壹玖捌叁

營業中

休息中

同媽媽去街,happy shopping 之餘就緊係要帶佢食好野啦 上網揾到呢間喺跑馬地既中餐,佢應該鐘意既~喺金鐘搭叮叮去跑馬地,沿途環境幽靜, 幾寫意~到餐館門口, 樓底高，兩旁有對牌匾感覺高雅 ~有待應帶領上2樓,正月既關係走廊裝飾放滿年花好有氣氛 待應先遞上ipad , 直接喺ipad 落單,每一道菜都有相, 好多都好吸引好想食吖不過媽媽中意食香口d,就由佢決定啦~  蜜餞素脆鱔落單時，店員話呢個係冬菇做既素鱔。夾起既時候，蜜餞一絲絲~咬落去好鬆脆，炸粉恰到好處, 唔講真係唔知係素既鱔~菊花豆腐燉花膠湯花膠同豆腐分開上，2個湯都有少少唔同，豆腐個湯:金華火腿味突出，豆腐切工勁吖，朶花真係唔捨得整散。花膠有厚度，配清湯味道唔會蓋過主角青檸金絲蝦球一絲絲既麵包絲包住大蝦球,入口鬆脆,大大隻蝦爽口彈牙。配上青檸汁, 調較得好好,香而不酸又唔甜，比較偏向清香，加埋幼幼既青檸皮，好fresh，唔會搶去蝦球既味道。  樟茶鴨方由芝麻蝦膠同埋樟茶鴨肉做成,一口咬落好有層次，有彈性既蝦膠、鴨肉有輕輕既煙燻味，上碟又靚。不過上面既芝麻再香D仲正~伴碟既係炸菠菜葉(問左先知), 好幼細既菠菜絲炸過

日忙夜忙為家庭，囝囡大了開始兩支公時間多了，要調節心態最好找兩人共同興趣，要不然爭吵時間多咗並不是好事。最近終於發掘到我和老公的共同興趣是食，閒時四出搵一下有冇特色餐廳酒樓之類。今晚行經跑馬地見到一間中式酒樓名字幾特別，外觀有點古色古香，於是乎入去又試下新嘢。前菜要了牛油白飯魚伴椒鹽茶樹菇。用牛油來炸白飯魚多了一份油香，脆口惹味。茶樹菇平時用來㷛湯，原來炸的方式一様好味。灑上椒鹽增添惹味感。整體是不油不膩，好味。老公話橫掂來到今晚一於食豪啲，每人一碟鮑汁玉掌扣鮑魚。芡汁不會傑杰杰，鮑魚有嚼口，鵝掌非常軟腍，好滿足。蕃茄濃湯浸生菜幾特別，湯底好鮮甜，生菜爽脆有口感。無飯不歡的我最愛炒飯，點了一碟瑤柱蛋白炒飯，飯粒炒得分明，夠乾爽香口。甜品都是我至愛，楊枝甘露布甸造型ok 呀！粒粒的柚子爆汁，香甜不膩。

最近友人搵到一間有質素菜館，二話不說帶我去試一下。位於跑馬地，我的印象是高級住宅區，名人明星經常流連的地方，附近的餐廳，菜館都有番咁上下見報率，今晚跟著友人衫尾，相信不會失望而回呢...嘻嘻！經過長長樓梯進入菜館，裝潢平實得嚟有點氣派。點餐全用電子化，非常簡單。咖啡溏心燻蛋（$68）嘩！蛋黃橙紅色澤好似太陽咁嬌艶。末入口已嗅到濃濃的燻煙味，蛋味好濃郁，好正呀👍！鮑汁玉掌扣五頭湯鮑（$188）對我而言幾多頭的鮑魚並不重要，最重要廚師功架。鮑魚入口軟腍，燴汁夠入味。鵝掌基乎入口即化的口感，滋味！南乳脆皮雞（$188/半隻）雞皮呈現焦糖色，皮脆香口。挾起來皮肉不會分開，肉質濕潤多汁好嫩滑，不過略為過於入味鹹了少許。薑汁炒芥蘭（$98）薑味，酒香盡現，芥蘭非常翠綠鮮嫰，不錯！合桃露（$42）相信是即磨的，香滑味濃香，甜度適中，讚👍！今晚好滿足喔！多謝友人的款待。

