嚐囍煲仔小菜

營業中

休息中

今日同男朋友去食點心，來這間黃色香港人點心餐廳，在堅尼地城好方便，在地鐵站出口直行就到。早午是點心時間，晚上是煲仔飯時間，這間米之蓮的有品牌又抵食的中菜都幾多客人來飲茶食點心，服務就麻麻哋；飲茶是叫侍應點的，點了鐵觀音，唔會苦澀；我們點了點心，一共6樣。1. 蝦餃晶瑩剔透，大大隻蝦都爽口，但蝦腸無清乾淨又無筍尖，口感普通2. 燒賣燒賣大大粒，皮薄香滑，咬口不錯！3. 叉燒腸粉腸粉都夠滑，軟又入味，叉燒有咬口配上蔥4. 豉汁鳳爪入味軟腍，香口配有粒粒腍腍花生5. 薑汁雞包仔薑汁雞包仔好耐無食，薑汁味香，麵包甜甜，雞肉都入味6. 鮮蝦腐皮卷外脆內足料蝦爽，配上喼汁，好惹味

完完全全係 #黃得黎好食系列以為疫症無人出街? 點知絕無冷場.《臘味排骨煲仔飯》🍚有乜理由塊飯焦可以咁大塊咖🤩有乜理由塊飯焦可以咁卜卜脆咖🤩唔好以為黑黑地個d係燒焦左其實係豉油染左色 反而勁好味 成個飯連飯焦都充滿臘味的油香難怪連續三年米芝蓮 真係好鬼正🥰🤤😋.《油麥菜啫啫煲》🍲好大煲呀 夠哂獲氣呢到可以自己揀菜類同煮法其實好貼心 d油麥菜仲好嫩.《沙嗲粉絲肥牛煲》🥘又係好大煲 勁多肥牛勁想嗌多煲飯撈汁食.其實小編以前返學放學🎒成日食口癢癢search下先知估你唔到呢一間咁舊式既港式老店都係咁黃🎗店員同老闆都好有禮貌💛對後生仔好好就算係西環 都一定要大大力懲罰

之前有一晚忽然之間好想食煲仔飯 就專程嚟到位於西環嘅嚐囍。我哋好好彩 嚟到嘅時間煲仔飯 小菜同點心都有得叫，所以我哋都冇放過機會，叫晒咁多樣。窩蛋牛肉餅煲仔飯 臘鴨臘腸煲仔飯 叉燒腸 粉果 沙律明蝦角 蒜蓉粉絲蒸娃娃菜，兩個人總共叫咗呢五樣嘢😂個人覺得佢個煲仔飯真係好好食 熱辣辣上枱 香氣已經湧出嚟 而且煲底仲可以做到有趣脆卜卜而無燶味嘅飯焦 真係好難得。整體價錢唔算貴 而且環境都尚算闊落 食得好舒服嘅一頓晚餐

久聞其名，今日由朋友引路去食番餐...下午6時前到達，人潮未到，可以攞到張好枱，馬上落單⋯⋯1）招牌黃金臘腸撈飯，用煲仔上，香氣四溢，賣相吸引，待應熱情款待，幫忙撈勻全部的飯，飯焦香脆可口，飯粒粒晶透，臘腸粒，潤腸粒，冬菇粒，葱段及芫荽，混合的味道，出奇地夾及好味嘅2） 雞蛋蒸魚腸，不過不失，普通3）煎釀虎皮尖椒，夠大件，又香又辣，食得過癮要encore 食得很滿意，果然，名不虛傳，下次再來試其他

見到KOL介紹過又唔算貴，一直想試， 星期六9點鐘，唔使等位但坐滿曬人，諗住叫多啲點心食唔曬打包，有好多傳統舊式茶樓嘅點心， 今次就叫咗豬潤燒賣同糯米包,主食就係煲仔飯點心平均質素係ok以上，可能飯市，多數人都是食小菜，我叫嘅豬潤燒賣就蒸到好乾好硬啦韭菜粿好好食/帶子餃好食 👍👍煲仔飯方面真係有啲啲嬲，味道正常嘅，但係就好濕，好濕，唔講以為食緊酒樓盅頭飯.....100蚊嘅盅頭飯.....其他大致上都ok嘅正常一間餐館

