今個星期天氣不隱定，雷暴及大雨傾盆，令人心情悶極，美食令人忘卻煩憂。這個傍晚同朋友逛完 APM商場往海濱方向走走，路過見到一間叫Flames 餐廳，來吃個 early dinner 也不錯。 一位有禮貌店員引領我們坐在窗旁位置，我和朋友點選了一份五成熟10安士肉眼扒，少許脂肪，肉質鮮嫩點些少醬汁又增多點鮮味另外有忌廉薯蓉做配菜 意式辣肉腸薄餅🍕配辣沙樂美腸與馬蘇里拉 芝士混合後，成就超惹味的pizza，吃到停唔到口。 再來點了2杯mocktail ： Flames lemonade： 將士多啤梨及芒果打成果泥混合rosemary 糖漿，製成一杯特式無酒精飲料。 Fruit garden ：把蔓越莓、橙、菠蘿、熱情果榨汁加入薑汽水攪拌成清新美味的飲品。有品質嘅食物及舒適寫意的空間，又多一個聚會點。😃 +++++++++++++++ 如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

從將軍澳站行5分鐘可到達台灣馬祖餐廳，是養生邊爐放題專門店，本人和朋友就叫左個（牛肩胛肉套餐）每人$233另外要加一服務費。 客人可以自選每人一個湯底，我就叫左1個藥膳蟲草花桃膠雞湯，湯底有紅棗，杞杍、蟲草及花桃膠。 另1個是藥膳養生清雞湯，湯底有紅棗十分多而且已去左核，這樣就不會燥底，湯底也非常清甜。 首輪已奉上2碟Prime grade牛肩胛肉，好有鮮牛味，燙一燙就食得，入口即溶的口感。而西班牙無激素豬肉片豬肉味濃郁，入口鬆軟可口，食到停不到口，食完可以叫服務員再落order。出面自助區還有一些醬油區及各款新鮮食材，是可以自助形式任食，有海鮮菇、芫茜燒賣、魷魚羹、冬蔭公蝦丸、濃芝豆腐燒、南瓜、雞脾肉、燕餃、沙茶牛肉、花枝丸、午餐肉、蟹籽丸、正方形魚腐、木耳、蟲草花、手打牛丸、魚柳、台灣腸、日本蟹棒等等……拿在檯上的碗就可以夾自己喜歡的食材！另外還有2個好大雪櫃，內有各款凍熱飲品，本人最喜歡飲馬蹄竹蓆水，清一下熱氣，打邊爐飲就最岩，所有飲料都係任飲的。最後要留番個胃食雪糕，呢度movenpick 雪糕同Dreyer's D-Collection雪糕都係任食， 真係食多幾杯已值回票價啦！食得十分開心，捧住個肚滿足咁回家！😋 +++++++++++++++ 如果大家喜歡💕我寫既食評，麻煩比個鼓勵一下我，我會寫更多更好既食評比大家！

今晚下班相約朋友去PP影聖誕樹🎄裝飾，之後就去左附近嘅餐廳食番餐泰國dinner ! 泰式椰子蜆煲$198: 蜆肉脹卜卜非常肥味，肉質爽口清甜，香茅味道帶出蜆肉的鮮甜，仲有椰子內的椰香甜味，非常爽口。 花膠雞絲班蘭金麵$158: 是用黃咖哩醬和鮮椰醬調製湯底，味道香濃，配搭泰國直送煙韌班蘭蛋麵，盡吸咖哩汁精華，加上新西蘭鱈魚膠，香脆的金麵及嫩滑雞絲，令味道更富層次。花膠都幾厚身，食落口有膠質而爽口，雞絲是用雞胸肉，不會肥而且仲好滑，麵上枱時有半個在碗內半個在碗上未有浸到金麵，可以先試上面的脆麵加咖哩汁即食，有脆麵感，再食下面的已入味的金麵，又有另一種味道，這個麵很有特色真的值得一食好好味。 印度薄餅$38: 我叫這個印度薄餅有2塊，香香脆脆，用來點花膠雞絲班蘭金麵的汁就非常絕配，薄餅吸收紅咖哩汁精華，食到停不到口。 鮮椰子沙冰$65: 口感細緻綿密，以新鮮椰子、七彩珍多、大樹菠蘿及粉紅馬蹄製成。鮮椰子、七彩珍多、大樹菠蘿、粉紅馬蹄和冰粒，攪拌成鮮椰子沙冰，非常好飲😋 +++++++++++++++ 如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今日做完運動後覺得有點肚餓，所以就去左附近新開既cafe位於豐利大廈內，一出lift 轉左就見到，位置十分方便！套餐包括 是日沙律及主菜，飲料我就另加$38 芒果乳酸冰沙！現係openrice 訂座更加享有全單8折優惠😍 蒜蓉牛油黑豚梅頭扒配薯條 $98 ：即點即整，熱辣辣上碟，擺盤精緻，蒜香牛油味濃郁，油潤甘香，肉嫩多汁，口感味道遠勝一般豬扒，再配埋熱辣辣既薯條，脆口軟綿！ 芒果乳酸冰沙： 具有濃郁芒果香氣並甜中帶酸，豐富芒果乳酸冰沙造就滑順的口感。 +++++++++++++++ 如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