早陣子同朋友聚餐，想食好嘢😋😋😋，其中一位友人就推薦咗呢間高水準精緻中菜嘅 「藍帶餐廳」 。餐廳位於跑馬地，交通唔係特別便利，不過好彩有電車站喺附近。「咖啡溏心燻蛋 」蛋黃口感好正，仲有咖啡香「碧綠龍皇翡翠杯」用節瓜做翡翠杯，清新之餘再加埋蝦嘅新鮮味「京果陳醋咕嚕肉」 皮薄脆肉嫰滑，好吃，可襯紅酒品嚐 「薑汁薏米麻蓉湯圓」整體來講雖然價錢偏貴，但食物質素十分好，服務亦都好到位。如果有特別聚餐慶祝，推介呢間餐廳。

小編最愛飲茶 今日係養和醫院探望完朋友既bb就黎到附近既呢間1983食午餐餐廳使用全白色既餐具 感覺好乾淨整潔前菜有酸菜 口感爽脆又醒胃鮮蝦蟹子燒賣$42用鮮蝦製作既燒賣特別好食鮮蝦爽口不像雪蝦一般淡而無味豬肉餡有適當既調味 正好帶出豬肉同鮮蝦既香味 加入鮮蟹子後既燒賣口感爽脆咖哩土魷 $38可以食到咖喱土魷嘅地方可以話係越來越少通常都係要去一啲比較舊式嘅茶樓先會見到有呢度整嘅咖喱土魷非常入味 而且唔算太辣土魷口感比鮮魷爽口 較容易咀嚼鮮菇素包 $39單單只看鮮菇包個外形 小編連心都軟化埋了呢個蒸包扮緊一粒冬菇 而中間嘅餡料係冬菇粒餡料經過適當嘅調味後令冬菇味更濃郁麵包嘅外皮經過調味帶點甜 十分美味Xo醬香煎腸粉 $48使用秘製Xo醬烹調而成腸粉 外皮帶脆 腸粉依然香滑加入XO醬嘅腸粉味道更香濃啱晒鍾意食香口野嘅小編紅油抄手$48红油抄手係四川重慶地方既特色小吃餐廳製作既抄手柔嫩鲜美 皮薄潤滑而且湯汁微辣濃香 十分醒胃松子馬拉糕$36馬拉糕呈金黄色 上菜時係熱騰騰的新鮮吃時非常蓬松 柔软帶有輕微的雲呢拿及雞香味加入左松子令馬拉糕更香總括而言小編覺得雖然餐廳有啲遠但係坐得非常舒服而且服務

本身預咗千幾銀budget同女人食情人節大餐。與其去西餐廳俾人剧到一頸血，以情人節之名被迫食埋啲不值定價一半嘅食物，不如食啲貨真價實嘅高檔嘢。呢種情況下，識食一定食中菜，於是就搵到壹玖捌叄。以香港菜之名獲法國藍帶認證，似乎有啲料。Openrice訂定二人枱，獲安排坐角落頭位，私隱度幾高下。撞正過年，餐牌轉晒做新春套餐，冇得散嗌有啲可惜。最後叫咗2人套餐B。前菜一冷一熱，幾開胃。之後應該出湯嘅，但係出蝦先嘅？唔理，照食咗先。蟹肉、蛋白同松子配大蝦，蛋白好滑，蝦啖啖肉跟住包羅萬有，髪菜、鮑魚、蠔同豬脷嘅配搭，相當好意頭。蜜汁香欖骨，非常入味。炒飯，用微型煲仔上，好鬼high class喎～ 好香，亦不過油。食完個飯，侍應想收我哋餐具。但話說，個湯呢？我話，湯未嚟嘅？侍應連忙道歉，應該出漏了 唔緊要，我哋可以等。出嚟喇，菊花豆腐燉花膠湯。所謂菊花豆腐，係將豆腐切成菊花咁樣，師傅刀功掂呀 呢道湯夠清，原本喺較濃味嘅主菜前上先啱嘅。次序亂咗係美中不足。是日糖水，花生糊甜點，紫薯金沙球，外脆內軟好好食。總括而言，今次情人節暨迎新春大餐係正嘅，滿意～

