嚐囍煲仔小菜

營業中

休息中

今日帶住我媽媽11am之前到，因為知道食飯時間特別人多，所以特登避開。嗌咗田雞拼臘腸拼雞煲仔飯、椒鹽九肚魚、薑蔥生蠔煲、豉椒蒸魚雲，哇哇哇個個都好好味，夠火候、食得我哋好開心，因為呢排減肥減到完全冇胃口，連去旅行都唔似以前咁為食，今餐覺得好好味，食材新鮮、味道正宗，睇得出師傅係用心煮…..真心講句：咁樣嘅味道、咁樣嘅價錢、咁用心煮嘢，我諗香港應該唔係好多了啩，係我心目中我俾滿分💯。（Ps我最近都有同朋友上珠海食嘢，食咗兩餐，係好好味呀，不過夜晚返咗屋企飲水飲咗成晚，真係好恐怖）

食物質素比以前明顯下滑夏天去食門口仍然排滿人始終呢啲老鋪食嘅係食物都唔期望有咩服務上兩次嚟到已經將田雞煲仔飯寫咗成滑雞煲仔飯我都冇追佢，今次又甩單，將原本要等成九個字嘅煲仔飯最終要等成個半鐘先有得食叫侍應叫廚房搵個整咗嘅頂住先又唔理我強烈建議有三個鐘頭時間先去食，或者嗌外賣因為間舖頭長期都排滿人一般要等成半個鐘到九個字先入到位食到成台人走晒我老婆都食完我個飯都未上張枱得我一個我唯有叫我老婆走先自己一個人慢慢食算這就是一個人的浪漫？

次次經過都見到大排長龍，老實講真係冇乜衝動去排隊🥲 但最近天氣仲有啲涼涼哋，終於下定決心幫襯一次傳說中嘅嚐囍煲仔飯！連著名大廚 Ricky Cheung 都俾高分，加上網友大讚，點可以唔試～😋⸻🐟 白鱔煲仔飯鱔肉大件厚身，唔多骨！外皮微焦帶炭香，魚味濃郁得嚟唔腥，食落又滑又入味～配埋飯焦一齊食，真係邪惡到不得了！🖤🥩 鴛鴦腸煲仔飯（臘腸＋潤腸）重點嚟啦！鍋底煲得夠乾身，飯香+鍋巴脆卜卜！臘腸甘香、潤腸油潤但唔膩，最驚喜係平時唔多鍾意食潤腸嘅我，竟然會食到停唔到口 😍 兩種香味一齊爆發，真係飯神附體咁滯！⸻💬 總結感想煲仔飯控絕對要 bookmark！雖然要等位，但出餐速度都幾快，飯焦靚、酒香足、用料唔求其，配埋街坊感十足嘅環境，食完有種舊日情懷🥹。冬天不來真係對唔住自己～

2025/6/19 6:00am 吃完東西結帳時 長銀髮步姿拐的男侍應竟然批評顧客打扮不男不女，欠缺基本尊重，亦歧視顧客外表打扮，實在不明白為什麼這般態度惡劣的員工會被招聘。東西好吃還可以接受但不再推薦了

位於西環的嚐喜煲仔小菜，以煲仔飯聞名，特別適合喜歡傳統風味的食客。最近，我嘗試了他們的幾道招牌菜，讓我對這家餐廳留下深刻的印象。椒鹽九肚魚是我最喜愛的前菜之一。這道菜的魚肉鮮嫩，外層裹著一層酥脆的椒鹽，香氣撲鼻。魚肉新鮮且不油膩，椒鹽的鹹香與魚肉的鮮味相得益彰，好好食。臘味排骨煲仔飯的米飯煮得恰到好處，外焦內軟，吸收了臘味的精華。排骨肉質鮮嫩，搭配米飯的香氣，讓人一口接一口。臘味的鹹香恰到好處，不會過於搶味，完美地提升了整體的風味。而大澳蝦乾肉餅煲仔飯的蝦乾味道獨特，肉餅鮮美，兩者的結合讓人感受到濃厚的海鮮風味。煲仔飯的香氣與蝦乾的鮮味相互交融，真係好好味。

