嚐囍煲仔小菜

營業中

休息中

首次品嚐這餐館，一定試食煲仔飯！有朋友推介這問餐廳，前來機次都很多人排隊。味道是這種餐廳的重點。快、靚、正、食完走。點菜有：白鱔+雞肉煲仔飯啫啫唐生菜椒鹽魷魚拼矮瓜鐵板牛柳牛柏葉Service/服務👍🏻👍🏻Cleanliness/清潔度👍🏻👍🏻Taste/味道👍🏻👍🏻👍🏻Ambiance/氣氛👍🏻味道和鑊氣都有。個人不喜歡用太多味精調味。煲仔飯有飯焦，鱔時間剛好。牛柏葉有加入白蘿蔔有清甜的味道。

今天中午我和老公選擇了這間所謂米芝蓮的食店一試，因為平時經過已排長龐，今天一進去便有位。當我們一坐下，有位阿姐已好大聲問飲咩茶?所以我便回答了，但當我看了餐牌後，看見有午餐小菜吃，便不想吃點心了。之後我便同阿姐講我不要茶了，因為午餐已有飲品了，但阿姐話茶已開不能改，跟住我便跟她說我並沒有喝過這壺茶，現在不要，是不應收我茶錢的，真是很不合理，雖然只是$5位茶錢，兩位便多收$10，但我不是吃點心，只來吃午餐小菜，心想真是一間不老實的食店，下次不會再來。味道一般，環境衛生麻麻，職員態度欠佳，完全不是一間好的食店。

平時晚餐既主要飯堂，煲仔飯小菜一定推薦，反而係夜茶就未試過，咁啱夜晚廚房last order 收咗爐就試吓～點心全部都係即叫即蒸，所以都要等得比較耐，記得飲啖茶慢慢等！叫咗蝦腸、小籠包、牛柏葉、鮮竹卷同薑汁千層糕。蝦腸個米漿都做得幾滑，冇糊口嘅感覺；小籠包餡料比較實，味道還可；牛柏葉整幾好食又夠爽口；孫竹卷不過不失味道OK；薑汁千層糕係來貨價錢唔太貴，唔係趕時間又唔怕飲完茶瞓唔着嘅朋友，夜晚宵夜可以多一個選擇！

今天星期四，朋友帶我去堅尼地城食煲仔菜，晚上六點 半入座，七點已經座無虛席。到步才知道是 2018 2019 連續兩年 米芝蓮車呔人推介。先來一碟小炒皇，椒鹽鮮魷茄子 九吐魚 三併，花竹蝦煎米粉，鹹鮮馬友，梅香鹹魚肉餅煲仔飯，鴛鴦腸冬菇粒煲仔飯，金銀蒜粉絲娃娃菜，甜品拼盤: 計有招牌蝦餃、八寶糕、黃金糕、千層糕。小炒王，好夠鑊氣香噴噴，鮮嫩韭菜， 脆銀魚，蝦乾，腰果，送酒一流，不要錯過。椒鹽三拼: 茄子，鮮魷魚，九肚魚，好食到唔識形容，脆漿好薄，茄子，鮮魷魚和九肚魚 都非常嫩滑，名副其實外脆内嫩。花竹蝦煎脆米底，花竹蝦大大隻，米粉煎得脆卜卜，好野味，如果多啲汁就更好。鹹鮮馬友，外脆內嫩，鹹香可口，送飯助酒俱佳。馬友鹹魚肉餅煲仔飯，飯就稍微削咗啲 但鹹魚肉餅真的讓人難忘，上等馬友鹹魚香噴噴，原來老闆除了做食肆外，還在西環批發鹹魚，所以有靚鹹魚供應。鴛鴦腸香菇粒煲仔飯，用臘腸和潤腸切粒 加冬菇粒，鋪上勁多蔥花，上桌時一揭蓋，濃香撲鼻，蝦公米粒粒企身，冇得頂。清蒸金銀蒜粉絲娃娃菜，賣相令人眼前一亮，娃娃菜清甜，配上金銀蒜 粉絲底清蒸，鮮味無窮。點心拼盤: 招牌蝦餃，黃金糕，拉椰糕，八寶糕。

