嚐囍煲仔小菜

營業中

休息中

堅尼地城海旁，成為網紅打卡熱點，人去我又去，望住無敵大海景擺下甫士，嗱嗱聲放相呃下like 先👍，果然回應不絕，有老友仲推介我去附近嘅嚐囍 ，順便食埋個世界上最殘忍嘅....煲仔飯🔥🍚嚐囍係好地道嘅飯店樣，入左佢坐低先知咁駕勢，原來佢嘅煲仔小菜同點心皇都成為米之蓮車胎人美食推介，睇吓餐牌，晚市一樣有點心供應，今日可以一次過食曬兩種招牌美食，又幾開心喎🤩🤩🤩🤩🤩黃金臘味撈飯，蓋子一開，臘味香氣誘人，臘腸同潤腸都切左粒粒，加埋香蔥特製豉油，再比店員撈兩撈，米飯嘅美味指數幾何升級，點解咁簡單嘅嘢可以咁好食架⭐️⭐️⭐️⭐️⭐️啫啫滑雞煲，滋滋咋咋，放到個煲爆棚嘅滑雞，醬料惹味，雞件嫩滑，用對筷子🥢兜兜炒炒，又豬潤又冬菇咁，豬潤爽囗兼起沙，冬菇軟腍入味，相同醬料唔同配搭，件件都一樣美妙👍👍👍落單時店員提議點番牒菜，咁樣蒜蓉粉絲蒸娃娃菜，濕濕地夾埋粉絲一齊食，同兩款煲仔菜非常之夾，食到飽飽，已經冇乜quota食點心喇，一場黎到，點都要叫個鴛鴦水晶包做甜點 鴛鴦水晶包皮薄輭心，即㸃即蒸新鮮熱辣，餡料少甜煙煙靭靱，仲要一式兩款，真係美點雙輝，食完之後係超級咁滿足 其實唔理佢係咪米之蓮推介，嚐囍呢D咁地道嘅港式

«未開店已有人龍»6點夜市開門，5蚊茶芥，已經有一大班人係門口排隊，餐廳亦連續2年拎左米芝蓮，坐凳仔等食，網上見到呢間出名炭爐煲仔飯，所以今日6點去左嚐囍食煲仔飯。«餐廳主打»餐廳主要分左做茶樓的點心（即叫即蒸，等15-20分鐘），以及小菜，煲仔飯（即叫即蒸，等15-20分鐘），全日冇加一，食左一個鐘，見到餐廳大概有4枱外國人，下次有外藉朋友黎食煲仔飯就可以順路叮去埋海味街，再唔洗趕路，不過煲仔飯供應時間短18:00-20:00，難怪晚市咁多人。大多數人怕等位，就一早booking / 6點係門口排隊。有點驚喜係，餐廳有埋藍妹。«白鱔排骨煲仔飯 80hkd»煲仔飯上枱時職員冇同我哋開個蓋， 放低就走咗， 想試下溫耐少少，飯焦會唔會多一啲， 所以最後焗咗五分鐘先至再開蓋食， 一開蓋就馬上將煲仔飯由底開始攪拌， 焗多五分鐘 會令到飯焦，黏埋一齊，變得太塊啲， 鍾意多飯焦嘅話，就最好唔好畀職員同你開咗嗰蓋， 咁樣就可以自己決定有幾多飯焦。 白鱔及排骨肉質非常幼嫩，小心地慢慢食，好彩骨頭唔多，白鱔份量比排骨稍多點。« 黃金臘味撈飯»80hkd稍比白鱔排骨煲仔飯大煲少少， 材料主要有中國花菇碎，

23/3/2019 上環 嚐囍煲仔小菜今日嚟到上環探朋友，晏晝去咗呢間餐廳度食點心，事關見到門口貼住米芝蓮一星推介，而且又坐滿曬人，一於去試下我地叫左5個點心，鮮蝦燒賣皇燒賣大大粒，好香香姑味，有肉汁流沙包，真流沙！趁熱食一流，好香蛋黃味！蠔皇鮮竹卷，我最愛蠔皇汁好好食，腐竹好軟熟鮮蝦菜苗餃蒸黃金糕，好香，好似千層糕，好煙靱，呈蜂巢狀，好香好香，南瓜味5個點心都好夠，而且好食，每一籠都真係熱辣辣即蒸抵食！滿足！

