影片
更多
2024-03-17
14 瀏覽
千辛萬苦，終於比我book到呢間餐廳。位置真係好方便，而且如果唔係坐吧枱嘅話真係望到銅鑼灣嘅夜景。兩個人都叫咗- 宴 Diner Special Set。前菜有鮟鱇魚乾多士同埋螢光魷魚配腐竹。前者如果未好豐富，食落去會漿住個口，魚味濃郁。後者師傅話已經加咗少少豉油同埋Wasabi佢調味，所以一口牛落去嘅時候豆腐味好濃，再配上螢光魷魚就有少少鹹鹹地。刺身有鯛魚配上淡雪鹽，自己好鍾意呢個配搭，因為真係帶得出魚嘅鮮甜。北海道真蠔，同係日本食嘅一樣，新鮮肥美就不特止，仲配上citrus jelly，成啖食晒落口最正。燒右口魚邊身金䱽魚腩手卷: 唔知點解好多日本舖頭都會將紫菜變成鱈魚乾，師傅話為咗再脆啲，同埋驚紫菜淋左會唔好食。呢款完全唔需要點任何醬油已經好好食。整體味道好夾。其他師傅拎咗佢哋自己醃製嘅食物，有紫蘇葉醃蘿蔔，醃苦瓜，沙葛，白蘿蔔柚子蜜漬同牛蒡。自己係好鍾意漬物嘅，師傅好巧妙地，用上紫蘇葉加蘿蔔，配搭好好！而且自己唔食苦瓜，但係呢個完全接受到。最後我哋兩個清晒成疊😂鐵板燒有-帶子配海苔湯: 煎得香，再加上自己醃製嘅三文魚子，口感豐富，因為用料新鮮，所以每一啖三文魚子都好脆，卜卜聲。
前菜有鮟鱇魚乾多士同埋螢光魷魚配腐竹。前者如果未好豐富，食落去會漿住個口，魚味濃郁。後者師傅話已經加咗少少豉油同埋Wasabi佢調味，所以一口牛落去嘅時候豆腐味好濃，再配上螢光魷魚就有少少鹹鹹地。
刺身有鯛魚配上淡雪鹽，自己好鍾意呢個配搭，因為真係帶得出魚嘅鮮甜。
北海道真蠔，同係日本食嘅一樣，新鮮肥美就不特止，仲配上citrus jelly，成啖食晒落口最正。
燒右口魚邊身金䱽魚腩手卷: 唔知點解好多日本舖頭都會將紫菜變成鱈魚乾，師傅話為咗再脆啲，同埋驚紫菜淋左會唔好食。呢款完全唔需要點任何醬油已經好好食。整體味道好夾。
其他師傅拎咗佢哋自己醃製嘅食物，有紫蘇葉醃蘿蔔，醃苦瓜，沙葛，白蘿蔔柚子蜜漬同牛蒡。自己係好鍾意漬物嘅，師傅好巧妙地，用上紫蘇葉加蘿蔔，配搭好好！而且自己唔食苦瓜，但係呢個完全接受到。最後我哋兩個清晒成疊😂
鐵板燒有
-帶子配海苔湯: 煎得香，再加上自己醃製嘅三文魚子，口感豐富，因為用料新鮮，所以每一啖三文魚子都好脆，卜卜聲。
-香煎鵝肝配黑醋汁: 雖然呢道菜唔算太罕見，但係欣賞師傅對細節嘅追求，兩粒麥黑豆，令到好似食緊綿蜜嘅番薯或者芋頭咁樣，中和返晒鵝肝嘅油。
-煎美國牛柳同牛薄燒:開始烹調之前，師傅會問你想幾多成熟。為咗對用料嘅尊重，自己好鍾意呢一啲好個人化嘅request。前者肉質好腍，後者包住蔥花同埋蒜片，減去油膩感。再加上自家製嘅炸蒜片，好好嘅配搭！
-炒雜菜:見到佢雪櫃攞出嚟，其實點炒都會覺得好好食😋
要一讚嘅係因為同行朋友唔係好食得某幾種海鮮，但係師傅都好貼心咁幫我哋轉左:
-沙巴虎蝦: 用咗頭嘅蝦膏再去調教個汁燒出嚟嘅，肉質彈牙。
—->轉咗做香煎鱈魚。
-黑松露蟹肉炒飯:呢個我想外賣一碗返屋企食，炒得好香，而且唔會過江，真係食到粒粒分明而且蟹肉滿滿絕對係高水準之作。
—->轉咗做和牛炒飯。
最後配上魚湯同綠茶布甸配厥餅，前者鮮甜，後者亦都做得好濃。
總結：用了新鮮，而且食材品質高，好欣賞佢哋自家醃製嘅三文魚子同埋漬物。而且師傅都會好用心講解每一道菜。有時食吓都係一種享受嚟嘅☺️
張貼