一間位於西環嘅米芝蓮煲仔飯之前喺online買左優惠券因為就快過期所以要快啲用咗佢如果大家冇訂位的話記得要早啲去到因為一到食飯時間就會大排長龍白鱔飯 $80呢度最出名嘅就係煲仔飯係呀煲仔飯都係即叫即煲白線嘅份量都算好多而且煲出嚟嘅飯軟硬適中飯焦軟硬度亦都啱啱好唔會黐實晒個煲邊食唔到海鮮賽螃蟹🦀️ $98呢一個餸我覺得比起煲仔飯更加好食蛋白炒得好軟滑再加上蝦肉碎同埋帶子碎簡直一個豪華版嘅賽螃蟹而且外觀上亦都好吸引味道亦都相當唔錯椒鹽鮮魷 $82椒鹽鮮魷雖然炸得好金黃不過我覺得外層唔脆但係魷魚的確幾新鮮食落亦都爽滑彈牙👌🏻黑椒牛仔骨煲 $95全晚最令我失望嘅一個餸首先牛仔骨嘅份量比較少大概可能只得5-6舊而且牛仔骨嘅肥肉非常多肉質亦都非常堅韌咬極都咬唔開而且整體上都比較油不過係味道唔錯嘅整體來講呢度嘅煲仔飯同小菜都有中上嘅水平而且不設+1服務費真係試得過

店鋪隱匿於熱鬧的西環北街裡，一進店便能感覺到強烈的煙火氣息味，氛圍溫馨輕松。店內的豉汁蒸魚味道很不錯，鮮甜味濃，肉質嫩滑，即使是不愛吃魚的人也忍不住多嘗兩口。最推薦的是煲仔飯，傳統炭烤方式制作，口感一流，味道都被濃縮在煲裡，吃一口便是滿滿的幸福感。

很飽的一頓午餐! 工作完後回到西環吃午飯, 想到嚐囍品嚐其煲仔飯, 但原來晚市才有, 幸好也有煲仔小菜代替. 全部煲仔小菜也是五十二元, 十分統一, 而我點了沙嗲牛肉粉絲煲, 沙嗲味香而不膩, 味道偏甜但沒有很濃的花生碎; 粉絲量多, 牛肉片就是正常的口感, 沒有鬆肉粉的味道就成, 反正我這餐的目的, 就是單純的填飽肚子就是.

今天經過西環，中午食飯時間，但唔係好肚餓，所以我食點心，經常去飲茶第一件事都會問，唔飲茶飲汽水得唔得？其實好多都話冇所謂錢照收...因為由細到大我都跟阿媽去飲茶，所以我好怕飲茶，但人總要食，食點心又唔會中伏，你今日最開心問咗佢唔飲茶飲汽水收唔收茶位佢話唔收我真係好開心，因為點心襯可樂先係最好！飲得茶多唔知飽，仲容易肥呢？點解我會講咁多嘢呢一間呢其實我真係推介呢一間，因為呢間野原本就唔係做點心嘅，隔離做點心嗰間都好旺，下次去開可以推介下。因為呢一間蝦腸粉係20幾蚊仲即場做，非常之感動，一落檯非常之新鮮，蝦唔會梅，但好可惜，佢腸粉個低漿，應該唔係係出名門，即係唔係大師傅，我有個意見如果佢高低筋粉，或者鄧麵，再調校一下。咁就旺到七彩，由於依家原本係煲仔飯後尾半途出師，但係老闆好好人，我係真心希望他好的。另外試咗黑椒牛肚，呢個味係係出酒樓，和一般酒樓水準一樣。價錢又唔貴食得過。講到底佢可以飲汽水唔飲茶，呢一點係好適合年輕人有機會可以試吓！

今天我於堅尼地城約朋友逛街，肚餓了，便提議去吃煲仔飯。“嚐囍煲仔小菜”鄰近堅尼地城地鐵站，十分方便。店內的空間大，不覺得擁擠。此店之食物種類很多,有各種各類的煲仔飯丶中式點心丶廣東小菜丶小炒等。炭燒黃金臘味撈飯$80,果然是鎮店之選,一打開煲蓋,便聞到誘人的臘味香味。臘腸和潤腸都是切得細細粒的，加上分開上的香蔥特製豉油，不太鹹而帶有少甜味,自己可以按口味而淋多少。飯粒幼細,粒粒分明，口感十足。雖然是大熱天,然而冷氣充足,吃得津津有味!鹹魚肉餅飯$80,肉餅咬落彈牙鬆軟爽口,加上超靚的馬友鹹魚，吃起來份外美味, 白飯又軟又香，加上金黃香脆的飯焦，簡直人間美食。椒鹽鮮魷$82,外面炸得鬆脆,內面魷魚仍然保持新鮮嫩滑,味道惹味，非常好吃!咕嚕脆雞球$72,是我的至愛，又香又脆，酸酸甜甜,雞球吃起來啖啖肉,口感豐富，一定要試。椒絲腐乳通菜$58, 顏色翠綠的通菜味道很好, 不會太鹹，配上惹味之椒絲腐乳,真是吃過不停。安蝦鹹水角,小點$17,熱騰騰好軟熟，味道一流,值得推介!此店有濃厚的懷舊情懷丶豐富的人情味，並且煲仔飯是用傳統方法做，吃得出的功力及手藝。特別是炭燒煲仔飯,包含色丶香丶味,令人讚