依家通常掛住米芝連牌既都逃唔過排隊兩個字🤷🏻‍♀️🤷🏻‍♀️見最多人食最多人排最多人去就會人云亦云，唔執輸至少打下卡嘛但唔代表好食嫁😂話說一年前夜晚食過煲仔飯，排隊排到嘔都幾好味，但又貴左d又見閒日咪試下點心今次除左點心都有午餐餐牌既但唔記得影😂叫左個涼瓜魚骨腩飯有湯有熱飲，只不過四十幾蚊，抵喎又仲要大大煲又夠熱👏🏻之後叫下點心食標明自家製點心，全無味精👏🏻腐皮腐夠哂脆，一睇知冇翻炸叉燒腸粉就麻麻啦尖椒d魚肉勁多，條條脹卜卜個芋頭絲春卷超好味鐘意芋頭既人一:定要必叫鳳爪同蝦蛟都冇乜特別薑汁千層糕都好味，但本人好鐘意薑味如果再濃d仲正😂😂整體不過不失，3個人食左冇300蚊勝在都快黎，d點心熱辣辣不過成張大枱竟然除左我地3個係本地人其他既都係講普通話😂ha........不過呢到d姐姐都對人幾好既

嚐囍都算係一間幾出名嘅米之蓮小食店，覺得朋友聽有介紹過呢間米之蓮小店，讚佢又抵食味道仲唔錯添星期六食完個早餐，晏晝都唔係好肚餓，下午茶時間諗住去飲個靚茶就諗起呢間小店啦望住點心Menu見到啲嘢食真係好平，小點先$10，特點都係$15咋即刻唔理好醜呀嗌番幾個點心試吓先<鹹水角$17> (好味:4/5) (抵食:4/5)鹹水嗰啲料都算幾多，糯米都整得好Q，熱辣辣咁樣幾好食<蜜汁叉燒腸粉$19> (好味:3.5/5) (抵食:4/5)叉燒腸腸粉都幾滑，但係叉燒唔夠多呀不過$19又真係幾抵<迷你馬拉糕$17> (好味:2.5/5) (抵食:3.5/5)馬拉糕質素真係麻麻，份量係幾大塊嘅，如果自己一個食食完即刻幾飽但係個馬拉糕冇咩味質地又硬bonbon，唔好食<流沙包$19> (好味:2.5/5) (抵食:3/5)流沙包都有馬拉榚佢同樣嘅問題，個包好實好硬，流沙唔流麻麻哋，得個甜字包類嘅食品都唔係好推介<鮮蝦燒賣皇$25> (好味:3.5/5)(抵食:3.5/5)鮮蝦幾彈口，豬肉都幾新鮮，呢個價錢呢個質素都算唔錯&#

星期六夜晚九點二人。門口只有數人排隊。門口問阿姐攞位，佢大叫有無二人等位，確定無，然後叫我兩入座。眼見個地下好污糟，又雞骨又飯又汁。張枱又亂🥶坐咗無耐。突然有另一個阿姐呼喝我地，質問我地做乜自己入黎坐，出返去！注意佢係呼喝！態度好惡劣😩我地解釋”你有人叫我地入黎坐呢樹🥺”。佢即刻發爛渣”無人叫你入黎！出返去等登記！”👿🙈阿姐咁威咁大聲咁趕客。大把人望住我地，亦大把人可以做證係有人叫我地坐呢度。我地真係好無辜。唉😭😭😭之後佢又唔幫我地登記，唔知想點。門口又無人，又唔叫我地。跟住聽到有人出黎話唔好食好多味精，跟住我地走了。米豬連又如何，入去要比人鬧嘅，衛生又差，大家小心

今個星期六終於可以休息一下，同女朋友去到西環行下食下野，行行吓發現有間餐廳係拎左米芝蓮推介既，仲要係中式點心添，一於入去飲個茶，食個包~~鮮蝦菜苗餃: 包得好大隻，裡面既餡料差唔多爆出黎，每一個裡面都有大蝦同菜苗，熱辣辣流沙奶黃包: 一黎到既時候真係有流沙既效果，充滿奶黃香。不過放左一陣之後再咬落去就無晒流沙lu蒸黃金糕: 甜甜地又有d咬口，裡面有蜂巢既形狀所以唔會太實，幾好食鮮竹卷: 賣相係唔錯，不過咬落個腐皮比較油同難咬開，好彩裡面既餡料好豐富搭夠燒賣: 每次飲茶都必食，不過拎到出黎賣相一般，味道同其他酒樓差不多，分別不大。上面既蟹籽唔係好脆叉燒腸: 外皮好薄同滑，但裡面既叉燒同葱唔太夠味，搞到食落去凈係豉油味雞札: 呢個有d驚喜，因為好大份，裡面唔會太多油，雞仲要係雞脾位添！！魚肚好入味，唔錯兩個人連埋茶錢都係百幾蚊就食到米芝蓮既餐廳，值得一試