估不到在堅尼地城，有這一間地區性知名煲仔飯店，我們去食的不是大廳的普通菜式，而是在房間食的VIP團體餐，煲仔飯飯店竟然有VIP？😊這個團體餐甚有特色，侍應姐姐每個菜色都會講解一下，就好像大餐廳一樣😊，我最喜愛的菜式有三款：1. 酥炸海蔘，脆皮很乾身不油膩，入面的海蔘很軟熟，難得味道還很濃郁😊2. 金魚餃墨魚餃，這個是超級經典，估不到煲仔飯店竟然有呢款點心，金魚餃普普通通，墨魚餃賣相很趣緻。訪尋美食一段時間，暫時都未見過有墨魚餃，一大籠放在枱上，畫面視覺很可觀。3. 黃皮老虎兩味，一條四斤重的黃皮老虎，做兩碟二食，避風塘魚鯕魚鮫，以及姜蔥炒魚肉件，魚肉非常肥美，炒得很香口，很軟滑，是吃黃皮老虎的一個好體驗!其他的餸如陳醋燒滷鵝，甜品黃金糕等等，質素都非常出色！有機會的話我會再帶朋友來！😊

有配合店鋪提供20元押金，店鋪未給任何收據，第二日去退，話無單據只退$10，截取了網絡所有訂單圖都不可以。好，已選擇不退。煲都有貴鋪logo，造假都難OK？惡意拿了押金不退，也只有這家做到再說食物，很少鍋巴。

今次去食港式點心，晚市都好多人嚟，等位等咗半個鐘頭，嗌咗蝦餃、燒賣、黃金糕、蘿蔔糕同牛肉腸，全部都好好味👍👍！呢度嘅點心全部都係即叫即蒸，所以等咗大概10分鐘左右，蝦餃皮薄餡多，鮮蝦彈牙鮮甜；燒賣肉質鮮嫩，湯汁鮮美；黃金糕外脆內軟，金黃色誘人；蘿蔔糕香軟可口，入口即化；牛肉腸香氣撲鼻，肉質鮮美，鄙薄餡更是靚到冇話講！總括黎講，食物新鮮美味，食得出唔係預整點心，價錢亦都唔貴，服務周到，值得一試👍

唔好食。為左煲仔飯而黎。點左九肚魚 ，叉燒包 ，臘味排骨煲仔飯，叉燒腸。 覺得得叉燒包食得。煲仔飯要等45分鐘但覺得唔夠火候 飯無焦味 排骨有d硬。服務態度差。輸俾kwan。 唔會返。

鯪魚油麥菜無功無過，家常菜水平，稍微油膩；同時點了黃金臘味煲仔飯，最為令人失望，米飯在品質上亦相當一般。總而言之，若論家常菜，菜品定價無疑偏高。如果係對煲仔飯以獵奇之心態乘興而來，這裡雖然溢價但也值得一試。

「嚐囍煲仔小菜」係西環人氣餐廳，曾獲得米芝蓮必比登美食推薦，以煲仔飯最為馳名，門口成日都有好多人等位就知道佢有幾咁受歡迎啦水晶鮮蝦餃薑蔥牛柏葉迷你馬拉糕鮮蝦腐皮卷滑雞煲仔飯鴛鴦腸煲仔飯椒鹽鮮魷XO韮菜花炒蝦乾銀魚黑醋牛柳平時既煲仔飯多數都會用炭爐或煤氣爐，但「嚐囍」係用火山石爐，能確保熱力均勻造出美味既飯焦，本來以為呢度只係叫小菜，原來仲有點心叫無論煲仔飯、點心、小菜味道都唔錯，不過成餐就有點油膩，返去要沖返杯茶解下先得

多得朋友提點，我地預早左2星期打去book 定位。去到餐廳，已經見到好多walk-in +有booking既係門口等緊，我地book 左19:30都要等15分鐘先有得入座。入到去，真係好爆，位置上都唔會好迫既。食物方面都好多choices，有點心，小炒，煲仔飯同炒粉麵飯。本人覺得煲仔飯就一定要叫，因為真係好出色，有飯焦香加脆卜卜，係必點！另外，都想特別介紹一下個燒賣，比起我平時食個啲好大粒，同都好彈牙，入面真係有一隻大蝦係入面，點心黎講一定要試下！食物價錢就正常價，唔係平又唔係貴，可以book 到位的話可以試下！