呢一間煲仔飯係西環，無人不知！其實已經有幾年冇去㗎啦⋯⋯但係由於朋友住喺西環！大家又想回味一番，而且又方便朋友！所以最後都系選擇食呢一間煲仔飯！隔咗咁多年！佢個味道始終都無變！我哋今次五個人去！訂左一個冬瓜盅！完全無加任何味精，好清淡，同煲仔飯，絕對夾！另叫咗一個之前冇食嗰個煲仔飯！叫做黃金臘味撈飯，將臘味切到細細粒（是我兒時最鍾意做法）要即時落豉油，不用再焗，即撈，嘩！那種香味到現在仲在我腦海中👍👍⋯⋯飯焦恰到好處。另外一個煲仔飯！肉餅加魚鮮飯，嗰條魚唔喊而且一開蓋，好香！最後我哋覺得食兩個煲仔飯唔夠！再另外叫多一個煲仔飯！咁先至滿足到我哋！另加咗幾碟小菜！佢條新鮮魚蒸到剛剛好！加埋款點心！就有個完美嘅晚餐啦！隔咗咁多年廚師的廚藝仍然寶刀未老！抵佢十點幾仍然好多人等枱。

之前有食過呢間餐廳，食物不算太差。所以在我媽媽生日打算訂枱食飯為媽媽慶祝。我提早訂枱，直到當天三點，佢地的職員打來。說我地用膳時間沒有枱，強迫我們一定要提前或延後食，否則不會給我們大枱。老實說說，我也明白你們想多做生意，但是我們提早預訂，為的是想同媽媽慶祝。訂了枱不能不客人，要當天用強迫的手法要客人自動取消，實在太過份了。所以我必須提出，如果有人想訂枱食飯慶祝不要選擇這間餐廳，不然未用膳先生氣。

冷氣改變了我們恆常的習慣，不用等待嚴冬，也可以來個火鍋或煲仔飯。今晚是後者，西環的嚐囍，慕名已久，終於有機一試。小二哥建議招牌白鱔排骨煲仔飯 $80，當然無異議。完美的煲仔飯，首要飯心軟熟，飯焦香脆。尤其喜愛加熱水變飯焦湯飯，獨有的焦香味，無可替代。白鱔新鮮肥美，配以惹味的豉汁，可以多幾件就更完美。🤗🤗排骨瘦多肥少，合現代人胃口；雖然少肥，但沒有嚡口感，加點甜豉油，更覺美味。XO醬韮菜花炒蝦乾銀魚乾 $108，材料有韮菜花、韮黃、紅辣椒，紅蘿蔔絲、銀魚乾、蝦乾。韮菜花保持到爽脆軟腍兼備的口感，顏色翠綠；銀魚仔炸得香口鬆脆，加上微辣的XO醬吊味，火喉又拿捏得剛剛好，整體很完美。蝦乾夠大隻，炸得脆卜卜，勁香口😙😙薑蔥生蠔煲 $128 ，材料簡單，只有料頭薑、蔥、及生蠔。材料越簡單，就越考大廚功架。採用日本廣島蠔，上枱時熱辣辣，一煲有十多隻。廚子功夫了得，吃起來蠔隻口感不遜於桶蠔，值得一讚🖒🖒是日晚餐，一煲兩餸 😁😁街坊價錢，車呔質素，比一般中價酒樓更優質，難怪客人絡繹不絕。