返去西環探媽打，講起西環近年崛起一間人氣小館「嚐囍」。其實這一間介乎茶餐廳及街坊（真的是非常街坊及簡陋）小菜館之間的餐廳，開業已經超過九年，之前七年逐漸累積名氣，成為堅尼地城其中一間人氣小館；兩年前開始甚至連續兩年成為《米芝蓮 香港澳門版》的車胎人推介餐廳之一。想起之前一直未有機會一試這裏的招牌菜色，就趁今晚碰碰運氣。沒有訂位，本來也擔心要排長龍。碰巧去到時候剛剛是第一輪客人的埋單時間，只是等了10分鐘左右，就跟隨坐在餐廳門口等位的小人龍陸陸續續獲編排入座。小店內一如所料的擠迫，枱枱櫈櫈擺設非常緊密。餐廳坐滿了人，夥計又唔係好足夠，每位伙記忙過不停 ⋯⋯ 不要奢望任何優質服務，事實上，可以用非常差劣去形容一半以上夥計的態度，年紀稍老的還比較友善一點，四、五十歲的中年夥計（或似乎是半個老闆樣子）尤其差。問一兩個問題都唔耐煩、嫌棄阻礙了她的工作。《米芝蓮 香港澳門版》起初幾年的版本受到本地食家垢病，原因就是口味偏向西方、唔能夠反映真正粵菜的精粹及忽略地道美食，亦太過着重餐廳的室內裝潢及員工服務態度。之後明顯作出了改善，一些優質粵菜小館及地道美食（例如；港式粥粉麵店）也獲頒一星；尤其增加了「

我甚少到港島西, 今天朋友約我到他自少常去的地方飲茶。 門外環境已知此食肆經營已久, 內部裝潢更見其歴史。但客人絡繹不絕, 我們還要與其他客人同枱, 一張十人圓枱已坐滿四家客人, 感覺擠迫丶 環境混亂, 坐得不舒服。 職員不多, 等候開茶和碗筷需耐心等候。餐牌上食物種類很多, 有點心丶小炒丶小菜丶煲仔飯等。因吃過早餐仍不餓, 故只點了一些㸃心。 水晶鮮蝦餃 : 普普通通。 香芋鴨腳扎 : 未夠水準, 芋頭未煮熟, 鴨腳扎沒什麼味道。 香煎韭菜粿 : 這個做得不錯, 煎得算香口。 荷塘煎藕餅 : 有點驚喜。 表皮煎得脆, 餡料裏有粒粒蓮藕。 香茜牛肉腸 : 腸粉皮較厚。茶位每位$5, 亦不收加一服務費, 相信這樣吸引很多街坊熟客。

其實之前嚐囍未攞米芝蓮推介時嘅夜晚已經好多人幫襯，但未至於要等好耐位，又試過業主要收回而最後又繼續續約；之前係得煲仔飯同小菜食，又唔知幾時轉咗做24小時之餘仲要有點心食，下午4點至6點應該落場時間。朋友住附近，凌晨2點由佢帶我去呢度食宵夜，見到八成滿，好彩仲有細枱，我哋兩個都唔飲熱茶，同侍應講唔駛斟茶，茶錢照計，而佢係會收起隻啲茶杯，而且無收到茶錢，仲可以響便利店買凍飲。叫了鮮蝦菜苗餃，$21、臘味糯米飽，$19、豉味蒸排骨，$21，唔知係咪因為太多客，所以等咗成30分鐘左右，不過傾下計好快就過。鮮蝦菜苗餃，皮薄餡靚，蝦肉彈牙。臘味糯米飽，已經唔係好多地方有呢款舊式點心食了，好有兒時感覺，一咬落去，熱辣辣，糯米飯夠煙韌，臘肉臘腸夠香口。豉味蒸排骨，肥瘦適中，水準之上，另外芋頭有炸過才蒸，吸哂啲味，正。凌晨響西環食到呢啲質素點心，唔飲熱茶仲可以唔計茶錢(我強調要照收的)，都係$59，真心宵夜推介。

放假緊係要休息下放鬆一下,唔好俾自己咁緊張啦住西環咁耐先第一次食呢間嚐囍呢間係煲仔飯連點心既所以又叫嚐囍點心皇不過要係門口排下10分鐘左右係門口重要發現佢原來係米芝連添我就同女朋友2個食點左5樣野食,肥死密味叉燒腸真心講個皮好粉真係差點豬潤燒賣呢個我第一次食幾正大家之後可以一試四寶滑雞扎又係正正水晶鮮蝦餃我本人覺得嚐囍有皮既野都係比較差真心個皮好粉最後流沙包睇相你都睇得出呢個非常邪惡最後啦我地以為叫左咁多野食應該會好貴啦點知都係$119非常抵食呀真心平靚正(除左有皮果啲之外）

