影片
更多
2018-01-24
134 瀏覽
因為住得遠，所以去跑馬地食飯要有強大動力，今次就有呢間中菜吸引到我。餐廳門外已經感受到其氣派，經過長樓梯走到二樓，數位侍應已經面帶笑容歡迎我地，第一印象相當唔錯。兩個人食飯，最頭痕係份量。第一次黎當然想食多啲唔同種類既菜式，又怕點太多食唔曬，好彩呢間精緻中菜廳有二人餐專為二人撐枱腳而設，相當貼心。《2人鮑魚魚翅套餐 E $1038》前菜：香蔥油海蜇花+牛油白飯魚伴椒鹽茶樹菇海蜇爽脆，帶麻油香<竹笙瑤柱燕窩羹>女孩子們當然要食燕窩羹養養顏！燕窩羹入口滑順香濃，竹笙切成一小粒，為軟綿既燕窩加添口感。而每一啖都可以食到湯料，確實真材實料！《蟹肉芙蓉蝦球》蝦球真係好驚喜！咁既size係難得一見！即使咁大隻蝦，但師傅都可以好好咁控制火候，蝦煮得恰到好處，非常彈牙，真係啖啖肉，要分兩三啖先食得曬！巨型既蝦球上仲有蟹籽同蛋白，蛋白滑溜。《鮑汁肉掌扣五頭鮑》鮑魚肥美，五頭鮑已經頗厚身，鮑汁入味，令人相當滿足。《濃汁牛肋骨煲》好好味！鐘意食重口味既我真係心心眼！牛肋骨肉質軟腍而帶軔度，味濃而唔過咸。《鮑汁雞粒炒飯》《桃膠紅棗糖水》呢個糖水非常有益，桃膠養顏又有豐富膠原蛋白，聽聞媲美燕窩花
餐廳門外已經感受到其氣派，經過長樓梯走到二樓，數位侍應已經面帶笑容歡迎我地，第一印象相當唔錯。
兩個人食飯，最頭痕係份量。第一次黎當然想食多啲唔同種類既菜式，又怕點太多食唔曬，好彩呢間精緻中菜廳有二人餐專為二人撐枱腳而設，相當貼心。
《2人鮑魚魚翅套餐 E $1038》
前菜：香蔥油海蜇花+牛油白飯魚伴椒鹽茶樹菇
海蜇爽脆，帶麻油香
<竹笙瑤柱燕窩羹>
女孩子們當然要食燕窩羹養養顏！燕窩羹入口滑順香濃，竹笙切成一小粒，為軟綿既燕窩加添口感。
而每一啖都可以食到湯料，確實真材實料！
《蟹肉芙蓉蝦球》
蝦球真係好驚喜！咁既size係難得一見！
即使咁大隻蝦，但師傅都可以好好咁控制火候，蝦煮得恰到好處，非常彈牙，真係啖啖肉，要分兩三啖先食得曬！巨型既蝦球上仲有蟹籽同蛋白，蛋白滑溜。《鮑汁肉掌扣五頭鮑》
鮑魚肥美，五頭鮑已經頗厚身，鮑汁入味，令人相當滿足。
《濃汁牛肋骨煲》
好好味！鐘意食重口味既我真係心心眼！牛肋骨肉質軟腍而帶軔度，味濃而唔過咸。
《鮑汁雞粒炒飯》
《桃膠紅棗糖水》
呢個糖水非常有益，桃膠養顏又有豐富膠原蛋白，聽聞媲美燕窩花膠，最啱冬天天氣乾燥嘅時候食！湯水唔會過甜，帶黏黏地嘅質感，飲完一碗真係想再要多碗！值得一提既係服務真係好到不得了！照顧周到，無時無刻都幫我地添茶，收拾枱上碟子既速度都好快，店員好主動同熱心幫忙，務求大家可以喺一個非常非常舒適既環境享受晚飯，呢一點確實值得其他餐廳學習。
張貼