朋友介紹呢間上海菜, 就試試佢地點跑馬地開頭以為有D唔就腳, 但原來都OK方便, 銅鑼灣坐的士去30蚊左右走既時間, 一出門口就有小巴返銅鑼灣, 幾方便氣氛& 服務整體氣氛唔錯, 大門幾別緻, 穿過一條掛滿黑白舊上海相既走廊, 個人係幾鐘意呢D 古典野入到餐廳, 都幾平靜, 又有D音樂, 燈光予和 岩哂同男朋友黎偷情服務都唔錯,,每次上菜個店員都會輕輕介紹一下男朋友長期手腳冰凍,,所以要飲熱野, 咁岩呢到店員又會自動自覺幫我地加水,呢個位加食物我地今次就揀左個2人SET D涼拌牛蒡蟲草花 同 咖啡溏心燻蛋有質素的上海菜, 虫草花酸甜開胃, 咖啡蛋男朋友特別鐘意, 佢日日都飲咖啡菊花豆腐燉花膠湯又靚又好食,,呃LIKE一流XO醬西芹炒象拔蚌 XO醬好香 黑蒜白玉蒸龍躉球, 啖啖肉, 正蜜汁香欖骨係我成晚最喜歡，睇落很辣, 食落甜甜地, 好味瑤柱蛋白炒飯好香甜品 好精緻 味道唔錯 唔係hea野

同媽媽食飯，想食啲質素好既中菜，又想靜靜地，今次就上網搵到呢間係跑馬地既壹玖捌叁。菊花豆腐燉花膠湯 $188菊花豆腐湯並唔係由菊花煮成，而係將豆腐切至極幼既絲，再放係湯中，形成花一樣既效果，極考師傅刀工。花膠足有一厘米厚，口感煮得剛好，彈牙又足滿膠質。飲呢個湯真係可以同時得到視覺同味覺既享受，好滿足。麻辣墨魚頭 $78好惹味既前菜，有麻油香，又有一堆香草既清香，再加埋少少麻辣既刺激感，令爽彈既墨魚頭片變得好有層次感。濃湯鮮竹銀杏浸時蔬 $148我特別鐘愛食鮮竹，所以叫左呢個鮮竹銀杏浸芥蘭。鮮竹好滑，有豆香。芥蘭已經被師傅細心處理過，削去較厚既外皮，保留爽脆既心位同葉，好岩我地兩母女口味。蜜汁香欖骨 $148呢個蜜汁香欖骨相當有驚喜，每條骨都被香甜蜜糖包圍，然後有濃濃既黑椒味，食落又甜又香！而且肉質煮得剛好，軟硬適中，唔會好難咬。反而欖菜既味道唔係好強，所以唔食欖菜既人都可以一試。京都陳醋咕嚕肉 $158點呢個咕嚕肉既時候，貼心既侍應即時提醒我地已經叫左兩個都係豬肉做既主食，會唔會考慮其他肉類。不過因為我鐘意食酸酸甜甜既野，所以依舊點左呢個咕嚕肉。黎到既時候見到旁邊既畫已經覺得賞心悅目，

為食Chloe難得休息，就同媽咪享受一日貴婦生活做女人要識得錫自己，每人既方法唔同，而我就係食喇！閒時去品嘗 下午茶，成個人就如refresh左。但又想吃得高級而又合理價錢的～1983確是好選擇！環境舒服寜靜，坐得又舒適～叫左一個$298套餐/二人份量我中意餐廳用電子menu看圖點餐更便利！套餐包括：選五款點心／麵款／包一個芒果甜品／有幾款必點。。。三色小籠包肉質 皮薄餡靚多汁，不易弄穿，外貌弄得精緻風車素餃薄皮帶煙韌口感，內裹的餡料全素，適合素食人士！清清地唔錯！山竹牛肉球牛肉控的我不能錯過豉油皇香煎腸粉.腸粉用老抽上色，腸粉夠滑，加埋芽菜一齊食！正！美極醬野菌煎龍躉球讚歧烏冬呢個不得錯過，必點選擇呀上碟時係用蒸籠上！龍躉煎得香脆又好入味，連雜菌菇配菜都有美極醬汁調味！好好食！烏冬彈牙，因為係用讚岐烏冬嘅！再單點 鮑魚燒賣， 價錢唔貴又有派頭最後食埋甜品就圓滿啦下次再同媽咪黎嘆下午茶先