今日朋友第一日去律師行實習，我當然要請他吃晚飯。西環有一間食煲仔飯好出名「嚐囍煲仔小菜」，還入選「米芝蓮指南2018」的🌟朋友說放工只乘一個站便到堅尼地城站，一出站行兩分鐘就到，非常方便的👍🏻嚐囍晚市是六時開始，店內的環境算大，沒有擁擠感覺，晚上時段多人，幸好我們一早到來，我見到未夠鐘已經有食客在等候。餐牌上的煲仔飯、蒸餸、撚手小菜和墻上的推介菜式，種類很多，我們樣樣都想試，但可惜今晚得兩個人，不敢叫太多，怕吃不完。😬炭燒煲仔飯好出名，必定要試，我們叫了鹹魚肉餅飯，啫啫滑雞煲，同埋老闆介紹的啫啫通菜。首先來的啫啫滑雞煲，直接用砂煲上桌，在揭開蓋子的一刹那，還有滋滋聲、香噴噴的味道撲鼻而來，還沒動筷子就已經心動了。一吃入口，雞肉滑嫩彈牙，鹹鮮味道剛好、色豔味美。😋爽口起沙的豬潤索曬的汁味，真是惹味好吃。😋冬菇炆得夠淋、夠入味，我們一邊吃一邊讚口不絕，最後連蔥頭都食曬。😬鹹魚肉餅飯，鹹魚是靚靚的馬友鹹魚，肉餅鬆軟彈牙，配上鹹魚一起吃，滋味無窮，白飯軟熟得來帶香味。食至最底，還有金黃香脆的飯焦，香脆如同米通，份外滋味，真是未食過咁好食的煲仔飯。👍🏻👍🏻👍🏻鹹魚的鹹鮮香味不用加太多豉油，只是混

星期五晚放工坐地鐵幾個站覓食，堅尼地城而家多咗好多嘢食，中、西、日、韓乜都有，今日突然好想食煲仔飯，發覺而家煲仔飯嘅餐廳已經唔多，咁啱俾我搵到一間懷舊風味大排檔嚐囍煲仔小菜，即刻要入去，食7:00到咗已經坐滿人，不過最好三個或以上人數就唔需要搭枱。 今日揀咗啲推薦*菜式。白鱔田雞煲仔飯加潤腸，田雞白鱔好新鮮，潤腸夠晒粉！ 👍🏻仲有飯焦添😋值得推薦! 煲仔飯都唔算等得耐！ 好快就有得食。椒鹽鮮油拼魚雲，魷魚新鮮香口，魚雲鮮味，不過都係豉汁蒸魚雲會正啲！蒜蓉粉絲娃娃菜，足料，娃娃菜鮮甜，蒜蓉香口，味道偏濃！ 睇睇餐牌原來仲有點心叫，夜晚都可以食吓點心，唔錯！ 食完都繼續有人排隊!好彩早到如果唔係又要排隊

今早起床覺得天氣涼了少少，突然想食煲仔飯，出到街果真有些涼，返到公司問同事有沒有興趣去食煲仔飯，他一口就應承左，他說上次同朋友去堅尼地城北街，有間(嚐囍煲仔小菜)的煲仔飯和小菜都好好味，而且仲係2018和2019年連續二年拿到米芝蓮既餐廳，聽到我都好想即刻放工去食。終於等到放工啦！我們去到堅尼地城站2號出口直行就見到，十分近地鐵又容易找到。可能是平日不用等位就可以入去食，入面D姐姐好有禮貌問我們是否二位，我說是，她就安排我們座近門口二人位，本想近門口會否冷氣不好，原來不是，店舖內的冷氣都幾好。我們看了餐牌就叫左2個煲仔飯和一碟小菜，1個是(炭燒)白鱔煲仔飯$80，白鱔都幾多鋪滿在煲仔飯上，白鱔很鮮嫩而且仲幾厚身，陣陣白鱔油香，食到停不住口。另1個是(炭燒)黃金臘味撈飯$80，侍應生阿叔拿來時，打開飯蓋陣陣臘味香，跟著幫我們把臘味粒和飯撈呀!撈呀！嘩~~好香呀!😋😋內有臘腸、潤腸和葱粒，切都細細粒就可以很容易迫哂所有的油香出來，米煮到一粒粒分明又不會太肥，加上落自制豉油，簡直是perfect 。豉油是分開上，煲仔飯的豉油是甜甜地不會太鹹。還有1碟(蒜蓉清炒白菜仔)$58，白菜炒得很有鑊氣