昨晚早左收工，就約左同事放工約了朋友一齊去左附近尖沙咀港威商場的Nara Thai Cuisine ，侍應生好有禮貌請我們入去坐，安排左對住海既窗口位，每張枱都放上一碟蝦片，蝦片都好有鮮蝦味而且仲好脆口。 泰式椰子蜆煲$218: 蜆肉都好鮮味，大大粒草菇爽甜，用香茅和加左椰子煲的蜆湯好鮮甜，連湯都給我地飲光光。 泰式炒通菜$88: 豆瓣醬炒通菜炒得好嫰滑，上面落咗一些香蒜，味道撲香而且不太油膩，也不會太咸剛剛好。 泰式豬肉炒河粉$118: 河粉是採用陳村般口感既河粉，比較大片和爽口又滑身，材料用雞蛋、碎花生、芥蘭、肉片，炒得好有火喉，啖啖食出好味道，泰式炒河味道就比較偏向甜，如喜歡食辣D，旁邊也有一些辣粉和砂糖，還有一片青檸，方便每個客人的需求，非常貼心。 鮮椰子沙冰$60: 是採用椰子和鮮奶再加上冰打出來，好濃郁椰子和奶香味，冰冰涼涼好爽，真心好好飲。喜愛椰子的朋友不過錯過啦！ +++++++++++++++ 如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今日打風前夕跟朋友去左新開既商場探索一下，就去左6樓空中花園既餐廳《Terrace in seaside》，排左15分鐘隊就輪正我地啦，安排左望窗既塌塌米位置，我地就點左輕悠時光Terrace in Picnic Time 一客 (只限AIRSIDE分店限定)！😍 提拉米蘇：在餅上鋪滿忌廉和提拉米蘇，忌廉軟綿綿好滑又不膩，不是太甜，配合得非常好。 清甜柑橘窩夫：即叫即整熱辣辣新鮮出爐，窩夫好厚身有蛋香味，加上軟綿綿香滑忌廉和清甜柑橘一齊食，相當滿足。 輕悠時光甜點： 上碟時看見有五件非常美麗的餅 1：忌廉奶油菊花餅，淺褐色菊花外殼，夾著香濃奶油忌廉，綿密的口感滋味，真讓想一口接一口。 2：玄米脆脆牛油紅豆餅，是用薄脆糯米餅外殼，內藏一半紅豆蓉一半牛油，感覺一甜一鹹又非常夾，再配上玄米脆脆粒，食落感覺味道好濃郁也帶點層次感。 3：軟綿黃豆麻糬串，是用黃豆粉和蜂蜜撒在方形小巧的麻糬上，麻糬沾滿黃豆粉，口感香甜軟糯。 4：海苔費南雪小蛋糕，金磚小蛋糕外層放上滿滿的海苔，牛油蛋糕濃郁香味與香甜蜂蜜口內覺鹹香味，打造誘人的口感，齒頰留香。 5：香糯紫薯米糕，特別採用韓國紫薯，米糕味道清甜，米糕食落口有鬆軟、紫薯香味，也是養甜品之一。 冷泡綠茶：食完甜點再飲番杯冷泡綠茶🍵，清新而減膩感！ 燒醬油黑毛豬白切肉紫蘇飯：醬油黑毛豬有炭烤的味道，肉質爽口不油膩，飯是用泡菜汁和葱粒炒成，飯煮得好粒及微辣，十分開胃，還有一些沙律菜伴著，而且有一件橙襯托著，打卡就更加美。 濟州柑橘乳酪： 濟州柑的清甜香和乳酪，甜甜酸酸配得非常夾！ 紅豆抹茶牛乳： 濃郁的綠茶和軟綿粒粒紅豆，帶有陣陣牛乳香滑，冰冰涼涼入口香滑清新。 +++++++++++++++ 如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