襯天氣仲涼涼地🌬於是就搵咗間煲仔飯小店嚟試吓 呢間鋪頭仲有米之蓮推介架🙆🏻‍♂️佢除咗煲仔飯之餘 仲有其他小菜可以選擇 所以每到食飯時段都多人等位喎👼🏻--滑雞煲仔飯+冬菇 $86🍚叫咗個滑雞仲加多咗一款餸入去 就係冬菇🍄啦 當堂成件事昇華哂佢啲雞我就覺得都幾滑😋不過就嫌有啲少 以啲飯焦就做得好好🤤完全唔會過燶 所以食落去係特別脆同好香☺️--白鱔臘腸煲仔飯 $88🍚另外一個煲仔飯就好啱食魚🐟嘅人啦 因呢個啲餸反而好多 所以感覺上好抵食😬啲白鱔同臘腸都好好味 不過要小心白鱔多骨 再加上個煲仔飯豉油連埋啲飯焦一齊食真係好正👍🏻--📍 嚐囍煲仔小菜 (西環)西環堅尼地城北街25號地下

The worst dim sum I ever tasted at Kennedy town 腸粉is the worst ,cheap面粉做, 金錢肚 and the sauce are separated And the waitress just won’t stop talking with one of the diner loudly

踏入三月一日，天氣回暖想起我的冬天Eat List，其中就係煲仔飯啦，有小菜有煲仔就唸起嚐囍啦。禮拜日平時6點已開始好多人，差唔多7點到達最近小左人堂食所以等左一陣就有位啦。抓緊時間即order煲仔飯，男友第一次來，好熱情服務員阿姐推薦黃牌既黃金煲仔飯，同埋介紹一定要飲番個螺頭燉湯（$38/位）湯很足料有火喉煲仔飯無得頂 ，有飯焦配上臘味組合簡直完美，另外姐姐撈飯手勢真的很好細心比一個讚之後我地點啫啫煲仔芥蘭，鴛鴦骨（牛同豬）同埋賽螃蟹。三個餸份量好足料，煲仔芥蘭只需$65但份量都好多無偷工減料，我地人一齊食差d食唔曬，哈哈！第一次食京都鴛鴦骨，味道稍為甜，但牛豬配搭創意搭夠賽螃蟹冇諗過份量咁多好適合撈飯。滿足嘅一餐，我哋抱住肚皮走

近年點心專門店崛起，有星級水平，比酒樓專業。舊式點心專門店亦有星級之選，此店環境「地痞」，不雅潔，卻有懷舊感，位於香港第一個住宅區，古早味特濃。晚市是著名煲仔飯聖地，午市是點心星級之選呢。茶不靚的，點心是慢工細心貨，約19元，份量足。試嚐鳳爪便知誠意，約有5件，熱氣騰騰，肥美多汁。懷舊之選是糯米包，渾圓大型，濕潤不乾，臘味變成微粒，化為一體。金錢肚和牛肉一般。最便宜是午餐，40多元，有男人恩物之蒸鯇魚飯。我吃性價比更高的涼瓜魚腩煲。如此便宜，厨房卻會每煲製作，又會先炸魚腩。有湯有奶茶，比茶餐廳更便宜。

明明我記得之前去食煲仔飯 都冇咁多老人家 但可能因為今次我哋係中午時間去 超多老一輩🙊🙊不過佢唔算坐得好迫gip 都OK嘅😎佢啲點心熱辣辣 即嗌即蒸 好好味 完全滿足到我個craving❤️·風味臘腸卷$29呢一個超好食🤤🤤我係之前係一間老式嘅茶樓食過一次 就勁鍾意呢個點心 次次見到menu有我都一定會嗌🤤🤤佢個臘腸係超有油脂得黎唔會太肥膩 唔錯唔錯 而且佢個麵包好鬆軟 食落超滿足🥰🥰·棉花雞 $25呢個我又係超鍾意 佢個雞好嫩 而且係完全索曬味 個棉花又係好好食 每一啖咬落去都會爆汁😋😋·帶子餃 $29本身我地以為佢剩係得帶子 所以就嗌左 點知原來佢下面係有超多🦐所以其實佢係一個巨大嘅蝦餃配帶子咁樣😂😂所以我就冇得食luuu不過我男朋友話好好食 啲蝦好新鮮 好彈牙 而且上面個帶子都做得幾好 大家可以嗌下😋😋·豬潤燒賣 $21蜜味叉燒腸粉 $19個叉燒腸我自己就覺得一般啦🙊🙊無咩特別 係個皮有啲太厚 個豬潤燒賣就幾特別 因為我從來都冇食過😂佢個豬潤都大舊嘅 不過反而我更加鍾意嘅係佢樓下嗰粒燒賣 佢係好似豬肉丸咁樣 勁彈牙 我自己幾鍾意😎·#rbyeat#rby港式#rby堅尼地城·📍西環

