚質表面燒至金黃但肉質極嫩滑多汁，沾上特製沙律醬，惹味又香口，服務員禮貌地告知拌碟的龍珠果，非常鮮甜爽口，可解油膩。美國頂級牛柳厚切及薄切厚切牛肉粒在鐵板

快樂是什麼？快樂就係食到至愛日式料理，今天休假與朋友相約在維園跑步， 一個球場接住一個球場係咁兜圈跑步， 跑完出一身汗確係幾爽， 沖完涼出來就覺得好肚餓， 朋友就提議到附近嘅一家日式料理餐廳食飯， 朋友咁識得帶我上去食，只因上個月佢啱啱同朋友食過， 似乎係信心保證。我見餐牌價錢都唔平，朋友話難得夾到一齊放假就食餐好嘅，順便慶祝我下個月生日飯， 我聽到梗係有啲驚喜！一於唔客氣。我哋叫咗兩客Dinner set, 每一個菜廚師都會為我哋介紹一番， 等我哋對個菜有一定嘅認知，加深印象。前菜：富士柿青甜爽口多汁，魷魚烹調6小時保持一定嘅爽口同入味， 媲美蘿蔔一樣入味。北海道生蠔king size大大隻，入口滑溜帶軟，橘子啫哩醬係添上了清新口感的秘密武器。刺身真鯛薄裏透光，全片完整得很平均，刺身早已灑上了點鹽，不用再點醬汁，口感油甘豐厚，不錯。吞拿魚手捲，平時用紫菜放耐了就會「淋」，所以大廚用脆口的鱈魚乾代替，混合吞拿魚蓉的口感幾回味。沙巴蝦，用蝦膏做個醬汁，夠香糯，蝦腳蝦殼都炸過可以食埋。帆立貝海苔，香煎外表然後汁煮風味十足。美國牛柳，分厚和薄，厚有啃勁，含的油脂比例均勻，不錯。炒飯用上原粒黑

最近同朋友去左天后嘅“宴．鐡板燒”食lunch，呢間餐廳好近天后地鐵站，行兩分鐘就到🚶。佢位於一棟商業大廈嘅頂樓，景觀開揚可以望到海景🌊，仲有個小露台，氣氛好舒適☺️。 我哋嗌咗openrice 限時優惠lunch set 738蚊/兩位，包括以下菜式： ❤️ 汁煮八爪魚：八爪魚🐙煮咗三個鐘好腍好入味，汁都好香濃，果片紫蘇葉一齊食味道好特別。 ❤️ 自家製漬物拼盤：有粉葛、柚子蘿蔔、苦瓜厚切、苦瓜薄切、薑同青瓜，每樣都係師傅自己醃製既，有齊甜酸苦辣四種味。我最中意柚子絲蘿蔔，酸甜開胃，好清新解膩。🥒 ❤️ 鐵板燒銀鱈魚：師傅將魚皮單獨燒，加左少少鹽，超脆超好食😳! 魚肉外脆內軟，好香牛油味😊，多汁嫩滑🐟。海草沙律五顏六色好靚，加埋沙律汁好好食。 ❤️ 南非鮑魚：大件生猛，好鮮味😋，好彈牙、厚肉，黑椒同鹽份量啱啱好，值得一試。 ❤️ 美國頂級牛柳：可以同時揀牛柳粒同薄燒牛柳，真係好少有😍。薄燒牛柳入面啲蒜係好脆嘅，好有口感，嗌左五成熟，牛肉都好嫩滑多汁🥩，唔會乾身。 ❤️ 鐵板炒飯：本身我唔太鍾意食櫻花蝦，同師傅講想要走櫻花蝦，點知佢幫我換埋蟹肉🦀，啲蟹肉一絲絲咁好鮮甜，炒飯金黃色粒粒分明🍛，好有蛋香

日本富有杮，質感結實爽口，配麵豉醬汁，味道有少少似沙律醬，好醒胃。汁煮八爪魚，用左三小時去煮，醬汁入晒味，食落仲好腍身。鮟康魚肝，口感軟綿，入口之後有慢慢溶化既感覺，配上左帶有少少辣味既汁更好味。澳洲龍蝦刺身，本身龍蝦肉味道較淡，所以廚師加左柚子碎曬在蝦肉上，食落鮮甜帶點清新，肉質係先會有少少脆，之後就會軟腍。開始鐵板燒之前，師傅會將新鮮食材擺得靚靚比客人觀感上可以先欣賞。鐵板燒北寄貝，通常北寄貝會用作刺身，燒熟之後肉質好彈牙，再將炸蒜炒香，兩者好夾。西班牙紅蝦，醬汁係用蝦本身造成，所以蝦味好濃，蝦肉彈牙，另外師傅將蝦款壓扁再燒，原來都可以食用，香脆可口。香煎鵝肝伴藍莓醬，黎自法國既鵝肝，厚身肥美，油脂非常飽滿，入口即溶，配埋甜甜地既藍莓醬，兩者配搭非常夾，旁邊既黑豆都可以食，有助解除口腔油膩感，準備迎接下一道菜。美國頂級牛柳，有牛柳粒和簿燒蔥蒜牛柳兩種食法，個人輆喜歡簿燒，因油脂分佈多，入口充滿牛味。鐵板炒飯，米飯、蛋，蟹肉絲、蔥粒一齊炒，見住由白色既米變成金黃色，賣相已經好吸引。炒什菜，調味醬料應該係店鋪自己調製過，微辣，加入左芝麻和瑤柱食落好惹味。自家製濃魚湯，相信用左好長時間熬