鮑魚鵝掌值得一讚鵝掌入味夠淋，鮑魚炆得火侯到位，夠哂入味。肉質唔韌, 仲有爽口彈牙感。最驚喜係個汁完全冇搶去鮑魚本身既鮑味，令整道菜更有層次感~水煮牛肉 唔係一般係面淋一層辣油既水煮。辣汁係精心烹煮而成，厚身唔油膩。有大量京蒽雲耳襯托，令成道茶有唔同口感。最後再係面加上一份蒜蓉，令整道菜更香口~淡淡麵 $55@特別既熱拌淡淡麵，不太濕不太乾。入口先傳來一陣微微既花椒八角麻辣，然後再傳來香口既麻醬味。麵質軟硬適中，微暖，可直接入口。配料方面有蒽花，肥豬肉碎，花生碎和炸菜碎，而且全部切到大小一致，可見心機環境好 服務超好 一定要再泥

家姐有喜，趁BB未出世，我哋一家人好想去食一餐好的。媽媽就提議去食高級的酒店中菜，乖女如我當然四出搜尋美味的中菜館啦！經朋友介紹下，發現咗一間位於跑馬地的高級中菜，環境味道和服務都唔比酒店遜色。老店果然係老店，店名霸氣，排場十足，門前仲有一對對聯。行落去見到環境好靚，有種書卷味。無錯，係書卷味！負責serve我哋的經理哥哥馬上迎過來，笑容好親切，亦一口氣介紹咗好幾道招牌菜式俾我哋。媽媽好鍾意食魚，所以我哋特登揀咗兩款不同的魚食。白玉蒸龍躉球係好多地方都能夠食到的菜式：一件豆腐、一件龍躉肉，加上豆豉、蔥絲同青紅椒。豆腐好滑，龍躉肉好嫩。另一款菜式好特別，唔係經理推介，我哋都唔知道有得食。喜之次比我感覺係日本餐廳左先食到的魚類，估唔到中菜都有。餐廳仲用上非常特別的手法，就係油浸喜之次。經油炸的喜之次，表皮非常脆，魚油被迫晒出嚟，口感和味道都好豐富。爸爸唔太好肉類，但就好鍾意食豆腐。所以黃金椒鹽脆豆腐就係為佢而設的。豆腐有如積木般堆砌好，每件大小一致，表面炸至金黃色。外皮又薄又脆，但內裏的豆腐非常滑溜。呢個豆腐羹絕對係鬼斧神工！驟眼睇以為係一個普通的湯羹，細看下豆腐被利刀切成絲，輕輕撩動就會

星期日跑馬，阿公帶了我去了比較少人的跑馬地馬場見識見識，入場前先去飲個早茶，填飽個肚再大殺四方。這間位於跑馬地的壹玖捌叁鄰近巴士總站，是一間比較高檔的酒樓。我們點了一個二人餐再加了兩款點心。菊花茶充滿清新的花香同時帶點菊花的苦澀味，清熱解毒。鮮蝦帶子果外貌似蝦餃，外面很薄，裏面是蝦膠溝了蟹子，蝦膠爽口彈牙，每啖都咬到脆卜卜的蟹子。田園三色小籠包小籠包皮薄有彈性，不易夾穿，裏面肉汁豐富而且鮮甜。雲腿上湯腐皮卷腐皮卷外皮煙韌，裏面有些蝦膠及肉等，湯底鮮甜，有點金華火腿的咸香味。豉油皇香煎腸粉腸粉每條上沾上老抽的色澤，腸粉很滑，另外還有些芽菜，而且不會太油膩。棉花雞上面的紅棗及杞子有淡淡的酒香，而雞肉應該是用酒醃過，雞肉嫩滑有酒香，魚肚吸引了雞汁及酒味，是精華所在。蝦餃每隻都脹卜卜，一隻等於外面的兩隻，蝦肉新鮮爽彈，而且蝦餃皮薄有汁。上湯迷你咸水角咸水角炸得外脆內軟，浸上上湯，外面開始變軟，上湯很清甜，有點似大地魚湯底，胡椒粉味比較濃。芥蘭色澤翠綠，芥蘭只留了最嫩部份，而且菜頭的外皮去掉，只剩菜芯，所以又脆又甜。叉燒薑蒽撈粗麵粗麵又爽又彈牙，叉燒切成絲，加上一些薑葱絲撈在一起，非常精緻及好味