辛苦咗成個星期，星期五決定左要食好西！收工都已經9點😢，所以唔係話好多選擇，同事建議食煲仔飯，咁啱見到堅尼地呢間開通宵，就揀佢啦一去到全場都滿，好在仲有張卡位，原來佢係米芝蓮餐廳，即刻有小小期待！坐低即刻嗌兩個煲仔飯先，要等嘛。佢嘅煲仔飯都好多選擇，今次揀咗白鱔腸同窩蛋牛肉餅，見佢哋份量唔算大，所以再嗌咗小菜同點心填下肚先小菜嗌咗蒜蓉白菜仔、椒鹽九肚魚拼鮮同埋啫啫雞煲，再配多籠馬拉糕，小菜整體都好食，份量都剛好啦唔算勁細份，九肚魚炸完都好滑啫啫雞都好惹味重點就到煲仔飯，佢望落比我想像中細碗，打開都幾香，但整體唔算好夠焦香，白鱔幾滑，爉腸唔錯，反而牛肉餅係同平時食既點心牛肉球一樣，我唔算好鍾意佢整體食物都唔錯，但主打煲仔飯，我反而覺得佢小菜仲正🤪走個陣留意到佢有通宵點心，下次通頂或者要飲早茶就可以再戰！

呢間可以話係我同家人嘅至愛飯堂! 咁多間煲仔飯最中意呢度嘅飯焦 連最愛食飯焦嘅母親大人都approve🤤飯焦可以原塊刮起又唔會有陣燒焦味~🐓臘味滑雞飯 (HK$78) 一打開蓋已經聞到臘味香味同啲油香 雞肉好嫩滑😌.🐟鹹鮮魚(馬友)肉餅飯 (HK$80) 好似比較少見有馬友嘅煲仔飯 爸爸特別中意食鹹魚岩哂佢!.🐟白饍飯(HK$80) 白饍食落好滑好肥美係多骨左啲~但呢間嘅白饍真係好肥美仲好厚身 加埋甜豉汁夠哂惹味!.🥬蒜蓉粉絲蒸娃娃菜(HK$70) 本身不太好蒜蓉但呢個又會食唔停😂 有鑊氣嘅一道菜 ! 除左煲仔飯小菜，佢地嘅點心一樣咁掂 已經食過無數次了😂 全部即叫即蒸! 特別推介布拉腸 (齋腸粉)好滑、懷舊糯米雞同黃金糕香港好少地方有得食🤤 

到摩星嶺行完山，睇完日落🌄都7點幾，一行人都開始肚餓，於是到附近搵食。朋友說這間煲仔飯不錯，所以來一試。甫抵達已見長長的人龍，既然一場來到就決定等一等等了差不多大半小時才入座，可能行完山的關係，大家都非常肚餓！我們先點了一個蓮蓉包（裡面有一個咸蛋黃），個包熱騰騰，蓮蓉味道不算太甜，剛剛好。之後再點了個臘味煲仔飯，都等了差不多10多20分鐘才上到菜。煲仔飯的飯一粒粒，唔會有「水」，飯底是焦，味道不錯。如想來食的朋友，要早點來等位，因為真的很多人，有不少等等下都放棄

嚐囍煲仔小菜堅持炭火古法烤煮，在上桌時的每一鍋熱氣騰騰裡，都包含了香脆可口、焦而不糊的飯焦，恰到好處的油分、調料，還有老香港人在幼時秋冬季才能吃到的一份味覺記憶！如何烤製煲仔飯，適合一家大細在節日和平日聚餐

好少係出面煲仔飯仲有小菜點心 成個食飯體驗冇咁單調知道係米芝蓮推介 所以對於佢哋嘅期望都幾高 但係驚喜嘅地方唔係煲仔飯 竟然係小菜好食dd椒鹽九肚魚 好新鮮 比出面大排檔出色好多 唔厚粉 啖啖肉好滋味 茄子蠔出面冇乜幾何食 但幾過癮點心方面 芋絲春卷 超好食 必叫！即叫即整 熱辣辣 芋絲好香 其他點心都好味足料！煲仔飯方面 可能抱住好好食嘅心態 稍為有啲失望 唔係好多飯焦 唔算好香口 但米水比例好好 食到粒粒飯香 但臘味味唔夠重 餸嘅味道唔完突出 但依舊好足料！好夠食不欺場😀