剛剛約咗朋友去做運動，做運動之前見到附近開左一間很靚既花店，原來花店內都有cafe，所以就跟朋友坐低左食番個brunch，我地剛剛遇到牛角包🥐新鮮出爐，就買了1個share黎食！熱辣辣咬落去很鬆軟好脆口！ 我地就分別叫左2個lunch set $138起； 飲品：70% Belgium dark chocolate latte /朱古力加咖啡無糖，因有70%朱古力，所以有濃濃的朱古力香甜，有少少甜味，不飲咖啡的你也可以嚐試下。而咖啡杯是由老闆從荷蘭運過來的，看落杯子非常優雅高貴，一邊飲一邊打卡不錯👍！ 是日餐湯：鰹魚雜菜湯/鰹魚是由老闆京都運來，鰹魚雜菜湯內有些煙肉，看見清淡但飲落口有陣陣的鰹魚香味十分清新。 飲品：Fruit sodas/ passion fruit ：百香果帶點微酸，加上口感清爽的有氣梳打水，啖啖透心涼！ 主菜：Bagel開邊，一面放滿火箭菜，一面放上香脆炸雞肉粒放了些辣粉再鋪上芒果肉和原味乳酪，十分有層次感，因有好多菜、雞肉又炸得和脆沒有油，所以食落口不會感到油膩。 另一個同樣都是bagel 開邊，放滿火箭菜、牛油果🥑、蟹肉是蟹醬膏的蟹蓋取出來，非常金香，上面放滿牛油果，而且非常多蟹肉，而配埋黑酢和秘製醬料而成既火箭菜，口感一流！ +++++++++++++++ 如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今日同朋友出完海就去咗附近呢間新開嘅食蒸海鮮去同蟹仙係同一連鎖店，店員安排我哋坐卡位望住海有夜景，咁我同朋友就點左以下套餐！尊貴海鮮套餐，每位$449，店員會幫我哋蒸同埋計時，所以我們等着吃好西！😌 罕有藻食綠膏蟹: 蟹膏很軟綿，愛食蟹膏既朋友不容錯過！ 太平洋饅頭蟹：第一次食，細細隻，蟹鉗都很多肉！ 野生琵琶龍蝦🦞：龍蝦肉很先鮮味，肉質彈牙！ 台灣九孔鮑魚：體積較小，吃起來口感Q彈！ 日本野生大赤蝦：老闆擺到隻赤蝦心形，體態很優雅，蝦肉又彈牙鮮甜！ 大西洋野生青口：鮮味無比，肉質嫩滑！ 黃金翡翠螺：螺肉肉質彈牙有口感, 肉質厚肥有嚼勁！ 韓國釜山珍珠蠔：體形細隻少少，肉質鮮甜爽口無沙！ 扇貝: 老闆就那醬汁是它們既秘製醬汁配埋扇貝食更加惹味！ 有機蔬菜籃：有粟米、生菜等，蒸完食更健康！ 最尾個粥底超鮮甜，吸晒所有海鮮既精華，加入排骨、蔥等，粥底也很綿嫩，最後老闆送左糖水（椰汁燉燕窩）比我地滋潤一下！😊😊 +++++++++++++++ 如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

朋友想食潮州菜，所以帶咗佢去一間出色嘅潮州菜館食晚飯。 我哋安排咗一張圓枱之後叫了以下菜式 ；首先店員遞上一盤潮式功夫茶，泡出來茶味甘醇滋味很舒心！ 招牌鵝三寶$298: 呢度招牌嘅滷水拼盤，三寶包括有鵝腸、鵝肝和鵝肉三種部位，每一種都滷得入味而不失嫩度，鵝腸彈牙、質感爽脆非常；鵝肝口感綿密，鵝肉扎實帶油香、肉味濃郁，肉汁滿滿的，佐酒一流。 頭抽煎英䱽片$488:一碟有六件，用頭抽煎香英䱽魚，英䱽魚厚切起肉冇骨，煎至外表金黃色，外脆內嫩，頭抽的香氣提升了魚肉的鮮味，美味可口。 潮式魚丸肉碎煮汕頭白$208: 魚丸非常彈牙，碧綠一片既黃芽白菜🥬加上絲絲瑤柱，調味清新，湯頭也很鮮甜，且富有特色，值得一試。 20年老菜脯燉豬肚湯$78: 湯色微紅、味道清甜，還有老菜脯的清香味道，豬肚很腍嫩，不僅能止咳祛痰還能健脾養胃，老少皆宜。 +++++++++++++++ 如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今日同朋友做完運動，做完有啲肚餓就去咗觀塘一間新開嘅餐廳食下午茶! 店員安排咗我哋坐卡位，坐得幾舒服！仲提供桌球同埋飛鏢俾客人玩！我哋兩個人就點左一個Classic british Afternoon Tea,星期一至星期六 15:00-17:30 供應，價錢：$368/2位另收加一服務費！ 英式鬆餅（兩件）配果醬（兩樽）：分別係士多啤梨🍓味同Raspberry 醬配埋clot cream , 鬆餅外脆內軟，十分鬆化！ 牛油酥皮配餡餅（兩件）：暖暖的，酥皮鬆脆又不油膩！ 煙三文魚配墨魚籽（兩件）：煙三文魚帶著點煙燻的風味配墨魚籽，滑順絲柔的油花口感，常見的開胃小點！ 風乾火腿配哈密瓜（兩件）：Parma Ham配埋哈密瓜的清甜正好與鹹香中和，帶出平衡口感！ 熟蛋沙律配三文治（兩件）：黑松露熟蛋沙律🥗配埋軟熟三文治，舖埋紫色花瓣係面，很美觀！ 日式抹茶麻薯泡芙（兩件）：有兩塊金箔喺面，外形十分精緻，抹茶味香濃！ 芒果椰汁布甸（兩件）：香濃的椰奶散發著淡淡的芒果甜味，口感香甜幼滑！ 士多啤梨蛋糕（兩件）：下面底層夾住朱古力層配埋士多啤梨味蛋糕，味道十分match! 是日甜品（兩件）：今日甜品係柚子朱古力蛋糕，酸酸的柚子夾住散發出香濃嘅dark朱古力味，不會太甜！ 最後點埋2杯凍飲：凍檸茶及凍檸水，跟朋友傾下偈既好地方！😃 +++++++++++++++ 如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