點心味道十分之普通………菜苗風葉餃 咸道差了點 用了菜心苗 配搭奇怪 餃皮倒是挺不錯 浪費了好味醬鳳爪和韭黃蝦腸還是可以的 不過唔建意係度食點心雞札中有蟹柳 一咬即化做泥咁 火腿過老 叫了一個臘腸煲仔飯 默認等待時間要40分鐘米飯粒粒分明 臘腸有油脂在內 一咬就有醬爆嘅感覺 味道方面無得彈 排骨選用了帶肥脂的 令整個飯沒那麼單調 飯焦均勻….值得一試服務態度差 講野基本上無尾音 會係冇預警嘅情況下收走食完嘅碗 感覺只有煲仔飯先係米芝蓮

新年年假期，去左行城門水塘之後行完諗晚飯點同男朋友講不如試下去排煲仔飯？可能少d人掛打電話去問，人地有開!! 我地就好早坐地鐵過嚟排隊鋪頭雖然都大，但佢地用盡d位我地2條友去左坐12人大圓抬同人搭枱食🍽🥢點心叫左鮮蝦腐皮卷好大舊，入面好多肉，面皮又脆🍽🥢叫左碟椒鹽鮮魷 加 九肚魚 雙拼九肚魚唔得，一上碟已經即刻食但依然有少少冧唔夠脆我曾經係珠海食過椒鹽九肚魚可以勁脆，真係好考功夫呢到個椒鹽鮮魷就好正常，脆口好味之後到我最期待既煲仔飯嚟啦🍽🥢叫左蝦干肉餅加窩蛋煲仔飯但好失望😔😔😔佢個煲仔飯應該唔係生煲因為面層d飯唔夠乾身，如果真係好食既煲仔飯用spoon睇面層d飯粒就知係咪生煲了而家佢地個飯，面層係軟煲底有飯焦係脆的但做唔到面層飯都好粒粒乾爽食食下，見到佢地電影機係到播片鋪頭點煲飯原來唔係用傳統炭爐燒之後再睇清楚，佢地原來點心係米芝蓮但煲仔飯唔係，我都覺得佢地點心係出色d如果食煲仔飯就唔值得嚟排隊了

曾獲米芝蓮必比登推介的煲仔飯有多受歡迎？年初四那天在西環附近看完戲就來到 嚐囍煲仔小菜 等位。下午5點半左右去到拿票，等大約45分鐘就安排入座。愈晚的時間等位的人會愈多，所以不想等太久就記得要早點來。這裡除了好多款的傳統煲仔飯外，亦有點心、精選小菜之類。🍚黃鱔飯 (HKD 108)肉質細嫩的黃鱔口感Q彈，配上甘甜的豉油吃落不覺有土腥味。煲仔飯的飯焦當然才是靈魂所在吧。那層脆脆的飯焦越嚼越香口。🍚臘味滑雞飯 (HKD 108)以整體來說味道比起黃鱔飯更香醇豐厚，層次感也相對豐富些。滑嫩雞肉加上濃香的臘腸、潤腸和臘肉，吸收了油脂的飯就更香。所以飯焦也相對沒那麼硬身，是微微焦脆的那種。🥬三色蛋娃娃菜 (HKD 75)娃娃菜好腍身，吃起來每一口都吸滿了三色蛋的湯汁。三色蛋其實就是皮蛋、鹹蛋和雞蛋。帶點微微的鹹香又不失鮮甜的味道，十分濃郁。🍲啫啫沙潤煲 (HKD 108)潤腸頗多且每件都好厚身，咬落口感Q彈，非常甘醇。爆炒過後的蔥亦很惹味，就是要吃那種帶著醬燒的焦香感。✨薑汁九層糕 (HKD 26)是屬於中點的點心，上桌時透著熱氣，要襯熱時吃。有薑的辣味但不會太嗆，甜度也不會很高。