星期日又係同屋企人嘆茶嘅時候，今次選址喺跑馬地口碑極佳嘅壹玖捌叁，走精緻路線嘅香港菜用平板電腦點菜，仲可以睇到野食嘅相，好吸引呢！睇到呢個就知道午市套餐好抵食！2人午市點心過橋麵食套餐B $298點心任擇五款：晶瑩蝦餃皇（右上）飲茶必點蝦餃，呢款蝦餃皮非常薄，每粒都包左好大條鮮蝦！風車水晶素餃（左上）包左4摺好似風車形嘅素餃，入面嘅蔬菜好新鮮好甜香煎瑤柱櫻花蝦蘿蔔糕（下）蘿蔔糕同一般嘅唔同，有啖啖都食到好多蘿蔔絲！田園三色小籠包綠色紫色同橙色嘅三色皮，皮薄，肉嘅湯汁多，比一般嘅上海菜館做得出色醬皇鳳爪鳳爪炆得好淋好入味，鐘意濃味嘅人必點飯麵一款美極醬野菌煎龍躉球讚岐烏冬餐廳好細心，分開位上呢！每位一份湯讚岐烏冬，好彈牙！一份野菌煎龍躉球，有蜜糖豆同椒類配菜，魚肉鮮味。估唔到龍躉配烏冬食係咁夾架呢！是日甜品係心型嘅奇亞籽芒果啫喱追加兩款甜品潤一潤：桂花飄香燉雪梨$42（上）原個雪梨釀入桂花雪耳等材料燉，雪梨好淋，帶有陣陣桂花香，心機之作桃膠銀耳雪棗糖水$42（下）近來流行食桃膠，呢度都有呢～感覺好養顏值得一提服務非常好，侍應好貼心！

因為住得遠，所以去跑馬地食飯要有強大動力，今次就有呢間中菜吸引到我。餐廳門外已經感受到其氣派，經過長樓梯走到二樓，數位侍應已經面帶笑容歡迎我地，第一印象相當唔錯。兩個人食飯，最頭痕係份量。第一次黎當然想食多啲唔同種類既菜式，又怕點太多食唔曬，好彩呢間精緻中菜廳有二人餐專為二人撐枱腳而設，相當貼心。《2人鮑魚魚翅套餐 E $1038》前菜：香蔥油海蜇花+牛油白飯魚伴椒鹽茶樹菇海蜇爽脆，帶麻油香<竹笙瑤柱燕窩羹>女孩子們當然要食燕窩羹養養顏！燕窩羹入口滑順香濃，竹笙切成一小粒，為軟綿既燕窩加添口感。而每一啖都可以食到湯料，確實真材實料！《蟹肉芙蓉蝦球》蝦球真係好驚喜！咁既size係難得一見！即使咁大隻蝦，但師傅都可以好好咁控制火候，蝦煮得恰到好處，非常彈牙，真係啖啖肉，要分兩三啖先食得曬！巨型既蝦球上仲有蟹籽同蛋白，蛋白滑溜。《鮑汁肉掌扣五頭鮑》鮑魚肥美，五頭鮑已經頗厚身，鮑汁入味，令人相當滿足。《濃汁牛肋骨煲》好好味！鐘意食重口味既我真係心心眼！牛肋骨肉質軟腍而帶軔度，味濃而唔過咸。《鮑汁雞粒炒飯》《桃膠紅棗糖水》呢個糖水非常有益，桃膠養顏又有豐富膠原蛋白，聽聞媲美燕窩花