今日小編又去左堅尼地飲茶啦，事關呢度平靚正吖嘛，雖然對上一次去覺得點心好似退步左，今日再食返同款點心，又恢復返水準WOR，好明顯就系水準唔平均，雖然有米芝蓮推介但唔代表次次去食都保證正，不過以價錢黎講已經系相當不俗啦。今日都系例牌食ö個幾款點心包括釀青椒，蝦餃，燒賣，腐竹卷，春卷，蝦腸，叉燒包，馬蹄糕，小菜叫做兩款有薑蔥蠔煲同埋咕嚕魚塊，今次呢點心唔錯特別系青椒，雖然唔辣但好大只，反而個小菜蠔煲就非常遜色，上次都係食呢個覺得非常好味道，今次至ENCORE既，點知就失曬準，咕嚕魚塊好味道，甜酸度剛剛好，魚塊炸到剛剛好唔會話d粉太多甘，今次小編推介青椒同埋咕嚕魚塊，希望下次再去食又唔好失準啦。我地五個人食每人都系夾80元，由中環搭車去來回8元，即系呢餐都只需要88元ø者，真心抵食。

週末凍返 終於有機會喺變暖前食煲仔飯🥰揀咗呢間款式幾多 又出名用炭燒整煲仔飯晚市6點開返 6點半到已經排到30幾個等咗一個鐘有位兩個人share兩個煲仔飯即叫即整 一早揀好入去即刻嗌 等咗20分鐘左右煲仔飯㩒住蓋上 豉油另上店員叫等多陣先開蓋 有更多飯焦🤤未開蓋隔住個窿已經聞到臘味味🤩好足料 飯面舖滿臘味同排骨！臘味有臘肉 膶腸 臘肉 肥瘦幾適中 唔會覺得太油排骨都唔會太肥 好多肉 味道都唔算太鹹臘味味滲晒入飯 特別香 飯底粒粒分明 無煲得過淋再撈勻煲底啲飯焦 一啖入面有齊兩種質感好正🥰🥰🥰白膳好厚肉彈牙 啲皮幾煙韌滑雞用雞脾肉 啖啖肉好滑略嫌生咗少少 再熟少少就prefect🤪飯底比臘味飯無咁香 不過豉油味都還可以 又唔太鹹同清清地夾埋白膳味都唔錯🥰🥰除咗煲仔飯 都有唔少客人嗌小菜同點心多啲人嚟食就可以share試多幾款嘢🤩同埋記住準時6點嚟唔駛等位！

臘味排骨煲仔飯🍚 ($78)煲仔飯係夜晚先有 之前晏就黎過一次 點知冇煲仔飯 於是今次夜晚過黎食 餐廳都幾近ktown地鐵站 好方便煲仔飯即叫即整 所以都等佐一陣先有得食🤤一打開蓋 蒸氣biu哂上黎 熱辣辣 果然係即嘅即整排骨略嫌鹹佐少少 但唔會太肥而臘味就幾好味 肥瘦適中臘味嘅味道同佢嘅油香滲哂落啲飯到 加埋煲仔飯甜豉油 令啲飯更好食更加香🤩成個煲底都係飯焦 用鐵匙一刮 成排飯焦刮哂出黎 飯焦脆卜卜 而且唔會太燶 雖然有啲攝牙罅但好香😋

期待已久想試既嚐囍，係米芝蓮車胎人美食推介之一😏最出名既莫過於佢既煲仔飯，但係要晚市先有，好彩呢日七點前到，唔駛點等位直入，不過再遲少少既話排幾耐就唔敢包🙈▪️ 白饍排骨飯（8/10）💲80落單後等左半個鐘左右上檯，白饍都夠肥美，排骨肥瘦適中，口感唔會好似之前永合成既韌身，仲帶有陣陣臘味既味道，而個飯質感粒粒分明，有住頗濃既白饍味，應該係油分逼曬出黎落個飯度，當然唔少得好香脆既飯焦😍▪️ 油鴨滑雞飯（7/10）💲72油鴨即係臘鴨，鹹度難免會偏高，雞都滑身，雞味不過不失，反而係啲雞油滲透落個飯度好香口😉個飯間唔中會有些少雞骨碎，同埋稍微濕左啲，不過好彩後來都有飯焦☺️▪️ 魚香茄子煲（7.5/10）💲72熱辣辣香氣四溢，食落富有鹹香既肉碎加上飽滿軟熟茄子，唯獨係會略為油膩，撈飯一流🤤▪️ 蒜蓉粉絲蒸娃娃菜（8/10）💲70呢碟粉絲同娃娃菜鋪滿蒜蓉碎，夠曬香濃惹味🥬🔎 整體評分（8/10）