對日本料理都有一定熱愛程度。 今晚選擇了位於亨環天后頂樓的<宴•鐵板燒>， 享受一頓性價比高的鐵板燒🤤 餐廳主打由日本空運到港不時不吃的時令食材，配上師傳純熟的廚藝，每一道菜的擺盤與味道，都令人再三回味。 -除了高質食物，環境舒適亦是加分的地方。 設有露台，可飽覽維景海景。喜歡坐在Bar 枱，可以近距離與師傳交流及欣賞師傅手藝-點選了二人套餐🔸季節前菜（3點）味道由清至濃去品嘗。先是爽甜的日本柿與彈牙的大蝦。再而是誠意滿滿，慢煮多個小時的八爪魚🐙，肉質彈牙又軟嫩。最後是入口近乎融化鮟鱇魚肝，配上酸汁、香蔥及蘿蔔蓉，令味道富層次-🔸澳洲龍蝦剌身美得令人嘩然😍 矜貴的龍蝦剌身肉質相當清甜！觸鬍仍在跳動，可見食材相當新鮮！ 配上柚子皮，份外清香。 可點上wasabi 或岩鹽一起入口-🔸鐵板燒北寄貝不時不食！ 北寄貝在秋冬份外肥美。彈牙的北寄貝與海帶加上蒜蓉炒香，很是惹味-🔸西班牙紅蝦這道菜的精髓在於濃濃的蝦膏！西班牙紅蝦產量稀少，是珍貴的食材😋 肉質鮮甜爽彈，配上用鮮蝦汁否大蝦膏製成醬汁，超級鮮香！ 就連蝦殼也炸得酥脆。最後品嚐龍珠果，解解膩-🔸香煎鵝肝伴藍莓醬鵝肝獨特的香氣

我同女朋友都好鍾意食日式鐵板燒，今次慶祝紀念日，好開心可以嚟到呢間目前為止我哋食過最滿意嘅鐵板燒，推薦俾大家：餐廳位於天后站旁邊一棟交通非常方便嘅大廈頂樓，個景觀好開陽，裝修好靚！當晚有三位風趣幽默嘅廚師喺我哋面前即席準備食物，加上服務態度殷勤嘅侍應，所以用餐氣氛好好。我哋當晚食嘅係Dinner ProMotion Menu 二人套餐($1988兩位）。三款前菜各有特色，係師傅介紹之下順序咁品嚐。我個人最鍾意係北海道帆立貝刺身，鮮甜肉厚呀！澳洲龍蝦刺身：非常新鮮，隻龍蝦都仲郁緊！師傅話特別用凍水處理過，所以啲肉特別彈牙！自家製漬物：師傅免費請我地食嘅，每一款都醃得好開胃好好食。燒北寄貝：賣相非常精緻，師傅燒嘅火候啱啱好，所以好juicy！燒西班牙紅蝦：擺盤同樣都係好講究，啲蝦膏好rich，蝦肉鮮甜爽口。煎鵝肝伴藍莓醬：餐廳非常generous，塊鵝肝真係好大塊。雖然非常邪惡，但鵝肝嘅油香真係一試難忘。藍莓醬可以解膩，令口感恰到好處。美國頂級牛柳：牛味十足，師傅煎到medium啱啱好。鐵板炒飯：好足料好香，粒粒分明。自家製濃魚湯&炒菜：魚湯好濃好鮮甜，炒菜唔會太油。拔絲多士：師傅喺我地面

一入門口已經見到呢個勁開揚海景。不過鐵板燒梗係坐喺廚師前。我地book左午市優惠套餐。好快廚師就拎咗今日嘅食材俾我哋睇。上面兩隻鮑魚好新鮮，仲係識郁嘅。喺等緊鐵板燒，就有頭盤，中間薯仔撈埋黑松露醬，超級好食。都介紹咗鋪頭整嘅漬物，兩款苦瓜用咗唔同嘅腌料整，味道都好唔同，所以食落好得意。一開始就食鱈魚啦。右手邊塊魚皮係廚師特別煎過，好脆口好似食緊炸魚皮咁，而魚肉亦都好Juicy。之後就食鮑魚，煮得啱啱好，有口感。最尾就係食牛肉，有牛柳粒同埋薄切牛肉。夾埋蒜蓉脆脆一齊食，又有唔同口感。最後用櫻花蝦炒飯同麵豉湯完結呢一餐。餐飯食得好開心，因為師傅好健談，仲教我哋自己點樣煮嘢食，學到野！